شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسى سالتاناتپەن وتكىزىلدى"> تيانشان تورى
تيانشان تورى   ›   جاڭالىقتار   ›   ماڭىزدى حابارلار

شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسى سالتاناتپەن وتكىزىلدى

 شي جينپيڭ ماڭىزدى ءسوز سويلەدى

 حان جىڭ قاتىناستى

    10 - ايدىڭ 14 - كۇنى شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسى گۋاڭدۇڭ ولكەسىنىڭ شىنجىن قالاسىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەدى. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

    10 - ايدىڭ 14 - كۇنى شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسى گۋاڭدۇڭ ولكەسىنىڭ شىنجىن قالاسىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەدى. سۋرەتتە: سول كۇنى تۇستەن كەيىن شي جينپيڭ ليانحۋاشان باقشاسىنا كەلىپ، دىڭ شياۋپيڭ جولداستىڭ مىس مۇسىنىنە قۇرمەتپەن گۇل شارباق قويدى. سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

  شينحۋا اگەنتتىگىنىڭ 10 - ايدىڭ 14 - كۇنى شىنجىننان بەرگەن حابارى. شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسى 10 - ايدىڭ 14 - كۇنى تۇستەن بۇرىن گۋاڭدۇڭ ولكەسىنىڭ شىنجىن قالاسىندا سالتاناتپەن وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىستا ماڭىزدى ءسوز سويلەپ، بىلاي دەپ باسا دارىپتەدى: جۇڭگوشا سوتسياليزم ۇلى تۋىن بيىك ۇستاپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ەلىمىزدىڭ جاڭا دامۋ ساتىسىنا وتكەن كەلەلى جاعدايىن تياناق ەتىپ، جاڭا دامۋ ۇستانىمىن تياناقتاندىرىپ، جوعارى ساپالى دامۋدى ىلگەرىلەتۋدى، جاڭا دامۋ ارناسىن ورناتۋدى تىعىز ارقاۋ ەتىپ، العان بەتىنەن قايتپايتىن كۇرەسكەرلىك بەينە، بوران - شاشىنعا بوگەلمەيتىن رۋحاني كۇي ارقىلى رەفورمانى كىدىرتپەي، ەسىك اشۋدى توقتاتپاي، اناعۇرلىم جوعارى باستامامەن رەفورما جاساپ، ەسىك اشۋدى ىلگەرىلەتىپ، ەكونوميكالىق ەرەكشە رايون قىزمەتىندە جاڭا جاعداي اشۋدى ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋعا، 2 - ءجۇز جىلدىق كۇرەس نىساناسىن جۇزەگە اسىرۋعا جاڭا دا اناعۇرلىم زور ۇلەس قوسۋ كەرەك.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ ورىنباسار زۇڭليى حان جىڭ جينالىسقا قاتىناستى.

  شىنجىن چيانحاي حالىقارالىق ءماجىلىس ورتالىعىندا شىراقتار سامالاداي جارقىراپ، دۋماندى بەينەگە شومدى. ءماجىلىس الاڭىندا شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، اۋەلگى ماقساتتى ۇمىتپاي، بورىشتى ەستە بەرىك ساقتاپ، جۇڭگوشا سوتسياليزمنەن الدىمەن ۇلگى كورسەتۋ رايونىن قۇرۋ بەتالىسىنا قاراي ىلگەرىلەپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستاۋ بارىسىندا جاڭا دا اناعۇرلىم زور ۇلەس قوسايىق! دەگەن كەرمە تۋ بيىك ىلىنگەن.

  ساعات 10نان 30 مينۋت وتكەندە جينالىس باستالدى. كوپشىلىك ورىندارىنان تۇرىپ مەملەكەت ءانىن اسقاقتاتا شىرقادى.

  قىزۋ مەرەيلى قول شاپالاق ءۇنى ىشىندە شي جينپيڭ ماڭىزدى ءسوز سويلەدى. ول بىلاي دەپ باسا دارىپتەدى: ەكونوميكالىق ەرەكشە رايون قۇرۋ پارتيا مەن مەملەكەتتىڭ رەفورما جاساپ، ەسىك اشۋدى جانە سوتسياليستىك وسىزامانداندىرۋ قۇرىلىسىن ىلگەرىلەتۋ ءۇشىن جۇرگىزگەن ۇلى باستاماسى. ۇزاق ۋاقىتتان بەرى، پارتيا ورتالىق كوميتەتىنىڭ پارمەندى باسشىلىعىندا جانە بۇكىل ەلدىڭ بار كۇشپەن قولداۋىندا، ءارقايسى ەكونوميكالىق ەرەكشە رايوندار يدەيانى ازات ەتىپ، رەفورما جاساپ جاڭالىق اشىپ، بورىشتى باتىلدىقپەن ارقالاپ، قايراتتانا ەكپىندەي ىلگەرىلەپ، جۇڭگوشا سوتسياليزم قۇرۋدىڭ ۇلى ۇردىسىندە ءداۋىر تولقىنىنىڭ الدىڭعى لەگىندە ءجۇرىپ، ءورىس اشا ىلگەرىلەۋدىڭ ايبىندى تاراۋىن جازدى، بۇكىل ەلدىڭ رەفورما جاساپ، ەسىك اشۋىنا جانە سوتسياليستىك وسىزامانداندىرۋ قۇرىلىسىنا كەلەلى ۇلەس قوستى.

  شي جينپيڭ پارتيا ورتالىق كوميتەتى، مەملەكەتتىك كەڭەس جانە ورتالىق اسكەري ىستەر كوميتەتى اتىنان ەكونوميكالىق ەرەكشە رايوننىڭ قالىڭ قۇرۋشىلارىنا، ەكونوميكالىق ەرەكشە رايون قۇرىلىسىنا ۇلەس قوسقان بارلىق جولداستارعا شىن ىقىلاستى سالەم جولدادى! ءاربىر قوناققا، ەكونوميكالىق ەرەكشە رايون قۇرىلىسىنا كوڭىل بولگەن جانە قولداۋ كورسەتكەن ەل ءىشى - سىرتىنداعى ءار سالا قايراتكەرلەرىنە شىن جۇرەكتەن العىس ايتتى!

  شي جينپيڭ بىلاي دەپ اتاپ كورسەتتى: شىنجىن − رەفورما جاساپ، ەسىك اشقاننان كەيىن پارتيا مەن حالىق ءوز قولىمەن قۇرعان شىت جاڭا قالا، جۇڭگوشا سوتسياليزمنىڭ ءبىر پاراق اق قاعازعا تۇسكەن تارتىمدى كارتيناسى. 40 جىلدان بەرى، شىنجىن قوعامدىق وندىرگىش كۇشتەردى كۇش سالا ازات ەتىپ جانە دامىتىپ، عىلىم - تەحنيكادا جاڭالىق اشۋدى بار كۇشپەن ىلگەرىلەتىپ، مەشەۋ شەكارالىق شاعىن قالاشىقتان الەمدىك ىقپال كۇشكە يە حالىقارالانعان ۇلكەن ورتالىق قالاعا دەيىنگى تاريحي سەكىرۋدى جۇزەگە اسىردى؛ يدەيانى ازات ەتۋگە، داۋىرمەن بىرگە العا باسۋعا تاباندى بولىپ، بازارعا بەتتەگەن ەكونوميكالىق ءتۇزىلىس رەفورماسىن الدىمەن جۇرگىزىپ، ەكونوميكالىق ءتۇزىلىس رەفورماسىنان رەفورمانى جالپى بەتتىك تەرەڭدەتۋگە دەيىنگى تاريحي سەكىرۋدى جۇزەگە اسىردى؛ ”ەنگىزۋگە“ جانە ”سىرتقا شىعارۋعا“ تاباندى بولىپ، حالىقارالىق، ەل ءىشى سىندى ەكى بازاردان، ەكى ءتۇرلى بايلىقتان بەلسەنە پايدالانىپ، بۇكىل الەمدى قارجى قوسۋعا بەلسەنە باۋراپ، يمپورت - ەكسپورت ساۋداسىن نەگىز ەتۋدەن جان - جاقتى، جوعارى دەڭگەيدە سىرتقا ەسىك اشۋعا دەيىنگى تاريحي سەكىرۋدى جۇزەگە اسىردى؛ سوتسياليستىك دەموكراتيالىق ساياسيدى دامىتۋعا تاباندى بولىپ، حالىقتىڭ نەگىزگى تۇلعالىق ورنىنا قۇرمەت ەتىپ، سوتسياليستىك رۋحاني وركەنيەت قۇرىلىسىن كۇشەيتىپ، سوتسياليستىك وزەكتى قۇن كوزقاراسىن بەلسەنە جەتىلدىرىپ جانە امالياتتا ايگىلەپ، ەكونوميكالىق اشۋدان سوتسياليستىك زاتتىق وركەنيەتتىڭ، ساياسي وركەنيەتتىڭ، رۋحاني وركەنيەتتىڭ، قوعامدىق وركەنيەتتىڭ، ەكولوگيالىق وركەنيەتتىڭ دامۋىن ءبىر تۇتاس جوسپارلاۋعا دەيىنگى تاريحي سەكىرۋدى جۇزەگە اسىردى؛ حالىقتى وزەك ەتۋگە تاباندى بولىپ، حالىقتىڭ تۇرمىس دەڭگەيىن زور دارەجەدە جوعارىلاتىپ، وقۋ - اعارتۋ، ەمدەۋ، تۇرعىن ءۇي سياقتىلاردا وراسان زور وزگەرىستى جۇزەگە اسىرىپ، جاپپاي دوڭگەلەك داۋلەتتى قوعام ورناتۋ نىساناسىن الدىمەن ورىنداپ، ىشەر اس، كيەر كيىمدى شەشۋدەن جوعارى ساپالى جاپپاي دوڭگەلەك داۋلەتتىلىككە دەيىنگى تاريحي سەكىرۋدى جۇزەگە اسىردى. شىنجىن سياقتى ەكونوميكالىق ەرەكشە رايونداردىڭ تابىستى امالياتى پارتيا ورتالىق كوميتەتىنىڭ ەكونوميكالىق ەرەكشە رايون قۇرۋ جونىندەگى ستراتەگيالىق شەشىمدەرىنىڭ بۇكىلدەي دۇرىس ەكەندىگىن تولىق دالەلدەدى. ەكونوميكالىق ەرەكشە رايوندى ۇزدىكسىز قۇرىپ قالماستان، ونىڭ ۇستىنە اناعۇرلىم جاقسى قۇرىپ، دەڭگەيىن جوعارىلاتۋ كەرەك.

  شي جينپيڭ بىلاي دەپ باسا دارىپتەدى: شىنجىن سياقتى ەكونوميكالىق ەرەكشە رايوندار 40 جىلدىق رەفورما جاساۋ، ەسىك اشۋ امالياتىندا قۇندى تاجىريبە توپتادى، ءبىزدىڭ جۇڭگوشا سوتسياليستىك ەكونوميكالىق ەرەكشە رايون قۇرىلىسى زاڭدىلىعى جونىندەگى تانىمىمىزدى تەرەڭدەتتى. ءبىرىنشى، ءسوز جوق، پارتيانىڭ ەكونوميكالىق ەرەكشە رايون قۇرىلىسىنا باسشىلىق ەتۋىنە تاباندى بولىپ، باستان - اياق ەكونوميكالىق ەرەكشە رايون قۇرىلىسىنىڭ دۇرىس بەتالىسىنان جازباۋ كەرەك. ەكىنشى، ءسوز جوق، جۇڭگوشا سوتسياليزم تۇزىمىنە تاباندى بولىپ جانە ونى كەمەلدەندىرىپ، رەفورما امالياتى ارقىلى جۇڭگوشا سوتسياليزم ءتۇزىمىنىڭ اناعۇرلىم تولىسۋىن، اناعۇرلىم تۇلعالانۋىن ىلگەرىلەتۋ كەرەك. ءۇشىنشى، ءسوز جوق، دامۋ − داۋ جۇرمەيتىن شىندىق ۇستانىمىنا تاباندى بولىپ، جۇرەكتىلىكپەن اتوي سالۋعا، جۇرەكتىلىكپەن سىناپ كورۋگە، جۇرەكتىلىكپەن ەلدەن بۇرىن ىستەۋگە تاباندى بولىپ، يدەيالىق جاقتاعى بوگەتتەردى بۇزىپ، رەفورمادا قامال الۋعا جەتەكشىلىك ەتۋ كەرەك. ءتورتىنشى، ءسوز جوق، جان - جاقتى سىرتقا ەسىك اشۋعا تاباندى بولىپ، ”ەنگىزۋدىڭ“ باۋراۋ قۋاتى مەن ”سىرتقا شىعارۋدىڭ“ باسەكەلىك قۋاتىن ۇزدىكسىز جوعارىلاتۋ كەرەك. بەسىنشى، ءسوز جوق، جاڭالىق اشۋ − ءبىرىنشى قوزعاۋشى كۇش ۇستانىمىنا تاباندى بولىپ، الەمدىك عىلىم - تەحنيكا توڭكەرىسى مەن كاسىپ سالاسى وزگەرىسىندە ىرىقتىلىق ۇقىققا قول جەتكىزۋ كەرەك. التىنشى، ءسوز جوق، حالىقتى وزەك ەتكەن دامۋ يدەياسىنا تاباندى بولىپ، رەفورما، دامۋ جەتىستىگىنەن حالىق بۇقاراسىنىڭ اناعۇرلىم كوپ، اناعۇرلىم ءادىل يگىلىكتەنۋىنە مۇمكىندىك جاساۋ كەرەك. جەتىنشى، ءسوز جوق، زاڭدى عىلمي شىعارۋعا، زاڭدى قاتاڭ اتقارۋعا، ءادىليانى ءادىل جۇرگىزۋگە، جالپى حالىقتىڭ زاڭعا بويسۇنۋىنا تاباندى بولىپ، زاڭمەن جونگە سالۋدى ەكونوميكالىق ەرەكشە رايوندى دامىتۋدىڭ ماڭىزدى قامتاماسىزدىعىنا اينالدىرۋ كەرەك. سەگىزىنشى، ءسوز جوق، تۇنىق سۋ، جاسىل تاۋ − باعالى بايلىق ۇستانىمىن امالياتتا ايگىلەپ، ەكونوميكانىڭ، قوعامنىڭ جانە ەكولوگيالىق ورتانىڭ جالپى بەتتىك سايكەستى باياندى دامۋىن جۇزەگە اسىرۋ كەرەك. توعىزىنشى، ءسوز جوق، ”ءبىر ەل، ەكى ءتۇزىم“ نەگىزگى باعىتىن جالپى بەتتىك دالمە - ءدال دايەكتىلەندىرىپ، ىشكى وڭىرلەردىڭ شياڭگاڭمەن، اۋمىنمەن توعىسا دامۋىن، ءوزارا جەبەۋىن ىلگەرىلەتۋ كەرەك. ونىنشى، ءسوز جوق، بۇكىل ەل ءبىر تۇتاس جۇيە بارىسىندا ەكونوميكالىق ەرەكشە رايوننىڭ شارپۋ، جەتەكتەۋ رولىن اناعۇرلىم ويداعىداي ساۋلەلەندىرىپ، بۇكىل ەلدىڭ دامۋىنا ۇلەس قوسۋ كەرەك.

  شي جينپيڭ بىلاي دەپ اتاپ كورسەتتى: قازىر دۇنيە ءجۇزى 100 جىلدا بولماعان ۇلكەن وزگەرىستى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر، ەكونوميكا جوعارى جىلدامدىقپەن ارتۋ كەزەڭىنەن جوعارى ساپالى دامۋ كەزەڭىنە ءوتتى. شىنجىن جۇڭگوشا سوتسياليزمنەن الدىمەن ۇلگى كورسەتۋ رايونىن ويداعىداي قۇرىپ، سوتسياليستىك وسىزاماندانعان قۇدىرەتتى ەل قۇرۋداعى قالا ۇلگىسى بولىپ، جاڭا دامۋ ۇستانىمىن دايەكتىلەندىرۋ، تياناقتاندىرۋ قابىلەتى مەن دەڭگەيىن جوعارىلاتىپ، رەفورمانى جاپپاي تەرەڭدەتۋدىڭ، ەسىك اشۋدى جالپى بەتتىك كەڭەيتۋدىڭ جاڭا ارناسىن قالىپتاستىرىپ، گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ىلگەرىلەتىپ، ”ءبىر ەل، ەكى ءتۇزىم“ ىستەرى دامۋىنىڭ جاڭا امالياتىن بايىتىپ، سوتسياليستىك وسىزاماندانۋدى الدىمەن جۇزەگە اسىرۋ كەرەك. ءبىرىنشى، جاڭا دامۋ ۇستانىمىن بۇلجىتپاي دايەكتىلەندىرۋ. قامداۋ جاعىنداعى قۇرىلىمدىق رەفورما سىندى نەگىزگى جەلىگە تاباندى بولىپ، جاڭالىق اشۋ ارقىلى دامۋعا دەم بەرۋ ستراتەگياسىن بۇلجىتپاي اتقارىپ، نەگىزدىك زەرتتەۋلەر مەن قولدانىلمالى نەگىزدىك زەرتتەۋلەرگە ۇسىنىلىم قوسۋ سەرپىنىن ارتتىرىپ، جاڭا قوزعاۋشى قۋات جەتىلدىرىپ، جاڭا مۇمكىندىكتەردى جوعارىلاتۋ كەرەك. وسى زامانعى قىزمەت وتەۋ كاسىبىن زور كۇشپەن دامىتىپ، قىزمەت وتەۋ كاسىبىنىڭ دامۋ قابىلەتى دارەجەسىن جانە باسەكەلىك قۋاتىن جوعارىلاتۋ كەرەك. اناعۇرلىم اشىق دارىندى ساياساتىن جۇرگىزىپ، شار تاراپتان ۇزدىك دارىندىلاردى جيناۋ، ىستەتۋ كەرەك. ەكىنشى، داۋىرمەن بىرگە ىلگەرىلەي وتىرىپ رەفورمانى جاپپاي تەرەڭدەتۋ. پارتيا ورتالىق كوميتەتى تەرەڭدەي زەرتتەۋ ارقىلى شىنجىنعا كەشەندى رەفورمانى تۇيىندە سىناق ەتۋىنە قولداۋ كورسەتىپ، ءتىزىم بويىنشا توپتاپ بيلىك بەرۋ تاسىلىمەن شىنجىنعا ماڭىزدى سالالار مەن شەشۋشى بۋىندار رەفورماسىندا اناعۇرلىم كوپ ىرىقتى ۇقىق بەرەدى. شىنجىن ەكونوميكالىق ەرەكشە رايونى جاۋاپكەرشىلىكتى ارقالاپ، دۇرىس باعداردى مىقتاپ يگەرىپ، ماڭىزدى سالالاردا ءبىر توپ كەلەلى رەفورما شارالارىن ورتاعا قويۋعا قۇلشىنۋ كەرەك. ءۇشىنشى، قايسارلىقپەن ءورىس اشىپ، ەسىك اشۋدى جالپى بەتتىك كەڭەيتۋ. ءوندىرىس، ءبولىس، اينالىم، تۇتىنۋ جۇيەسىن ساپالىلاندىرىپ، دارەجەسىن جوعارىلاتىپ، ەل ءىشى ۇلكەن اينالىمىن ىركىلىسسىزدەندىرۋ جانە ەل ءىشى، حالىقارالىق ەكى اينالىمدى ۇلاستىرۋ فۋنكتسياسىن كۇشەيتىپ، قاعيدا - ولشەم سياقتى تۇزىمدىك تيپتەگى ەسىك اشۋدى جەدەل ىلگەرىلەتىپ، اناعۇرلىم جوعارى دەڭگەيدەگى اشىق تيپتەگى ەكونوميكالىق جاڭا ءتۇزىلىستى الدىمەن قۇرۋ كەرەك. ”ءبىر بەلدەۋ، ءبىر جول“ بويىنداعى ەلدەرمەن جانە وڭىرلەرمەن كوپ ساتىدا، كوپ سالادا ناقتى سەلبەستىكتى كۇشەيتۋ كەرەك. ءتورتىنشى، وي جەلىسىندە جاڭالىق اشىپ، قالانى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتۋ. جالپى پەريودتىق باسقارۋ تانىمىن ورناتىپ، قالانى جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى جەدەل ىلگەرىلەتىپ، اسا ءىرى تيپتەگى قالانىڭ ەرەكشەلىگى مەن زاڭدىلىعىنا ۇيلەسەتىن جونگە سالۋ جاڭا جولىن تابۋعا قۇلشىنۋ كەرەك. بەسىنشى، شىنداپ يگەرىپ، ناقتى ىسكەرلىك كورسەتىپ، حالىقتى وزەك ەتكەن دامۋ يدەياسىن امالياتتا ايگىلەۋ. اناعۇرلىم كوپ رەفورما، جاڭالىق اشۋ شارالارىن ورتاعا قويىپ، جۇمىستاندىرۋ، وقۋ - اعارتۋ، ەمدەۋ، قوعامدىق قامتاماسىزداندىرۋ، تۇرعىن ءۇي، زەينەتكەرلىك، ازىق - تۇلىك حاۋىپسىزدىگى، ەكولوگيالىق ورتا، قوعام اماندىعىن باسقارۋ سياقتى ماسەلەلەردى ءبىر - بىرلەپ ويداعىداي شەشىپ، حالىق بۇقاراسىنىڭ تابىس سەزىمىن اناعۇرلىم مول، باقىت سەزىمىن اناعۇرلىم باياندى، حاۋىپسىزدىك سەزىمىن اناعۇرلىم قامتاماسىز ەتۋگە قۇلشىنۋ كەرەك. حالىق بۇقاراسىنىڭ ءتول جاسامپازدىق رۋحىنا قۇرمەت ەتىپ، ەكونوميكالىق ەرەكشە رايوندى دامىتۋدىڭ جاڭالىق اشۋ، جاسامپازدىق ومىرشەڭدىگىن حالىق بۇقاراسىنان ۇزدىكسىز قابىلداۋ كەرەك. التىنشى، بەلسەنە ىسكەرلىك كورسەتىپ گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىن ىشكەرىلەي ىلگەرىلەتۋ. گۋاڭدۇڭ - شياڭگاڭ - اۋمىن ۇلكەن شىعاناق رايونى قۇرىلىسىنىڭ كەلەلى تاريحي ورايىن مىقتى يگەرىپ، وسى 3 جەردەگى ەكونوميكالىق اينالىمنىڭ ەرەجە قاعيدالارىن ۇلاستىرۋدى، مەحانيزمدەرىن ۇشتاستىرۋدى ىلگەرىلەتىپ، بازاردىڭ ءبىر تۇلعالانۋ دەڭگەيىن ءوسىرۋ كەرەك. شياڭگاڭدىق، اۋمىندىق، تايۋاندىق باۋىرلاستار مەن شەتەلدەگى چياۋمين باۋىرلاستاردى قارجى قوسىپ، شارۋاشىلىق قۇرۋداعى، قوس باعىتتا ەسىك اشۋداعى ماڭىزدى رولدارىن تولىق ساۋلەلەندىرۋگە، ەكونوميكالىق ەرەكشە رايوندى دامىتۋعا تىڭ ۇلەس قوسۋعا ۇزدىكسىز ىنتالاندىرۋ كەرەك.

  شي جينپيڭ بىلاي دەپ باسا دارىپتەدى: جالعىز گۇل كوكتەمگە كورىك بەرە المايدى، بارلىق گۇل قۇلپىرا شەشەك اتسا عانا كوكتەمنىڭ ءسانى كەلەدى. ءبىز ءوزارا تيىمدىلىك جاساپ، تەڭ يگىلىكتەنەتىن ەسىك اشۋ ستراتەگياسىن بۇلجىتپاي اتقارىپ، دۇنيە جۇزىنەن دامۋ قوزعاۋشى كۇشىن قابىلداۋمەن بىرگە، جۇڭگونىڭ دامۋى ارقىلى دۇنيە جۇزىنە اناعۇرلىم كوپ تيىمدىلىك جاسايمىز. ەكونوميكالىق ەرەكشە رايون قۇرىلىسىنىڭ 40 جىلدىق امالياتىن الەمدەگى ءار ەلدىڭ بىرگە ات سالىسۋىنان بولە قاراۋعا بولمايدى، ول ءار ەل ءۇشىن دە كەڭ دامۋ ءورىسىن ازىرلەپ، دامۋ مۇددەسىنەن يگىلىكتەندىردى. الەمدەگى ءار ەلدىڭ جۇڭگونىڭ ەكونوميكالىق ەرەكشە رايوندارىنىڭ رەفورماسىنا، ەسىك اشۋىنا، دامۋىنا اناعۇرلىم كوپ ات سالىسىپ، بىرگە اقىلداساتىن، بىرگە قۇراتىن، بىرگە يگىلىكتەنەتىن، بىرگە پايداعا كەنەلەتىن جاڭا ارنا قالىپتاستىرۋىن قارسى الامىز.

  شي جينپيڭ بىلاي دەپ اتاپ كورسەتتى: ەكونوميكالىق ەرەكشە رايون رەفورما جاساۋدىڭ، ەسىك اشۋدىڭ ەڭ الدىڭعى لەگىندە تۇر، پارتيانىڭ جاپپاي باسشىلىعىن جانە پارتيا قۇرىلىسىن كۇشەيتۋدە وعان اناعۇرلىم جوعارى تالاپ قويىلادى. جاڭا داۋىردەگى پارتيا قۇرىلىسىنىڭ باس تالابىن ىشكەرىلەي دايەكتىلەندىرىپ، رەفورما جاساۋ، جاڭالىق اشۋ رۋحىمەن پارتيانىڭ جاپپاي باسشىلىعىن جانە پارتيا قۇرىلىسىن كۇشەيتۋ جاعىندا الدىمەن ۇلگى كورسەتۋ كەرەك. قالىڭ پارتيا مۇشەلەرى، كادرلار مۇرات - سەنىمدى بەكەمدەپ، ءبىلىم - كوزقاراستارىن جاڭالاپ، توتەنشە مىعىم ونەر يگەرىپ، سانالى تۇردە پارتيا مەن مەملەكەتتىڭ كەلەلى جاعدايىندا تۇرىپ ماسەلەلەرگە وي جۇگىرتىپ، ءىس تىندىرۋ كەرەك. پارتيا مۇشەلەرىنىڭ، كادرلاردىڭ ءىس تىندىرىپ، ناتيجە شىعارۋ ىنتاسى مەن ارىنىن قاۋلاتۋ كەرەك. تاباندىلىقپەن ستيلدى دۇرىستاپ، ءتارتىپتى قاتايتىپ، شىرىكتەسۋدى مىزعىماس تاباندىلىقپەن جازالاپ، فورماشىلدىققا، تورەشىلدىككە باتىل قارسى تۇرىپ، ستيلى پاك، سالتى دۇرىس تاماشا ساياسي ەكولوگيا قالىپتاستىرۋ كەرەك.

  شي جينپيڭ بىلاي دەپ باسا دارىپتەدى: جۇڭگوشا سوتسياليزم − زاتتىق وركەنيەت پەن رۋحاني وركەنيەت جالپى بەتتىك داميتىن سوتسياليزم. ەكونوميكالىق ەرەكشە رايون ”ەكى جاعىن دا يگەرۋگە، ەكى جاعىن دا قاتاڭ يگەرۋگە“ تاباندى بولىپ، زاتتىق وركەنيەت قۇرىلىسى مەن رۋحاني وركەنيەت قۇرىلىسىندا ۇزدىك ناتيجەمەن جاۋاپ بەرۋ كەرەك. مۇرات - سەنىم تاربيەسىن كۇشەيتىپ، سوتسياليستىك وزەكتى قۇن كوزقاراسىن جەتىلدىرىپ جانە امالياتتا ايگىلەپ، وتانشىلدىقتى وزەك ەتكەن ۇلت رۋحى مەن رەفورما جاساۋدى، جاڭالىق اشۋدى وزەك ەتكەن ءداۋىر رۋحىن اسقاقتاتىپ، جۇرەكتىلىكپەن اتوي سالاتىن، جۇرەكتىلىكپەن سىناپ كورەتىن، جۇرەكتىلىكپەن ەلدەن بۇرىن ىستەيتىن، بار پەيىلىمەن جاپاعا شىداپ ىستەۋ سىندى ەرەكشە رايون رۋحىن ۇزدىكسىز ساۋلەلەندىرىپ، قالىڭ كادر - بۇقارانى، اسىرەسە، جاستار مەن وسپىرىمدەردى جۇڭگوشا سوتسياليزم جول سەنىمىن، نازاريا سەنىمىن، ءتۇزىم سەنىمىن، مادەنيەت سەنىمىن نىعايتۋعا تاربيەلەۋ، جەتەكتەۋ كەرەك. بۇقارالىق رۋحاني وركەنيەتتە وزات ورىن قۇرۋ قيمىلىن ىشكەرىلەي ورىستەتىپ، حالىقتىڭ وركەنيەت ساپاسىن جانە قوعامنىڭ وركەنيەتتىلىك دەڭگەيىن ۇزدىكسىز ءوسىرۋ كەرەك.

  جينالىستا شىنجىن قالالىق پارتكومنىڭ شۋجيى ۋاڭ ۋيجۇڭ، يانشياڭ جوعارى عىلىم - تەحنيكا جارنا مەڭگەرۋ توبى شەكتى سەرىكتەستىگىنىڭ جورالار القاسىنىڭ ءتوراعاسى چىن جىليە، جۇڭگو قۇرىلىس عىلىمى جانە ونەركاسىبى توبى شەكتى سەرىكتەستىگى وڭتۇستىك جۇڭگو اۋماعىنىڭ باس ينجەنەرى لۋ جيانشين ىركەس - تىركەس سوزگە شىعىپ، لەبىز ءبىلدىردى.

  لي شي جينالىستى باسقاردى. ديڭ شۋەشياڭ، ليۋ حى، چىن شي، حۋاڭ كۇنميڭ، ۋاڭ دۇڭميڭ، دۇڭ جيانحۋا، حى حوۋحۋا، لياڭ جىنيىڭ، شيا باۋلۇڭ، حى ليفىڭ جانە مياۋ حۋا جينالىسقا قاتىناستى.

  شياڭگاڭ ەرەكشە اكىمشىلىك رايونىنىڭ اكىمى لينجىڭ يۋە - ى، اۋمىن ەرەكشە اكىمشىلىك رايونىنىڭ اكىمى حى يچىڭ، ورتالىق پەن مەملەكەت ورگاندارىنىڭ قاتىستى تاراۋلارىنداعى جاۋاپتى جولداستار، گۋاڭدۇڭ ولكەسىندەگى قاتىستى جاۋاپتى جولداستار، شىنجىن، جۋحاي، شانتوۋ، شيامىن، حاينان ەكونوميكالىق ەرەكشە رايوندارىنداعى جانە پۋدۇڭ، بينحاي، شيۇڭ - ان جاڭا رايونىنداعى نەگىزگى جاۋاپتى جولداستار، شىنجىن باعىتتامالى كومەك بەرەتىن، سايكەسىپ كومەكتەسىپ - سۇيەمەلدەيتىن وڭىرلەردەگى نەگىزگى جاۋاپتى جولداستار، شياڭگاڭدىق، اۋمىندىق، تايۋاندىق قايراتكەرلەردىڭ ۋاكىلدەرى، شەتەلدىك قوناقتاردىڭ ۋاكىلدەرى، شىنجىنداعى ءار سالا ۋاكىلدەرى، ت.ب جينالىسقا قاتىناستى.

  سول كۇنى تۇستەن كەيىن شي جينپيڭ ليانحۋاشان باقشاسىنا كەلىپ، دىڭ شياۋپيڭ جولداستىڭ مىس مۇسىنىنە قۇرمەتپەن گۇل شارباق قويدى. شي جينپيڭ باياۋ قاداممەن مىس ءمۇسىننىڭ تۇعىرىنىڭ الدىنا بارىپ، گۇل شارباعىنداعى قىزىل لەنتانى دەن قويا رەتتەپ، كوپشىلىكپەن بىرگە مىس مۇسىنگە 3 رەت تاعزىم ەتىپ، دىڭ شياۋپيڭ جولداسقا دەگەن اسقاق قۇرمەتى مەن تەرەڭ ساعىنىشىن ءبىلدىردى.

  شي جينپيڭ قاتارلىلار تاعى ”الدىمەن جۇرگىزىپ، الدىمەن سىناق ەتۋدەن الدىمەن جۇرگىزىپ ۇلگى كورسەتۋگە دەيىن − شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ كورمەسىن“ ەكسكۋرسيالادى، قۇتتىقتاۋ جينالىسىنا قاتىناسقان ءبىر ءبولىم ۋاكىلدەرمەن ىقىلاستى تۇردە كەزدەستى جانە كوپشىلىكپەن بىرگە ەستەلىك سۋرەتكە ءتۇستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.