تيانشان تورى   ›   جاڭالىقتار   ›   ماڭىزدى حابارلار

جۇڭگو مەن ەكۆاتورلىق گۆينەيانىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعى بايلانىسىمەن شي جينپيڭ ەكۆاتورلىق گۆينەيانىڭ زۇڭتۇڭى وبياڭمەن ءوزارا قۇتتىقتاۋ تەلەگرامماسىن جولدادى

  شينحۋا اگەنتتىگىنىڭ 10 - ايدىڭ 15 - كۇنى بەيجيڭنەن بەرگەن حابارى. مەملەكەت ءتوراعاسى شي جينپيڭ 10 - ايدىڭ 15 - كۇنى ەكۆاتورلىق گۆينەيانىڭ زۇڭتۇڭى وبياڭمەن ءوزارا قۇتتىقتاۋ تەلەگرامماسىن جولداپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن قۇتتىقتادى.

  شي جينپيڭ قۇتتىقتاۋ تەلەگرامماسىندا بىلاي دەپ اتاپ كورسەتتى: جۇڭگو مەن ەكۆاتورلىق گۆينەيانىڭ ءداستۇرلى دوستىعى تەرەڭ، ديپلوماتيالىق قارىم - قاتىناس ورناتقان 50 جىلدان بەرى مەيلى حالىقارالىق اۋقىمدا نەندەي وزگەرىستەر بولسا دا، ەكى جاق باستان - اياق شىنايى دوستاسىپ، ءبىر - ءبىرىنىڭ وزەكتى مۇددەسىنە ساياتىن جانە ءجىتى قاداعالاپ وتىرعان كەلەلى ماسەلەلەردە ءبىرىن - ءبىرى باتىل قولداپ، ناقتى ىستەر سەلبەستىگىنىڭ ناتيجەسى سۇبەلى بولىپ، ەكى ەل حالقىنا ناقتى قۇت - ىرىس اكەلدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان بەرى، جۇڭگو ەكۆاتورلىق گۆينەيانى قامتىعان افريكاداعى ەلدەرمەن ىنتىماقتاسا ءوزارا قارايلاسىپ، ىندەتكە بىرگە قارسى اتتانىپ، حالىقتىڭ ءومىرى مەن سالاماتتىق حاۋىپسىزدىگىن كۇش سالا قورعاپ، جۇڭگو - افريكا دوستىعىنا جاڭا مازمۇن قوستى. مەن جۇڭگو مەن ەكۆاتورلىق گۆينەيانىڭ قارىم - قاتىناسىنىڭ دامۋىنا باسا ءمان بەرەمىن، وبياڭ زۇڭتۇڭمەن بىرگە قۇلشىنىپ، ەكى ەلدىڭ ديپلوماتيالىق قارىم - قاتىناس ورناتقاندىعىنىڭ 50 جىلدىعىن وراي ەتىپ، ساياسي سەنىمدىلىكتى بەكەمدەپ، ”ءبىر بەلدەۋ، ءبىر جولدى“ بىرگە قۇرۋ مەن جۇڭگو - افريكا سەلبەستىك تالقى مىنبەرى جۇلگەسىندە ناقتى ىستەر سەلبەستىگىن تەرەڭدەتىپ، جۇڭگو - ەكۆاتورلىق گۆينەيا قارىم - قاتىناسىنىڭ ۇزدىكسىز تىڭ ساتىعا كوتەرىلۋىن ىلگەرىلەتىپ، ەكى ەلدى جانە ەكى ەل حالقىن باقىتقا كەنەلتۋدى قالايمىن.

  وبياڭ قۇتتىقتاۋ تەلەگرامماسىندا مىنالاردى ءبىلدىردى: ديپلوماتيالىق قارىم - قاتىناس ورناتقان 50 جىلدان بەرى، ەكى ەل قول ۇستاسا قاتار ىلگەرىلەپ، باستان - اياق ءبىرىن - ءبىرى ءتۇسىنىپ، بىرگە سەلبەسىپ، ءوزارا كومەكتەسىپ، ءوزارا قارايلاسىپ، ءتۇرلى سالاداعى سەلبەستىكتە سۇبەلى ناتيجەلەرگە قول جەتكىزدى. ەكۆاتورلىق گۆينەيانىڭ جۇڭگومەن ۇقساس تاريحي كەشۋى بار، كەزەكتە حالىقارالىق قوعام كەلەلى سىن - سايىستارعا ءدوپ كەلىپ وتىرعان كەزدە ەكى ەل ورتاق تۇرعى ۇستانىپ، كوپ جاقتىلىقتى قورعاپ، تىلدەسۋ، كەڭەسۋ جانە وزگە ەلدىڭ ىشكى ىسىنە كيلىكپەۋ پرينسيبى بويىنشا ورتاق مۇددەنى قورعادى. ەكۆاتورلىق گۆينەيا جاق ەكى ەل قارىم - قاتىناسىنىڭ دامۋىنا رازى، جۇڭگو جاقپەن بىرگە قۇلشىنىپ، سەلبەستىك اياسىن ۇزدىكسىز كەڭەيتىپ، ەكى ەلدىڭ دوستىق قارىم - قاتىناسىن اناعۇرلىم بەكەمدەۋدى قالايدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.