تيانشان تورى   ›   جاڭالىقتار   ›   شينجياڭ حابارلارى

مەملەكەتتىك كەڭەستىڭ 14 - باقىلاۋ - تەكسەرۋ گرۋپپاسى ۇرىمجىگە جەتتى ءارى باقىلاۋ - تەكسەرۋ قىزمەتىن ۇشتاستىرۋ ءماجىلىسىن اشتى

  شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 10 - ايدىڭ 15 - كۇنى ۇرىمجىدەن حابارلايدى. مەملەكەتتىك كەڭەستىڭ 7 - رەتكى جاپپاي باقىلاۋ - تەكسەرۋ بويىنشا ءبىر تۇتاس ورنالاستىرۋىنا ساي، مەملەكەتتىك كەڭەستىڭ 14 - باقىلاۋ - تەكسەرۋ گرۋپپاسى 10 - ايدىڭ 13 - كۇنى كەشتە ۇرىمجىگە جەتىپ، 10 - ايدىڭ 14 - كۇنى قىزمەتتى ۇشتاستىرۋ ءماجىلىسىن اشتى. باقىلاۋ - تەكسەرۋ گرۋپپاسىنىڭ باستىعى، مەملەكەتتىك دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى لي بين ماجىلىسكە قاتىناستى ءارى ءسوز سويلەدى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر لەبىز ءبىلدىرىپ، ءسوز سويلەدى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ۇنەمىلىك ىستەرگە جاۋاپتى ورىنباسار ءتوراعاسى جاڭ چۇنلين ءماجىلىستى باسقاردى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايونننىڭ ورىنباسار ءتوراعاسى ۋاڭ ميڭشان ماجىلىسكە قاتىناستى.

  لي بين سوزىندە بىلاي دەپ اتاپ كورسەتتى: وسى رەتكى باقىلاۋ - تەكسەرۋ جالپىلىق باقىلاۋ - تەكسەرۋدى، ارناۋلى تاقىرىپتا باقىلاۋ - تەكسەرۋدى جانە ارناۋلى تۇرلەر بويىنشا باقىلاۋ - تەكسەرۋدى قامتيدى. جالپىلىق باقىلاۋ - تەكسەرۋدە ورتالىقتىڭ ەكونوميكالىق قىزمەت ءماجىلىسىنىڭ ورنالاستىرۋلارىن جانە «ۇكىمەت قىزمەتىنەن باياندامادا» ورتاعا قويىلعان نىسانالار مەن مىندەتتەردىڭ دايەكتىلەندىرىلۋ، تياناقتاندىرىلۋ جاعدايى، ”التىنى ورنىقتىرۋ“ قىزمەتىن ويداعىداي ىستەۋ، ”التىنى قامتاماسىز ەتۋ“ مىندەتىن تياناقتاندىرۋ جاعدايى سياقتىلار ءتۇيىندى باقىلاپ - تەكسەرىلەدى. ارناۋلى تاقىرىپ بويىنشا باقىلاۋ - تەكسەرۋ جۇمىستاندىرۋدى ورنىقتىرىپ، حالىق تۇرمىسىن قامتاماسىز ەتۋ، بازار تۇلعالارىن قامتاماسىز ەتۋ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، شارۋاشىلىق - ساۋدا ورتاسىن ساپالىلاندىرۋ، ىشكى سۇرانىستى كەڭەيتۋ جانە سىرتقى ساۋدانى ورنىقتىرۋ، شەتەل قارجىسىن ورنىقتىرۋ سياقتى ءتورت جاقتى توڭىرەكتەپ ورىستەتىلەدى. ارناۋلى تۇرلەر بويىنشا باقىلاۋ - تەكسەرۋ كۇز، قىس ماۋسىمدارىندا جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ، 2019 - جىلعى ورتالىقتىڭ مەجە ەسەبىنىڭ اتقارىلۋىندا جانە باسقا دا قازىنالىق كىرىس - شىعىستى قازىنالىق باقىلاۋدا تەكسەرىلىپ انىقتالعان ماسەلەلەردى رەتتەۋ - تۇزەتۋ سياقتى قىزمەتتەرگە سايادى. باقىلاۋ - تەكسەرۋ گرۋپپاسى دەرەكتەردى الا بارىپ، ماسەلەلەرگە ىلەسە ءجۇرىپ، ماسەلەلەردى قاداعالاي تۇزەتەدى ءارى باقىلاۋ - تەكسەرۋدىڭ ونىمدىلىگىن ارتتىرىپ، ساپاسىن جوعارىلاتۋ مەن نەگىزگى ساتىنىڭ جۇگىن جەڭىلدەتۋدى قاتار اتقارۋدى جۇزەگە اسىرۋعا قۇلشىنىس جاسايدى.

  شوكىرات زاكىر مىنالاردى ءبىلدىردى: جاپپاي باقىلاۋ - تەكسەرۋ ورىستەتۋ − پارتيا ورتالىق كوميتەتىنىڭ، مەملەكەتتىك كەڭەستىڭ كەلەلى شەشىمدەرىن، ورنالاستىرۋلارىن جانە ساياسات شارالارىن دايەكتىلەندىرۋدى، تياناقتاندىرۋدى ىلگەرىلەتۋدىڭ ماڭىزدى شاراسى، وعان اۆتونوميالى رايوندىق پارتكوم مەن ۇكىمەت باستان - اياق وسكەلەڭ ءمان بەرىپ كەلەدى. ءبىز ساياسي دەڭگەيدى جوعارىلاتىپ، وسى رەتكى جاپپاي باقىلاۋ - تەكسەرۋدى 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن دايەكتىلەندىرۋدىڭ، تياناقتاندىرۋدىڭ كەلەلى ءساتى، ماڭىزدى ورايى ساناپ، مەملەكەتتىك كەڭەستىڭ جاپپاي باقىلاۋ - تەكسەرۋ قىزمەتىنە بار كۇشپەن قولداۋ سايكەسۋ كەرەك. قىزمەت ىرىقتىلىعىن كۇشەيتىپ، باقىلاۋ - تەكسەرۋ گرۋپپاسى ورتاعا قويعان ماسەلەلەرمەن سالىستىرىپ، ماسەلەلەر ءتىزىمىن ورناتىپ، رەتتەۋ - تۇزەتۋ شارالارىن بەلگىلەپ، رەتتەۋ - تۇزەتۋ جاۋاپكەرشىلىگىن ايقىنداپ، تۇرلەر بويىنشا شەكتى ۋاقىتتا رەتتەپ - تۇزەتىپ، ءبىر - بىردەن ورنالاستىرۋ جاساۋدى، ءبىر - بىردەن تياناقتاندىرۋدى باتىل ورىنداۋ كەرەك. بىرەۋى ارقىلى وزگەنى تۇسپالداپ، قاينارلىق، تۇبىرلىك ماسەلەلەرگە تالداۋ جاساپ، زەرتتەۋ جۇرگىزىپ، شەشىم ەتىپ، ”التىنى ورنىقتىرۋ“، ”التىنى قامتاماسىز ەتۋ“ مىندەتىن اناعۇرلىم جاقسى، اناعۇرلىم پارمەندى تياناقتاندىرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدىڭ كەلەلى جاعدايىن ءبىر تۇتاس جوسپارلاپ ىلگەرىلەتىپ، تۇتاس جىلداعى ەكونوميكالىق، قوعامدىق دامۋدىڭ نىسانا - مىندەتتەرىن ورىنداۋعا قۇلشىنىس جاساۋ كەرەك. باقىلاۋ - تەكسەرۋدىڭ ناتيجەسىنەن ويداعىداي پايدالانىپ، ىلگەرىلەگەن تۇردە پارىقتى تاۋىپ، ولقىلىقتاردى تولىقتاپ، ءالسىز تۇستاردى كۇشەيتىپ، قىزمەتتى تياناقتاندىرۋدىڭ ”ەڭ سوڭعى ءبىر كيلومەترىن“ ىركىلىسسىزدەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىنىڭ تيانشان الابىندا تامىر تارتىپ، تياناقتانۋىنا شىنايى كەپىلدىك ەتىپ، جاڭا داۋىردەگى شينجياڭ قىزمەتىنىڭ جاڭا جاعدايىن اشۋعا قۇلشىنۋ كەرەك.

  اۆتونوميالى رايون باسشىلارىنان جاروللا يسامدين، سۇن حۇڭمەي، ليۋ سۋشى، ۋان حايچۋان، ياڭ يۇڭ قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.