تيانشان تورى
تيانشان تورى   ›   جاڭالىقتار   ›   سۋرەتتى حابار

باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنايىق

  اۆتونوميالى رايوندىق پارتكوم تۇراقتى كوميتەتىنىڭ (كەڭەيتىلگەن) ءماجىلىسى باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىندا جانە شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىندا سويلەگەن ماڭىزدى سوزدەرىنىڭ رۋحى قاتارلىلاردى جەتكىزدى، ۇيرەندى

  باس شۋجي شي جينپيڭنىڭ ماڭىزدى سوزدەرىنىڭ رۋحىن ىشكەرىلەي ۇيرەنىپ، دايەكتىلەندىرىپ جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنايىق

  چىن چۋانگو ءماجىلىستى باسقاردى

  شينجياڭ گازەتىنىڭ جالپىلىق اقپارات قۇرالدارى تىلشىلەرى ياۋ تۇڭ، ۋاڭ شيڭرۇي 10 - ايدىڭ 15 - كۇنى ۇرىمجىدەن حابارلايدى. 10 - ايدىڭ 15 - كۇنى تۇستەن بۇرىن اۆتونوميالى رايوندىق پارتكوم تۇراقتى كوميتەتتىڭ (كەڭەيتىلگەن) ءماجىلىسىن اشىپ، باس شۋجي شي جينپيڭنىڭ ورتالىق پارتيا مەكتەبى (مەملەكەتتىك اكىمشىلىك شۋەيۋانى) ورتا جاس، جاس كادرلار كۋرسىنىڭ وقۋ باستاۋ سالتىندا جانە شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىندا سويلەگەن ماڭىزدى سوزدەرىنىڭ رۋحى قاتارلىلاردى جەتكىزىپ، ۇيرەنىپ، رايونىمىزدىڭ دايەكتىلەندىرۋ، تياناقتاندىرۋ پىكىرىن اقىلداستى. اۆتونوميالى رايوندىق پارتكومنىڭ شۋجيى چىن چۋانگو ءماجىلىستى باسقاردى.

  ءماجىلىس مىنالاردى اتاپ كورسەتتى: باس شۋجي شي جينپيڭنىڭ ورتا جاس، جاس كادرلار كۋرسىنىڭ وقۋ باستاۋ سالتىندا سويلەگەن ماڭىزدى ءسوزى جاس كادرلاردىڭ ءوسىپ - جەتىلۋىنە، كەمەلدەنۋىنە، جاۋاپكەرشىلىك پەن بورىشتى اناعۇرلىم جاقسى ارقالاۋىنا باعدار كورسەتىپ، بويسۇنۋ ولشەمىن ازىرلەدى. ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ماڭىزدى سوزدەرىنىڭ رۋحىن مۇقيات ۇيرەنىپ، دايەكتىلەندىرىپ، ءار ۇلت كادرلارىن، اسىرەسە، جاس كادرلاردى كۇردەلى جاعداي مەن جاپالى مىندەتتەرگە باتىلدىقپەن توتەپ بەرىپ، جاڭا داۋىردەگى جۇڭگوشا سوتسياليزمنىڭ ۇلى امالياتىنا بەلسەنە ات سالىسىپ، جاڭا ءداۋىردىڭ جاۋاپكەرشىلىگى مەن بورىشىن اناعۇرلىم جاقسى ارقالاۋعا تاربيەلەۋ، جەتەكتەۋ كەرەك. دۇرىس ساياسي باعداردى يگەرىپ، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليزم تۇزىمىنە تاباندى بولىپ، مۇرات - سەنىم تاربيەسىن قاجىماس تاباندىلىقپەن كۇشەيتىپ، يدەيالىق سىننان ءوتۋدى، ساياسي شىڭدالۋدى، امالياتتىق شىنىعۋدى، كاسىپتىك توسەلۋدى كۇشەيتىپ، يدەيادا، ساياسيدا، ارەكەتتە شي جينپيڭ جولداستى ۇيتقى ەتكەن پارتيا ورتالىق كوميتەتىمەن وسكەلەڭ ءبىر اۋىزدىلىقتى ساقتاپ، سانالى تۇردە كوممۋنيزم ۇلى مۇراتى مەن جۇڭگوشا سوتسياليزم ورتاق مۇراتىنىڭ باتىل سەنۋشىسى، ادال اتقارۋشىسى بولۋ؛ نازاريامەن قارۋلانۋدى ۇزدىكسىز كۇشەيتىپ، شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتە ۇيرەنىپ، جەتە ءتۇسىنىپ، شىنايى تياناقتاندىرىپ، ونىمەن ساباقتاسقان ماركسيزمدىك تۇرعى، كوزقاراس، ادىستەردى جۇيەلى يگەرىپ، ونى وي - سانانى قارۋلاندىرۋعا، امالياتقا جەتەكشىلىك ەتۋگە، قىزمەتتەردى ىلگەرىلەتۋگە باتىل قولدانۋ كەرەك؛ قابىلەت - ساپانى ۇزدىكسىز جوعارىلاتىپ، ساياسي قابىلەتتى، تەكسەرۋ - زەرتتەۋ قابىلەتىن، عىلمي شەشىم جاساۋ قابىلەتىن، رەفورمادا قامال الۋ قابىلەتىن، توتەنشە جاعدايلارعا توتەپ بەرۋ، توسىن وقيعالاردى ءبىر جاقتى ەتۋ قابىلەتىن، بۇقارالىق قىزمەت قابىلەتىن، تياناقتاندىرۋدى يگەرۋ قابىلەتىن جوعارىلاتىپ، نازاريالىق نەگىزى مىعىم، ساياساتتى يگەرۋى جەتكىلىكتى، امالياتتىق قابىلەتى كۇشتى بولۋىن ورىنداۋ؛ بەلسەندىلىكپەن، ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، 2 كەلەلى جاعدايدى كوكەيدە ساقتاپ، ستراتەگيالىق تاباندىلىقتى ساقتاپ، ۇلتتىق رۋح پەن ءداۋىر رۋحىن اسقاقتاتىپ، ۇلكەن دۇرىس پەن ۇلكەن بۇرىس الدىندا ايقىن پوزيتسيا ءبىلدىرىپ، قايشىلىقتار مەن قاقتىعىستار الدىندا قيىندىققا قارسى ۇمتىلىپ، داعدارىستار مەن قيىنشىلىقتار الدىندا كوكىرەك كەرە العا شىعىپ، بۇرىس ستيل مەن تەرىس پيعىل الدىندا جۇرەكتىلىكپەن باتىل كۇرەسىپ، اۋىر جۇك ارقالاۋ، قيىندىقتاردان قامال الۋ ءىس جۇزىندىك ارەكەتى ارقىلى پارتياعا ادالدىعىن، حالىققا قالتقىسىزدىعىن ايگىلەۋ كەرەك.

  ءماجىلىس مىنالاردى باسا دارىپتەدى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋمەن، ۇگىتتەۋمەن، دايەكتىلەندىرۋمەن تىعىز بىرلەستىرىپ، باس شۋجي شي جينپيڭنىڭ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىنىڭ رۋحىن مۇقيات ۇيرەنىپ، دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جالپى بەتتىك دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ءتۇرلى قىزمەتتەردى تىڭعىلىقتى جاقسى ىستەپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك. جاڭا دامۋ ۇستانىمىن دايەكتىلەندىرىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، ”التىنى ورنىقتىرۋ“، ”التىنى قامتاماسىز ەتۋ“ مىندەتىن جالپى بەتتىك تياناقتاندىرىپ، قامداۋ جاعىنداعى قۇرىلىمدىق رەفورمانى تەرەڭدەتىپ، ونەركاسىپتىڭ نەگىزدى كۇشەيتىپ، ونىمدىلىكتى ارتتىرۋىن جانە تيبىن جاڭالاپ، دارەجەسىن ءوسىرۋىن ىلگەرىلەتىپ، ساپا وزگەرىسىن، ونىمدىلىك وزگەرىسىن، قوزعاۋشى كۇش وزگەرىسىن جۇزەگە اسىرىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن قالىپتاستىرۋعا بەلسەندى ۇلەس قوسۋ كەرەك. رەفورمانى جاپپاي تەرەڭدەتىپ، ماسەلەنى باعدار ەتۋگە، نىسانانى باعدار ەتۋگە، ناتيجەنى باعدار ەتۋگە تاباندى بولىپ، رەفورمانىڭ ناتيجە جاراتۋ جانە جەتەكشىلىك ەتۋ رولىن ويداعىداي ساۋلەلەندىرىپ، ءتۇيىندى سالالار مەن شەشۋشى بۋىندار رەفورماسىن ۇزدىكسىز تەرەڭدەتىپ، جۇيەلى، شوعىرلى، سايكەستى، جوعارى ءونىمدى بولۋدى كۇشەيتىپ، رەفورمانىڭ جالپىلىق ونىمدىلىگىن ارتتىرۋ كەرەك. ەسىك اشۋ دەڭگەيىن جوعارىلاتىپ، شينجياڭنىڭ وڭىرلىك ابزالدىلىعىن تولىق ساۋلەلەندىرىپ، جىبەك جولى ەكونوميكالىق بەلدەۋى وزەكتى رايونى قۇرىلىسىن ىلگەرىلەتۋدى قوزعالتقىش ەتىپ، سىرتقا ەسىك اشۋ دانەكەرىن بايىتىپ، سىرتقا ەسىك اشۋ دەڭگەيىن جوعارىلاتىپ، اشىق ەكونوميكالىق تۇزىلىستە جاڭالىق اشىپ، ”ءبىر بەلدەۋ، ءبىر جول“ بويىنداعى مەملەكەتتەرمەن جانە رايوندارمەن كوپ دەڭگەي، كوپ سالاداعى ناقتى سەلبەستىكتەر ورىستەتۋدى كۇشەيتىپ، ىشكى قۇرلىقتىق ەسىك اشۋ مەن شەكارالىق ەسىك اشۋدىڭ بەلەسىن تۇلعالاۋ كەرەك. كەدەيلىكتەن ارىلتۋدان قامال الۋ شەشۋشى شايقاسىن جۇرگىزىپ، ”ەكىدەن تارىقتىرماۋ، ءۇشتى قامتاماسىز ەتۋمەن“ تىعىز بايلانىستىرىپ، كاسىپ سالالارىن دامىتۋ ارقىلى جۇمىستاندىرىپ كىرىستى ارتتىرۋعا جەتەكتەۋدى كورنەكتىلەندىرىپ، شايقاستى باسى - قاسىندا قاداعالاۋدى، ماسەلەلەردى رەتتەۋ - تۇزەتۋدى، قايتا كەدەيلەسۋدى قاداعالاۋدى، يكەمدى كومەكتەسۋ - سۇيەمەلدەۋدى تەرەڭدەتىپ، كەدەيلىكتەن ارىلتۋ ناتيجەلەرىن ۇزدىكسىز بەكەمدەپ، دامۋدىڭ ىشكى قوزعاۋشى كۇشى مەن دامۋ ومىرشەڭدىك كۇشىن ارتتىرۋعا باسا ءمان بەرىپ، كەدەيلىكتەن جالپى بەتتىك ارىلتۋ مەن اۋىل - قىستاقتى گۇلدەندىرۋدىڭ ءونىمدى ۇلاسۋىن ىلگەرىلەتۋ كەرەك. حالىق تۇرمىسىن جاقسارتۋدى قامتاماسىز ەتىپ، جۇمىستاندىرۋدى الدىمەن ويلاستىرۋ ساياساتىن كۇش سالا جۇرگىزىپ، ءتۇزىلىس - مەحانيزمدە جاڭالىق اشىپ، ءوز ماڭايىندا، ءوز جەرىندە جۇمىستاندىرۋ مەن تارتىپپەن باسقا كاسىپكە ويىستىرىپ، سىرتقا شىعارىپ جۇمىستاندىرۋدى ورگانيكالى ۇشتاستىرۋعا تاباندى بولىپ، حالىققا ءتيىمدى ءتۇرلى ساياساتتاردىڭ تياناقتانىپ ونىمدىلىك كورسەتۋىن ۇزدىكسىز ىلگەرىلەتىپ، ءار ۇلت بۇقاراسىنىڭ تابىس سەزىمىنىڭ ءتىپتى دە مول، باقىت سەزىمىنىڭ ءتىپتى دە باياندى، حاۋىپسىزدىك سەزىمىنىڭ ءتىپتى دە قامتاماسىز بولۋىنا مۇمكىندىك جاساۋ كەرەك. جاسىل دامۋعا تاباندى بولىپ، تۇنىق سۋ، جاسىل تاۋ − باعالى بايلىق ۇستانىمىن بەرىك ورناتىپ، دامۋ بارىسىندا قورعاۋعا، قورعاۋ بارىسىندا دامۋعا تاباندى بولىپ، اشىق اسپاندى، ءمولدىر سۋدى، تازا توپىراقتى قورعاۋ شايقاسىن ۇزدىكسىز ويداعىداي جۇرگىزىپ، كورىكتى شينجياڭنىڭ اسپانىنىڭ اناعۇرلىم اشىق، تاۋىنىڭ اناعۇرلىم جاسىل، سۋىنىڭ اناعۇرلىم تۇنىق بولۋىنا مۇمكىندىك جاساۋ كەرەك. قوعام ورنىقتىلىعىن قورعاپ، وي جەلىسىندە جاڭالىق اشىپ، جونگە سالۋ جۇيەسى مەن جونگە سالۋ قابىلەتىن وسىزامانداندىرۋدى ىلگەرىلەتىپ، بىرگە قۇرىلاتىن، بىرگە جونگە سالىناتىن، بىرگە يگىلىكتەنەتىن قوعامدىق جونگە سالۋ جاعدايىن قالىپتاستىرىپ، قوعامدىق كەلەلى جاعدايدىڭ ۇزدىكسىز ورنىقتىلىعىن، باياندى ورنىقتىلىعىن ساقتاۋ كەرەك.

  ءماجىلىس تاعى باسقا دا ىستەردى اقىلداستى.

  شاۋكەت يمىن، لي پىڭشين، شۇي حايرۇڭ، ەركىن تۇنياز، لي يفي، سارقىت اقان، ياڭ شين، جاڭ چۇنلين، ۋاڭ ميڭشان قاتارلىلار ماجىلىسكە قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.