شي جينپيڭ گۋاڭدۇڭدا قىزمەت تەكسەردى

شي جينپيڭ گۋاڭدۇڭدا قىزمەت تەكسەرگەندە بىلاي دەپ باسا دارىپتەدى

رەفورما جاساۋ، ەسىك اشۋدى اناعۇرلىم كۇشتى ارىنمەن، اناعۇرلىم جوعارى باستامادا ىلگەرىلەتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا بۇكىل ەلدىڭ الدىڭعى لەگىندە ءجۇرىپ، جاڭا ناتيجەلەر جاراتۋ كەرەك

　　　　10 - ايدىڭ 12 - كۇنىنەن 13 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گۋاڭدۇڭدا قىزمەت تەكسەردى. سۋرەتتە: 10 - ايدىڭ 12 - كۇنى تۇستەن كەيىن شي جينپيڭ چاۋجوۋ بايىرعى قالاسى پايفاڭ كوشەسىندە قىزمەت تەكسەرگەندە بۇقاراعا قول بۇلعاپ قۇرمەت بىلدىرۋدە. سۋرەتتى شينحۋا اگەنتتىگىنىڭ ءتىلشىسى ۋاڭ يە تۇسىرگەن

　　　　10 - ايدىڭ 12 - كۇنىنەن 13 - كۇنىنە دەيىن جۇڭگو كوممۋنيستىك پارتياسى ورتالىق كوميتەتىنىڭ باس شۋجي-ى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ گۋاڭدۇڭدا قىزمەت تەكسەردى. سۋرەتتە: 10 - ايدىڭ 13 - كۇنى تۇستەن كەيىن شي جينپيڭ شانتوۋ قالاسىنداعى شاعىن باقشا ساۋدا پورتى رايونى شانتوۋ ساۋدا پورتى مادەنيەت كورمە سارايىندا قىزمەت تەكسەرىپ، شانتوۋ ساۋدا پورتى تاريحىن، ەكونوميكالىق ەرەكشە رايوننىڭ دامۋ ناتيجەسىن جانە كەلەر قادامداعى دامۋ جوباسى جاعدايىن ۇعىسۋدا. سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

　　شينحۋا اگەنتتىگىنىڭ 10 - ايدىڭ 15 - كۇنى گۋاڭجوۋدان بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ تاياۋدا گۋاڭدۇڭدا قىزمەت تەكسەرگەندە بىلاي دەپ باسا دارىپتەدى: پارتيا ورتالىق كوميتەتىنىڭ ستراتەگيالىق ورنالاستىرۋىن باتىل دايەكتىلەندىرىپ، جاڭا دامۋ ۇستانىمىنا تاباندى بولىپ، جوعارى ساپالى دامۋعا تاباندى بولىپ، ونان ارى يدەيانى ازات ەتىپ، جۇرەكتىلىكپەن جاڭالىق اشىپ، شىنايى يگەرىپ ناقتى ىستەپ، قايراتتانا العا ىلگەرىلەپ، رەفورما جاساۋ، ەسىك اشۋدى اناعۇرلىم كۇشتى ارىنمەن، اناعۇرلىم جوعارى باستامادا ىلگەرىلەتىپ، گۋاڭدۇڭ، شياڭگاڭ، اۋمىن ۇلكەن شىعاناق رايونى قۇرىلىسىن ىلگەرىلەتۋ، سىرتقا ەسىك اشۋدى اناعۇرلىم جوعارى دەڭگەيدە ىلگەرىلەتۋ، وسىزاماندانعان ەكونوميكالىق جۇيەنىڭ قالىپتاسۋىن ىلگەرىلەتۋ، رۋحاني وركەنيەت قۇرىلىسىن كۇشەيتۋ، ەكولوگيالىق وركەنيەت قۇرىلىسىن ويداعىداي يگەرۋ، حالىق تۇرمىسىن قامتاماسىز ەتۋ جانە جاقسارتۋ سياقتى جاقتاردا جاڭا دا اناعۇرلىم زور ىسكەرلىك تانىتىپ، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىندا بۇكىل ەلدىڭ الدىڭعى لەگىندە جۇرۋگە، جاڭا ناتيجەلەر جاراتۋعا قۇلشىنۋ كەرەك.

　　التىن كۇز كەزى، گۋاڭدۇڭنىڭ بايتاق دالاسىنان جالىندى تىرشىلىك لەبى ەسەدى. 10 - ايدىڭ 12 - كۇنىنەن 13 - كۇنىنە دەيىن شي جينپيڭ جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، گۋاڭدۇڭ ولكەلىك پارتكومنىڭ شۋجيى لي شي مەن ولكە باستىعى ما شيڭرۇيدىڭ سەرىك بولۋىمەن ىلگەرىندى - كەيىندى چاۋجوۋ، شانتوۋ سياقتى جەرلەرگە بارىپ، مادەني ەسكەرتكىشتەردى قورعاۋ ورىندارى، تاريحي مادەنيەت كوشە رايوندارى، كاسىپورىن سياقتىلارعا بارىپ، ىندەتتەن ساقتانۋ - تىزگىندەۋدى ۇدايىلاندىرۋدى جانە ەكونوميكالىق، قوعامدىق دامۋ قىزمەتىن ءبىر تۇتاس جوسپارلاپ ىلگەرىلەتۋ، رەفورما جاساۋ، ەسىك اشۋدى تەرەڭدەتۋ، ”14 - بەسجىلدىق“ مەزگىلىندەگى ەكونوميكالىق، قوعامدىق دامۋدى جوبالاۋ سياقتىلار جونىندە تەكسەرۋ - زەرتتەۋ جۇرگىزدى.

　　10 - ايدىڭ 12 - كۇنى تۇستەن كەيىن شي جينپيڭ چاۋجوۋ قالاسىنا كەلىپ قىزمەت تەكسەردى. چاۋجوۋ بايىرعى قالاسىنىڭ شىعىس قاقپاسىنىڭ سىرتىنداعى گۋاڭجي كوپىرى وڭتۇستىك سۇڭ داۋىرىندە سالىنعان، حانجياڭ وزەنىنىڭ ەكى جاعالاۋىن ەندەي وتەدى، ەرەكشە ستيلمەن سالىنعان، ارقالىقتى كوپىر، قالقىما كوپىر، دوعاشا كوپىر ءبىر تۇلعالانعان بولىپ، ”دۇنيە جۇزىندەگى ەڭ العاشقى اشىق - جابىق ۇلگىدەگى كوپىر“ دەپ اتالعان. شي جينپيڭ كوپىردە جاياۋ ءجۇرىپ، كوپىر سامالدىعىن، قالقىما كوپىردى كوردى، حانجياڭ وزەنىنىڭ ەكى جاعالاۋىنداعى كورىنىستەرگە كوز جىبەرىپ، كوپىردىڭ تاريحي، مادەنيەت ەرەكشەلىگىن ۇعىسىپ، گۋاڭجي كوپىرىنىڭ جوندەلۋ، قورعالۋ جاعدايى جونىندەگى تانىستىرۋدى تىڭدادى. شي جينپيڭ بىلاي دەپ باسا دارىپتەدى: گۋاڭجي كوپىرى تاريحتا تالاي رەت قايتا سالىنعان جانە جوندەلگەن، وعان ۇقساماعان داۋىرلەردەگى ەڭبەكشى حالىقتىڭ شەبەرلىگى مەن اقىل - پاراساتى شوعىرلانعان، ماڭىزدى تاريحي، عىلمي، كوركەمونەرلىك قۇنعا يە، چاۋجوۋدىڭ تاريحىنىڭ، مادەنيەتىنىڭ ماڭىزدى بەلگىسى. وسى باعالى تاريحي، مادەنيەت مۇراسىن قاستەرلەۋ جانە قورعاۋ كەرەك، شەكتەن اسىرىپ جوندەۋگە، شەكتەن اسىرىپ اشۋعا بولمايدى، تاريحي اۋەلگى كەلبەتىن مۇمكىندىكتىڭ بارىنشا ساقتاپ قالۋ كەرەك. حانجياڭ وزەنى الابىن جان - جاقتى جونگە سالۋدى ويداعىداي يگەرىپ، حانجياڭنىڭ مولدىرلىگىن ساقتاۋ كەرەك.

　　ىلە - شالا، شي جينپيڭ گۋاڭجي كوپىرىنىڭ بويىنداعى گۋاڭجي ەسىگىنەن جاياۋ ءوتىپ، تاس باسپالداقپەن گۋاڭجي عيماراتىنا شىقتى. عيماراتتاعى كورمە زالىندا، شي جينپيڭ چاۋجوۋدىڭ بەيزاتتىق مادەنيەت تۋىندىلارىن كورىپ، بەيزاتتىق مادەنيەت نىساندارى مۇراگەرلەرىنىڭ ۋاكىلدەرىنىڭ ۇستىندە جاساپ كورسەتۋىن تاماشالادى، سونداي - اق ولارمەن ىقىلاسپەن اڭگىمەلەسىپ، چاۋجوۋدىڭ ءداستۇرلى ونەرىنىڭ جالعاستىرىلۋ جاعدايىن ۇعىستى. شي جينپيڭ بىلاي دەپ اتاپ كورسەتتى: چاۋجوۋ مادەنيەتىنىڭ ايقىن وڭىرلىك ەرەكشەلىگى بار، ليڭنان مادەنيەتىنىڭ ماڭىزدى قۇرامداس ءبولىمى، جۇڭحۋا مادەنيەتىنىڭ ماڭىزدى سالاسى. چاۋجوۋ كەستەسى، چاۋجوۋ فارفورى، چاۋجوۋ ويماسى، چاۋجوۋ ءمۇسىنى، چاۋجوۋ تەاترى جانە گۇڭفۋ شايى، چاۋجوۋ قۋىرماشى سياقتىلار ۋاكىل بولعان چاۋجوۋدىڭ بەيزاتتىق مادەنيەت مۇرالارى − جۇڭحۋا مادەنيەتىنىڭ گاۋھارى. بەيزاتتىق مادەنيەت مۇرالارىن قورعاۋ مەن وعان مۇراگەرلىك ەتۋدى كۇشەيتىپ، مۇراگەرلەردى بەلسەنە باۋلىپ، بەيزاتتىق مادەنيەت مۇرالارىنىڭ اناعۇرلىم باۋراعىش قاسيەتىن ايشىقتاي ءتۇسۋ كەرەك.

　　شي جينپيڭ 2 - قاباتتاعى دالانعا كەلىپ، الىسقا كوز تاستادى، حانجياڭنىڭ كەڭ ايدىنىندا كوپىر ۇزىننان ۇزاققا سوزىلىپ جاتىر. گۋاڭجي عيماراتىنىڭ تاريحى جانە بايىرعى قالانىڭ جوندەلۋ، قورعالۋ جاعدايى جونىندەگى مالىمەتتى تىڭداعان سوڭ، شي جينپيڭ بىلاي دەپ باسا دارىپتەدى: گۋاڭجي كوپىرىن، گۋاڭجي عيماراتىن قامتىعان چاۋجوۋ بايىرعى قالاسىنىڭ ءبىرشاما تولىق ساقتالۋى، شىنىندا، وڭاي ەمەس، ەرەكشە باعالى. كونە قالانى جاڭالاۋ، جاڭا قالانى اشۋ بارىسىندا، قالانىڭ تاريحي، مادەنيەت جۇرناقتارىن ويداعىداي قورعاپ، قالانىڭ مادەنيەت تامىرىن جالعاستىرىپ، تاريح پەن قازىرگى زاماندى ءبىر - بىرىنە ساي كەلتىرۋ كەرەك.

　　پايفاڭ كوشەسى چاۋجوۋ قالاسىنداعى مادەنيەتتىك جەر بەلگىلەرىنىڭ ءبىرى، 23 بايىرعى ەسكەرتكىش قاقپا 51 بايىرعى كوشەنى جالعاستىرىپ تۇرادى. شي جينپيڭ كوشەنى جاياۋ ارالاپ، چاۋجوۋ قالاسىنىڭ تاريحي، مادەنيەت كوشە وڭىرلەرىن جوندەۋ، قورعاۋ، تاڭداۋلى ءداستۇرلى مادەنيەت توپتالعان جەردى قالىپتاستىرۋى سياقتى جاعدايلاردى ۇعىستى ءارى كوشە بويىنداعى ساۋدا دۇكەندەرىنە كىرىپ، دۇكەنشىلەرمەن، الارماندارمەن قىزۋ اڭگىمەلەسىپ، ولاردان ساۋدانىڭ، بازاردىڭ قالپىنا كەلۋ جاعدايىنىڭ قانداي ەكەنىن، ءوندىرىس، تۇرمىستا نەندەي قيىنشىلىقتار بار ەكەنىن سۇرادى. شي جينپيڭ بىلاي دەپ اتاپ كورسەتتى: قازىر ەلىمىز ىندەتتەن ساقتانۋ - تىزگىندەۋدە كەلەلى ستراتەگيالىق جەتىستىكتەرگە قول جەتكىزىپ، ەكونوميكانىڭ، قوعامنىڭ قالىپتى ءتارتىبى نەگىزىنەن قالپىنا كەلتىرىلدى، ءبىراق سىرتتان كىرۋدەن ساقتانۋدىڭ، ىشتە قايتا بەلەڭ بەرۋدەن ساقتانۋدىڭ قىسىمى ءالى دە زور. ىندەتتەن ساقتانۋ - تىزگىندەۋدى ۇدايىلاندىرۋدىڭ ءتۇرلى شارالارىن ۇزدىكسىز قاتاڭ اتقارىپ، ەڭ سوڭىندا ىندەتتى جەڭىپ شىعۋ جولىندا بىرگە قۇلشىنۋ كەرەك.

　　كوشەنىڭ بويى حاباردى ەستي سالا جەتكەن بۇقاراعا لىق تولدى، كوپشىلىك ”باس شۋجي، سالەمەتسىز بە!“، ”باس شۋجي جاپا تارتتىڭىز!“ دەپ الاقايلادى. شي جينپيڭ كوپشىلىككە قايتا - قايتا قول بۇلعاپ قۇرمەت ءبىلدىردى. ول كوپشىلىككە ىقىلاسپەن بىلاي دەدى: چاۋجوۋدىڭ تاريحى ۇزاق، مادەنيەت شوعىرلانعان، مەملەكەتتىڭ تاريحي، مادەنيەت ايگىلى قالاسى، اتىن ەستىپ تالايلاعان ادام ەكسكۋرسيالاپ، ساياحاتتاپ كەلەدى. تاريح، مادەنيەت قۇنىنا يە كونە قالا رايونىن ويداعىداي قورعاپ، قالانىڭ ەرەكشەلىگىن ايگىلەپ، مادەنيەت ساياحاتىنىڭ مازمۇنىن ارتتىرىپ، ادامداردىڭ اناعۇرلىم كوپ تاربيەگە يە بولۋىنا مۇمكىندىك جاساۋ كەرەك. 40 نەشە جىلدىڭ الدىندا مەن چاۋجوۋعا كەلگەنمىن، بۇگىن وسى اراعا تاعى كەلىپ، چاۋجوۋدىڭ دامىپ گۇلدەنگەنىن كورىپ ەرەكشە ءسۇيىندىم. چاۋجوۋداعى قالىڭ كادر - بۇقارانىڭ ورايدى مىقتى ۇستاپ، قولايلى ساتتەن پايدالانىپ العا ۇمتىلىپ، ناقتى قيمىلعا كوشىپ، چاۋجوۋدى اناعۇرلىم كوركەم ەتىپ قۇرۋىن ءۇمىت ەتەمىن!

　　پايفاڭ كوشەسىنەن شىققان سوڭ، شي جينپيڭ چاۋجوۋ سانحۋان (توبى) جارنا شەكتى سەرىكتەستىگىنە كەلىپ تەكسەرۋ - زەرتتەۋ جۇرگىزدى. 50 جىلدان بەرى وسى كاسىپورىن دەربەس جاڭالىق اشۋعا تاباندى بولىپ، كاسىپ سالاسىنىڭ دەڭگەيىنىڭ ءوسۋىن ۇزدىكسىز ىلگەرىلەتىپ، ەلەكتروندى بولشەك، وزىق ماتەريالداردى زەرتتەپ اشۋ جانە ءوندىرۋ جاعىندا كاسىپ سالاسىنىڭ الدىڭعى لەگىندە كەلەدى، ءىشىنارا ونىمدەرىنىڭ ءوندىرىلۋ - ساتىلۋ مولشەرى الەمنىڭ الدىڭعى قاتارىنان ورىن الدى. ىندەت كەزىندە كاسىپورىن ىندەتتەن قاتاڭ ساقتانۋ - تىزگىندەۋگە تاباندى بولۋمەن قاتار بەلسەندىلىكپەن جۇمىستى، ءوندىرىستى قالپىنا كەلتىرىپ، ءوندىرۋ - ساتۋ مولشەرى ءتيىمسىز جاعدايدا جوعارى كوتەرىلدى. سەرىكتەستىكتىڭ كورمە زالىندا، شي جينپيڭ ەرەكشە ونىمدەر كورمەسىن كورىپ، ونىمدەردىڭ قولدانىلۋى، تەحنيكالىق باسىمدىعى، بازارداعى ساتىلۋى سياقتىلاردى ەگجەي - تەگجەيلى ۇعىستى. ول تاجىريبەحانا مەن ءوندىرىس سەحىنا دا بارىپ، كاسىپورىننىڭ دەربەس جاڭالىق اشۋعا تاباندى بولۋى، ءداستۇرلى جاساۋ كاسىبىنىڭ تيپ وزگەرتىپ دارەجەنى جوعارىلاتۋى، سونداي - اق ەل ءىشى، حالىقارالىق بازاردى اشۋى سياقتى جاعدايلاردى ۇعىستى. شي جينپيڭ بىلاي دەپ باسا دارىپتەدى: دەربەس جاڭالىق اشۋ − كاسىپورىننىڭ وزەكتى باسەكەلىك قۋاتىن ارتتىرۋدا، كاسىپورىننىڭ جوعارى ساپالى دامۋىن جۇزەگە اسىرۋدا باسىپ وتۋگە ءتيىستى جول. سىزدەردىڭ نازاردى ەل ىشىندەگى ولقى ونىمدەرگە شوعىرلاندىرىپ، دەربەس زەرتتەۋ - اشۋ جاعىندا ەسەلەپ قۇلشىنىپ، اناعۇرلىم كوپ وزەكتى تەحنيكانى، وزىق ورىنداعى تەحنيكانى مەڭگەرىپ، كاسىپورىننىڭ باسەكە جانە دامۋ قابىلەتىن كۇشەيتۋلەرىڭىزدى ءۇمىت ەتەمىن. دۇنيە جۇزىندە 100 جىلدا بولماعان ۇلكەن وزگەرىس الدىندا، ەل ءىشى - سىرتىنداعى دامۋ ورتاسىندا جارىققا شىققان تەرەڭ، كۇردەلى وزگەرىستەر الدىندا ءبىز اناعۇرلىم جوعارى دەڭگەيدەگى ءوز كۇشىنە سۇيەنىپ ءومىر ءسۇرۋ جولىمەن ءجۇرىپ، اناعۇرلىم جوعارى دەڭگەيدەگى رەفورما جاساۋ، ەسىك اشۋدى اتقارىپ، ەل ىشىندەگى ۇلكەن اينالىمدى نەگىزگى تۇلعا ەتەتىن، ەل ءىشى مەن حالىقارا سىندى قوس اينالىم ءبىرىن - ءبىرى جەبەيتىن جاڭا دامۋ ارناسىن جەدەل قالىپتاستىرۋىمىز كەرەك. كوپشىلىك پارتيا ورتالىق كوميتەتىنىڭ ستراتەگيالىق ويىن تەرەڭ ۇعىنىپ، جاڭا دامۋ ارناسىن قالىپتاستىرۋ سىندى نەگىزگى شايقاس مايدانىندا ءوز ورنىن ءدال تاۋىپ، كاسىپورىنشىلار رۋحىن ساۋلەلەندىرىپ، كاسىپورىننىڭ نەعۇرلىم جوعارى ساتىعا كوتەرىلۋىن ىلگەرىلەتىپ، مەملەكەتكە اناعۇرلىم زور ۇلەس قوسۋى كەرەك.

　　10 - ايدىڭ 13 - كۇنى تۇستەن كەيىن شي جينپيڭ شانتوۋ قالاسىنداعى شاعىن باقشا ساۋدا پورتى رايونىنا كەلىپ قىزمەت تەكسەردى، تەكسەرۋ - زەرتتەۋ جۇرگىزدى. شانتوۋ 1860 - جىلى ساۋدا پورتى بولعاننان بەرى، بەلدى ەلدەردىڭ جۇڭگوعا شاپقىنشىلىق جاساعان جابىرلەنۋ تاريحىنا كۋا بولدى ءارى رەفورما جاساپ، ەسىك اشقاننان بەرگى ەكونوميكالىق ەرەكشە رايوننىڭ دامۋ ۇردىسىنە دە كۋا بولدى. شي جينپيڭ شانتوۋ ساۋدا پورتى مادەنيەت كورمە سارايىنا بارىپ، شانتوۋ ساۋدا پورتى تاريحىن جانە ەكونوميكالىق ەرەكشە رايوننىڭ دامۋ ناتيجەسىن ۇعىسىپ، شانتوۋ قالاسىنىڭ كەلەر قادامداعى دامۋ جوباسى جاعدايىنان بەرىلگەن مالىمەتتى تىڭدادى. شي جينپيڭ بىلاي دەپ اتاپ كورسەتتى: شانتوۋ ەكونوميكالىق ەرەكشە رايونى رەفورما جاساپ، ەسىك اشقاننان كەيىن ەڭ ەرتە قۇرىلعان ەكونوميكالىق ەرەكشە رايونداردىڭ ءبىرى. جاڭا داۋىردەگى رەفورما جاساپ، ەسىك اشۋدىڭ ءمانىن، شارت - جاعدايىن، تالابىن بۇرىنعىمەن سالىستىرعاندا وتە زور ۇقساماستىق بار. شانتوۋدىڭ تەكسەرۋ - زەرتتەۋدى تەرەڭدەتىپ، مۇقيات ويلانىپ، جوبالاپ، ماسەلەنى ناقتى شەشەتىن وي جەلىسى مەن شاراسىن الىپ شىعۋىن ءۇمىت ەتەمىن، جول دۇرىس بولسا بولدى، ەڭبەك ماعان جازىلماسادا بولادى دەيتىن دەڭگەيمەن ۇزاق ۋاقىت ۇلەس قوسۋ كەرەك. گۋاڭدۇڭ، شياڭگاڭ، اۋمىن ۇلكەن شىعاناق رايونىن قۇرۋ، ”ءبىر بەلدەۋ، ءبىر جولدى“ بىرگە قۇرۋ سياقتى كەلەلى ورايلاردان تولىق پايدالانىپ، ورىندى دالمە - ءدال تاۋىپ، تابىسىن كوركەيتىپ، ولقىلىعىن وڭاپ، اناعۇرلىم كۇشتى ارىنمەن، اناعۇرلىم جوعارى باستامادا رەفورما جاساپ، ەسىك اشۋدى ىلگەرىلەتىپ، جاڭا داۋىردەگى ەكونوميكالىق ەرەكشە رايون قۇرىلىسى بارىسىندا قۋىپ جەتۋ جانە باسىپ وزۋ كەرەك.

　　ونان كەيىن شي جينپيڭ چاۋشان چياۋميندار مەكەنىنىڭ ەرەكشەلىگىنە يە حۋاچياۋلار حات - شەك مادەني ەسكەرتكىش سارايىن ەكسكۋرسيالادى. وتكەندەگى وتە ۇزاق ءبىر ۋاقىتتا، شەتەلدەگى حۋاچياۋلار حالىقتىق ارنا ارقىلى سالەم حات نەمەسە شاعىن ەسكەرتۋ قوسىلعان اقشا شەگىن ەلىمىزگە جىبەردى، وسى ”حۋاچياۋلار حات - شەگى“ تاياۋ زامانعى حۋاچياۋ تاريحىن زەرتتەۋدەگى قۇندى ارحيۆكە اينالدى. شي جينپيڭ حۋاچياۋلار حات - شەك تاريحى مەن چاۋشان حۋاچياۋ مادەنيەتى جونىندەگى تانىستىرۋدى تىڭدادى. ول بىلاي دەپ باسا دارىپتەدى: ”حۋاچياۋلار حات - شەككە “ اعا بۋىن شەتەلدىك چياۋمىنداردىڭ ماشاقاتتى شارۋاشىلىق قۇرۋ تاريحى مەن قويۋ جانۇيا - وتان سۇيىسپەنشىلىگى جازىلعان، بۇل ءارى جۇڭحۋا ۇلتىنىڭ بەت - بەدەلدى دارىپتەيتىندىگىنىڭ، ۋادەسىندە تۇراتىندىعىنىڭ ماڭىزدى بەينەسى. وسى ”حۋاچياۋلار حات - شەك“ مادەني ەسكەرتكىشىن ويداعىداي قورعاپ، زەرتتەۋدى كۇشەيتىپ، ادامداردى تاياۋ زاماندا ەلىمىزدىڭ باستان وتكەرگەن جابىرلەنۋ تاريحىن جانە اعا بۋىن چياۋمىنداردىڭ ماشاقاتتى شارۋاشىلىق قۇرۋ تاريحىن ۇمىتپاۋعا تاربيەلەۋ، جەتەكتەۋ، سونداي - اق تۇتاس قوعامدا سەنىمدىلىك قۇرىلىسىن كۇشەيتۋدى ىلگەرىلەتۋ كەرەك. چاۋشان رايونى ەلىمىزدەگى ايگىلى چياۋمىندار مەكەنى. شانتوۋ ەكونوميكالىق ەرەكشە رايونى جاڭا ءىس جۇزىندىككە نەگىزدەلىپ ”چياۋمىن“ ىستەرىن ويداعىداي ىستەپ، شەتەلدەگى حۋاچياۋلار قىزمەتىن كۇشەيتىپ، ولاردى وتانىمىزدى وسىزامانداندىرۋ قۇرىلىسىنا قولداۋ كورسەتۋ جانە ات سالىسۋ، جۇڭحۋا مادەنيەتىن اسقاقتاتۋ، وتاننىڭ بەيبىت بىرلىككە كەلۋىن جەبەۋ، جۇڭگو مەن شەتەلدىڭ اۋىس - كۇيىسىن، سەلبەستىگىن جيىلەتۋ سياقتى جاقتاردا اناعۇرلىم زور رول اتقارۋعا جەتەكتەۋ جانە شابىتتاندىرۋ كەرەك.

　　شانتوۋ شاعىن باقشا ساۋدا پورتى رايونى قازىر ەلىمىزدەگى ساقتالۋى ەڭ كەمەلدى ساۋدا پورتى رايوندارىنىڭ ءبىرى. اينالمالى، بىتىرامدى جۇلگەدەگى كوشەلەرگە قىرۋار دالدا ۇيلەر سالىنعان. شي جينپيڭ كوشە رايونى كەلبەتىن جاياۋ ارالاپ كورىپ، جەرگىلىكتى ورىننىڭ ساۋدا پورتى رايونىن قالپىنا كەلتىرۋ، جاڭالاۋ، تاريحي مادەنيەت كوشە رايوندارىن قورعاۋدى، جانداندىرۋدى ىلگەرىلەتۋ سياقتى جاعدايلار جونىندەگى تانىستىرۋدى تىڭدادى. شي جينپيڭ بىلاي دەپ باسا دارىپتەدى: قازىر ەلىمىزدىڭ ەكونوميكالىق، قوعامدىق دامۋى وتە تەز، قالا قۇرىلىسى كۇن سايىن جاڭالانۋدا. وسىنداي بولعان سايىن تاريحي مادەنيەت كوشە رايوندارىن قورعاۋدى سولعۇرلىم كۇشەيتىپ، قورعاۋدى كۇشەيتۋ العى شارتىندا قالا نەگىزدىك قۇرىلعى قۇرىلىسىن جۇرگىزىپ، وسى زامانعى تۇرمىس لەبىمەن ورگانيكالى توعىستىرىپ، بايىرعى، كونە قالانىڭ جاڭا ومىرشەڭدىك كۇشىن قاۋلاتۋ كەرەك. ادامداردى شانتوۋ ەكونوميكالىق ەرەكشە رايونىنىڭ بۇگىنگى كۇنىنىڭ وڭاي - وسپاق قولعا كەلمەگەندىگىن تانىپ جەتۋگە، وسىدان پارتيانىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ كورنەكتى ابزالدىلىعىن سەزىنىپ، جۇڭگوشا سوتسياليزم جولى سەنىمىن، نازارياسى سەنىمىن، ءتۇزىمى سەنىمىن، مادەنيەت سەنىمىن بەكەمدەۋگە جەتەكتەۋ كەرەك.

　　جەرگىلىكتى بۇقارا مەن ساياحاتشىلار باس شۋجيدىڭ كەلگەندىگىن كورىپ، قورالاي كەلىپ باس شۋجيگە امانداستى. شي جينپيڭ كوپشىلىكتىڭ تۇرمىستارىنىڭ كوڭىلدى، ساۋ - سالەمەت، باقىتتى بولۋىن تىلەدى. ول بىلاي دەپ اتاپ كورسەتتى: ەلىمىزدىڭ رەفورما جاساپ، ەسىك اشۋى مەن ەكونوميكالىق ەرەكشە رايونى قۇرىلىسىن جۇرەگى اتا مەكەن دەپ سوققان، جۇرەگى وتان دەپ سوققان قىرۋار حۋاچياۋلاردان بولە قاراۋعا كەلمەيدى. ءبىز الدا جاپپاي دوڭگەلەك داۋلەتتى قوعام ورناتامىز، جاپپاي سوتسياليستىك وسىزاماندانعان مەملەكەت قۇرۋدىڭ جاڭا ساپارىن باستايمىز، ەكىنشى 100 جىلدىق كۇرەس نىساناسىنا قاراي جورىق جاسايمىز. وسى عاسىردىڭ ورتا شەنىنە جەتكەندە ەلىمىزدى باي، قۇدىرەتتى، دەموكراتيالى، وركەنيەتتى، جاراسىمدى، كورىكتى سوتسياليستىك وسىزاماندانعان قۇدىرەتتى ەل ەتىپ قۇرىپ شىعۋ ەل ءىشى - سىرتىنداعى بارلىق جۇڭحۋا ۇلاندارىنىڭ ورتاق تىلەگى. بيىل ەكونوميكالىق ەرەكشە رايون قۇرىلعاندىعىنىڭ 40 جىلدىعى، مەنىڭ شانتوۋ ەكونوميكالىق ەرەكشە رايونىنا قىزمەت تەكسەرۋگە، تەكسەرۋ - زەرتتەۋ جۇرگىزۋگە ارنايى كەلۋىم ەل ءىشى - سىرتىنا جۇڭگو كوممۋنيستىك پارتياسىنىڭ جۇڭگو حالقىنا باسشىلىق ەتىپ رەفورما جاساپ، ەسىك اشۋ جولىمەن بۇلجىماي ءجۇرىپ، سوتسياليستىك وسىزامانداندىرۋ قۇرىلىسىن قۇلشىنا ىلگەرىلەتىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدان جازبايتىندىعىن جاريالاۋ. اۋىلداستاردىڭ قول ۇستاسا قۇلشىنىپ، بىرگە كۇرەس جاساۋىن ءۇمىت ەتەمىن!

　　ديڭ شۋەشياڭ، ليۋ حى، چىن شي، حى ليفىڭ جانە ورتالىقتىڭ قاتىستى تاراۋلارىنداعى جاۋاپتى جولداستار قىزمەت تەكسەرۋدە بىرگە بولدى.