تيانشان تورى
تيانشان تورى   ›   جاڭالىقتار   ›   شينجياڭ حابارلارى

شينجياڭنىڭ حۋبەيعا كومەكتەسىپ ىندەتكە قارسى اتتانعان بارىسى كورمەدە قايتادان كورسەتىلدى

”حالىقتى بارىنەن جوعارى قويۋ، ءومىردى بارىنەن جوعارى قويۋ “ اتىنداعى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ ارناۋلى تاقىرىپتىق كورمەسى ۋحاندا اشىلدى

شينجياڭنىڭ حۋبەيعا كومەكتەسىپ ىندەتكە قارسى اتتانعان بارىسى كورمەدە قايتادان كورسەتىلدى

  10 - ايدىڭ 15 - كۇنى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ ارناۋلى تاقىرىپتىق كورمەسىندە كورەرمەندەر شينجياڭنان حۋبەيعا كومەككە بارعان ەمدەۋ اترەتىنىڭ اترەت بايراعى مەن ەمدەۋ اترەتى مۇشەلەرىنىڭ ەسىمدەرى جىپىرلاتا جازىلعان قورعانۋ كيىمدەرىن كورۋدە. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى جوۋ پىڭ تۇسىرگەن

  شينجياڭ گازەتىنىڭ جالپىلىق اقپارات قۇرالدارى ءتىلشىسى لي چۇنشيا 10 - ايدىڭ 15 - كۇنى ۋحاننان حابارلايدى. 10 - ايدىڭ 15 - كۇنى ”حالىقتى بارىنەن جوعارى قويۋ، ءومىردى بارىنەن جوعارى قويۋ“ اتىنداعى جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ ارناۋلى تاقىرىپتىق كورمەسى حۋبەيدىڭ ۋحانىندا اشىلىپ، شينجياڭنىڭ حۋبەيعا كومەكتەسىپ ىندەتكە قارسى اتتانعان بارىسى كورمەدە قايتادان كورسەتىلىپ، سول ءبىر قيان - كەسكى، مۇشكىل ۋاقىتتىق قيىنشىلىقتى بىرگە جەڭگەن ىندەتكە قارسى اتتانۋ بارىسى ەستەلىككە الىندى.

  وسى رەتكى ارناۋلى تاقىرىپتىق كورمە جيىنى 6 نەگىزگى تاقىرىپتى مازمۇن ەتكەن كورمە رايونىنا ءبولىنىپ، 1100 پارشادان استام سۋرەت، 1000نان استام ناقتى زات، 45 بەينە ەكران كورمەگە قويىلىپ، 33 كولەمدى كورىنىس كورسەتىلدى. ”تۇس - تۇستان كومەكتەسىپ، ۋاقىتتىق قيىنشىلىقتى بىرگە جەڭەمىز“ اتىنداعى كورمە رايونى ادامدى قاتتى اسەرلەندىرەدى. جاڭا تيپتى ايدارشا ۆيرۋس وكپە قابىنۋ ىندەتى تۋىلعاننان كەيىن، ىندەتتەن ساقتانۋ - تىزگىندەۋدىڭ ەڭ قيىن ساتتەرىندە بۇكىل مەملەكەتتىڭ جەر - جەرىندەگى ەمدەۋ قوسىندارى ءتۇن قاتىپ كومەككە اتتانىپ، ىندەتكە قارسى اتتانۋدىڭ ەڭ كوركەم ”سەنترلەس شەڭبەرىن“ سالدى، شينجياڭ انە سولاردىڭ اراسىنداعى ماڭىزدى كۇش بولدى. ناقتى زاتتار كورمەسىندە، شينجياڭنان حۋبەيعا كومەككە بارعان ەمدەۋ اترەتىنىڭ اترەت بايراعى بيىككە ءىلىنىپ، ەرەكشە كوز تارتىپ تۇر.

  ادال جۇرەكتەرىمەن جانۇيا - وتان ءۇشىن ەڭبەك ەتتى. شينجياڭ ەمدەۋ اترەتى مۇشەلەرىنىڭ اۋەجايعا جينالىپ اتتانعانداعى كورىنىسى، ەمدەۋ قىزمەتكەرىنىڭ اتتانار ساتتە جۇبايىمەن ىستىق ىقىلاسپەن قوشتاسقان سۋرەتى، شينجياڭنان حۋبەيعا كومەككە بارعان ەمدەۋ اترەتىندەگى مۇشەلەردىڭ ەسىمدەرى جىپىرلاتا جازىلعان قورعانۋ كيىمدەرى دەيسىز بە... ءاربىر پارشا سۋرەتتەردە، ءاربىر ناقتى زاتتاردا شينجياڭداعى قالىڭ ەمدەۋ قىزمەتكەرلەرىنىڭ پارتيا ورتالىق كوميتەتىنىڭ بۇيرىعىنا قۇلاق اسىپ، كوكىرەكتەرىن وت جىگەر كەرنەپ حۋبەيعا كومەككە اتتانعان، بار زەيىن - زەردەسىمەن، كۇش - قۋاتتارىمەن، جان اياماي قىزمەت ىستەگەن جان تەبىرەنتەرلىك كورىنىستەر اسەرلى تۇردە قايتا كورسەتىلىپ، قاتەرلى ساتتە اسقاقتاعان وتانشىلدىق سۇيىسپەنشىلىكتى، وتان ءۇشىن باسىن ءباي تىگىپ ىسكە كىرىسكەن كورىنىسىن ايگىلەدى.

  ”تۇس - تۇستان كومەكتەسىپ، ۋاقىتتىق قيىنشىلىقتى بىرگە جەڭەمىز“ اتىنداعى كورمە رايونىنىڭ ”قيىندىقتى بىلەك بىرىكتىرە جەڭۋ، شەكسىز ۇلى سۇيىسپەنشىلىك“ بولەگىندە ءارقايسى باۋىرلاس ولكە، قالالاردىڭ حۋبەيعا بارىنشا كومەكتەسكەن جاندى جىلىتاتىن ارەكەتى ەستەلىككە الىنعان. شينجياڭ تيانلاي توبى حۋبەي ولكەسىنە مەديتسينادا ىستەتىلەتىن سپيريتتەن 100 توننانى، قۇربان تۇلىم اۋىل شارۋاشىلىعى، ەگىمشىلىك كاسىپتىك سەلبەستىك كووپەراتيۆى حۋبەيعا 5 توننا ساپالى كۇرىشتى جىلۋعا اتادى... ارالىعى قانشاما شالعاي بولسا دا، شينجياڭداعى ءار ۇلت حالقى وزدەرىنىڭ ءىس جۇزىندىك ارەكەتى ارقىلى ”ءبىر جاعادان باس، ءبىر جەڭنەن قول شىعاراتىن“ باۋىرلاس تەرەڭ سۇيىسپەنشىلىگىن ايگىلەدى.

  كورمەدە ”ەڭ تاماشا ساتتەرگە“ قۇرمەت اتتى ۇلكەن ەلەكتروندى ەكراندا بۇكىل مەملەكەتتەن حۋبەيعا كومەككە بارعان 42 مىڭ 600 ەمدەۋ قىزمەتكەرىنىڭ ماسكىلارىن الىپ تاستاعان ءساتىن تۇسىرگەن سۋرەتتەر تولاسسىز كورسەتىلىپ جاتىر، شينجياڭنان حۋبەيعا كومەككە بارعان ەمدەۋ اترەتىندەگى 509 اترەت مۇشەسى (بيڭتۋاندى قامتيدى) تۇگەلدەي سولاردىڭ اراسىندا تۇر، تاريح وسىناۋ قاھارمانداردىڭ بەت الپەتىن ماڭگى ۇمىتپايدى، ولار جاڭا داۋىردەگى ەڭ سۇيىكتى ادامدارىمىز.

  كورمەنى تاماشالاۋعا كەلگەن كورەرمەندەردىڭ سول شاقتارداعى قاباعات قيىن ىندەتكە قارسى اتتانۋ بارىسىن كورىپ تەبىرەنبەگەنى جوق، ولار بۇكىل ەلدىڭ ءبىر نيەتپەن ىنتىماقتاسقان ۇلى كۇشىنە ءسۇيىندى. بۇكىل مەملەكەتتىڭ جەر - جەرىنەن حۋبەيعا كومەككە بارعان ەمدەۋ اترەتى مۇشەلەرىنىڭ اق حالاتتى ساۋىت ەتىپ ىندەتكە قارسى اتتانعان كەيىپكەرلىك مۇسىندەرىنىڭ الدىندا، ۋحان قالاسىنىڭ تۇرعىنى ياۋ جۇنشيان ۇزاق قاراپ تۇردى، ”مەن شينجياڭعا بارعانمىن، وتە الىستا، ءبىراق توتەنشە كوركەم ەدى. ىندەتكە قارسى اتتانعان كەزدە، شينجياڭ ەمدەۋ اترەتى الىستان ات وكسىتىپ كەلدى، مۇنداي باۋىرمالدىقتى ءبىز ماڭگى جۇرەگىمىزدە ساقتايمىز“، - دەدى ياۋ جۇنشيان جانارى جاسقا تولىپ.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.