تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

كەدەيلەردى سۇيەمەلدەۋ كاسىپورنىن قۇرىپ، اۋىلداستاردى كىرىستەرىن ارتتىرۋعا باستادى

− مەملەكەتتىك كەدەيلىكتەن ارىلتۋدان قامال الۋ سيلىعى ۇلەس قوسۋ سيلىعىنىڭ يەگەرى زى گۇيشين تۋرالى

شينجياڭ گازەتىنىڭ جالپىلىق اقپارات قۇرالدارى ءتىلشىسى ءپاريزات ابدۇل

  10 - ايدىڭ 17 - كۇنى تۇستەن بۇرىن ەندى عانا مەملەكەتتىك كەدەيلىكتەن ارىلتۋدان قامال الۋ سيلىعى ۇلەس قوسۋ سيلىعىن العان زى گۇيشين بىلاي دەدى: ”قايتىپ بارعاننان كەيىن ىستەيتىن جۇمىس ءالى دە تولىپ جاتىر، قايراتتانا ىستەيمىن“!

  بيىل 56 جاسقا كەلگەن زى گۇيشين شاندۇڭ ولكەسى گاۋمي قالاسىندا ءبىر ەگىنشى وتباسىندا دۇنيەگە كەلگەن، 2004 - جىلى قوسىننان شەگىنگەن سوڭ گۇما اۋدانىنا كەلگەن. وسى 16 جىلدا زى گۇيشين قاي - قاشان دا جەرگىلىكتى ورىنداعى ەگىنشى - مالشىلاردى ءوزىنىڭ اعا - باۋىر، اپەكە - قارىنداسىنا بالاپ، ولارعا كومەكتەسىپ كەدەيلىكتەن ارىلتىپ، اۋقاتتاندىرۋدى ءوزىنىڭ ىستەۋگە ءتيىستى ءىسى ساناپ، ءوزىنىڭ جىلۋى مەن مەيىرىن ارنادى.

شارۋالارعا ىستەپ كورسەتتى

− كەدەيلىكتەن ارىلتۋدىڭ جاڭا جاعدايىن اشتى

  گۇما اۋدانىنا العاش كەلگەن زى گۇيشين ايبىندى ءشول دالانىڭ ساۋلەتتى كورىنىسىنە تامسانۋمەن بىرگە، جەرگىلىكتى بۇقارانىڭ كەدەي تۇرمىسىن كورىپ وي تۇيگەن ەدى. سول ساتتە زى گۇيشين گۇما اۋدانىندا قالۋعا بەكىپ، جىلىجاي سالۋ، قۇرىلىعى اۋىل شارۋاشىلىعىن دامىتۋدان باستاپ ىسكە كىرىسەدى.

  جىلىجاي سالۋ نازىك جۇمىس، جاقسى ىستەي الماسا كوكونىس مايسالارىن ءۇسىرىپ الادى. جاڭادان قابىلداعان جۇمىسشىلاردىڭ كوبى جەرگىلىكتى ورىنداعى از ۇلت ەگىنشى - مالشىلار. ءتىل جاعىنان قينالعاندىقتان، زى گۇيشين باسپا - باس ۇيرەتۋگە كوشەدى.

  زى گۇيشين بىلاي دەدى: مەشەۋ كوزقاراس − ەكونوميكانىڭ دامۋىنا تۇساۋ، ەگىنشى - مالشىلاردىڭ كەدەيلىكتەن ارىلىپ، اۋقاتتانۋىنا كەسە - كولدەنەڭ بولعان باستى ءتۇيىن.

  مىڭ ايتىپ، سان تۇسىندىرگەننەن ونەگە كورسەتىپ شارۋالارعا ىستەپ كورسەتكەن ابزال. 2006 - جىلى گۇما اۋداندىق پارتكوم مەن ۇكىمەتتىڭ قولداۋىندا، زى گۇيشين ءوزىنىڭ قوسىننان شەگىنگەننەن كەيىنگى بارلىق جيعان - تەرگەن اقشاسىن الىپ شىعىپ، گۇما اۋدانىندا تۇڭعىش ۋنيۆەرسالدىق اۋىل شارۋاشىلىق عىلىم - تەحنيكا ۇلگى كورسەتۋ باقشاسىن قۇرىپ، ەل ءىشى - سىرتىنداعى ساپالى سورتتاردى ەنگىزىپ سالىستىرا وتىرىپ سىناق جاسايدى، جەرگىلىكتى ورىنعا ۇيلەسەتىن ەگىس داقىلدارىن تاڭداپ الىپ جالپىلاستىرادى. ىلە - شالا ول تاعى گۇما اۋدانىندا فاڭيۋان جاسىل اۋىل شارۋاشىلىق عىلىم - تەحنيكالىق اشۋ شەكتى سەرىكتەستىگىن تىركەۋگە الدىرادى.

  ”مەن ولارعا شىنايى وزگەرىستى سەزىندىرىپ، قاجىرلى ەڭبەگىنە سۇيەنىپ اۋقاتتاندىرۋ جولىنا باستايمىن“، - دەدى زى گۇيشين.

شارۋالاردى باستاپ ىسكە كىرىستى

− كىرىس ارتتىرىپ اۋقاتتانۋ جولىنىڭ ارناسىن كەڭەيتتى

  گۇما اۋدانى فاڭيۋان جاسىل اۋىل شارۋاشىلىق عىلىم - تەحنيكالىق اشۋ شەكتى سەرىكتەستىگىنىڭ جەم - ءشوپ سەحىندا جۇمىسشى ابلەمەت نۇر جەم - ءشوپتى ۇساتۋمەن قاربالاس بولۋدا، ”زى باس ديرەكتوردىڭ ارقاسىندا، مەن كاسىپ سالاسىنىڭ جۇمىسشىسىنا اينالدىم، ايىنا 4000 يۋانعا جۋىق كىرىسىم بار بولدى“، - دەدى ول.

  ”سەرىكتەستىك قۇرىپ، كاسىپ سالاسىن دامىتۋىم − اناعۇرلىم كوپ ادامنىڭ كىرىستەرىن ارتتىرۋىنا باستاماشىلدىق ەتۋ ءۇشىن“، - دەدى زى گۇيشين.

  زى گۇيشين ەگىنشى - مالشىلاردىڭ تاجىريبەسىنىڭ كەمشىل، تەحنيكانىڭ جەتكىلىكسىز بولۋىن شەشۋدەن باستاپ ىسكە كىرىسىپ، مەرزىم سايىن اۋىل شارۋاشىلىعى، مال شارۋاشىلىعى ماماندارىن ۇسىنىس ەتىپ باعىتتامالى باۋلۋ ورىستەتتى، ەگىمشىلىك، باعىمشىلىق تەحنيكتەرىنىڭ تاجىريبە اۋىستىرۋ جينالىسىن ورىستەتىپ، ەگىمشىلىكپەن، باعىمشىلىقپەن شۇعىلداناتىنداردىڭ ءوزارا تاجىريبە اۋىستىرۋىنا مۇمكىندىك جاسادى؛ ەرەكشە ەگىس داقىلدارىن ەگۋدەن ۇلگى كورسەتۋ بازاسىن قۇرىپ، اۋىل شارۋاشىلىق عىلىم - تەحنيكا قىزمەت وتەۋ اترەتىن قۇرىپ، اۋىلعا بارىپ ارالاپ ءجۇرىپ تەحنيكالىق جەتەكشىلىك ەتۋدى ورىستەتتى. 16 جىلدان بەرى زى گۇيشين ەرەكشە ەگىس داقىلدارىن ەگۋدەن ۇلگى كورسەتۋ بازاسىنا سۇيەنىپ ءتۇرلى عىلىم - تەحنيكا جالپىلاستىرۋ لەكسياسىنان 230 رەتتەن استام وتكىزىپ، 50 مىڭعا جۋىق ادام - رەت باۋلىدى. اۋىل شارۋاشىلىق عىلىم - تەحنيكا قىزمەت وتەۋ اترەتى گۇما اۋدانىنىڭ بارلىق اۋىل - قىستاقتارىن ارالاپ ۇگىت جاساعان، قىزمەت وتەگەن وبيەكتى سانى 300 مىڭ ادام - رەتتەن استى.

  ەگىنشى - مالشىلاردىڭ كوزسىزدىكپەن تۇقىم ەنگىزىپ ەكونوميكالىق زيان تارتۋىنان ساقتانۋ ءۇشىن، زى گۇيشين 3 جىل ۋاقىت جۇمساپ، ساپالى اق شانياۋدى تاڭداپ ەگىپ جەتىلدىرىپ، شينجياڭنىڭ ايگىلى ماركالى ونىمىنە يە بولدى. تىركەۋگە الدىرعان ”حيشياۋزى“ ساۋدا ماركاسى دا شينجياڭنىڭ ايگىلى ساۋدا ماركاسى بولدى، تەك شانياۋدى جالپىلاستىرىپ ەگۋ نىسانىنىڭ ءوزى - اق سول جىلعى تۇتاس اۋداننىڭ جان باسىندىق كىرىسىن 300 يۋاننان استام ارتتىردى.

  ءداستۇرلى ەگىنشىلىك، باعىمشىلىقتان عىلىم - تەحنيكالىق ۇسىنىلىمدى كۇشەيتۋ ارقىلى وسى زامانعى اۋىل شارۋاشىلىعىن دامىتۋ، ودان ۇلگى كورسەتۋ ارقىلى ەگىنشى - مالشىلاردى باستاپ باسىمدىققا يە ەرەكشە كاسىپ سالاسىن دامىتۋعا دەيىن، زى گۇيشين ەگىنشى - مالشىلارعا كومەكتەسىپ كەدەيلىكتەن ارىلتۋدا كاسىپ سالاسىن دامىتۋدىڭ ەڭ جاقسى دانەكەر ەكەنىن تانىپ جەتتى. اناعۇرلىم كوپ ەگىنشى - مالشىلاردى جاقىن ماڭدا جۇمىستانۋعا باۋراۋ ءۇشىن، زى گۇيشين ىلگەرىندى - كەيىندى قارجى قوسىپ ءناسىلدى قوي جەتىلدىرۋ بازاسىن، ءۇي قۇستارىن جەتىلدىرۋ ورتالىعىن، كوكونىس ەگۋ بازاسىن قۇرىپ، جالپى 20 مىڭنان استام ادامدى قامتىپ، كىرىستەرىن ارتتىرۋعا باستادى.

شارۋالاردى باستاپ اقشا تاپتى

− ەگىنشى - مالشىلاردى كاسىپ سالاسىنىڭ جۇمىسشىسىنا اينالدىردى

  وسى بىرنەشە كۇندە، زى گۇيشين ءۇرىمجى ەكونوميكالىق - تەحنيكالىق اشۋ رايونىمەن (توۋتۇنحى رايونى) سەلبەستىك جاساپ بىرگە قۇرعان كەدەيلەردى سۇيەمەلدەۋ كاسىپ سالاسى باقشاسى جابدىقتاردى تەڭشەۋ، سىناۋ كەزەڭىنە ءوتتى. ”نەگىزىنەن قامبادا ساقتاۋ، مانەرلەۋ، قوراپتاۋ، ساتۋدى نەگىز ەتىپ، اۋىل شارۋاشىلىق ونىمدەرىن ساتۋدىڭ قيىن بولۋ ماسەلەسىن شەشەدى“، - دەدى زى گۇيشين.

  كەدەيلەردى سۇيەمەلدەپ كاسىپ سالاسى باقشاسىن قۇرۋ ويىنىڭ تۋىنداۋىنا گۇما اۋدانىنداعى كەدەيلەردى وزگە جەرگە قونىس جاڭالاپ سۇيەمەلدەۋدەگى ورنالاستىرۋ ءتۇيىنى − حىجياشين قىستاعىنان باستاپ ايتۋعا تۋرا كەلەدى.

  زى گۇيشين حىجياشين قىستاعىنىڭ قۇرىلۋى مەن دامۋىنىڭ كۋاگەرى جانە ات سالىسۋشسى. زى گۇيشين ”سەرىكتەستىك + بازا + شارۋا وتباسى“ كەدەيلەردى سۇيەمەلدەۋ ۇلگىسىنەن پايدالانىپ، فاڭيۋان جاسىل اۋىل شارۋاشىلىق عىلىم - تەحنيكالىق اشۋ شەكتى سەرىكتەستىگىنىڭ ماركاسى مەن كاسىپ سالاسىن تايانىش ەتە وتىرىپ، وزگە جەرگە قونىس جاڭالاعان شارۋالاردىڭ جەرىن، قوي قوراسىن، جىلىجايىن ءبىر تۇتاس اينالىمعا سالىپ، ەگىنشىلىك، باعىمشىلىق، مانەرلەۋدى ءبىر تۇلعالاندىرعان ءوندىرىس بازاسىن قۇرىپ، كەڭ كولەمدە ەرەكشە ەگىمشىلىك جانە كوپ تولدەيتىن قوي باعىمشىلىعىن جالپىلاستىرىپ، وزىق تەحنيكا، جابدىق ەنگىزىپ، جىنتىكتەي مانەرلەۋ ارقىلى اناعۇرلىم كوپ ەگىنشى - مالشىلاردى ەڭبەككە ات سالىسۋعا باۋراپ، جۇمىستانۋ قيىن بولۋ ماسەلەسىن شەشتى.

  ”بازانى زاۆود ەتىپ قۇرىپ، جىلىجايدى، قورانى سەح ەتىپ وزگەرتىپ، ەگىنشى - مالشىلاردى كاسىپ سالاسى جۇمىسشىسىنا اينالدىرىپ، جەكە، بىتىراڭقى باعىمشىلىقتىڭ كولەمدى، شوعىرلى، ولشەمدى وندىرىسكە اينالۋىن جۇزەگە اسىرىپ، جالاڭ - جاداعاي ەگىنشىلىكپەن شۇعىلدانۋدان تۇسەتىن كىرىستى ”جىل سوڭىنداعى پايدا ءبولىسى + جەكە ادامنىڭ جۇمىس ىستەپ تاپقان كىرىسى + تابىس سيلىعى“ سياقتى كوپ ءتۇرلى كىرىستى ارتتىرۋعا اينالدىردىق“، - دەدى زى گۇيشين. قازىرگە دەيىن 304 بۇقارا بازادا جۇمىستانىپ، تىكەلەي 1117 ادامدى كەدەيلىكتەن ارىلتۋعا باستادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.