تيانشان تورى   ›   جاڭالىقتار   ›   شينجياڭعا باعىتتامالى كومەكتەسۋ

جياڭسۋ ولكەسىنىڭ ۋاكىلدەر ۇيىرمەسى شينجياڭعا كەلىپ، باعىتتامالى كومەكتەسۋ قىزمەتىن تەكسەردى

  شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 10 - ايدىڭ 17 - كۇنى ۇرىمجىدەن حابارلايدى. 10 - ايدىڭ 14 - كۇنىنەن 17 - كۇنىنە دەيىن جياڭسۋ ولكەلىك پارتكومنىڭ ورىنباسار شۋجيى، ولكە باستىعى ۋ جىڭلۇڭ جياڭسۋ ولكەسىنىڭ ۋاكىلدەر ۇيىرمەسىن باستاپ شينجياڭعا كەلىپ، باعىتتامالى كومەكتەسۋ قىزمەتىن تەكسەرىپ، ەكى جەردىڭ سەلبەستىگىن، اۋىس - كۇيىسىن ىلگەرىلەتتى. اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر قاتىستى قيمىلدارعا قاتىناستى.

  10 - ايدىڭ 17 - كۇنى تۇستەن بۇرىن جياڭسۋ. شينجياڭ جانە بيڭتۋان باعىتتامالى كومەكتەسۋ قىزمەتى جونىندەگى اڭگىمە ءماجىلىس ۇرىمجىدە اشىلدى. شوكىرات زاكىر بىلاي دەپ اتاپ كورسەتتى: باس شۋجي شي جينپيڭنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىندەگى ماڭىزدى ءسوزىنىڭ رۋحى ءبىزدى جاڭا داۋىردەگى شينجياڭ قىزمەتىن ويداعىداي ىستەۋگە جەتەكتەيتىن كۇشتى يدەيالىق قارۋ. ءبىز 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى كەزەكتەگى ەڭ ماڭىزدى ساياسي مىندەت ەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ ارقاۋ ەتىپ، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ ىلگەرىلەتىپ، جىبەك جولى ەكونوميكالىق بەلدەۋىنىڭ وزەكتى رايون قۇرىلىسىن ىلگەرىلەتۋدى قوزعاۋشى كۇش، جۇڭحۋا ۇلتى ورتاق تۇلعا تانىمىن بەكەمدەۋدى نەگىزگى جەلى ەتىپ، ۇزاق بولاشاقتىق شارانى كوبىرەك قاراستىرىپ، نەگىزدى بەكەمدەۋ شاراسىن كوبىرەك اتقارىپ، جاڭا داۋىردەگى شينجياڭ قىزمەتىنىڭ جاڭا جاعدايىن قۇلشىنا اشۋىمىز كەرەك. ۇزاق ۋاقىتتان بەرى جياڭسۋ ولكەلىك پارتكوم مەن ولكەلىك ۇكىمەت شينجياڭعا كومەكتەسۋ قىزمەتىن قاشاندا ماڭىزدى ورىنعا قويىپ، جالپىلىق قىزمەت كولەمىنە ەنگىزىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن مىقتاپ ارقاۋ ەتىپ، شينجياڭعا كومەكتەسۋ ۇلگىسىنە جاڭالىق اشۋعا ءمان بەرىپ، شينجياڭعا كومەكتەسۋ مازمۇنىن ۇزدىكسىز بايىتىپ، شينجياڭنىڭ ورنىقتىلىعىنا، دامۋىنا ماڭىزدى ۇلەس قوستى، شينجياڭداعى ءار ۇلت كادرلارى مەن بۇقاراسى مۇنى ەستە بەرىك ساقتايدى، شىن جۇرەكتەن العىس ايتادى. كەزەكتە شينجياڭعا كومەكتەسۋ قىزمەتى جاڭا تاريحي كەزەڭگە ءوتتى، ءبىز تۇلعالىق جاۋاپكەرشىلىكتى كۇشەيتىپ، جياڭسۋ ولكەسىنىڭ وزىق تاجىريبەلەرىن مۇقيات ۇيرەنىپ، ەكى ولكە، اۆتونوميالى رايوننىڭ تەرەڭ سەلبەستىگىن ىلگەرىلەتىپ، شينجياڭعا كومەكتەسۋ قىزمەتىنىڭ جاڭا تابىسقا قول جەتكىزۋىن بىرگە ىلگەرىلەتەمىز.

  ۋ جىڭلۇڭ بىلاي دەپ اتاپ كورسەتتى: پارتيا ورتالىق كوميتەتى جياڭسۋعا شينجياڭعا باعىتتامالى كومەكتەسۋ مىندەتىن تاپسىردى، بۇل جياڭسۋعا زور سەنىم ارتقاندىق، سونداي - اق ءبىزدىڭ بۇلتارتپاس ساياسي جاۋاپكەرشىلىگىمىز. ءبىز شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ىشكەرىلەي ”ءتورت تانىمدى“ بەرىك ورناتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، باس شۋجي شي جينپيڭنىڭ ماڭىزدى ءسوزىنىڭ رۋحىن جان - جاقتى تياناقتاندىرىپ، بۇكىل ەل ءبىر تۇتاس جۇيە يدەياسىن بەرىك ورناتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ ارقاۋ ەتىپ، جۇرت تىلەگىن ۇيىستىرۋدى ءتۇپ نەگىز، جۇڭحۋا ۇلتى ورتاق تۇلعا تانىمىن مىقتاپ ورناتۋدى نەگىزگى جەلى ەتۋگە تاباندى بولىپ، ”14 - بەسجىلدىق“ كەزىندەگى شينجياڭعا، سونداي - اق بيڭتۋانعا باعىتتامالى كومەكتەسۋدىڭ ءتۇرلى قىزمەتتەرىن ونان ارى ويداعىداي جوسپارلاپ، ويداعىداي ىلگەرىلەتىپ، كەدەيلىكتەن ارىلتۋدان قامال الۋ جەتىستىكتەرىن بەكەمدەپ، حالىق تۇرمىسىن كۇش سالا قامتاماسىز ەتىپ، جاقسارتىپ، شينجياڭعا اقىل - پاراسات جاعىنان كومەكتەسۋ سەرپىنىن كۇشەيتىپ، كاسىپ سالاسى تىزبەگى، قامداۋ تىزبەگى سەلبەستىگىن ىشكەرىلەي ىلگەرىلەتىپ، ”ءبىر بەلدەۋ، ءبىر جولدى“ قول ۇستاسا بىرگە قۇرىپ، وقۋ - اعارتۋ، مادەنيەت سەلبەستىگىن كۇشەيتىپ، شينجياڭعا باعىتتامالى كومەكتەسۋ مەحانيزمىن اقاۋسىزداندىرىپ، كەمەلدەندىرىپ، جالپىلىق ونىمدىلىكتى ۇزدىكسىز ءوسىرىپ، شينجياڭعا كومەكتەسۋ قىزمەتىنىڭ الدىڭعى لەكتە ءجۇرۋىن قۇلشىنا ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋدا جياڭسۋدىڭ جاۋاپكەرشىلىگىن ايگىلەيمىز، جياڭسۋدىڭ ۇلەسىن قوسامىز.

  شينجياڭداعى كەزىندە، جياڭسۋ ولكەسى ۋاكىلدەر ۇيىرمەسى اتۇش قالاسى، قۇلجا قالاسى، قورعاس قالاسى، قورعاس اۋدانى، كۇيتۇن قالاسى، بيڭتۋان 7 - شىسى حۋياڭحى قالاسى سياقتى جەرلەرگە بارىپ، شيپاحانا، مەكتەپ، كاسىپ باقشاسى، شەكارا وتكەلدەرىندە بولىپ، شينجياڭعا كومەكتەسۋ نىساندارىنىڭ ىلگەرىلەتىلۋ جاعدايىن ۇستىندە تەكسەرىپ، شينجياڭعا كومەككە كەلگەن كادرلارعا امانداسا باردى، حال سۇرادى.

  جياڭسۋ، اۆتونوميالى رايون، سونداي - اق بيڭتۋان باسشىلارىنان حان ليميڭ، ەركىن تۇنياز، تيان ۋىن، پىڭ جيارۇي، جاۋ چيڭ، ليۋ سۋشى، ياۋ شينمين جەكە - جەكە جوعارىداعى قيمىلدارعا قاتىناستى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.