شي جينپيڭ كەدەيلىكتەن ارىلتۋدان قامال الۋ قىزمەتى جونىندە ماڭىزدى نۇسقاۋ بەرىپ بىلاي دەپ باسا دارىپتەدى
جاقسى باستاپ، جاقسى اياقتاتىپ، تىڭعىلىقتى ىستەپ، تياناقتى ناتيجەگە قول جەتكىزىپ، تولىق جەڭىسكە جەتپەيىنشە استە شەپتەن قايتپاۋ كەرەك
لي كىچياڭ بەكىتۋ جاسادى
شينحۋا اگەنتتىگىنىڭ 10 - ايدىڭ 17 - كۇنى بەيجيڭنەن بەرگەن حابارى. 7 - رەتكى مەملەكەتتىك كەدەيلەردى سۇيەمەلدەۋ كۇنى كەلۋ قارساڭىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ كەدەيلىكتەن ارىلتۋدان قامال الۋ قىزمەتى جونىندە ماڭىزدى نۇسقاۋ بەرىپ بىلاي دەپ باسا دارىپتەدى: 2020 - جىل − جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتەتىن، كەدەيلىكتەن ارىلتۋدان قامال الۋدىڭ شەشۋشى شايقاسىن جۇرگىزەتىن جىل. جاڭا تيپتى ايدارشا ۆيرۋس وكپە قابىنۋ ىندەتى مەن اۋىر تاسقىن اپات سىناعى الدىندا، پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ نىسانا - مىندەتتەرىن دەر كەزىندە ورىنداۋ باتىل بەكىمى وزگەرمەدى، بۇكىل پارتيا، بۇكىل قوعام ءبىر نيەتپەن ات سالىسىپ ناقتى يگەرىپ، شىنايى ىستەدى، كەدەي وڭىرلەردەگى قالىڭ كادر، بۇقارا قاجىرلىلىقپەن كۇرەس جۇرگىزىپ، قيىنشىلىقتاردى جەڭىپ، كەدەيلىكتەن ارىلتۋدان قامال الۋدا شەشۋشى سيپاتتى ناتيجەگە قول جەتكىزدى. قازىر كەدەيلىكتەن ارىلتۋدان قامال الۋ ەڭ سوڭعى كەزەڭگە ءوتتى، ءار دارەجەلى پارتكوم مەن ۇكىمەت، ءسوزسىز، قامال الۋ بەتالىسىن ساقتاپ، جاقسى باستاپ، جاقسى اياقتاتىپ، تىڭعىلىقتى ىستەپ، تياناقتى ناتيجەگە قول جەتكىزىپ، تولىق جەڭىسكە جەتپەيىنشە استە شەپتەن قايتپاۋ كەرەك.
شي جينپيڭ بىلاي دەپ اتاپ كورسەتتى: وڭىرلەر، تاراۋلار كەدەيلىكتەن ارىلتۋدان قامال الۋ تاجىريبەلەرىن قورىتىندىلاپ، كەدەيلىكتەن ارىلتۋدان قامال الۋ ءتۇزىلىس - مەحانيزمىنىڭ رولىن ساۋلەلەندىرىپ، قامال الۋدىڭ ناتيجەسىن بەكەمدەۋ، ءورىسىن كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋدى ءۇرتىس ىلگەرىلەتىپ، كەدەيلىكتەن ارىلتۋدان قامال الۋ ساياساتىنىڭ جالپى تۇلعالىق ورنىقتىلىعىن ساقتاپ، كوپ شارالاردى قاتار اتقارىپ كەدەيلىكتەن ارىلتۋدان قامال الۋ تابىستارىن بەكەمدەۋ كەرەك. كەدەي وڭىرلەردەگى كەدەي حالىقتىڭ ىشكى قوزعاۋشى كۇشىن تاسقىنداتىپ، ەڭبەك قابىلەتى بار، تومەن كىرىستى ادامداردى قاجىرلى ەڭبەگىنە سۇيەنىپ اۋقاتتانىپ، تۇتاس حالىقتىڭ بىرگە اۋقاتتانۋ نىساناسىن بىرتىندەپ جۇزەگە اسىرۋعا قاراي ۇزدىكسىز العا ىلگەرىلەۋگە شابىتتاندىرۋ كەرەك.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ بەكىتۋ جاساپ بىلاي دەپ اتاپ كورسەتتى: وڭىرلەر، تاراۋلار شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا ورتالىق كوميتەتىنىڭ، مەملەكەتتىك كەڭەستىڭ شەشىمدەرىن، ورنالاستىرۋلارىن مۇقيات دايەكتىلەندىرىپ، قازىرگى كەدەيلەردى سۇيەمەلدەۋ ساياساتىنىڭ جالپى جاقتان ورنىقتىلىعىن ساقتاپ، شايقاستى باسى - قاسىندا قاداعالاپ، اۋىر كەدەيلىكتىڭ قامالىن الىپ، ەرەكشە كاسىپ سالاسىن دامىتۋ ارقىلى بۇقارانى كىرىستەرىن ارتتىرۋعا باستاۋدى جەبەپ، قونىس جاڭالاپ كەدەيلەردى سۇيەمەلدەۋدىڭ سوڭعى سۇيەمەلدەۋ قىزمەتتەرىن كۇشەيتىپ، كەدەي ەڭبەككۇشتەردى ورنىقتى جۇمىستاندىرۋدى ويداعىداي ىستەپ، قايتا كەدەيلەسۋ، كەدەيلەسۋ حاۋپىندە تۇرعان ادامدارعا باعىتتامالى كومەكتەسۋ، سۇيەمەلدەۋدى الدىن الا كۇشەيتىپ، كەدەيلىكتەن ارىلتۋدان قامال الۋ نىسانالارىن، مىندەتتەرىن جوعارى ساپامەن، دەر كەزىندە ورىنداۋعا شىنايى كەپىلدىك ەتۋ كەرەك. كەدەيلىكتەن ارىلتۋدان قامال الۋ مەن اۋىل - قىستاقتى گۇلدەندىرۋ ستراتەگياسىن اتقارۋدى ورگانيكالى ۇشتاستىرۋدى ويداعىداي ىستەپ، كەدەيلىكتەن ارىلىپ، قالپاعى الىنعان وڭىرلەردىڭ اۋىل - قىستاقتى جاپپاي گۇلدەندىرۋىن ىلگەرىلەتۋگە ۇزدىكسىز قۇلشىنىس جاساۋ ارقىلى حالىق بۇقاراسىنىڭ ىرىس - قۇتىن ارتتىرىپ، ەكونوميكانىڭ، قوعامنىڭ ۇزدىكسىز اقاۋسىز دامۋىنا اناعۇرلىم زور ۇلەس قوسۋ كەرەك.
مەملەكەتتىك كەدەيلىكتەن ارىلتۋدان قامال الۋ سيلىعىمەن ماراپاتتاۋ جينالىسى جانە وزات ىزگى ىستەردەن بايانداما جاساۋ جينالىسى 10 - ايدىڭ 17 - كۇنى تۇستەن بۇرىن بەيجيڭدە وتكىزىلدى. جينالىس شي جينپيڭنىڭ ماڭىزدى نۇسقاۋىن جانە لي كىچياڭنىڭ بەكىتۋىن جەتكىزدى، ۇيرەندى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، مەملەكەتتىك كەڭەستىڭ كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ باستىعى حۋ چۇنحۋا جينالىسقا قاتىناستى ءارى ءسوز سويلەدى. ول بىلاي دەپ باسا دارىپتەدى: قامال الۋ اسقاق رۋحىنان جازباي، كەدەيلىكتەن ارىلتۋدان قامال الۋ نىسانالارىن، مىندەتتەرىن جوعارى ساپامەن جاپپاي ورىنداۋعا شىنايى كەپىلدىك ەتىپ، كەدەي ەڭبەككۇشتەردى ورنىقتى جۇمىستاندىرۋدى كۇش سالا ويداعىداي ىستەپ، كەدەيلەردى سۇيەمەلدەۋ ونىمدەرىن ساتۋ ماسەلەسىن كۇش سالا ويداعىداي شەشۋ كەرەك. كەدەيلىكتەن ارىلتۋدان قامال الۋ ناتيجەسىن بەكەمدەپ، قايتا كەدەيلەسۋدەن، كەدەيلەسۋدەن ساقتانىپ، كەدەيلەردى سۇيەمەلدەۋ كاسىپ سالاسىن دامىتۋ، الۋەتتەندىرۋدى ۇزدىكسىز ىلگەرىلەتىپ، قونىس جاڭالاپ كەدەيلەردى سۇيەمەلدەۋدىڭ سوڭعى سۇيەمەلدەۋ قىزمەتتەرىن كۇشەيتىپ، قايتا كەدەيلەسۋدەن ساقتانۋدى قاداعالاۋ، كومەكتەسۋ، سۇيەمەلدەۋ مەحانيزمىن اناعۇرلىم اقاۋسىزداندىرۋ كەرەك. قامال الۋ ناتيجەسىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىرۋ قىزمەتىن ويداعىداي ىستەپ، وتپەلى مەزگىلدە ءتۇرلى ساياساتتىڭ ورنىقتى وتۋىنە شىنايى كەپىلدىك ەتىپ، كەدەيلىكتەن ارىلىپ، قالپاعى الىنعان وڭىرلەردىڭ اۋىل - قىستاقتى گۇلدەندىرۋىن ۇزدىكسىز ىلگەرىلەتۋ كەرەك. سيلىققا يە بولعانداردىڭ داڭقتى قاستەرلەپ، بورىشتى باتىل ارقالاپ، جاقسى ۇلگى كورسەتىپ، تاعى دا تىڭ ەڭبەك كورسەتۋلەرىن ءۇمىت ەتەمىن.
جينالىس مەملەكەتتىك كەدەيلىكتەن ارىلتۋدان قامال الۋ سيلىعى يەگەرلەرىن ماراپاتتادى. ىشكى موڭعۇل اۆتونوميالى رايونى كينعان امىگى تۋچۋان اۋدانى، انحۇي ولكەسى سۋجوۋ قالاسى سىشيان اۋدانى جانە گۋاڭشي جۋاڭزۋ اۆتونوميالى رايونى ليۋجوۋ قالاسى رۇڭشۇي مياۋزۋ اۆتونوميالى اۋدانى انچۇي اۋىلى جياڭمىن قىستاق تۇرعىندار كوميتەتىنىڭ مەڭگەرۋشىسى ياڭ نيڭ، حىنان ولكەسى جوۋكوۋ قالاسى تايكاڭ اۋدانى ماچاڭ قالاشىعى چيانحى قىستاعىنىڭ ءبىرىنشى شۋجيى حان يۇينان، جياڭشي ولكەسى يچۇن قالاسى فىڭشين اۋدانى زاۋشيا قالاشىعى بايياڭ وقىتۋ ءتۇيىنىنىڭ وقىتۋشىسى جى يۋەيىڭ، ازاتتىق ارميا باس شيپاحاناسى 5 - مەديتسينا ورتالىعىنىڭ بۇرىنعى باۋىر، ءوت سىرتقى اۋرۋلار ءبولىمى 2 - ورتالىعى كوشىرۋ سىرتقى اۋرۋلار ءبولىمىنىڭ ورىنباسار مەڭگەرۋشىسى جۋ جىنيۇي قاتارلى سيلىققا يە بولعان وزات ورىنداردىڭ جانە وزات جەكەلەردىڭ ۋاكىلدەرى ىزگى ىستەردەن بايانداما جاسادى.
جينالىس تەلەۆيزور - تەلەفون ءماجىلىسى فورماسىندا اشىلدى. 2020 - جىلعى مەملەكەتتىك كەدەيلىكتەن ارىلتۋدان قامال الۋ سيلىعىنىڭ يەگەرلەرى، مەملەكەتتىك كەڭەس كەدەيلەردى سۇيەمەلدەۋ، وركەندەتۋ باسشىلىق گرۋپپاسىنىڭ مۇشەلەرى قاتارلىلار نەگىزگى جينالىس الاڭىندا جينالىسقا قاتىناستى، ءارقايسى ولكە، اۆتونوميالى رايون، قالا جانە شينجياڭ ءوندىرىس - قۇرىلىس بيڭتۋانىنىڭ كەدەيلەردى سۇيەمەلدەۋ، وركەندەتۋ باسشىلىق گرۋپپاسى، شىعىس، باتىس بولىك كەدەيلەردى سۇيەمەلدەۋ، سايكەستىرۋ باسشىلىق گرۋپپاسىنىڭ مۇشەلەرى جەر - جەردەگى بولىمشە جينالىس الاڭىندا جينالىسقا قاتىناستى.
