شي جينپيڭ ورتالىق كوميتەت ساياسي بيۋروسىنىڭ 24 - رەتكى توپتىق ۇيرەنۋىندە بىلاي دەپ باسا دارىپتەدى
كۆانتتىق عىلىم - تەحنيكانىڭ دامۋىن ىلگەرىلەتۋدىڭ كەلەلى ماڭىزىن جەتە تانىپ، كۆانتتىق عىلىم - تەحنيكانى دامىتۋدى ستراتەگيالىق جوبالاۋدى جانە جۇيەلى ورنالاستىرۋدى كۇشەيتۋ كەرەك
شينحۋا اگەنتتىگىنىڭ 10 - ايدىڭ 17 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ ساياسي بيۋروسى 10 - ايدىڭ 16 - كۇنى تۇستەن كەيىن كۆانتتىق عىلىم - تەحنيكانى زەرتتەۋ مەن قولدانۋدىڭ كەلەشەگى جونىندە 24 - رەتكى توپتىق ۇيرەنۋ وتكىزدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ۇيرەنۋدى باسقارعاندا بىلاي دەپ باسا دارىپتەدى: قازىر دۇنيە ءجۇزى 100 جىلدا بولماعان زور وزگەرىستى باستان كەشىرۋدە، عىلىم - تەحنيكادا جاڭالىق اشۋ مۇنىڭ ىشىندەگى ءبىر شەشۋشى اينىمالى شاما. ءبىز داعدارىس بارىسىندا ۇتىمدى وراي جەتىلدىرىپ، وزگەرىس بارىسىندا جاڭا جاعداي اشىپ، ءسوز جوق، عىلىم - تەحنيكادا جاڭالىق اشۋدان جاۋاپ تابۋىمىز كەرەك. كۆانتتىق عىلىم - تەحنيكانىڭ دامۋىن ىلگەرىلەتۋدىڭ ماڭىزدىلىعى مەن كوكەي تەستىلىگىن تولىق تانىپ، كۆانتتىق عىلىم - تەحنيكانى دامىتۋدى ستراتەگيالىق جوبالاۋدى جانە جۇيەلى ورنالاستىرۋدى كۇشەيتىپ، كەلەلى اۋقىمدى يگەرىپ، العاشقى قادامدى جاقسى باسۋىمىز كەرەك.چيڭحۋا داشۋەسىنىڭ ورىنباسار باستىعى، جۇڭگو عىلىم اكادەمياسىنىڭ اكادەميگى شۋە چيكۇن وسى ماسەلە جونىندە تۇسىنىك جاساپ، پىكىرلەر مەن ۇسىنىستار العا قويدى.
شي جينپيڭ ۇيرەنۋدى باسقارعاندا ءسوز سويلەدى. ول بىلاي دەپ اتاپ كورسەتتى: جۋىرداعى جىلداردان بەرى كۆانتتىق عىلىم - تەحنيكانىڭ دامۋى قارىشتاي ىلگەرىلەپ، جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنىڭ الدىڭعى شەپ سالاسىنا اينالدى. كۆانتتىق عىلىم - تەحنيكانى جەدەل دامىتۋ جوعارى ساپالى دامۋدى جەبەۋ، مەملەكەتتىڭ حاۋىپسىزدىگىن قامتاماسىز ەتۋ جونىنەن توتەنشە ماڭىزدى رولعا يە. وسى رەتكى توپتىق ۇيرەنۋدى ورنالاستىرۋداعى ماقسات − دۇنيە جۇزىندەگى كۆانتتىق عىلىم - تەحنيكانىڭ دامۋ بەتالىسىن ۇعىنىپ، ەلىمىزدىڭ كۋانتتىق عىلىم - تەحنيكاسىنىڭ دامۋ جاعدايىنا تالداۋ جاساپ، ەلىمىزدىڭ كۆانتتىق عىلىم - تەحنيكاسىنىڭ دامۋىن اناعۇرلىم ويداعىداي ىلگەرىلەتۋ.
شي جينپيڭ بىلاي دەپ باسا دارىپتەدى: كۆانتتىق مەحانيكا ادامزاتتىڭ ميكرو دۇنيەنى زەرتتەۋىندەگى كەلەلى جەتىستىك. كۆانتتىق عىلىم - تەحنيكانىڭ دامۋى كەلەلى عىلمي ماڭىزعا جانە ستراتەگيالىق قۇنعا يە، ءداستۇرلى تەحنيكا جۇيەسىنە سوققى اكەلەتىن، قايتا قۇرايتىن كەلەلى تۇبەگەيلى وزگەرىس اكەلەتىن تەحنيكالىق جاسامپازدىق، جاڭا كەزەكتى عىلىم - تەحنيكا توڭكەرىسى مەن كاسىپ سالاسى وزگەرىسىنىڭ بەتالىسىنا جەتەكشىلىك ەتەدى. ەلىمىزدىڭ عىلىم - تەحنيكا قىزمەتكەرلەرى كۆانتتىق عىلىم - تەحنيكا جاعىندا قايراتتانا العا ۇمتىلىپ، حالىقارالىق ىقپالعا يە ءبىر توپ كەلەلى جاسامپازدىق جەتىستىكتەرىنە قول جەتكىزدى. جالپى جاقتان العاندا، ەلىمىز كۆانتتىق عىلىم - تەحنيكا سالاسىندا عىلىم - تەحنيكالىق ناقتى قۋات پەن جاڭالىق اشۋ قابىلەتىن ازىرلەپ بولدى. سونىمەن بىرگە، ەلىمىزدىڭ كۆانتتىق عىلىم - تەحنيكاسىنىڭ دامۋىندا كوپتەگەن ولقىلىقتار ورىن تەۋىپ، دامۋدىڭ كوپ قاباتتى سىن - سايىسقا ءدوپ كەلگەندىگىن دە كورە ءبىلۋىمىز كەرەك. ءبىز، ءسوز جوق، دەربەس جاڭالىق اشۋ جولىمەن مىزعىماستان ءجۇرىپ، سەنىمدى بەكەمدەپ، قاجىرلىلىقپەن ىستەپ، شەشۋشى وزەكتى تەحنيكادان قامال الىپ، شەشۋشى سالادا دەربەس مەڭگەرىمدى بولۋدى جۇزەگە اسىرۋعا قۇلشىنىپ، كاسىپ تىزبەگىنىڭ، قامداۋ تىزبەگىنىڭ حاۋىپسىزدىگىن قامتاماسىز ەتىپ، ەلىمىز عىلىم - تەحنيكاسىنىڭ حالىقارالىق حاۋىپ - قاتەر مەن سىن - سايىسقا توتەپ بەرۋ قابىلەتىن كۇشەيتۋىمىز كەرەك.
شي جينپيڭ بىلاي دەپ اتاپ كورسەتتى: ەلىمىز كۆانتتىق عىلىم - تەحنيكا دامۋىنىڭ ءساتتى تاجىريبەلەرىن جۇيەلى قورىتىندىلاپ، شەتەلدىڭ پايدالى ءادىس - امالدارىنان ۇلگى الىپ، كۆانتتىق عىلىم - تەحنيكا دامۋىنىڭ ۇلكەن اۋقىمىنا ىشكەرىلەي تالداۋ، تۇجىرىم جاساپ، ەلىمىز كۆانتتىق عىلىم - تەحنيكاسىنىڭ دامۋىنىڭ كىرىسۋ ءتۇيىنى مەن تىڭ سەرپىلىس تەتىگىن ءداپ باسىپ تاۋىپ، نەگىزدىك زەرتتەۋدى، الدىڭعى قاتارلى تەحنيكانى، ينجەنەريالىق تەحنيكانى زەرتتەپ اشۋدى ءبىر تۇتاس جوسپارلاپ، كۆانتتىق حابارلاسۋ سياقتى ستراتەگيالىق جاڭادان گۇلدەنگەن كاسىپ سالالارىن جەتىلدىرىپ، كۆانتتىق عىلىم - تەحنيكاداعى حالىقارالىق باسەكەنىڭ بيىك تۇرعىسىن الدىمەن يەلەپ، دامۋدىڭ جاڭا باسىمدىعىن قالىپتاستىرۋ كەرەك.
شي جينپيڭ بىلاي دەپ باسا دارىپتەدى: جوعارى دەڭگەيدە جوبالاۋدى جانە كورەگەندىكپەن ورنالاستىرۋدى كۇشەيتۋ كەرەك. ستراتەگيالىق تۇجىرىمداۋدى كۇشەيتىپ، جاڭالىق اشۋدا وزىنە سەنۋگە تاباندى بولىپ، ماشاقاتتى تۇيىندەردى باتىلدىقپەن شەشىپ، ۇزاق پەريودتى كەلەلى نىسانداردى ۇيىمداستىرىپ اتقارۋ بارىسىندا جوعارى دەڭگەيدە جوبالاۋدى جانە كورەگەندىكپەن ورنالاستىرۋدى كۇشەيتىپ، كوپ ءپاننىڭ ايقاسپالى توعىسۋىن جانە كوپ تەحنيكا سالاسىن شوعىرلاندىرىپ جاڭالىق اشۋدى كۇشەيتىپ، ەلىمىز كۆانتتىق عىلىم - تەحنيكاسىنىڭ دامۋىنىڭ جۇيەلىلەنگەن قابىلەتىن قالىپتاستىرۋ كەرەك.
شي جينپيڭ بىلاي دەپ اتاپ كورسەتتى: ساياساتتىق قولداۋ جۇيەسىن اقاۋسىزداندىرۋ كەرەك. كۆانتتىق عىلىم - تەحنيكانىڭ دامۋىن ىلگەرىلەتۋدىڭ تاماشا ساياساتتىق ورتاسىن جەدەل ازىرلەپ، اناعۇرلىم پارمەندى ساياساتتىق قولداۋ قالىپتاستىرۋ كەرەك. كۆانتتىق عىلىم - تەحنيكا سالاسىنا قاراتىلعان قارجى ۇسىنىلىمىنا كەپىلدىك ەتۋمەن بىرگە، جەرگىلىكتى ورىنداردىڭ، كاسىپورىنداردىڭ، قوعامنىڭ ۇسىنىلىم تەبىنىن ارتتىرۋىن جەبەۋ كەرەك. عىلمي زەرتتەۋ قۇرىلىمدارى مەن جوعارى مەكتەپتەردىڭ كۆانتتىق عىلىم - تەحنيكا بويىنشا نەگىزدىك زەرتتەۋ جۇرگىزۋىنە ۇسىنىلىمدى ارتتىرىپ، مەملەكەتتىڭ ستراتەگيالىق عىلىم - تەحنيكا قۋاتىن ءبىر تۇتاس جوسپارلاپ قۇرۋدى كۇشەيتىپ، عىلمي زەرتتەۋدى باسقارۋدى جانە ۇيىمدىق مەحانيزمدى كەمەلدەندىرۋ كەرەك.
شي جينپيڭ بىلاي دەپ باسا دارىپتەدى: نەگىزدىك زەرتتەۋدە تىڭ سەرپىلىس جاساۋدى جانە شەشۋشى وزەكتى تەحنيكادا قامال الۋدى جەدەلدەتۋ كەرەك. كۆانتتىق عىلىم - تەحنيكانىڭ دامۋى نەگىزدىك نازاريالىق زەرتتەۋدە تىڭ سەرپىلىس جاساۋعا بايلانىستى، تۇبەگەيلى وزگەرىس سيپاتتى تەحنيكانىڭ قالىپتاسۋى كوپ جينالىپ، بىرتىندەپ شىعارىلاتىن بارىس. كۆانتتىق عىلىم - تەحنيكا سالاسىندا دارىندى، بازا، نىسانداردى ءبىر تۇتاس جوسپارلاپ، بارلىق فاكتورلاردىڭ ءبىر تۇلعالانا ورنالاسۋىن جۇزەگە اسىرىپ، كۆانتتىق عىلىم - تەحنيكانىڭ ەلەۋلى نىساندارىن اتقارۋدى جەدەل ىلگەرىلەتۋ كەرەك. شەشۋشى وزەكتى تەحنيكادا قامال الۋدى كۇشەيتىپ، جاپا - ماشاقات، حاۋىپ - قاتەر، كەدەرگىدەن قورىقپاي، عىلىمنىڭ شىڭىنا ەرلىكپەن شىعىپ، كۆانتتىق عىلىم - تەحنيكا سالاسىندا ءبىر توپ جوعارى دەڭگەيلى ءتول جەتىستىككە تاعى دا قول جەتكىزۋ كەرەك.
شي جينپيڭ بىلاي دەپ اتاپ كورسەتتى: جوعارى ورەلى دارىندىلار قوسىنىن جەتىلدىرۋ، دايىنداۋ كەرەك. كەلەلى تاپقىرلىقتار اشۋدىڭ، تۇبەگەيلى وزگەرىس سيپاتتى تەحنيكالىق جاڭالىق اشۋدىڭ تەتىگى دارىندىلاردا. كۆانتتىق عىلىم - تەحنيكا سالاسىنىڭ دارىندىلارىن جەتىلدىرۋ تەبىنىن ارتتىرىپ، كۆانتتىق عىلىم - تەحنيكا سالاسىندا جوعارى دارەجەلى، ىسىلعان، ۇزدىك دارىندىلاردان ءبىر توبىن جەدەل جەتىلدىرىپ، كۆانتتىق عىلىم - تەحنيكانىڭ دامۋىنا ۇيلەسەتىن ارناۋلى جەتىلدىرۋ جوسپارىن ءتۇزىپ، كۆانتتىق عىلىم - تەحنيكا دارىندىلارىن باۋلىپ جەتىلدىرۋدىڭ جۇيەلىلەنگەن، جوعارى ساتىلى تۇعىرىن قالىپتاستىرۋ كەرەك. كۆانتتىق عىلىم - تەحنيكانىڭ الدىڭعى قاتارلى بەتالىسىن ارقاۋ ەتە وتىرىپ، قاتىستى ءپان جانە ساباق جۇيەسى قۇرىلىسىن كۇشەيتىپ، دۇنيە ءجۇزى عىلىم - تەحنيكاسىنىڭ ۇلكەن اۋقىمىن يگەرە الاتىن، ءبىر تۇتاس جوسپارلاپ سايكەستىرۋگە شەبەر دۇنيە جۇزىلىك دەڭگەيدەگى عالىمدار مەن كوشباسشى دارىندىلاردان ءبىر توبىن دايىنداپ، جاڭالىق اشۋ وي جەلىسى ۇشقىر، ”ات ءىزىن سالماعان سالاعا“ ەرلىكپەن اتويلايتىن جاس تالانتتار مەن ۇزدىك دارىندىلاردان ءبىر توبىن بايقاۋ كەرەك. سەنىمدى العى شارت ەتكەن وزىق دەڭگەيلى عالىمدار جاۋاپتى بولۋ ءتۇزىمىن ورناتىپ، ولارعا ادام كۇشى، قازىنا كۇشى، زات كۇشى جاعىندا تولىق وزىندىك ۇقىق جانە تەحنيكا باعىت - باعدارىن بەلگىلەۋ ۇقىعىن بەرىپ، تاڭداۋلى جاس دارىندىلاردى باتىلدىقپەن كەلەلى مىندەت ارقالاۋعا شابىتتاندىرۋ كەرەك. دارىندىلاردى باعالاۋ سىندى ”جەتەكشى تاياقشاسىنان“ ويداعىداي پايدالانىپ، عىلىم - تەحنيكا قىزمەتكەرلەرىنىڭ قىزمەت ناتيجەسىن ساراپتاۋ - باعالاۋ مەحانيزمىن كەمەلدەندىرىپ، عىلىم - تەحنيكا قىزمەتكەرلەرىنىڭ جاسامپازدىق قيمىلدارىن ۇيلەسىمسىز قاراجات باسقارۋ، ۇيلەسىمسىز دارىندى باعالاۋ سياقتى تۇزىلىستەردەن ازات ەتىپ، عىلىم - تەحنيكا دارىندىلارىن جاڭالىق اشۋعا جىگەرلەندىرۋگە ءتيىمدى ەكولوگيالىق جۇيە قالىپتاستىرۋ كەرەك.
شي جينپيڭ بىلاي دەپ باسا دارىپتەدى: وندىرىستە، وقىتۋدا، عىلمي زەرتتەۋدە سايكەسە جاڭالىق اشۋدى جەبەۋ كەرەك. كۆانتتىق عىلىم - تەحنيكا نازاريالىق زەرتتەۋ جەتىستىكتەرىنىڭ ناقتى قولدانىسقا ءتۇسىپ، ينجەنەريالانىپ كادەگە جاراۋ قارقىنى مەن ونىمدىلىگىن جوعارىلاتىپ، كاسىپورىنداردى كۆانتتىق عىلىم - تەحنيكانى دامىتۋعا قاتىناسۋعا بەلسەندىلىكپەن تارتىپ، ءتىپتى دە كوپ جوعارى مەكتەپتەردى، عىلمي زەرتتەۋ مەكەمە - ورىندارىن كۆانتتىق عىلىم - تەحنيكا بويىنشا نەگىزدىك زەرتتەۋدى جانە قولدانىمدىق زەرتتەپ اشۋدى بەلسەندىلىكپەن ورىستەتۋگە جەتەكتەپ، ءوندىرىستىڭ، وقىتۋدىڭ، عىلمي زەرتتەۋدىڭ تەرەڭدەي توعىسۋىن جانە سايكەسە جاڭالىق اشۋىن جەبەۋ كەرەك. كۆانتتىق عىلىم - تەحنيكا سالاسىنداعى حالىقارالىق سەلبەستىكتى كۇشەيتىپ، كۆانتتىق عىلىم - تەحنيكا سالاسىنداعى حالىقارالىق سەلبەستىكتىڭ ساتىسى مەن دەڭگەيىن جوعارىلاتۋ كەرەك.
شي جينپيڭ بىلاي دەپ اتاپ كورسەتتى: ءار دارەجەلى پارتكومدار مەن ۇكىمەتتەر عىلىم - تەحنيكادا جاڭالىق اشا دامۋعا ايرىقشا ءمان بەرىپ، جاڭا بىلىمدەردى ۇيرەنىپ، جاڭا اۋقىمدى يگەرىپ، كەلەلى عىلىم - تەحنيكا مىندەتتەرىن ورنالاستىرۋدى، جوسپارلاۋدى جاقسى ىستەپ، عىلىم - تەحنيكا بايلىقتارىن سەپتەۋدى جاقسارتىپ، پارمەندى شارالاردى جولعا قويىپ، پارتيا ورتالىق كوميتەتىنىڭ عىلىم - تەحنيكادا جاڭالىق اشا دامۋ جونىندەگى كەلەلى شەشىمدەرىنىڭ، ورنالاستىرۋلارىنىڭ تياناقتانىپ ونىمدىلىك كورسەتۋىنە كەپىلدىك ەتۋ كەرەك. ماكرولىق جەتەكشىلىك ەتۋدىڭ، ءبىر تۇتاس جوسپارلاپ سايكەستىرۋدىڭ، قىزمەت وتەۋ قامتاماسىزدىعىنىڭ رولىن ساۋلەلەندىرىپ، ءار جاقتىڭ بەلسەندىلىگىن، ىرىقتىلىعىن، جاسامپازدىعىن تولىق جۇمىلدىرىپ، كەلەلى عىلىم - تەحنيكا مىندەتتەرىنەن قامال الۋدى پارمەندى ىلگەرىلەتىپ، عىلىم - تەحنيكانى دامىتۋداعى حالىقارالىق باسەكەنىڭ بيىك تۇرعىسىن الدىمەن يەلەۋگە، دامۋدىڭ جاڭا باسىمدىعىن قالىپتاستىرۋعا پارمەندى قولداۋ ازىرلەۋ كەرەك.
