جەكە باسىندىق ساقتانۋ - قورعانۋدى ويداعىداي ىستەۋ جونىندە مەملەكەتتىك اۋرۋدىڭ الدىن الۋ - تىزگىندەۋ ورتالىعى ەپيدەمولوگيا باس مامانى ۋ زۇنيوۋ جۋىقتا كوپشىلىككە قازىر ساقتانۋ - تىزگىندەۋ تانىمىن ۇدايىلاندىرۋدى ەسكەرتتى.
10 - ايدىڭ 14 - كۇنى، چيڭداۋ قالاسى باتىس قالا رايونى دۇڭگۋان جولى مادەنيەت الاڭى تەكسەرۋ تۇيىنىندە قىزمەتكەرلەر قالا تۇرعىندارىنىڭ نۋكلەين قىشقىلى ۇلگىسىن الۋدا. سۋرەتتى شينحۋا اگەنتتىگىنىڭ ءتىلشىسى لي زىحىڭ تۇسىرگەن
ۇنەمى اۋا الماستىرۋ، ماسكى تاعۋ،
ءجيى قول جۋۋ، الەۋمەتتىك قارىم - قاتىناس ارالىعىن ساقتاۋ ءالى دە وتە ماڭىزدى
ساقتانۋ - تىزگىندەۋدى ۇدايىلاندىرۋدىڭ استارىندا ماسكى بۇقارانىڭ ”نەگىزگى قۇرالىنا“ اينالدى،
كوپشىلىك كەز كەلگەن ۋاقىتتا ماسكى دايىنداپ، ادام شوعىرلى توپتاسقان جەرلەردە، اۋا الماسۋى جاقسى ەمەس جەرلەردە ماسكى تاعۋى كەرەك.
10 - ايدىڭ 2 - كۇنى، وقىرماندار ءۇرىمجى شينحۋا حالىقارالىق كىتاپحاناسىندا كىتاپ ساتىپ الۋدا. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ جىن تۇسىرگەن
”كوپشىلىك تىنىس جولى جۇقپالى اۋرۋلارىنان ساقتانۋدى ءسوزسىز جاقسى ىستەپ، ماسكى تاعۋ قاتارلى ساقتانۋ - قورعانۋ شارالارىن قولدانۋى كەرەك، بۇل شارالار ”جاڭا تيپتى ايدارشا ۆيرۋستىڭ تارالۋىنان ساقتاندىرىپ قانا قالماي، جۇقپالى تۇماۋ قاتارلى باسقا تىنىس جولى اۋرۋلارىنان دا ساقتانۋدا ءونىمى كورنەكتى، جەكە باسىندىق تازالىق پەن سالاماتتىقتى قورعاۋدىڭ تاماشا امالى “، - دەدى ۋ زۇنيوۋ.
10 - ايدىڭ 15 - كۇنى اۆتونوميالى رايوندىق اۋرۋدىڭ الدىن الۋ - تىزگىندەۋ ورتالىعى جۇعىمدالۋدى زارارسىزداندىرۋ ورتالىعىنىڭ مەڭگەرۋشىسى ياڭ حۇڭساي سۇحبات قابىلداعاندا، ماسكىنى عىلمي تاعۋ ەڭ قاراپايىم، ەڭ قولايلى، ەڭ ءونىمدى ءوزارا جۇعىمدالۋدى تومەندەتۋدىڭ، تارالۋ حاۋىپ - قاتەرىن تومەندەتۋدىڭ ساقتانۋ ءتاسىلى ەكەنىن ايتتى.
10 - ايدىڭ 13 - كۇنى، ءۇرىمجى قالاسى تيانشان رايونى يۋەگۋاڭ شاعىن رايونىندا، ەرىكتىلەر كوشە بويىنداعى دۇكەندەرگە ىندەتتەن ساقتانۋ - تىزگىندەۋ گازەتىن جاپسىرۋدا. قاينارى: شينجياڭ تورى
10 - ايدىڭ 16 - كۇنى، ءۇرىمجى قالاسى ميدۇڭ رايونى كاڭجۇييۋان شاعىن اۋماعىندا، ەرىكتىلەر تۇرعىندارعا ماسكى تاعۋدا كوڭىل بولەتىن ىستەردى ۇگىتتەۋدە. قاينارى: شينجياڭ تورى
كوڭىل بولۋگە ءتيىستىسى، ماسكىنى ساقتاۋ، زارارسىزداندىرۋ، الماستىرۋعا ءمان بەرۋ كەرەك
ءۇرىمجى قالالىق 1 - حالىق شيپاحاناسى بولىمشە شيپاحاناسى جۇعىمدالۋدى باسقارۋ ءبولىمىنىڭ جاۋاپتىسى يىن فىڭ بىلاي دەپ تانىستىردى: ماسكىنى العاندا، جىبىنەن تارتىپ الۋ، قولمەن ماسكىنىڭ بىلعانعان بەتىن ۇستاماۋ، ىشىنە قاراي بۇكتەۋ كەرەك.
10 - ايدىڭ 5 - كۇنى، قالا تۇرعىندارى ءۇرىمجى قالاسى حۋاتيان كينوحاناسىندا كينو كوردى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى زوۋ ي تۇسىرگەن
ماسكىنى قايتالاي ىستەتۋگە بولاتىن - بولمايتىنىندا، ماسكىنىڭ تازا - تازا ەمەستىگىنە، بۇلىنگەن - بۇلىنبەگەنىنە قاراپ، ناقتى جاعدايعا نەگىزدەلىپ، حاۋىپسىز، ۇيلەسىمدى تۇردە ماسكىنىڭ قولدانىلۋ رەت سانىن ارتتىرۋ كەرەك.
وندا، ىستەتىلگەن ماسكىنى قالاي ساقتاۋ كەرەك؟ يىن فىڭ بىلاي دەدى: العاننان كەيىن ماسكىنىڭ ىشكى بەتىن جاقسى قورعاۋ، ماسكىنى تازا، قۇرعاق، اۋا الماساتىن ورتادا تابيعي كەپتىرۋ، وسىلاي بولعاندا، ۇيلەسىمدى تۇردە قايتالاي پايدالانۋعا بولادى. ماسكىنى جەكە ساقتاۋ كەرەك، ءوزارا جاناسۋدان ساقتانۋ ءارى ىستەتكەن ادامدى بەلگىلەۋ كەرەك، ەڭ جاقسىسى 4 ساعاتتا ءبىر الماستىرعان ءجون.
يىن فىڭ بىلاي دەدى: ماسكىنى قايتالاي ىستەتۋدە ”ءۇشتى ورىنداۋ“ جانە ”ءۇشتى ىستەمەۋ“ كەرەك.
ماڭىزدى ءتۇيىن
”ءۇشتى ورىنداۋ“
ءوزى ىستەتكەن ماسكىنى عانا قايتالاي ىستەتۋگە بولادى؛ ءار رەت ىستەتكەننەن كەيىن، ماسكىنى تازا، قۇرعاق، اۋا الماساتىن ورىنعا قويۋ. نەمەسە تازا، اۋا الماساتىن قاعاز قالتاعا سالىپ جەكە قويۋ، ءوزارا جۇعىمدالۋدان ساقتانۋ كەرەك؛ قايتالاي ىستەتۋ رەت سانىن لايىقتى تەجەۋ، وتە كوپ بولماۋى كەرەك.
”ءۇشتى ىستەمەۋ“
ەمدەۋ قۇرىلىمدارىنا بارعاندا، قىزۋ، جوتەلۋ ناۋقاس بەلگىسى بارلارعا جاقىن ارالىقتا جۋىسقاندا، كۇماندى نەمەسە دياگنوزى تۇراقتاندىرىلعان ناۋقاستارعا جاناسقان كەزدە تاققان ماسكىنى قايتالاي تاقپاۋ؛ قان، ماڭقا قاتارلىلارمەن بىلعانعان نەمەسە كىرلەگەن، بوگدە ءيىسى بار ماسكىنى دە قايتالاي تاقپاۋ؛ تەسىلگەن نەمەسە ءپىشىنى وزگەرگەن ماسكىنى تاقپاۋ.
يىن فىڭ مىنانى ەسكەرتتى
ءبىر رەت قولدانىلاتىن÷حيرۋرگيالىق ماسكىنى جۋۋعا، زارارسىزداندىرعىش، ىستىق وتكىزۋ قاتارلى تاسىلدەرمەن زارارسىزداندىرۋعا بولمايدى. ماسكىنى تاعۋ الدىندا نەمەسە العاننان كەيىن دە قول جۋۋ، ماسكى تاققاندا ەڭ ماڭىزدىسى قابىسۋى كەرەك، تاعۋ ۇيلەسىمسىز بولعاندا، مىسالى ماسكىنىڭ جان - جاعىنان جەل قاشقاندا، ساقتانۋ - قورعانۋ رولىن اتقارمايدى.
