− مەملەكەتتىك كەدەيلىكتەن ارىلتۋدان قامال الۋ سيلىعى ۇلەس قوسۋ سيلىعىنىڭ يەگەرى لۇڭ حۇي تۋرالى
شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ شياۋيان
10 - ايدىڭ 17 - كۇنى بەيجيڭدە مەملەكەتتىك كەدەيلىكتەن ارىلتۋدان قامال الۋ سيلىعىن بەرۋ، ماداقتاۋ - سيلاۋ جينالىسىنا قاتىناسقان لۇڭ حۇي تەبىرەندى ءارى بويىن ماقتانىش سەزىمى كەرنەدى. بيڭتۋاننىڭ پروكۋراتۋرا جۇيەسىنىڭ كادرى رەتىندە، ول كەزىندە ”ۇعىسۋ، تيىمدىلىك جاساۋ، توعىستىرۋ“ بويىنشا لياندا تۇرۋ قىزمەتىنە قاتىناسۋعا ىرىقتىلىقپەن سۇراندى، اۋىلداستاردى اۋقاتتانۋعا باستاپ، كەدەيلىكتەن ارىلتۋدان قامال الۋ جولىندا ”پروكۋرورلىق قاسيەتىن“ ايگىلەدى.
2018 - جىلدان باستاپ، شينجياڭ ءوندىرىس - قۇرىلىس بيڭتۋانى حالىق پروكۋراتۋراسىنىڭ 3 - شى 51 - تۋان 9 - ليانىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ليان پارتيا ياچەيكاسىنىڭ ءبىرىنشى شۋجيى رەتىندە، لۇڭ حۇي ليان پارتيا ياچەيكاسىن باستاپ، نەگىزگى ساتى ۇيىمدىق قۇرىلىسىن يگەرۋ ارقىلى كەدەيلىكتەن ارىلتۋدان قامال الۋدى جەبەدى، ورنىقتىلىقتى قورعاۋدى جەبەدى، بۇقارالىق قىزمەتتى جەبەدى، ليان - دۇيدىڭ گۇلدەنۋىن جەبەدى.
2020 - جىلى تۇتاس لياننىڭ جۇمىسشى - قىزمەتشىلەرى جاڭادان سالىنعان بەيقۇت ۇيگە كوشىپ كىرىپ، رۋحاني بەت - بەينەسى مەن تۇرمىس شارت - جاعدايى ءبىرجولاتا جاڭاردى.
نەگىزگى ساتى پارتيا ۇيىمىنىڭ سەركەسى بولدى
9 - ليانعا كەلگەننەن كەيىن، لۇڭ حۇي پارتيا قۇرىلىسىن يگەرىپ، كەدەيلىكتەن ارىلتۋدى جەبەۋدى ءبىرىنشى مىندەت ەتىپ، بۇقارانى تۇتاس تۋاننان جاۋاپكەرشىلىگى، ءبىلىمى بار، جاۋاپكەرشىلىك ارقالاي الاتىن جاستاردى قىزمەت اتقارۋعا كورسەتۋگە جۇمىلدىردى.
قىزمەت اترەتى لياننىڭ ”ەكى كوميتەتىن“ قولما - قول ”ۇيرەتىپ، كومەكتەسىپ، جەتەكتەپ“، ءبىر قىدىرۋ قىزمەت ءتۇزىمىن بەلگىلەپ، پارتيانىڭ ساياساتىنىڭ نەگىزگى ساتىدا تامىر تارتۋىنا شىنايى كەپىلدىك ەتتى. لۇڭ حۇي اۋقاتتانۋ شەبەرى، مادەنيەت اترەتى مۇشەلەرى سياقتى توپتاردىڭ ىشىندەگى تاڭداۋلى ورتا جاستاعىلاردى، جاستاردى باۋلۋ، تەكسەرۋ ءتۇيىنى ەتۋگە دەن قويدى. 2 جىلدان بەرى، پارتيا ياچەيكاسى 87 پارتياعا كىرۋ ءوتىنىشىن تاپسىرىپ الىپ، 20 پارتياعا كىرۋ بەلسەندىسىن باۋلىپ، 6 ادامدى پارتياعا قابىلدادى.
پارتيا ياچەيكاسىنىڭ جەتەكشىلىگىندە، 9 - لياننىڭ بۇقارالىق ۇيىم قيمىلدارى دابىرالى ورىستەتىلدى. پارتيا ياچەيكاسى مەن بۇقارانىڭ بارعان سايىن ەتەنە بولىپ، بۇقارانىڭ لياننىڭ ”ەكى كوميتەتىنە“ ريزاشىلىعى بارعان سايىن جوعارىلاپ، كىرىستەرىن ارتتىرىپ، اۋقاتتانۋ ىنتاسى بارعان سايىن ارتتى.
كەدەيلىكتەن ارىلتۋدان قامال الۋدىڭ تىرەگى بولدى
لۇڭ حۇي بۇقارانىڭ كىرىسىن ارتتىرۋعا كومەكتەسۋدى ءىرى ءىس رەتىندە يگەردى. 2018 - جىلى 3 - ايدا قىزمەت اترەتىنىڭ كومەگىندە، ابدۇرەيىم مامەت 51 - تۋانداعى العاشقى ەڭبەككۇش سەرىكتەستىگىن قۇرىپ تىركەۋگە الدىردى، سول جىلى سىرتقا 422 ادام - رەت ەڭبەككۇش شىعاردى.
لۇڭ حۇي تاعى قايتكەندە جاسى ۇلكەندەۋ نەمەسە مۇمكىندىگى شەكتەۋلى جۇمىسشى - قىزمەتشىلەردىڭ ءۇيىنىڭ ىرگەسىندە كىرىستەرىن ارتتىرۋىنا كومەكتەسۋگە بولاتىنىنا باس قاتىرا باستادى. 2018 - جىلى 10 - ايدا لۇڭ حۇي ءبىر سەرىكتەستىكتىڭ 51 - تۋانعا كەلىپ كەدەيلەردى سۇيەمەلدەيتىنىن ەستىپ، ەڭ الدىمەن حابارلاسىپ ۇلگەردى. سەرىكتەستىك 200 مىڭ يۋان شىعارىپ، 15 كەدەي وتباسىنا 150 ساۋلىق قوي ساتىپ الىپ بەردى. قازىرگە دەيىن، 233 قوزى تولدەپ، كەدەي وتباسىلارىن وتباسىندىق ورتاشا كىرىستەرىن 16 مىڭ يۋان ارتتىرۋعا جەتەكتەدى.
2019 - جىلى 8 - ايدا قىزمەت اترەتى كوللەكتيۆ شارۋاشىلىققا جارنا قوسۋ ءۇشىن 300 مىڭ يۋان قارجى شىعارىپ، جيۋجيۋ شارۋالار كاسىپتىك باعىمشىلىق سەلبەستىك كووپەراتيۆىن قۇرۋعا كومەكتەستى. كوپ وتپەي، كووپەراتيۆتىڭ قاۋىرت مەزگىلدەگى كۇندىك جۇمىرتقا ءوندىرۋ مولشەرى 1500 كيلوگرامعا جەتتى.
9 - لياننىڭ اۋىل شارۋاشىلىعى ەگىمشىلىك قۇرىلىمى جالاڭ، جەردىڭ پايدالانىلۋ سالىستىرماسى تومەن، جۇمىسشى - قىزمەتشىلەردىڭ ەگىمشىلىك ارقىلى يە بولعان پايداسى ءبىرشاما تومەن بولاتىن. قىزمەت اترەتى اۋىل شارۋاشىلىعى ماماندارىن سول جەردە كورىپ، جۇمىس باسىندا امالىن تابۋعا ۇسىنىس ەتتى. پارتيا ياچەيكاسى 9 - لياندا ورىك، المۇرت اعاشتارى اراسىنا كىرىكتىرىپ بارقىت ءشوپ ەگۋدى ۇسىنىپ، جۇمىسشى - قىزمەتشىلەردىڭ كىرىستەرىن ارتتىرۋىنا كومەكتەستى.
لۇڭ حۇي مەن پارتيا ياچەيكاسى بىرگە، ”جۇمىستاندىرۋدى نەگىز ەتۋ، باعىمشىلىقتى قوسىمشا ەتۋ، قوعامدىق قامسىزداندىرۋدا تومەنگى شەكتەن تۇسىرمەۋ“ سىندى كەدەيلىكتەن ارىلتۋ شاراسىن جاساپ، 9 - لياننىڭ 2019 - جىلدىڭ سوڭىندا كەدەيلىكتەن ارىلتۋدى جاپپاي جۇزەگە اسىرۋىنا، كەدەي وتباسىلارىنىڭ جان باسىندىق جىلدىق كىرىسىن 12 مىڭ يۋاننان اسىرۋىنا شىنايى كەپىلدىك ەتتى.
جۇمىسشى - قىزمەتشى بۇقارانىڭ جان اشىرىنا اينالدى
العاش 9 - ليانعا كەلگەندە، لۇڭ حۇي كەيبىر بۇقارانىڭ ”كۇتە تۇرۋ، يەك سۇيەۋ، الاقان جايۋ“ يدەياسىنىڭ اۋىر ەكەنىن سەزىپ، وسى جايتتى وزگەرتۋگە بەل بۋدى.
لۇڭ حۇيدىڭ تۋىسى راحىم راحىماننىڭ تۇرمىسىندا قيىنشىلىعى بار، اكەسى اۋرۋ بولعاندىقتان، قارايلاسۋعا تۋرا كەلەتىن. لۇڭ حۇي: ”ايەلىڭ ەكەۋىڭنىڭ بىرەۋىڭ اكەڭە قاراپ، ەندى بىرەۋىڭ شىعىپ جۇمىس ىستەۋىڭە بولادى، مەن سەندەرگە جۇمىس تاۋىپ بەرەيىن“ دەيدى. ءارى ونى جۇرگەن جەرىندە ماداقتاپ، ونىڭ سەنىمىن ارتتىرۋىنا كومەكتەسەدى. راحىم اقىرى ەڭبەكاقىسىن الىپ، ەل قۇرمەتىنە بولەنگەن وزاتقا اينالادى.
لۇڭ حۇي ”كەدەيلىكتەن ارىلۋ جۇلدىزىن“ تاڭداپ الىپ، ولارعا باستان كەشكەندەرى ارقىلى بۇقارالىق جينالىستا ءوز جاعدايىن سويلەتىپ، ليان - دۇيدە ەڭبەك ارقىلى كەدەيلىكتەن ارىلۋدىڭ تاماشا رايىن قالىپتاستىرادى. كوپتەگەن كەدەيلەر وتباسىلىق ەكونوميكا شارت - جاعدايى كورنەكتى جاقسارعاننان كەيىن ەڭ تومەنگى تۇرمىستى قامتاماسىزداندىرۋ قاراجاتىن ەندىگارى الماۋدى ىرىقتىلىقپەن ورتاعا قويادى.
كەدەي زورگۇل تۇرسىننىڭ كۇيەۋى ۇزاق جىل توسەك تارتىپ جاتىپ قالعاندىقتان، تۇراقتى كىرىس كوزى جوق ەدى. لۇڭ حۇي زورگۇلگە ءبىر الەۋمەتتىك يگىلىك سيپاتتى تازالىق قىزمەتىن ءوتىنىش ەتەدى، كەدەيلەردى سۇيەمەلدەيتىن سەرىكتەستىك تە وعان 10 ءىشتى قوي الىپ بەرەدى، وسى قويلار كەلەسى جىلى 10 نەشە قوزى قوزىلايدى. 2019 - جىلى زورگۇلدىڭ وتباسى جاڭا ۇيگە كوشىپ كىردى، وتباسىنىڭ جىلدىق جان باسىندىق ورتاشا كىرىسى 20 مىڭ يۋاننان استى.
140 مىڭ يۋاندىق قارجىلاي كومەك وقۋعا جاردەم اقشاسىنا قول جەتكىزىپ، 26 ستۋدەنتتىڭ وقۋىن اياقتاتۋىنا كومەكتەستى؛ قىزمەت گرۋپپاسىن باستاپ 2 ميلليون يۋاننان استام قارجى توپتاپ، ارىق - توعان جوندەدى، جولعا شام ورناتتى، ت.ب ...
بۇل كۇندەرى 46 جاستاعى لۇڭ حۇي بۇرىنعى قىزمەت ورنىنا قايتىپ كەلدى، سول جەردەگى بۇقارا ءالى كۇنگە دەيىن وعان ۇنەمى حابارلاسىپ، وزدەرىنىڭ كىرىستەرىن ارتتىرۋ اڭگىمەلەرىن ايتىپ تۇرادى.
