تيانشان تورى
تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

شارۋا ”تاپقىرلاۋشى“ اۋىلداستارىن دوڭگەلەك داۋلەتكە باستادى

− مەملەكەتتىك كەدەيلىكتەن ارىلتۋدان قامال الۋ سيلىعى جاڭالىق اشۋ سيلىعىنىڭ يەگەرى ابدۇسالام ياسىن تۋرالى

شينجياڭ گازەتىنىڭ جالپىلىق اقپارات قۇرالدارى ءتىلشىسى رايدا

  ”مەن وڭتۇستىك شينجياڭداعى ءبىر قاراپايىم شارۋامىن، پارتيانىڭ ابزال ساياساتى ماعان بۇرىن ويلاپ تا كورمەگەن جاقسى تۇرمىس سيلادى، پارتياعا العىس ايتامىن، وتانعا العىس ايتامىن، الدا مەن عىلىم - تەحنيكانى اناعۇرلىم قۇلشىنا ۇيرەنىپ، بۇدان كەيىن كوپ ادامدى اۋقاتتانۋعا باستايمىن“، - دەدى 10 - ايدىڭ 17 - كۇنى 2020 - جىلعى مەملەكەتتىك كەدەيلىكتەن ارىلتۋدان قامال الۋ سيلىعى جاڭالىق اشۋ سيلىعىنىڭ يەگەرى مارالباسى اۋدانى ساربۇيا قالاشىعى بەستۇپ قىستاعىنىڭ تۇرعىنى ابدۇسالام ياسىن تەبىرەنە.

  مىنە وسىنداي قاراپايىم شارۋا، عىلىم - تەحنيكانى بەلسەنە ۇيرەنۋ ارقىلى جاڭا ءونىمدى دەربەس تاپقىرلاپ، قىسقا عانا 2 جىلدان ارتىق ۋاقىت ىشىندە، 500 مىڭ يۋانعا تاياۋ كىرىس كىرگىزىپ، 150گە تاياۋ ادامدى جۇمىستانۋعا جەتەكتەپ، الىس - جاقىنعا تانىمالى جاس اۋقاتتانۋعا باستاۋشىعا اينالدى.

شارۋادان ”تاپقىرلاۋشىعا“ اينالدى

  ساربۇيا قالاشىعى قاشقار ايماعىنداعى قاۋىن، قاربىز ەگىلەتىن نەگىزگى جەردىڭ ءبىرى. ”قاۋىن - قاربىز ەگۋدىڭ ءارقايسى بۋىنى بۇرىن تۇگەلدەي قولمەن ىستەلەتىن، ۋاقىت، كۇش كوپ كەتەتىن، ەڭبەك كۇشەمەلىلىگى اۋىر ەدى“، - دەدى ابدۇسالام.

  2017 - جىلى 2 - ايدا شينجياڭ مال شارۋاشىلىعى عىلىمدار اكادەمياسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى قىستاقتان جاس شارۋالار عىلىم - تەحنيكا شەبەرلەرىن جانە اۋقاتتانۋعا باستاۋشىلاردى تاربيەلەۋ ءتۇزىمىن ورناتتى، ابدۇسالام 1 - توپتاعى جاستاردىڭ عىلىم - تەحنيكا اۋەسكەرلەرى گرۋپپاسىنا تىزىمدەلىپ قاتىناستى.

  قىزمەت اترەتىنىڭ قولداۋىندا، كومەگىندە، ابدۇسالام قاۋىن - قاربىز ەگۋ جابدىعىن جوبالاۋعا كىرىستى. قاجىماي - تالماي قۇلشىنۋ ارقىلى 2018 - جىلى ابدۇسالام ءاربىرى كۇنىنە 100 مۋ دا 200 مۋ جەرگە قاۋىن - قاربىز ەگە الاتىن جاڭا جابدىقتى ءساتتى جوبالاپ جاساپ، قاۋىن - قاربىز ەگەتىن شارۋالاردىڭ مويىنداۋىنا يە بولىپ، جابدىعى جەرگىلىكتى ورىندا جانە توڭىرەكتەگى بىرنەشە اۋداندا ءوتىمدى بولدى.

  ابدۇسالام دوۋين سياقتى ينتەرنەتتىك تۇعىرلاردان پايدالانىپ ونىمدەرىن ساۋداعا سالۋدى دا ۇيرەنىپ، سولتۇستىك شينجياڭداعى الارمانداردى، سونداي - اق ىشكى موڭعۇل، گانسۋ سياقتى جەرلەردەگى الارمانداردى دا ءساتتى باۋرادى، قىسقا عانا 2 جىلدان ارتىق ۋاقىتتا قاۋىن - قاربىز ەگەتىن 163 جابدىقتى ساتتى، جەكە وسى تاپقىرلىعىنان 500 مىڭ يۋاننان ارتىق پايدا ءتۇسىردى.

  قازىر ابدۇسالام قىستاقتان شىعىپ، ساربۇيا قالاشىعىنىڭ بازارىنان 1700 شارشى مەترلىك اۋىل شارۋاشىلىعى ماشينالارى مانەرلەۋ زاۆودىن قۇردى، ەڭ كوپ بولعاندا 15 شارۋانى جۇمىسقا قابىلداپ، اربىرىنە ايىنا 2000 يۋان دا 4000 يۋان ەڭبەكاقى بەردى.

قىستاق تۇرعىندارىن باستاپ جاڭالىق اشۋ جولىنا ءتۇستى

  بەستۇپ قىستاعىندا جان باسىنا تۋرا كەلەتىن ورتاشا ەگىستىك جەر نەبارى 1.85 مۋ بولىپ، جان باسىندىق ورتاشا كىرىس تومەن ەدى. وسى ماسەلەلەرگە مەڭزەس، ابدۇسالام ءبىراز جۇمىس ىستەۋدى ويلاپ كەلگەن ەدى.

  ابدۇسالام قىستاق اشقان شارۋالار كەشكى مەكتەبىنەن جانە قىستاق زور جيىنىنان پايدالانىپ، ءوزىنىڭ دامۋ كەشىرمەسىن جانە شارۋاشىلىق قۇرۋ تاجىريبەسىن تانىستىردى. ونىڭ شابىتتاندىرۋىمەن جانە قىزمەت اترەتىنىڭ دۇرىس ارناعا باستاۋىمەن، كەرىم ابدۇۋالي سيىردى اماناتتاپ باقتىرۋ ورنىن جانە ايران ۇيىتۋ زاۆودىن قۇردى، ناسىر وشۇر اسحانا، مامۇت ۇسەين قۇرىلىس ماتەريالدارى دۇكەنىن، امەت ابدىرەيىم ومارتا اشتى...

  ەداۋىر شارۋاشىلىق قۇرۋ تاجىريبەسى بار بولعاندىقتان، ابدۇسالام مىندەتتى شارۋاشىلىق قۇرۋ جەتەكشىسى بولىپ، ءوزىنىڭ توپتاعان تاجىريبەسىمەن ۇشتاستىرىپ، كوپشىلىككە جەتەكشىلىك ەتىپ، قىزمەت وتەپ، شارۋاشىلىق قۇرۋدا كەزىككەن قيىنشىلىقتارىن جانە ماسەلەلەرىن شەشۋگە كومەكتەستى.

  قازىر ۇيرەنۋ، تاربيەلەنۋ ارقىلى بۇكىل قىستاقتاعى 1000نان استام ەڭبەككۇش جۇمىستانۋدى جۇزەگە اسىردى، 50دەن استام ادام ميكرو شارۋاشىلىق قۇرۋ باقشاسىندا جانە كەدەيلەردى سۇيەمەلدەۋ بازارىندا شارۋاشىلىق قۇرىپ جۇمىستاندى، سونداي - اق ءبارى وسى جىلى پايدا ءتۇسىرۋدى جۇزەگە اسىردى.

جاڭا اۋىل - قىستاق قۇرىلىسىنىڭ بەلسەندى جاستارىنان بولدى

  كەشكى مەكتەپتىڭ ءبىر جولعى ۇيرەنۋىندە، وقىتۋشىنىڭ ۇيرەنۋدىڭ كۇش - قۋاتى تۋرالى جاساعان تۇسىنىگى ابدۇسالامدى تاعى ءبىر رەت تەبىرەنتتى.

  وسى رەت ونىڭ جاسامپازدىق شابىتى كورىكتى اۋىل - قىستاق قۇرىلىسىنان كەلدى. ابدۇسالام كورىكتى اۋىل - قىستاق قۇرىلىسىندا، كوپتەگەن دارەتحانالاردى جاڭالاۋ كەرەك، ەگەر شىدامدى، ادەمى، تازالاۋعا قولايلى دارەتحانا بولسا، اۋىلداستاردىڭ اقشاسى ۇنەمدەلىپ، تۇرمىستان ءتىپتى دە جاقسى ءلاززات السا، قانشاما جاقسى بولار ەدى دەپ ويلايدى.

  ءبىر مەزگىل قۇلشىنۋ ارقىلى ابدۇسالام شاقپاقشا بولات + ءتۇستى بولات قۇرىلىمدى، تازالاۋعا قولايلى دارەتحانا تاپقىرلاپ، قىزمەت اترەتى مەن قىستاق تۇرعىندارىنىڭ جاقسى باعاسىنا يە بولىپ، ءبىر جولدا نەشە ءجۇزى ساتىلادى.

  ونان سوڭ، ابدۇسالام جاڭعاق ۇزەتىن ماشينا جابدىعى جونىندە وي جۇگىرتەدى. ءبىر ايدان استام ۋاقىت قۇلشىنۋ ارقىلى جاڭعاق ءۇزۋ جاڭا ماشيناسى بارلىققا كەلدى، ونى 4 دوڭگەلەكتى تراكتورعا تىركەي سالۋعا بولادى، ءۇزۋ ونىمدىلىگى توتەنشە جوعارى بولعاندىقتان، تەز ارادا قوعامنىڭ مويىنداۋىنا يە بولادى.

  دامۋعا تالپىنۋ، اۋقاتتانۋ بارىسىندا، ابدۇسالامنىڭ يدەياسىندا دا ۇلكەن وزگەرىس تۋىلادى، ول ايەلىمەن بىرگە پارتياعا كىرۋ ءوتىنىشىن جازىپ، ونى بايسالدىلىقپەن قىستاق پارتيا ياچەيكاسىنا تاپسىرادى. ”قول جەتكىزگەن بۇگىنگى تابىسىم پارتيانىڭ ابزال ساياساتىنىڭ ارقاسى. مەن ءبىر پارتيا مۇشەسى بولىپ، قىستاق تۇرعىندارى ءۇشىن مۇنان دا كوپ جۇمىستار تىندىرۋدى ءۇمىت ەتەمىن“، - دەيدى ابدۇسالام.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.