تيانشان تورى حابارى (ءتىلشى حۋاڭ شيڭ حابارلايدى). جاڭا جارىس ماۋسىمى CBA بىرلەسپە جارىسى 10 - ايدىڭ 17 -كۇنى جۋجي قالاسىندا وتكىزىلەدى، قوس شەتەل دوپشىسى بار گۋاڭدۇڭ كومانداسىنىڭ جىجياڭ كومانداسىنان ويسىراي جەڭىلۋى وسى جارىس ماۋسىمىنىڭ قيان - كەسكى بولاتىندىعىنان دەرەك بەرەدى.
قايتا قۇرىلعاننان كەيىنگى بۇكىلدەي جۇڭگولىق سپورتشىلاردان قۇرالعان شينجياڭ فەيحۋ كومانداسى وسى جارىس ماۋسىمىندا قانداي ناتيجەگە يە بولادى؟ ناتيجە ۇمىتكە تولى، ءارى سوڭىندا قالاي بولارى دا بەيمالىم.
سانسىز اعا جۇلدەگەرلىك ءۇشىن نەگىز قالادى
وسى جارىس ماۋسىمىندا، شينجياڭ كومانداسىنىڭ ەڭ مىقتى باسەكەلى قارسىلاسى گۋاڭدۇڭ، لياۋنيڭ، بەيجيڭ كومانداسىنان باسقا تاعى جىجياڭ، گۋاڭشيا، فۋجيان، شاڭحاي، شىنجىن، بەيكۇڭ، جيلين سياقتى كوماندالار بار. بۇكىلدەي جۇڭگولىق سپورتشىلاردى نەگىز ەتكەن جاڭا جارىس ماۋسىمىندا، وتكەن كۇندەگى تۇراقتىلىقتا وزگەرىس بولۋدا. قانداي ورەگە جەتۋدىڭ تەتىگى وزىندە، بۇل قيىنشىلىققا جانە سايىسقا توتەپ بەرۋدەگى پوزيتسيا، ءارى شينجياڭ كومانداسىنىڭ ۇزاق بولاشاقتىق دامۋىنىڭ بىردەن - ءبىر تالعامى.
شينجياڭ يليتى ەرلەر باسكەتبول كومانداسىنىڭ جاڭا جارىس ماۋسىمى سەرت بەرۋ جينالىسىندا، كوماندانىڭ باس جاتتىقتىرۋشىسى ءادىلجان تىلشىگە بىلاي دەدى: ”بۇل جارىس ماۋسىمى نەگىزىمىزدى بەكەمدەۋدىڭ ماڭىزدى بارىسى، الايدا، بۇل نىسانا ولشەمىمىزدى تومەندەتۋ دەگەندىك ەمەس، اعا جۇلدەگەرلىك ءبىزدىڭ ماڭگى تالپىناتىن نىسانامىز“.
ىشكى، سىرتقى مايداندا وينايتىن دوپشىلاردىڭ دەڭگەيىن جوعارىىلاتۋ مۇمكىندىگى زور
تۇتاس شينجياڭ كومانداسىنا قاراساق، مەيلى جوۋ چي، ابدۇسالام بولسىن، ياكي، چي لين، تاڭ سايۇي، يۇي دىحاۋ بولسىن، ءبارىنىڭ دە جوعارى دەڭگەيگە جەتۋ مۇمكىندىگى زور، راپحاتجان، ازامات، جۋ چۋانۇي، لۇتبوللا، ۋاڭ شياۋ - ي، يە جىڭۋىن، ليۋ ليپىڭ، شەريزات، ۋ يۇڭشىڭ، ۋاڭ جىڭبو قاتارلى دوپشىلار تالانتتارىن تانىتۋمەن بىرگە ۇزدىكسىز بيىككە تالپىنۋى كەرەك.