تيانشان تورى   ›   ۇيرەنۋ   ›   شولۋ

اناعۇرلىم كوپ ”كوكتەم حيكايالارىن“ جالعاستىرا جازۋعا قۇلشىنايىق

− باس شۋجي شي جينپيڭنىڭ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە

حالىق گازەتىنىڭ شولۋشىسى

  40 جىلدىق ايبىندى تولقىن، ادامدى جىگەرلەنە العا باسۋعا جەتەلەيتىن جاڭا ساپار. باس شۋجي شي جينپيڭ شىنجىن ەكونوميكالىق ەرەكشە رايونى قۇرىلعاندىعىنىڭ 40 جىلدىعىن قۇتتىقتاۋ جينالىسىندا تەرەڭنەن تولعاپ بىلاي دەپ اتاپ كورسەتتى: ەكونوميكالىق ەرەكشە رايوننىڭ وراسان زور وزگەرىسى ءبىرىنىڭ ءىزىن ءبىرى باسقان ەرەكشە رايون قۇرىلىسشىلارىنىڭ ايانباي كۇرەس جۇرگىزۋىمەن جۇزەگە استى، جاڭا باستامادا ەكونوميكالىق ەرەكشە رايونداعى قالىڭ كادر - بۇقارا پارتيا ورتالىق كوميتەتىنىڭ شەشىمدەرىن، ورنالاستىرۋلارىن مىزعىماس تاباندىلىقپەن دايەكتىلەندىرىپ، تياناقتاندىرىپ، ”اتويشىل“ رۋحتى، ”جاسامپاز“ ارىندى، ”ىسكەرلىك“ ستيلدى ماڭگى ساقتاپ، اناعۇرلىم كوپ ”كوكتەم حيكايالارىن“ جالعاستىرا جازۋعا قۇلشىنۋ، دۇنيە ءجۇزىن جالت قاراتاتىن تىڭ، اناعۇرلىم كەسەك كەرەمەتتەر جاراتۋعا قۇلشىنۋ كەرەك!

  ”وتكەننىڭ ءبارى كەلەر كۇننىڭ باستاماسى“. شىنجىن قاتارلى ەكونوميكالىق ەرەكشە رايوندار 40 جىلدىق رەفورما جاساۋ، ەسىك اشۋ امالياتىندا ۇلى كەرەمەتتەر جاراتىپ، جاڭا داۋىردە جىگەرلەنە العا باسىپ، جاڭا ساپار باستادى، قالىڭ كادر - بۇقارانىڭ الدىنا قويىلعان بورىش اناعۇرلىم داڭقتى، مىندەت اناعۇرلىم ماشاقاتتى، سىن - سايىس اناعۇرلىم قاتاڭ، قىزمەت اناعۇرلىم ۇلى. ءسوز جوق، ۇلكەن اۋقىمدى ءدال يگەرىپ، ەكى كەلەلى جاعدايدى كوكەيدە ساقتاپ، وراي تانىمى مەن حاۋىپ - قاتەر تانىمىن كۇشەيتىپ، داعدارىس بارىسىندا ۇتىمدى وراي جەتىلدىرۋگە، وزگەرىس بارىسىندا جاڭا جاعداي اشۋعا شەبەر بولىپ، ورايدى مىقتى يگەرىپ، سىن - سايىسقا توتەپ بەرىپ، باتىلدىقپەن ءداۋىر تولقىنىنىڭ الدىڭعى لەگىندە ءجۇرىپ، جىگەرلەنە، جۇرەكتىلىكپەن سايىسۋ كەرەك. ەكونوميكالىق ەرەكشە رايوندار سوتسياليستىك وسىزاماندانعان مەملەكەتتى جالپى بەتتىك قۇرىپ شىعۋ، ەكىنشى 100 جىلدىق كۇرەس نىساناسىن جۇزەگە اسىرۋ ءۇشىن تىڭ، اناعۇرلىم كەسەك ۇلەس قوسۋعا قۇلشىنۋ، اسىرەسە، شىنجىن جاڭا داۋىردە پارتيا ورتالىق كوميتەتى جۇكتەگەن تاريحي بورىشتى ارقالاپ، ەشتەڭەدەن تايسالماي العا تارتاتىن كۇرەسكەرلىك بەينەمەن، بوران - شاشىنعا بوگەلمەيتىن رۋحاني كۇيمەن رەفورما جاساۋدى، ەسىك اشۋدى سوڭىنا دەيىن جۇرگىزىپ، بورىشتى ادا ەتىپ، ماڭىزدى تاپسىرمانىڭ ۇددەسىنەن شىعۋ كەرەك.

  ”اتويشىل“ رۋحتى ماڭگى ساقتاۋدا نەعۇرلىم قيىن، قاتەرلى بولعان سايىن سولعۇرلىم العا ۇمتىلاتىن قايتپاس قاجىردى ساقتاۋ كەرەك. 40 جىلدان بەرى شىنجىن ءدال وسىنداي جىگەردىڭ جانە ارىننىڭ ارقاسىندا يدەيالىق جاقتاعى بوگەتتەردى بۇزىپ، رەفورمادا قامال الۋعا جەتەكشىلىك ەتىپ، مەشەۋ شەكارالىق شاعىن قالاشىقتان الەمدىك ىقپال كۇشكە يە حالىقارالانعان ۇلكەن ورتالىق قالاعا دەيىنگى تاريحي سەكىرۋدى جۇزەگە اسىرىپ قانا قويماي، ونان دا ماڭىزدىسى، رەفورما جاساۋ، ەسىك اشۋ ۇلى تولقىنىنىڭ جۇڭگونىڭ بايتاق دالاسىنا قانات جايۋىن ىلگەرىلەتتى. بۇگىنگى تاڭدا، رەفورما تاعى ءبىر جاڭا تاريحي كەزەڭگە كەلىپ وتىر، كوبى بۇرىن بولماعان تىڭ ماسەلەلەر، رەفورمانى ىلگەرىلەتۋدىڭ كۇردەلىلىگى، سەزىمتالدىعى، ماشاقاتتىلىعى 40 جىلدىڭ الدىنداعىدان كەم سوقپايدى. شىنجىن قاتارلى ەكونوميكالىق ەرەكشە رايوندار ءداۋىر جۇكتەگەن ماڭىزدى مىندەتتى جۇرەكتىلىكپەن ارقالاپ، وتانشىلدىقتى وزەك ەتكەن ۇلت رۋحى مەن رەفورما جاساۋدى، جاڭالىق اشۋدى وزەك ەتكەن ءداۋىر رۋحىن اسقاقتاتىپ، جۇرەكتىلىكپەن اتوي سالاتىن، جۇرەكتىلىكپەن سىناپ كورەتىن، جۇرەكتىلىكپەن ەلدەن بۇرىن ىستەيتىن، بار پەيىلىمەن جاپاعا شىداپ ىستەيتىن ەرەكشە رايون رۋحىن ۇزدىكسىز ساۋلەلەندىرىپ، كادر - بۇقارانى جاڭا داۋىردەگى ”تىڭعا تۇرەن سالۋشى“ بولۋعا ىنتالاندىرىپ، بۇكىل ەلدىڭ رەفورما جاساۋ، ەسىك اشۋىنا جول سالۋدى، جول اشۋدى جالعاستىرۋى كەرەك.

  ”جاسامپاز“ ارىندى ماڭگى ساقتاۋدا، ءورىس اشىپ، جاڭالىق ەنگىزۋدى، باتىلدىقپەن جاسامپازدىق جاراتۋدى ۇنەمىلىك كۇي ەتۋ كەرەك. باس شۋجي شي جينپيڭ: ”رەفورمانىڭ ەڭ ماندىك تالابى − جاڭالىق اشۋ“ دەپ باسا دارىپتەدى. 40 جىلدان بەرى شىنجىن قاتارلى ەكونوميكالىق ەرەكشە رايونداردىڭ يدەيالىق جاقتاعى، اماليات جاعىنداعى ءبىر قىدىرۋ ىزدەنىستەرى مەن جاڭالىق اشۋلارى قوعامدىق وندىرگىش كۇشتى بارىنشا ازات ەتىپ، بۇكىل ەلدىڭ رەفورما جاساۋ، ەسىك اشۋ اۋقىمىن جەتەكتەپ الدا ءجۇردى. جاڭا داۋىردەگى ۇلى ساپاردا باسقالار جۇرمەگەن جولمەن جۇرۋگە بەل بايلاعاندار عانا وزگەشە كوركەم كورىنىستەرگە كوز سۋارا الادى. جاڭا جاعدايدا، جۇڭگوشا سوتسياليزمگە تاباندى بولۋ مەن ونى دامىتۋدا ءالى دە كوپتەگەن كەلەلى تاقىرىپتار ىزدەنىس جاساۋعا جانە امالياتتا ايگىلەۋگە مۇقتاج، كوپتەگەن تىڭ سالالار ءورىس اشۋدى، جاڭالىق ەنگىزۋدى كۇتىپ تۇر. كەزەكتە رەفورما كوپتەگەن سالالاردا ”جان بالاسى باسپاعان اۋماقتارعا“ اتويلاپ كىردى، حالىق بۇقاراسىنىڭ ءتول جاسامپازدىق رۋحىنا قۇرمەت ەتىپ، جاڭالىق اشۋ، جاسامپازدىق ومىرشەڭدىگىن ۇزدىكسىز قابىلداپ، اماليات بارىسىندا شىن بىلىمگە تالپىنىپ، ىزدەنىس بارىسىندا زاڭدىلىقتاردى تاۋىپ، ۇزدىكسىز تىڭ تاجىريبە قالىپتاستىرىپ، تىڭ تانىمدى تەرەڭدەتىپ، جاڭا جوبالار ۇسىنۋ كەرەك.

  ”ىسكەرلىك“ ستيلدى ماڭگى ساقتاۋدا ناقتى ىسكەرلىكتى ارداقتاۋ، شەگە قاعۋ رۋحى بولۋ كەرەك. ەكونوميكالىق ەرەكشە رايوندار مەن ىستەمەي كىم ىستەيدى دەيتىن سەنىمدى، جۇرەكتىلىكپەن اتويشى سارباز بولاتىن بەكىمدى نىعايتىپ، ورگە ۇمتىلىپ، بوگەتتەردەن وتەتىن قىسىم سەزىمىن، ەرلىكپەن العا باساتىن بورىش سەزىمىن، ءىس تىندىرىپ، ناتيجە شىعاراتىن جاۋاپكەرشىلىك سەزىمدى ساقتاپ، ناقتى ىسكەرلىكتى ارداقتايتىن ورتانى بەلسەنە قالىپتاستىرىپ، ناقتى ىسكەرلىكپەن وزگەرىسكە ۇمتىلىپ، ناقتى ىسكەرلىكپەن جاڭالىققا ۇمتىلىپ، ناقتى ىسكەرلىكپەن العا ىلگەرىلەۋگە ۇمتىلىپ، ناقتى ىسكەرلەردى قولداپ، ءىس تىندىرۋشىلاردىڭ قايراتىن جانىپ، اسقاق رۋحاني كۇيمەن رەفورمانى كىدىرتپەي، ەسىك اشۋدى ايالداتپاي ىلگەرىلەتۋ كەرەك. ىنتالاندىرۋ مەحانيزمىن ورناتىپ، اقاۋسىزداندىرىپ، ىسكەرلەر العا شىعاتىن، ۇزدىكتەر سيلاناتىن، جوندەكىلەر ىرىقسىز كۇيگە تۇسەتىن، ناشارلار قاتاردان قالاتىن دۇرىس بەتالىس قالىپتاستىرۋدى ىلگەرىلەتىپ، رەفورماشىلار ءۇشىن جاۋاپتى بولىپ، جاۋاپكەرشىلىك ارقالايتىندار ءۇشىن جاۋاپكەرشىلىك ارقالاپ، پارتيا مۇشەلەرىنىڭ، كادرلاردىڭ ءىس تىندىرىپ، ناتيجە شىعارۋ ىنتاسى مەن ارىنىن قاۋلاتۋ كەرەك. قالىڭ پارتيا مۇشەلەرى، كادرلار مۇرات - سەنىمدى بەكەمدەپ، ءبىلىم - كوزقاراستارىن جاڭالاپ، ىسىلعان ونەر يگەرىپ، سانالى تۇردە پارتيا مەن مەملەكەتتىڭ كەلەلى جاعدايىندا تۇرىپ ماسەلەلەرگە وي جۇگىرتىپ، ءىس تىندىرىپ، تەمىرگە تاڭبا، تاسقا ءىز قالدىرىپ، ورنىقتى، تىڭعىلىقتى قاداممەن العا جىلجىپ، شىڭنان - شىڭعا شىعىپ، بەلەستەن بەلەسكە اسىپ، ۇزدىكسىز تۇردە قيىن ماسەلەلەردى شەشۋ ارقىلى قىزمەتتە جاڭا جاعداي اشۋ كەرەك.

  ءبىز ۇلكەن ىستەر تىندىرۋعا بولاتىن جاڭا داۋىردە تۇرمىز، شىنجىن قاتارلى ەكونوميكالىق ەرەكشە رايوندار تاريحتىڭ جاڭا باستاماسىندا تۇر. شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ونان ارى يدەيانى ازات ەتىپ، جۇرەكتىلىكپەن جاڭالىق اشىپ، شىنداپ يگەرىپ، ناقتاپ ىستەپ، قايراتتانا العا ۇمتىلساق، ەكونوميكالىق ەرەكشە رايوندار، ءسوز جوق، رەفورما جاساۋ، ەسىك اشۋ جولىمەن مىزعىماي ءجۇرۋدىڭ، سوتسياليستىك وسىزامانداندىرۋ قۇرىلىسىن جىگەرلەنە ءىس تىندىرا وتىرىپ ىلگەرىلەتۋدىڭ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن قاجىماس قايسارلىقپەن جۇزەگە اسىرۋدىڭ ۇلى ساپارىندا تىڭ، اناعۇرلىم زور شۇعىلالى كەرەمەتتەر جاراتا الادى.

   (شينحۋا اگەنتتىگىنىڭ 10 - ايدىڭ 18 - كۇنى بەيجيڭنەن بەرگەن حابارى)

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.