چىن چۋانگو، ۋاڭ دۇڭفىڭ، شۇي چين، يە دۇڭسۇڭ، شوكىرات زاكىر، شاۋكەت يمىن، لي پىڭشين قيمىلعا قاتىناستى
شينجياڭ گازەتىنىڭ جالپىلىق اقپارات قۇرالدارى ءتىلشىسى ياۋ تۇڭ 10 - ايدىڭ 19 - كۇنى كورلادان حابارلايدى. 10 - ايدىڭ 17 - كۇنىنەن 19 - كۇنىنە دەيىن حىبەي ولكەلىك پارتكومنىڭ شۋجيى، ولكەلىك حالىق قۇرىلتايى تۇراقتى كوميتەتىنىڭ مەڭگەرۋشىسى ۋاڭ دۇڭفىڭ، حىبەي ولكەلىك پارتكومنىڭ ورىنباسار شۋجيى، ولكە باستىعى شۇي چين حىبەي ولكەلىك پارتيا، ۇكىمەت ۋاكىلدەر ۇيىرمەسىن باستاپ شينجياڭعا كەلىپ باعىتتامالى كومەكتەسۋ قىزمەتىن تەكسەردى. اۆتونوميالى رايوندىق پارتكومنىڭ شۋجيى چىن چۋانگو، حىبەي ولكەلىك ساياسي كەڭەستىڭ ءتوراعاسى يە دۇڭسۇڭ، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر، اۆتونوميالى رايوندىق حالىق قۇرىلتايى تۇراقتى كوميتەتىنىڭ مەڭگەرۋشىسى شاۋكەت يمىن، اۆتونوميالى رايوندىق پارتكومنىڭ ورىنباسار شۋجيى لي پىڭشين قاتىستى قيمىلدارعا قاتىناستى.
شينجياڭداعى كەزىندە حىبەي ولكەلىك پارتيا، ۇكىمەت ۋاكىلدەر ۇيىرمەسى بايىنعولين موڭعۇل اۆتونوميالى وبلىسىنىڭ كورلا ەكونوميكالىق - تەحنيكالىق اشۋ رايونىنا، شينجياڭ عىلىم - تەحنيكا شۋەيۋانىنا، كورلا قالاسىنا، يانجي حۇيزۋ اۆتونوميالى اۋدانىنا جانە بيڭتۋان 2 - شىسى تيەمىنگۋان قالاسىنا بارىپ، شينجياڭعا كومەكتەسۋ نىساندارىن تەكسەرىپ، نەگىزگى ساتى بۇقارالارىنا بارىپ جاعداي ۇعىسىپ، شينجياڭعا كومەككە كەلگەن كادرلارعا، دارىندىلارعا امانداستى، ولاردان حال سۇرادى.
10 - ايدىڭ 18 - كۇنى تۇستەن كەيىن حىبەي ولكەسى . شينجياڭ ۇيعۇر اۆتونوميالى رايونى جانە شينجياڭ ءوندىرىس - قۇرىلىس بيڭتۋانى باعىتتامالى كومەكتەسۋ قىزمەتى اڭگىمە ءماجىلىسى كورلا قالاسىندا اشىلدى. چىن چۋانگو اۆتونوميالى رايوندىق پارتكوم مەن ۇكىمەت جانە تۇتاس رايونداعى ءار ۇلت حالقى اتىنان حىبەي ولكەسىنىڭ ۇزاق ۋاقىتتان بەرى شينجياڭعا جاساعان زور قولداۋى مەن قالتقىسىز كومەگىنە شىنايى العىس ايتاتىندىعىن ءبىلدىردى، حىبەي ولكەسىنىڭ باس شۋجي شي جينپيڭنىڭ حىبەي قىزمەتى جونىندەگى ماڭىزدى نۇسقاۋىن، بەكىتۋىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن جالپى بەتتىك تياناقتاندىرىپ، ەكونوميكادا قۋاتتى ولكە، كورىكتى حىبەي قۇرۋدا ايتارلىقتاي تىڭ ناتيجەلەرگە قول جەتكىزگەندىكتەرىن شىنايى قۇتتىقتايتىندىعىن ءبىلدىردى. چىن چۋانگو بىلاي دەدى: حىبەي ولكەلىك پارتكوم مەن ولكەلىك ۇكىمەت شينجياڭعا كومەكتەسۋ قىزمەتىن باس شۋجي شي جينپيڭنىڭ شينجياڭعا باعىتتامالى كومەكتەسۋ قىزمەتى جونىندەگى ماڭىزدى نۇسقاۋلارىنىڭ رۋحىن جانە پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرۋدەگى، تياناقتاندىرۋداعى كەلەلى ساياسي جاۋاپكەرشىلىك ەتىپ، كادر، دارىندى، قارجى، نىسان سياقتى ءار ءتۇرلى كۇشتەر مەن بايلىقتى توپتاپ ودان ويداعىداي پايدالانىپ، شينجياڭعا باعىتتامالى كومەكتەسۋدىڭ جالپىلىق ونىمدىلىگىن بارىنشا ۇلعايتىپ، بايىنعولين وبلىسى مەن بيڭتۋان 2 - شىسىنىڭ جاراسىمدىلىعىن، ورنىقتىلىعىن، كەدەيلىكتەن ارىلتۋدان قامال الۋىن، حالىق تۇرمىسىن جاقسارتۋىن، ەكونوميكاسىنىڭ دامۋىن، ۇلتتار ىنتىماعىن پارمەندى جەبەپ، شينجياڭنىڭ قوعام ورنىقتىلىعى مەن باياندى تىنىشتىعى ءۇشىن ماڭىزدى ۇلەس قوستى. شينجياڭداعى ءار ۇلت حالقى شىن جۇرەكتەن العىس ايتادى.
چىن چۋانگو مىنالاردى ءبىلدىردى: شينجياڭ شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ”ءتورت تانىمدى“ ونان ارى كۇشەيتىپ، ”ءتورت سەنىمدى“ ونان ارى بەكەمدەپ، ”ەكىنى قورعاۋدى“ ونان ارى ورىنداپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ىشكەرىلەي ۇيرەنىپ، ۇگىتتەپ، دايەكتىلەندىرىپ، تياناقتاندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتاپ يگەرىپ، حىبەيدىڭ وزىق تاجىربيەلەرىنەن كىشى پەيىلدىلىكپەن ۇيرەنىپ، ۇلگى الىپ، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، ءتۇرلى قىزمەتتەردى تىڭعىلىقتى ويداعىداي ىستەپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ ىقىلاستى قامقورلىعىن، حىبەي حالقىنىڭ قالتقىسىز كومەگىن، شينجياڭعا باعىتتامالى كومەكتەسۋدىڭ ايرىقشا باسىمدىعىن شينجياڭنىڭ قوعام ورنىقتىلىعى مەن باياندى تىنىشتىعىن ىلگەرىلەتۋدەگى قۋاتتى قوزعاۋشى كۇشكە جانە ءىس جۇزىندىك ارەكەتكە شىن مانىندە اينالدىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنادى.
ۋاڭ دۇڭفىڭ بىلاي دەدى: شينجياڭ قىزمەتى پارتيا مەن مەملەكەت قىزمەتىنىڭ جالپى جاعدايىندا ايرىقشا ماڭىزدى ستراتەگيالىق ورىندا تۇرادى. 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا، اۆتونوميالى رايوندىق پارتكوم مەن ۇكىمەت تۇتاس رايونداعى ءار ۇلت كادر - بۇقاراسىن ىنتىماقتاستىرا باستاپ، باس شۋجي شي جينپيڭنىڭ ماڭىزدى نۇسقاۋلارى مەن پارتيا ورتالىق كوميتەتىنىڭ شەشىمدەرىن، ورنالاستىرۋلارىن باتىل دايەكتىلەندىرىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي تياناقتاندىردى، تۇتاس رايون ەكونوميكالىق، قوعامدىق دامۋ، حالىق تۇرمىسىن قامتاماسىز ەتۋ، جاقسارتۋ جانە قوعام ورنىقتىلىعىن قورعاۋ سياقتى قىزمەتتەردە بۇرىن بولماعان ناتيجەگە قول جەتكىزدى، بۇل جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليزم ءتۇزىمىنىڭ كورنەكتى ابزالدىلىعىن تولىق ايگىلەيدى. ءبىز شينجياڭنىڭ جاقسى تاجىريبەلەرىنەن، جاقسى ءادىس - امالدارىنان مۇقيات ۇيرەنىپ، ۇلگى الىپ، ونى حىبەيدىڭ قىزمەتىنە اناعۇرلىم ويداعىداي پايدالانىپ، باتىل تۇردە استانانىڭ ساياسي ”قورعان وزەنى“ بولامىز.
ۋاڭ دۇڭفىڭ بىلاي دەدى: حىبەي مەن شينجياڭنىڭ اراسىندا سان مىڭ اسقار تاۋ، اساۋ وزەن جاتقانىمەن، الايدا ەكى جەر حالقىنىڭ جۇرەگى قاي - قاشان دا ءوزارا جالعاسقان. ءبىز وسى رەتكى ۇيرەنۋدى، تەكسەرۋدى تىڭ وراي ەتىپ، شينجياڭعا باعىتتامالى كومەكتەسۋدىڭ جانە حىبەي مەن شينجياڭنىڭ سەلبەستىگىنىڭ دەڭگەيىن ءۇرتىس جوعارىلاتىپ، كۇش ۇستەۋدى ىلگەرىلەتەمىز. تۋى ايقىن تۇردە ساياسيدى دارىپتەۋگە تاباندى بولىپ، باس شۋجي شي جينپيڭنىڭ ماڭىزدى نۇسقاۋلارىنىڭ جانە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، دايەكتىلەندىرۋدەگى، تياناقتاندىرۋداعى ساياسي سانالىلىقتى، يدەيالىق سانالىلىقتى، ارەكەت سانالىلىعىن شىن مانىندە كۇشەيتەمىز. نازاردى جاڭا داۋىردەگى پارتيانىڭ شينجياڭدى جونگە سالۋ جالپى جوباسىنا شوعىرلاندىرۋعا تاباندى بولىپ، كاسىپ سالاسى ارقىلى شينجياڭعا كومەكتەسۋ سەرپىنىن اناعۇرلىم ارتتىرىپ، حالىق تۇرمىسىن قامتاماسىز ەتۋگە، جاقسارتۋعا كۇش سالىپ، شينجياڭعا باعىتتامالى كومەكتەسۋ قىزمەتىن جوعارى ولشەممەن، جوعارى ساپامەن ويداعىداي ىستەيمىز. حىبەي مەن شينجياڭنىڭ وڭىرلىك سايكەستى دامۋىنا تاباندى بولىپ، جاڭا دامۋ جۇيەسىن ءبىر نيەتپەن سەلبەسىپ ورناتىپ، وڭىرلىك ستراتەگيالىق سەلبەستىكتى، كاسىپ سالاسى سەلبەستىگىن، مادەنيەت - ساياحات سەلبەستىگىن، دارىندى سەلبەستىگىن ۇزدىكسىز كۇشەيتىپ، جوعارى ساپالى دامۋدى ىلگەرىلەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا حىبەيدىڭ ۇلەسىن قوسامىز.
اڭگىمە ماجىلىستە، شۇي چين حىبەي ولكەسىنىڭ ەكونوميكالىق، قوعامدىق دامۋ جانە باعىتتامالى كومەكتەسۋ قىزمەتى جاعدايىن تانىستىردى، شوكىرات زاكىر مەن بيڭتۋان پارتكومىنىڭ ورىنباسار شۋجيى، سىليڭيۋانى پىڭ جيارۇي اۆتونوميالى رايوننىڭ، بيڭتۋاننىڭ ورنىقتىلىق، دامۋ جانە باعىتتامالى كومەكتەسۋ قىزمەتى جاعدايىن تانىستىردى. اڭگىمە ماجىلىستەن كەيىن، ەكى جەر باعىتتامالى كومەكتەسۋدى جانە سەلبەستىكتى ونان ارى كۇشەيتۋ جونىندەگى كەلىسىمگە قول قويدى.
حىبەي ولكەسىنىڭ باسشىلارىنان شيڭ گوحۇي، گاۋ جىلي، ليان يمين، جاڭ گۋجياڭ، فان جاۋبيڭ، شيا يانجۇن، اۆتونوميالى رايوننىڭ باسشىلارىنان لي يفي، سارقىت اقان، چىڭ جىنشان قاتارلىلار جوعارىداعى قيمىلدارعا قاتىناستى.
