تيانشان تورى
تيانشان تورى   ›   جاڭالىقتار   ›   ەل ءىشى حابارى

مەملەكەتتىك دەنساۋلىق ساقتاۋ، سالاماتتىق كوميتەتى: جاڭا تيپتى ايدارشا ۆيرۋس ۆاكسيناسىنىڭ باعاسىن كوپشىلىك قابىلداي الاتىن كولەم ىشىندە بەلگىلەۋ كەرەك

  بۇگىن، مەملەكەتتىك كەڭەستىڭ ىندەتتەن بىرلەسىپ ساقتانۋ، بىرلەسىپ تىزگىندەۋ مەحانيزمى اقپار جاريالاۋ ءماجىلىسىن اشىپ، جاڭا تيپتى ايدارشا ۆيرۋس وكپە قابىنۋ ۆاكسيناسىنا قاتىستى احۋالدى تانىستىردى. ماجىلىستە، مەملەكەتتىك كەڭەستىڭ ىندەتتەن بىرلەسىپ ساقتانۋ، بىرلەسىپ تىزگىندەۋ مەحانيزمى عىلمي زەرتتەۋ قامال الۋ گرۋپپاسى ۆاكسينا زەرتتەۋ-اشۋ ارناۋلى گرۋپپاسىنىڭ باستىعى، مەملەكەتتىك دەنساۋلىق ساقتاۋ، سالاماتتىق كوميتەتىنىڭ ەمدەۋ، ءدارى-دارمەك، دەنساۋلىق ساقتاۋ عىلىم-تەحنيكاسىن دامىتۋ ورتالىعىنىڭ مەڭگەرۋشىسى جىڭ جۇڭۋي مىنانى ءبىلدىردى، جۇڭگو جاڭا تيپتى ايدارشا ۆيرۋس ۆاكسيناسىنىڭ باعاسىندا الدىمەن كاسىپورىننىڭ نەگىزگى تۇلعاسى بويىنشا باعا بەلگىلەۋدە تاباندى بولۋ ، سونىمەن بىرگە بىرنەشە نەگىزگى پرينسيپكە تاباندى بولۋ كەرەك، بۇنىڭ ىشىندە ءبىرىنشى پرينسيپ الەۋمەتتىك ءونىم قاسيەتىنىڭ پرينسيبى، الەۋمەتتىك ءونىم قاسيەتى رەتىندە، ونىڭ باعاسى قامداۋ مەن قاجەتسىنۋدى باعا بەلگىلەۋدىڭ نەگىزى ەتپەيدى، قايتا وزىندىك قۇندى باعا نەگىزى ەتەدى. ەكىنشى پرينسيپ، بۇقارانىڭ جاڭا تيپتى ايدارشا ۆيرۋس وكپە قابىنۋ ۆاكسيناسىن ەكتىرۋ تالابى مەن قاجەتىنە نەگىزدەلىپ، جاڭا تيپتى ايدارشا ۆيرۋس وكپە قابىنۋ ۆاكسيناسىنىڭ باعاسىن بەلگىلەۋدى ورىستەتۋ كەرەك. ”سوندىقتان، وسى جەردە، جاۋاپكەرلىكپەن كوپشىلىككە جۇڭگو جاڭا تيپتى ايدارشا ۆيرۋس وكپە قابىنۋ ۆاكسيناسىنىڭ باعاسى كوپشىلىك قابىلداي الاتىن كولەم ىشىندە بولاتىنىن ايتامىن“،-دەدى جىڭ جۇڭۋي.

  ول جاڭا تيپتى ايدارشا ۆيرۋس وكپە قابىنۋ ۆاكسيناسىنىڭ باعاسىن بەلگىلەيتىن فاكتورلار كوپ، وزىندىك قۇنىنان سىرت، ءوندىرۋ قۋاتىنا، ەگۋ كولەمىنە، تۇرلىشە تەحنيكالىق جولدارعا قاراي، ۆاكسينانىڭ وزىندىك قۇنى دا ۇقسامايتىندىعىن ءبىلدىردى. مىسالى، پاسسيۆتەندىرىلگەن ۆاكسينانىڭ ءوندىرىلۋى، جوعارى دارەجەلى بيولوگيالىق ءوندىرىس سەحىن قاجەت ەتەدى، سالىستىرمالى ايتقاندا وزىندىك قۇنى ءبىرشاما جوعارى؛ ال بەز ۆيرۋسىنىڭ تاسىمال ۆاكسيناسى، تارالمالى تىماۋ ۆيرۋسىنىڭ ۆيرۋس تاسىمالداۋ ۆاكسيناسى، نۋكلەين قىشقىلى ۆاكسيناسى مەن قايتا قۇرالعان بەلوك ۆاكسيناسىنىڭ وزىندىك قۇنى ءبىرشاما تومەن. ءوندىرۋ قۋانىنىڭ كەڭەيۋىنە، ەگۋ كولەمىنىڭ كەڭەيۋىنە ساي وزىندىك قۇنى دا وزگەرەدى. ءبىراق، مەيلى قالاي بولسا دا، جاڭا تيپتى ايدارشا ۆيرۋس وكپە قابىنۋ ۆاكسيناسىنىڭ باعاسى ءسوزسىز كوپشىلىك قابىلداي الاتىن كولەمدە بولادى.

  تاعى دا، جۇڭگو ۆاكسينانى زەرتتەپ جاساپ ءساتتى بازارعا سالعاننان كەيىن، دۇنيە جۇزىلىك الەۋمەتتىك ءونىم بولادى، سوندىقتان ەلىمىز دۇنيە ءجۇزىن ۆاكسينامەن قامداعاندا ءسوزسىز ءادىل، ۇيلەسىمدى باعا بەلگىلەيدى. بۇدان سىرت، دامىماعان ەلدەرگە نەمەسە دامۋ ۇستىندەگى ەلدەرگە كومەك بەرۋ تاسىلىمەن وسى ەلدەردىڭ جاڭا تيپتى ايدارشا ۆيرۋس وكپە قابىنۋ ۆاكسيناسىنا قول جەتىمدىلىگىن جۇزەگە اسىرادى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.