تيانشان تورى   ›   جاڭالىقتار   ›   ماڭىزدى حابارلار

شي جينپيڭ ”ۇلى جەڭىستى ەستە بەرىك ساقتاپ، بەيبىتشىلىكتى، ادىلەتتىلىكتى قورعايىق − جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ نەگىزگى تاقىرىپتىق كورمەسىن“ ەكسكۋرسيالادى

شي جينپيڭ ”ۇلى جەڭىستى ەستە بەرىك ساقتاپ، بەيبىتشىلىكتى، ادىلەتتىلىكتى قورعايىق − جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ نەگىزگى تاقىرىپتىق كورمەسىن“ ەكسكۋرسيالاعاندا بىلاي دەپ باسا دارىپتەدى

جاڭا داۋىردە امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن جالعاستىرىپ جانە اسقاقتاتىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋ جولىندا كۇرەس جۇرگىزۋ كەرەك

لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان كورمەنى ەكسكۋرسيالادى

   10 - ايدىڭ 19 - كۇنى پارتيا مەن مەملەكەت باسشىلارىنان شي جينپيڭ، لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان قاتارلىلار جۇڭگو حالىق توڭكەرىستىك اسكەري مۇراجايىندا ”ۇلى جەڭىستى ەستە بەرىك ساقتاپ، بەيبىتشىلىكتى، ادىلەتتىلىكتى قورعايىق − جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ نەگىزگى تاقىرىپتىق كورمەسىن“ ەكسكۋرسيالادى.  سۋرەتتى شينحۋا اگەنتتىگىنىڭ ءتىلشىسى جۇي پىڭ تۇسىرگەن

  شينحۋا اگەنتتىگىنىڭ 10 - ايدىڭ 19 - كۇنى بەيجيڭنەن بەرگەن حابارى. جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعى قارساڭىندا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 10 - ايدىڭ 19 - كۇنى جۇڭگو حالىق توڭكەرىستىك اسكەري مۇراجايىنا بارىپ، ”ۇلى جەڭىستى ەستە بەرىك ساقتاپ، بەيبىتشىلىكتى، ادىلەتتىلىكتى قورعايىق − جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ نەگىزگى تاقىرىپتىق كورمەسىن“ ەكسكۋرسيالادى. ول بىلاي دەپ باسا دارىپتەدى: 70 جىلدىڭ الدىندا بەيبىتشىلىكتى قورعاۋ، شاپقىنشىلىققا قارسى تۇرۋ ءۇشىن جۇڭگو پارتياسى مەن ۇكىمەتى امەريكا جيھانگەرلەرىنە قارسى تۇرىپ، چاۋشيانعا كومەك بەرۋدىڭ، مەكەندى، وتاندى قورعاۋدىڭ تاريحي سيپاتتى شەشىمىن باتىل جاسادى، قاھارمان جۇڭگو حالىق ەرىكتىلەر ارمياسى ادىلەت تۋىن بيىك ۇستاپ، چاۋشيان حالقىمەن جانە ارمياسىمەن بىرگە ولىمنەن قورىقپاي، قاندى شايقاس جۇرگىزىپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ۇلى جەڭىسىنە قول جەتكىزىپ، دۇنيە ءجۇزىنىڭ بەيبىتشىلىگى مەن ادامزاتتىڭ العاباسارلىق ىستەرىنە وراسان زور ۇلەس قوستى. امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ جەڭىسى ادىلەتتىڭ جەڭىسى، بەيبىتشىلىكتىڭ جەڭىسى، حالىقتىڭ جەڭىسى. امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسى سومداعان، قالىپتاستىرعان امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحى اسا قىمباتتى رۋحاني بايلىق، ونىڭ جۇڭگو حالقى مەن جۇڭحۋا ۇلتىن بارلىق ماشاقاتتى، قيىندىقتى، قاتەردى، كەدەرگىنى جويۋعا، بارلىق كۇشتى جاۋلاردى جەڭۋگە جىگەرلەندىرەتىندىگى ءشۇباسىز. جۇڭگو حالىق ەرىكتىلەر ارمياسىنىڭ قاھارماندىق ىزگى ىستەرىن جانە توڭكەرىستىك رۋحىن ىشكەرىلەي ۇيرەنىپ، ۇگىتتەپ، پارتيا تاريحىن، جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن ىشكەرىلەي ۇيرەنىپ، ۇگىتتەپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، اۋەلگى ماقساتتى، بورىشتى ەستە بەرىك ساقتاپ، ءسوز جوق جەڭىسكە جەتۋ سەنىمىن بەكەمدەپ، كۇرەس رۋحىن ساۋلەلەندىرىپ، كۇرەس جۇرگىزۋ قابىلەتىن كۇشەيتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋ جولىندا قاجىماي - تالماي كۇرەس جۇرگىزىپ، دۇنيە ءجۇزىنىڭ بەيبىتشىلىگىن قورعاۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋعا جىگەرلەندىرۋ كەرەك.

  لي كىچياڭ، لي جانشۋ، ۋاڭ ياڭ، ۋاڭ حۋنيڭ، جاۋ لىجي، حان جىڭ، ۋاڭ چيشان كورمەنى ەكسكۋرسيالادى.

  تۇستەن كەيىن ساعات 3تەن 5 مينۋت وتكەندە پارتيا مەن مەملەكەت باسشىلارىنان شي جينپيڭ قاتارلى جولداستار جۇڭگو حالىق توڭكەرىستىك اسكەري مۇراجايىنا كەلىپ، كورمە زالىنا كىرىپ كورمەنى ەكسكۋرسيالادى. كورمەدە وتانشىلدىق رۋح پەن توڭكەرىستىك قاھارماندىق رۋحتى اسقاقتاتۋ نەگىزگى تاقىرىبى تىعىز ارقاۋ ەتىلىپ، جۇڭگو كوممۋنيستىك پارتياسى، جۇڭگو حالقى جانە جۇڭگو حالىق ەرىكتىلەر ارمياسى نەگىزگى تۇرعى ەتىلىپ، سوعىس نەگىزگى شەبى ارقاۋ ەتىلىپ، مايدانداعى بەلدەسۋ كورنەكتىلەندىرىلىپ، العى زال، ”ادىلەت جاۋاپكەرشىلىگىن ارقالاۋ، اسكەر شىعارۋ شەشىمىن جاساۋ“، ”ارەكەت ارقىلى جاۋدى جويۋ، سوعىس شەبىن ورنىقتىرۋ“، ”سوعىس ارقىلى كەلىسسوزدى جەبەۋ، سوعىسقان سايىن كۇشەيە ءتۇسۋ“، ”سوعىس توقتاۋدى جۇزەگە اسىرۋ، وتانعا جەڭىسپەن ورالۋ“، ”امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسى جەڭىسىنىڭ ۇلى ماڭىزى مەن تاريحي ۇلەسى“، سوڭعى ءسوز سياقتى 7 بولىك دەن قويا جوبالانىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ، ماڭگى كۇرەس جۇرگىزۋ“ ارناۋلى تاقىرىبى ورنالاستىرىلعان، 540تان استام فوتوسۋرەت، 1900دان استام مادەنيەت مۇرالارى، سونداي - اق قىرۋار بەينە ەكران، ناقتى زات كورىنىسى سياقتىلار ارقىلى كەلەلى شەشىم جاساۋ بارىسى، كەلەلى تاريحي وقيعالار، ماڭىزدى شايقاستار، سوعىستار، ماڭىزدى تاريحي تۇلعالار تولىق كورسەتىلگەن، ساياسي، ەكونوميكا، ديپلوماتيا سياقتى جاقتارداعى كۇرەستەردى كورسەتۋگە دە ءمان بەرىلگەن، جۇڭگو كوممۋنيستىك پارتياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنا باسشىلىق ەتكەن شۇعىلالى بارىسى جانە باعالى تاجىريبەلەرى جالپى بەتتىك ەسكە ءتۇسىرىلىپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىنىڭ باي مازمۇنى مەن داۋىرلىك قۇنى جاندى تۇردە بەينەلەنگەن، ەرىكتىلەر ارمياسىنىڭ قولباسىلارى مەن جاۋىنگەرلەرىنىڭ قاھارماندىق جىگەرى جانە كۇشتى جاۋدان قورىقپايتىن، كۇشتى جاۋدى جەڭەتىن رۋحاني باسىمدىعى ءتۇيىندى كورسەتىلگەن، بۇكىل ەلدەگى ءار ۇلت حالقىنىڭ جاۋعا كەكتەنگەن، ءبىر نيەتپەن جۇمىلعان وتانشىلدىق سۇيىسپەنشىلىگى كورسەتىلگەن، جۇڭحۋا ۇلتىنىڭ زورلىق - زومبىلىقتان قورىقپايتىن، بەيبىتشىلىكتى قورعايتىن باتىل بەكىمى ايگىلەنگەن.

  ەرىكتىلەر ارمياسىنىڭ شايقاس جىرىنىڭ قىمباتتى قولجازباسى، سۇڭگۋفىڭ شىڭىنداعى سۇراپىل شايقاس كورسەتىلگەن ماي بوياۋلى سۋرەت، چاڭجين كولىندەگى سۇراپىل شايقاس، شاڭگانليڭدەگى قاندى شايقاس سياقتىلار بەينەلەنگەن كورىنىستەر، ەرەكشە قاھارمان حۋاڭ جيگۋاڭ قۇربان بولعان جەردەن قازىپ الىنعان قوپارعىش تۇتىك قالدىعى، ولجاعا تۇسىرىلگەن قارۋ - جاراقتار، جابدىقتار، ەل ىشىندە ارمياعا قاتىناسۋ، سوعىسقا قاتىناسۋ، الدىڭعى شەپكە كومەك كورسەتۋ ورلەۋى كوتەرىلگەندىگىن ايگىلەگەن تاريحي فوتوسۋرەتتەر، چاۋشيان سوعىسىن توقتاتۋ كەلىسىمىنە قول قويۋ سالتىنىڭ باسى - قاسىندا ىستەتىلگەن قاعاز - قالامدار، چاۋشيان حالقىنىڭ ەرىكتىلەر ارمياسىن اتتاندىرىپ سالعاندا ۇسىنعان تارتۋ بۇيىمدارى، امەريكا جيھانگەرلەرىنە قارسى تۇرىپ، چاۋشيانعا كومەك بەرگەن قاھارمان - قۇرباندار ۇلگىلەرىنىڭ اتى - ءجونى ويىلىپ جازىلعان اينەك قابىرعا... باي تاريحي مادەنيەت مۇرالارى، ناقتى حۇجاتتىق ماتەريالدار، جاڭاشا كورمەگە قويۋ ءتاسىلى شي جينپيڭ قاتارلى باسشى جولداستاردىڭ نازارىن اۋداردى، ولار ءالسىن - ءالى توقتاي قالىپ زەر سالا كوردى، ءتۇسىندىرۋدى مۇقيات تىڭدادى ءارى قاتىستى جاعدايلاردى ەگجەي - تەگجەيلى سۇراستىردى.

  بەيجيڭدەگى جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەلەرى، ورتالىق كوميتەت شۋجيچۋىنىڭ شۋجيلەرى، مەملەكەتتىك حالىق قۇرىلتايى تۇراقتى كوميتەتىنىڭ ورىنباسار باستىقتارى، مەملەكەتتىك كەڭەستىڭ مۇشەلەرى، ەڭ جوعارى حالىق سوتى مەكەمەسىنىڭ باستىعى، ەڭ جوعارى حالىق پروكۋراتۋراسىنىڭ باس پروكۋرورى، بەيجيڭدەگى مەملەكەتتىك ساياسي كەڭەستىڭ ورىنباسار ءتوراعالارى، سونداي - اق ورتالىق اسكەري ىستەر كوميتەتىنىڭ مۇشەلەرى قاتارلىلار كورمەنى ەكسكۋرسيالادى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.