شينجياڭ گازەتىنىڭ جالپىلىق اقپارات قۇرالدارى ءتىلشىسى ءرايدا 10 - ايدىڭ 20 - كۇنى قاشقاردان حابارلايدى. 10 - ايدىڭ 20 - كۇنى 2020 - جىلعى مەملەكەت بويىنشا اۋىل شارۋاشىلىعى ونىمدەرىن ءوندىرۋدى جانە ساتۋدى ۇشتاستىرىپ كەدەيلەردى سۇيەمەلدەۋ قيمىلى (قاشقار بەكەتى) وتكىزىلدى. تيانجين، جىجياڭ سياقتى جەرلەردىڭ 60تان استام ءىرى اۋىل شارۋاشىلىعى ونىمدەرىن تولايىم ساتۋ بازارى، تىزبەكتى ەرەن بازارى، اۋىل شارۋاشىلىعى ونىمدەرى ەلەكتروندى تۇعىردا ساتىپ الۋ ساۋداگەرلەرى بۇكىل شينجياڭنىڭ ءارقايسى ايماق، وبلىستارىنداعى 100دەن استام اۋىل شارۋاشىلىعى قوسىمشا ونىمدەرى كاسىپورىندارمەن، شارۋالار كاسىپتىك سەلبەستىك كووپەراتيۆتەرىمەن، وتباسى ەگىس الاڭدارىمەن جانە ەگىنشى، باعىمشى ءىرى وتباسىلارىمەن ءوندىرۋ - ساتىپ الۋدى ۇشتاستىرىپ، سوڭىندا 417 ميلليون يۋاندىق ساتىپ الۋ كەلىسىمىنە كەلىستى.
ءتىلشى قيمىل وتكىزىلگەن جەرگە قاشقار ەرەكشە كورمە ورنىنان 12سى، وڭتۇستىك شينجياڭداعى 3 ايماق - وبلىس ولشەمدى كورمە ورنىنان 54ى قۇرىلىپ، 200 تۇردەن استام ەرەكشە اۋىل شارۋاشىلىعى قوسىمشا ونىمدەرى كورسەتىلگەندىگىن، مۇنىڭ ىشىندە سورتتى، ەرەكشە قورعاق - جاس جەمىس ونىمدەرى جانە مانەرلەنگەن ونىمدەر، ءسۇت ونىمدەرى، ەت ونىمدەرى سياقتىلار بار ەكەنىن كوردى.
مارالباسى اۋدانى شينجياڭ ءشول جاسىل القاپ اۋىل شارۋاشىلىعىن دامىتۋ شەكتى سەرىكتەستىگىنىڭ كاسىپكە جاۋاپتى ديرەكتورى پان جياڭۋي بىلاي دەدى: ”ءبىز لوپنۇر كەندىر شايى، مارالباسى ساڭىراۋقۇلاعى، مارالباسى كاۋابى سياقتى ەرەكشە ونىمدەردى اكەلدىك، وسى تۇعىر ارقىلى مارالباسىنىڭ ونىمدەرىن بۇكىل مەملەكەتكە شىعارىپ، اناعۇرلىم كوپ شارۋالاردى وسىدان يگىلىكتەندىرۋدى ءۇمىت ەتۋدەمىز“.
شانشي جەمىس شارۋاشىلىعى ساۋدا توبى شەكتى سەرىكتەستىگى وسى رەتكى كورمەدە قاشقار ايماعىنان 4500 توننا الما، جاڭعاق جانە 1500 توننا شىلان ساتىپ الدى. وسى سەرىكتەستىكتىڭ ەلەكتروندى ساۋداعا جاۋاپتىسى جيا بوفىڭ بىلاي دەدى: ”ءبىز 5 جىل بويى قاشقاردان اۋىل شارۋاشىلىعى ەرەكشە ونىمدەرىن ساتىپ الىپ كەلەمىز، بۇدان كەيىن ەلەكتروندى ساۋدا تىكە تاراتۋ تاسىلىمەن ساتامىز“.
وسى رەتكى قيمىلدى ساۋدا مينيسترلىگى اينالىم كاسىبىن دامىتۋ مەكەمەسى مەن اۆتونوميالى رايوندىق ساۋدا مەڭگەرمەسى بىرگە باس بولىپ وتكىزدى، جۇڭگو كوكونىس اينالىم قوعامى، قاشقار ايماقتىق اكىمشىلىك مەكەمەسى بىرگە ۇستىنە الىپ وتكىزدى.
