لي كىچياڭ كەزدەسۋگە قاتىناستى ءارى ماداقتاۋ - سيلاۋ جينالىسىندا ءسوز سويلەدى، ۋاڭ حۋنيڭ كەزدەسۋگە قاتىناستى
10 - ايدىڭ 20 - كۇنى پارتيا مەن مەملەكەت باسشىلارىنان شي جينپيڭ، لي كىچياڭ، ۋاڭ حۋنيڭ قاتارلىلار بەيجيڭدە مەملەكەتتىك قوس قولداۋداعى ۇلگىلى قالالارعا (اۋدان) اتاق بەرۋ جانە قوس قولداۋداعى ۇلگىلى ورىندار مەن جەكەلەردى ماداقتاۋ - سيلاۋ جينالىسىنىڭ ۋاكىلدەرىمەن كەزدەستى. سۋرەتتى شينحۋا اگەنتتىگىنىڭ ءتىلشىسى لي شۋەرىن تۇسىرگەن
شينحۋا اگەنتتىگىنىڭ 10 - ايدىڭ 20 - كۇنى بەيجيڭنەن بەرگەن حابارى. مەملەكەتتىك قوس قولداۋداعى ۇلگىلى قالالارعا (اۋدان) اتاق بەرۋ جانە قوس قولداۋداعى ۇلگىلى ورىندار مەن جەكەلەردى ماداقتاۋ - سيلاۋ جينالىسى 10 - ايدىڭ 20 - كۇنى تۇستەن بۇرىن بەيجيڭدە وتكىزىلدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ جينالىسقا قاتىناسقان ۋاكىلدەرمەن ىستىق ىقىلاسپەن كەزدەسىپ، ولاردان شىنايى حال سۇرادى، اتاق بەرىلگەن، ماداقتالىپ - سيلانعان مەملەكەتتىك قوس قولداۋداعى ۇلگىلى قالالاردى (اۋدان)، قوس قولداۋداعى ۇلگىلى ورىندار مەن جەكەلەردى قىزۋ قۇتتىقتادى.
جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، مەملەكەتتىك كەڭەستىڭ زۇڭليى لي كىچياڭ كەزدەسۋگە قاتىناستى ءارى ماداقتاۋ - سيلاۋ جينالىسىندا ءسوز سويلەدى، جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى مۇشەسى، ورتالىق كوميتەت شۋجيچۋىنىڭ شۋجيى ۋاڭ حۋنيڭ كەزدەسۋگە قاتىناستى.
تۇستەن بۇرىن ساعات 10دا، شي جينپيڭ قاتارلىلار جيڭشي قوناق ءۇيى ءماجىلىس عيماراتىنىڭ الدىڭعى زالىنا كەلگەندە بۇكىل زالدان قىزۋ قول شاپالاق ءۇنى كوتەرىلدى. شي جينپيڭ قاتارلىلار ۋاكىلدەردىڭ اراسىنا كەلىپ كوپشىلىكپەن ىقىلاسپەن اڭگىمەلەستى ءارى توپتىق ەستەلىك سۋرەتكە ءتۇستى.
لي كىچياڭ سوزىندە الدىمەن پارتيا ورتالىق كوميتەتى، مەملەكەتتىك كەڭەس اتىنان، اتاق بەرىلگەن جەرلەردى جانە ماداقتالىپ - سيلانعان ورىندار مەن جەكەلەردى قىزۋ قۇتتىقتادى، حالىق ازاتتىق ارمياسىنىڭ كوماندير - جاۋىنگەرلەرىنەن، قارۋلى ساقشى وفيتسەر - اسكەرلەرىنەن، زاپاستاعى حالىق جاساقتارىنان، اسكەري ءبولىمنىڭ جۇمىسشى - قىزمەتكەرلەرىنەن، قۇربانداردىڭ، اسكەرلەردىڭ وتباسىنداعىلاردان، جارالى - مۇگەدەك اسكەريلەردەن، كاسىپ اۋىستىرعان، اسكەردەن بوساعان، اسكەري قوسىننان قايتقان اسكەريلەردەن جانە ارميادان دەمالىسقا، زەينەتكە شىققان كادرلاردان، قوس قولداۋ قىزمەتى شەبىندەگى جولداستاردان شىنايى حال سۇرادى، مەملەكەت قورعانىسى مەن ارميا قۇرىلىسىنا كوڭىل بولگەن، قولداۋ كورسەتكەن قوعامنىڭ ءار سالاسىنداعى بارلىق قايراتكەرلەرگە شىن جۇرەكتەن العىس ايتتى.
لي كىچياڭ بىلاي دەدى: پارتيا 18 - قۇرىلتايىنان بەرى، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ پارمەندى باسشىلىعىندا وڭىرلەر، قاتىستى تاراۋلار ارميا قۇرىلىسىنا، رەفورماسىنا بەلسەنە قولداۋ كورسەتىپ جانە قىزمەت وتەپ، قامتاماسىز ەتىپ، قامقورلىق جاساپ، ورنالاستىرۋدى، قامتاماسىز ەتۋدى اناعۇرلىم كۇشەيتتى، ارميا ەكونوميكالىق، قوعامدىق دامۋعا كومەكتەسۋدە بەلسەنە ىسكەرلىك كورسەتىپ، ەلەۋلى جاراتىلىستىق اپاتتاردان اراشالاۋعا، قۇتقارۋ - كومەكتەسۋگە جانە توسىن تۋىلعان ۋاقيعالارعا توتەپ بەرۋگە ات سالىسۋ بارىسىندا اتويشى بولدى، بيىلعى ىندەت الدىندا، حالىق پەرزەنت اسكەرلەرى بۇيرىقتى الا سالا اتتانىسقا كەلىپ، باتىلدىقپەن قيان - كەسكى شايقاس جۇرگىزدى، قالىڭ ارميا مەن حالىق قول ۇستاسىپ، ءبىر نيەتتە بولىپ، ۋاقىتتىق قيىنشىلىقتى بىرگە جەڭىپ، ىندەتكە قارسى اتتانۋ كۇرەسىندە كەلەلى ستراتەگيالىق جەتىستىككە قول جەتكىزىپ، ارميا مەن ۇكىمەت، ارميا مەن حالىق ىنتىماعىنىڭ قۋاتتى كۇشىن ايگىلەدى.
لي كىچياڭ بىلاي دەپ اتاپ كورسەتتى: وڭىرلەر، تاراۋلار مەملەكەت قورعانىسى مەن ارميا قۇرىلىسىن بار كۇشپەن قولداپ، قاتىناس - تاسىمال، ارتقى شەپ قامداۋ سياقتى قامتاماسىزداندىرۋ قىزمەتىن ويداعىداي ىستەپ، شەكارا وڭىرلەردە، تەڭىز ارالدارىندا تۇراتىن ارمياداعى كوماندير - جاۋىنگەرلەردىڭ مىندەت اتقارۋ جانە قىزمەت، تۇرمىس شارت - جاعدايىن جاقسارتۋىنا كومەكتەسۋ كەرەك. اسكەريلەر مەن ولاردىڭ وتباسىنداعىلاردى اۋەلگىدەي قامنان ارىلتىپ، قيىنشىلىقتارىن شەشىپ، قالىڭ كوماندير - جاۋىنگەرلەردىڭ كەيىنگى بولاشاقتارىنان الاڭداماۋىنا، وتباسى شارۋاسى ءۇشىن قام جەمەۋىنە، ۇرپاقتارى ءۇشىن ۋايىمداماۋىنا مۇمكىندىك جاساۋ كەرەك. بيىل جۇمىستاندىرۋدى ورنىقتىرۋدىڭ قيىندىق دەڭگەيى اناعۇرلىم كورنەكتىلەندى، اسكەري قوسىننان قايتقان اسكەريلەرگە اناعۇرلىم دالمە - ءدال، دەر كەزىندە جۇمىستاندىرۋ، شارۋاشىلىق قۇرۋ بويىنشا قىزمەت وتەپ جانە ولاردى كاسىپتىك شەبەرلىككە باۋلىپ، ولاردىڭ جۇمىستانۋدا باراتىن جەرى بولۋىنا، شارۋاشىلىق قۇرۋىن سۇيەمەلدەۋگە، جۇمىسسىز قالسا كومەكتەسىپ - سۇيەمەلدەۋگە شىنايى كەپىلدىك ەتۋ كەرەك. ارنانى كەڭەيتىپ، شارتقا ۇيلەسەتىن اسكەريلەردىڭ قوسىنمەن بىرگە جۇرگەن ءۇي ىشىندەگىلەردى ۇيلەسىمدى ورنالاستىرۋعا شىنايى كەپىلدىك ەتۋ كەرەك. اسكەريلەر پەرزەنتتەرىنىڭ جاقىن ماڭنان وقۋعا ءتۇسۋى، قىزمەت اۋىسقاندا مەكتەپ اۋىستىرۋ، ورتا، جوعارى مەكتەپ ەمتيحانىنا قاتىناسقاندا قامقورلىق جاساۋ سياقتى ساياساتتاردى تياناقتاندىرىپ، اسكەريلەر مەن ولاردىڭ وتباسىنداعىلاردى الاڭسىز ەتۋ كەرەك. سونىمەن بىرگە اسكەريلەردىڭ باسىمدىقتارىن ساۋلەلەندىرىپ، ەكونوميكالىق، قوعامدىق قۇرىلىسقا بەلسەنە ات سالىسۋىنا قولداۋ كورسەتۋ كەرەك. قامقورلىق جاساۋ، ورنالاستىرۋ سياقتى قازىنالىق شىعىستى قامتاماسىز ەتىپ، قوس قولداۋداعى ۇلگىلەردەن بولۋ قيمىلىن ۇزدىكسىز ويداعىداي يگەرىپ، نەگىزگى ساتىنىڭ قوس قولداۋعا قىزمەت وتەۋ جۇيەسىن اقاۋسىزداندىرىپ، قوس قولداۋ قىزمەتىنىڭ جاڭا جاعدايىن قۇلشىنا اشۋ كەرەك.
جينالىس 411 مەملەكەتتىك قوس قولداۋداعى ۇلگىلى قالاعا (اۋدانعا) اتاق بەرۋ جونىندەگى، مەملەكەتتىك وتاندى ءسۇيىپ، ارميانى قولداۋداعى ۇلگىلى ورىنداردى جانە ۇكىمەتتى قولداپ، حالىقتى سۇيۋدەگى ۇلگىلى ورىنداردى ماداقتاۋ - سيلاۋ جونىندەگى، مەملەكەتتىك وتاندى ءسۇيىپ، ارميانى قولداۋداعى ۇلگىلەردى جانە ۇكىمەتتى قولداپ، حالىقتى سۇيۋدەگى ۇلگىلەردى ماداقتاۋ - سيلاۋ جونىندەگى قارار وقىلدى. جينالىستا اتاق بەرىلىپ ماداقتالىپ - سيلانعان مەملەكەتتىك قوس قولداۋداعى ۇلگىلى قالالاردىڭ (اۋدان)، قوس قولداۋداعى ۇلگىلى ورىندار مەن جەكەلەردىڭ ۋاكىلدەرىنە سيلىق تاراتىلدى. ارميا مەن جەرگىلىكتى ورىننىڭ قاتىستى ۋاكىلدەرى ءسوز سويلەدى.
ديڭ شۋەشياڭ كەزدەسۋگە قاتىناستى، سۇن چۇنلان كەزدەسۋگە قاتىناستى ءارى جينالىستى باسقاردى، جاڭ يوۋشيا، چىن شي، حۋاڭ كۇنميڭ، شىن يۋەيۋە، شياۋ جيە، ما بياۋ كەزدەسۋگە قاتىناستى ءارى جينالىسقا قاتىناستى، ورتالىق اسكەري ىستەر كوميتەتىنىڭ مۇشەسى مياۋ حۋا كەزدەسۋگە قاتىناستى ءارى جينالىستا ماداقتاۋ - سيلاۋ قارارىن وقىدى.
جينالىس تەلەۆيزور - تەلەفون ءماجىلىسى فورماسىندا اشىلدى، بەيجيڭدە نەگىزگى ءماجىلىس الاڭى ورنالاستىرىلدى، ءارقايسى ولكەلەردە، اۆتونوميالى رايونداردا، توتە قاراستى قالالاردا جانە شينجياڭ ءوندىرىس - قۇرىلىس بيڭتۋانىندا بولىمشە ءماجىلىس الاڭى ورنالاستىرىلدى. مەملەكەتتىك قوس قولداۋداعى ۇلگىلى قالالاردىڭ (اۋدان)، قوس قولداۋداعى ۇلگىلى ورىندار مەن جەكەلەردىڭ ۋاكىلدەرى، مەملەكەتتىك قوس قولداۋ قىزمەتى باسشىلىق گرۋپپاسىنىڭ مۇشەلەرى، ارميا مەن جەرگىلىكتى ورىننىڭ قاتىستى تاراۋلارىنداعى جاۋاپتى جولداستار، ءارقايسى ولكەلەردىڭ، اۆتونوميالى رايونداردىڭ، توتە قاراستى قالالاردىڭ جانە شينجياڭ ءوندىرىس - قۇرىلىس بيڭتۋانىنىڭ قوس قولداۋ قىزمەتى باسشىلىق گرۋپپاسىنداعى جانە قوس قولداۋ كەڭسەسىندەگى نەگىزگى جاۋاپتى جولداستار، ت ب نەگىزگى جينالىس الاڭىندا جينالىسقا قاتىناستى.
