تيانشان تورى   ›   جاڭالىقتار   ›   سپورت الەمى

شينجياڭنان 3 ادام بۇكىل مەملەكەتتىك بالۋان جارىسىنىڭ اعا جۇلدەگەرى بولدى حوتاندىق بويجەتكەن رۇڭ نيڭنيڭ توكيو وليمپياداسىنا قاتىناسۋ بەلەتىن الدى

  ءۇرىمجى كەشكى گازەتىنىڭ حابارى (ءتىلشى جوۋ جىدۇڭ حابارلايدى) بىرنەشە كۇننىڭ الدىندا، 2020 - جىلعى بۇكىل مەملەكەتتىك حالىقارالىق كۇرەس جۇلدەلى جارىسى جانە وليمپياداعا قاتىناسۋ تولىمدىلىعىنا تاڭداۋ جارىسى جىجياڭنىڭ ۋىنجوۋ قالاسىندا اياقتالدى. شينجياڭدىق 3 بالۋان اعا جۇلدەگەر بولدى، حوتاندىق بويجەتكەن رۇڭ نيڭنيڭ توكيو وليمپياداسىنا قاتىناسۋ بەلەتىن الدى.

  بۇل رەتكى جارىستا، تورەبات، ءۋاليقان سەرىك جەكە - جەكە ەرلەر گرەك - ريم كۇرەسىنىڭ 60 كيلوگرامدىق دارەجەسىندەگى، 63 كيلوگرامدىق دارەجەسىندەگى اعا جۇلدەگەرلىكتى الدى، ايەلدەر ەركىن كۇرەس شەبەرى رۇڭ نيڭنيڭ 57 كيلوگرامدىق دارەجەسىندەگى التىن مەدالدى ەنشىلەدى.

  اعا جۇلدەگەر بولعان سوڭ، حوتان ايماعىنىڭ لوپ اۋدانىنان كەلگەن رۇڭ نيڭنيڭ توتەنشە كوڭىلدى بەينەمەن بىلاي دەدى: ”بۇدان بىلاي جالعاستى قۇلشىنا جاتتىعامىز، ءوزىمنىڭ قابىلەتىمدى ءوسىرىپ، وليمپيادا سپورت جارىسىندا وتانعا داڭق اكەلۋدى ءۇمىت ەتەمىن“.

  10 - ايدىڭ 20 - كۇنى جارىس اياقتاعاننان كەيىن، ۇشەۋى بەيجيڭگە قايتىپ بارىپ، مەملەكەت كومانداسىنىڭ شوعىرلى جاتتىعۋىنا جالعاستى قاتىناستى. اۆتونوميالى رايوندىق دەنە تاربيە مەكەمەسى بالۋان، دزيۋدو سپورتىن باسقارۋ ورتالىعى جاتتىعۋ ءبولىمىنىڭ جاۋاپتىسى اكبار وبۇل بىلاي دەپ تانىستىردى: ”تورەبات پەن ءۋاليقان سەرىك كەلەر جىلى تاعى ءبىر مايدان سارالاۋ جارىسىنا قاتىناسادى. سوندا عانا وليمپيادا جارىسىنا قاتىناسا الۋ - الماۋىن تۇراقتاندىرۋعا بولادى. تورەبات، ءۋاليقان سەرىك، رۇڭ نيڭنيڭ ۇشەۋى جۋىق جىلداردان بەرى كۇرەستەن الەم چەمپيوناتى، ازيا چەمپيوناتى، مەملەكەتتىك سپورت جارىسى سياقتى حالىقارالىق جانە ەل ىشىندەگى جارىستاردا ۇزدىك بەينە بايقاتتى“.

  10 - ايدىڭ 6 - كۇنىنەن 10 - ايدىڭ 19 - كۇنىنە دەيىن، ەلىمىزدىڭ جەر - جەرىنەن كەلگەن 1600 دەن استام ادام ۋىنجوۋ قالاسىندا وتكىزىلگەن وسى رەتكى جارىسقا قاتىناستى. جارىس ايەلدەر ەركىن كۇرەسى، ەرلەر گرەك - ريم كۇرەسى، ەرلەر ەركىن كۇرەسى سياقتى ءۇش تۇرگە ءبولىندى، جەكە - جەكە 10 دارەجە قۇردى، بۇل وسى جىلعى مەملەكەتتىك ەڭ جوعارى دارەجەلى حالىقارالىق كۇرەس جارىسى. شينجياڭعا ۋاكىل بولعان 35 سپورتشىدان 20 سپورتشى ناتيجەگە يە بولدى. شينجياڭ گرەك - ريم كۇرەس كومانداسى كوللەكتيۆ جالپى ءنومىردىڭ ءبىرىنشىسى بولدى، شينجياڭ ەرلەر ەركىن كۇرەس كومانداسى كوللەكتيۆ جالپى ءنومىردىڭ ەكىنشىسى بولدى، ەكى كوماندا ءبىر ۋاقىتتا دەنە تاربيە ءمورال جوسىنى سيلىعىن الدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى