تيانشان تورى   ›   جاڭالىقتار   ›   شينجياڭ حابارلارى

جاۋ حۋانشين: ”شەشۋشى ساتتە پارتيا مۇشەلەرى اتويلاپ العا شىعۋى كەرەك“

شينجياڭ گازەتىنىڭ جالپىلىق اقپارات قۇرالدارى ءتىلشىسى جاڭ يۇنمەي

  ”ۇيرەنگەن مەديتسينالىق بىلىمدەرىم ارقىلى ىندەتكە قارسى اتتانۋ بارىسىندا ازىن - اۋلاق رول اتقارعانىم مەن ءۇشىن باقىتتى ءىس، مەن تەك ىستەۋگە ءتيىستى ءىستى ىستەدىم“، - دەدى 9 - ايدىڭ 24 - كۇنى ءۇرىمجى قالاسى سايباق رايوندىق سالىق مەكەمەسى ءتارتىپ تەكسەرۋ گرۋپپاسىنىڭ ورىنباسار باستىعى جاۋ حۋانشين شىن كوڭىلدەن.

  جاۋ حۋانشين بۇرىن اۋە ارمياسى ءۇرىمجى شيپاحاناسىندا مىندەت وتەگەن، 1999 - جىلى كاسىپ اۋىستىرىپ سالىق ىستەرى جۇيەسىنە بارىپ قىزمەت ىستەگەننەن كەيىن دە شيپاگەر ىزگىلىگىن وزگەرتكەن جوق. بيىل 7 - ايدا تۇتقيىل تۋىلعان جاڭا تيپتى ايدارشا ۆيرۋس وكپە قابىنۋ ىندەتى الدىندا، جاۋ حۋانشين ىرىقتىلىقپەن ەرىكتى بولۋعا سۇرانىپ، ىندەتتەن ساقتانۋ - تىزگىندەۋدىڭ ءبىرىنشى شەبىنە بارىپ قىزمەت ورىستەتتى.

  تۇرعىندار اۋماعىندا قىزمەت ىستەدى، نۋكلەيىن قىشقىلىن تەكسەرۋ قىزمەتىن ورىستەتۋگە سەلبەستى... قۇرىلعىلارعا جاناسىپ ايقاسپالى جۇعىمدالۋ تۋىلۋدان ساقتانۋ ءۇشىن، جاۋ حۋانشين تۇرعىندار اۋماعىنداعى تۇرعىندارعا زارارسىزداندىرۋ بىلىمدەرىن جالپىلاستىردى.

  بەينەسى كورنەكتى بولعاندىقتان، جاۋ حۋانشين شوعىرلى مەديتسينالىق باقىلاۋ تۇيىنىنە جىبەرىلىپ، قىزمەت گرۋپپاسىنىڭ باستىعى مىندەتىن اتقاردى، سونداي - اق قىزمەتى ولشەمدى، قابىلەتى كورنەكتى بولعاندىقتان، كوپ رەت جوعارى دارەجەلى تاراۋلاردىڭ تۇراقتاندىرۋىنا يە بولدى.

  ىندەت مەزگىلىندە، جاۋ حۋانشين ءۇرىمجىنىڭ تاڭعى ساعات 3 − 4تەگى قاراڭعى كەزىن دە، تاڭعى ساعات 6 − 7دەگى قۇلانيەك تاڭىن دا كوردى. شارشاسا بوساعاعا سۇيەنىپ از - كەم دەمالىپ الادى، كيگەن قورعانۋ كيىمى ۆيرۋستى توسىپ قالعانىمەن، اۋا وتپەگەندىكتەن ۇنەمى تەرگە مالشىنىپ كەتەدى. قورعانۋ كيىمىن شەشكەندە، ۇزاق ۋاقىت تەرگە مالشىنعاندىقتان، تەرىسىنە اسىرە سەزىمتالدىقتان بورىتكەن شىعىپ كەتىپ، ۇنەمى قاتتى قىشىنىپ، ۇيىقتاي المايتىن. كەيدە ارىپ - شارشاپ دىعدىرى قۇرىسا دا، ”جينالىڭدار“ دەگەندى ەستىسىمەن ول دەرەۋ جالىندى بەينەگە قايتا ەنىپ، اتويلاپ العا شىعاتىن.

  ىندەتپەن بەتپە - بەت كەلگەندە، بەرەتىن بوداۋ جاپالى ەڭبەك عانا ەمەس. جاۋ حۋانشين وزىنە قايتا - قايتا ءاربىر بۋىندى سابىرلىلىقپەن ەگجەي - تەگجەيلى ىستەۋدى ەسكەرتىپ، تاجىريبەلەردى شەبەرلىكپەن قورىتىندىلاپ وتىردى. ول زارارسىزداندىرۋ بارىسى مەن كوڭىل بولەتىن ىستەردى جۇيەلى جۇمىس ءتارتىبى ەتىپ رەتتەپ، بۇكىل گرۋپپا مۇشەلەرىنىڭ كۇندەلىكتى جۇمىستارىنا جەتەكشىلىك جاسادى. وسى جۇمىس ءتارتىبى ءۇرىمجى قالالىق تەلەۆيزيا ستانسياسىندا تاربيە فيلمى رەتىندە كەسكىنگە الىنىپ جاسالىپ، ىندەتتەن ساقتانۋدىڭ ءبىرىنشى شەبىندە ۇگىتتەلىپ، جالپىلاستىرىلدى.

  ىندەتتەن ساقتانۋ - تىزگىندەۋ قىزمەتىنىڭ ىشكەرىلەي ورىستەتىلۋىنە ىلەسە، جاۋ حۋانشين اۋاشالاۋ، زارارسىزداندىرۋ سياقتى سىرتقى تەجەۋدەن سىرت، پسيحولوگيالىق جاقتان جەتەكتەۋدىڭ دە باقىلانعان ادامدار ءۇشىن بىردەي ماڭىزدى ەكەندىگىن تانىپ جەتتى. اۋاشالانعان ادامداردىڭ ۇرەيلەنۋ، تاقاتسىزدانۋ، ءوزىن شەكتەۋى سياقتى ناشار كوڭىل كۇيلەردەن ايىعۋىنا كومەكتەسۋ ءۇشىن، جاۋ حۋانشين گرۋپپا مۇشەلەرىن اتتانىسقا كەلتىرىپ، كوپ ءتۇرلى ادىستەردى قولدانۋ ارقىلى باقىلانعان ادامداردىڭ پسيحيكالىق قىسىمىن جەڭىلدەتتى. ول تۇرعان شاعىن گرۋپپا ارناۋلى ادام جىبەرىپ باقىلانعان ادامداردىڭ ينفورماتسيالىق شوعىرىن باسقاردى، ءار كۇنى دەر كەزىندە ۋيچات توبىندا بولمەدە دەنە شىنىقتىرۋ مازمۇنىنداعى نومىرلەردى قويىپ، باقىلانعان ادامداردى شىنىعىپ دەنساۋلىعىن كۇشەيتىپ، قارسىلىق قۋاتتارىن ارتتىرۋعا جەتەكتەدى. ۋاق - ۋاق مەيىرلى دە ۇمىتكەرلىككە تولى جالعانىم ينفورماتسيالارىن جولداپ، باقىلانعان ادامداردىڭ كۇندەلىكتى وقيتىن ماتەريالدارىن بايىتىپ، بەلسەندى دە ىنتالى كوللەكتيۆ كوڭىل كۇي جاراتتى.

  ىندەتكە قارسى اتتانۋ شايقاس مايدانىنا ۇقسايدى. جاۋ حۋانشين بىلاي دەدى: ”مەن پارتيا مۇشەسىمىن، سونداي - اق قوسىننان شەگىنگەن اسكەري اداممىن، ىندەت الدىندا، شاقىرعان زامان جەتۋىم كەرەك، مەن تەك ءوزىمنىڭ شامام جەتەتىن ىستەردى عانا ىستەدىم، شەشۋشى ساتتە پارتيا مۇشەلەرى اتويلاپ العا شىعۋى كەرەك“.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى