تيانشان تورى   ›   جاڭالىقتار   ›   ۇلتتار ىنتىماعىنىڭ بەرەكەلى شاڭىراعى

ساقشى مەن حالىق تىلەكتەس بولىپ، اۋىل - قىستاقتى مەيىرگە بولەدى

شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي يۇنيان

  كونەءشارى اۋداندىق قوعام حاۋىپسىزدىگى مەكەمەسى لاڭگار ساقشى بولىمشەسى ۇيعۇر جانە حانزۋ حالىق ساقشىلارىنان، كومەكشى ساقشىلاردان قۇرالعان ۇلكەن شاڭىراق. ۇزاق جىلداردان بەرى، حالىق ساقشىلارى بار زەيىنىمەن قاراستى ءوڭىردىڭ تىنىشتىعىن قورعاپ، ءار ۇلت بۇقاراسىنا قىزمەت وتەدى، كومەكتەستى، ساقشىلار مەن حالىق تىلەكتەس بولىپ، كورىكتى مەكەندى قۇرىپ، ۇلتتار ىنتىماعى جىرىن اسقاقتاتتى.

كوپشىلىك تەزىرەك كەلىپ زىحۋاساي الىپ الىڭىزدار

  10 - ايدىڭ 17 - كۇنى ءتىلشى كونەءشارى اۋداندىق قوعام حاۋىپسىزدىگى مەكەمەسى لاڭگار ساقشى بولىمشەسىنە بارعان كەزدە ءتۇس بولىپ كەتكەندىكتەن، حالىق ساقشىلارىمەن بىرگە تاماق ءىشتى. داستارقانعا ەتسىز قۋىرىلعان زىحۋاساي قويىلىپتى، رەڭى وتە تاماشا ەكەن. ”بۇل لاڭگار قالاشىعى اققويلا قىستاعىنداعى از ۇلت تۇرعىندارى ەككەن كوكونىس ەدى، ءونىم الاتىن مەزگىلى ءدال وسى كەز“، - دەدى ساقشى بولىمشەسىنىڭ باستىعى لۋ جاۋ - ي.

  بيىل 7 - ايدىڭ 14 - كۇنى لۋ جاۋ - ي قىستاققا بارعاندا، بۇل جاڭا سورتتىڭ ءالى دە بازارعا كىرە الماعاندىعىن، ساتىلىمدا قيىنشىلىق بارلىعىن ۇعىسىپ، ساقشى بولىمشەسىنە جانە 10 قىستاق ساقشى ىستەرى كەڭسەسىنىڭ اسحاناسىنا 300 كيلوگرام زىحۋاساي ساتىپ الۋعا تاپسىرىس بەرۋدى ورنالاستىرادى ءارى تۇتاس ساقشى بولىمشەسىندەگى حالىق ساقشىلارىن كەڭ كولەمدە ۇگىت - ءناسيحات جاساۋعا جۇمىلدىرىپ، قىستاق تۇرعىندارىنا كومەكتەسىپ زىحۋاسايدىڭ ساتىلىم جولىن اشادى.

  10 - ايدىڭ 17 - كۇنى تۇستەن بۇرىن زىحۋاساي اكەلىنىپ، تۇستە داستارقانعا شىقتى. لۋ جاۋ - ي ونى دەرەۋ دوستار شەڭبەرىنە شىعارىپ، تۋىس - تۋعان، دوس - جاراندارىن ساتىپ الۋعا ۇندەدى.

  اققويلا قىستاعىنداعى ءۇزۋ، ساتىپ الۋ جۇمىس باسىندا، وسى قىستاقتىڭ پارتيا باس ياچەيكاسىنىڭ شۋجيى ماۋلەنجان ماحىمەت بىلاي دەدى: زىحۋاساي ەگۋ كونەءشارى اۋدانىنىڭ كەدەيلەردى سۇيەمەلدەۋ نىسانى، تۇتاس اۋداندا بيىل جيىنى 400 مۋ جەرگە، اققويلا قىستاعىندا 120 مۋ جەرگە زىحۋاساي ەگىلگەن. ”كوپشىلىك بۇرىن زىحۋاسايدى بىلمەيتىندىكتەن، قازىر ساتىلۋى ءبىرشاما قيىن بولىپ وتىر، باعاسى دا جوعارى ەمەس“.

  سونىمەن، كوپشىلىك جابال ارەكەتتەنىپ قىستاق تۇرعىندارىنا كومەكتەسىپ كوكونىس ساتىستى، كونەءشارى اۋدانداعى ءارقايسى ورىنداردىڭ تاپسىرىسى ىركەس - تىركەس ءتۇسىپ، 1 - توپتاعى 3 توننا ءونىم نەگىزىنەن ساتىلىپ بولدى. 2 -، 3 - توپتاعى زىحۋاساي دە پىسىپ كەلەدى، ءالى ساتۋدى كۇتىپ تۇرعان 27 توننا مولشەرىندەگى زىحۋاساي بار.

  ”زىحۋاسايدىڭ قورەكتىگى جاقسى، ءدامى ءتىل ۇيرەدى، ساتىپ الۋعا تاتيدى“، - دەپ لۋ جاۋ - ي جارنامانىڭ مايىن تامىزدى. ول دوستار شەڭبەرىنە جولداعان مازمۇنعا كوپ ادام نازار اۋدارىپ، قىسقا عانا ءبىر ساعات ىشىندە كوپتەگەن ادام ونىمەن حابارلاسىپ ساتىپ الدى.

تۋىسىنا ىقىلاسپەن كومەكتەسىپ، قىزمەت تاۋىپ بەردى

  10 - ايدىڭ 17 - كۇنى تۇستەن كەيىن لاڭگار ساقشى بولىمشەسىنىڭ ورىنباسار باستىعى فۋ جاۋيىڭ قاراستى اۋماقتاعى قىستاق تۇرعىنى روزى باقىتتىڭ ۇيىنە امانداسا كەلدى. ”روزى اعامنىڭ قىزمەت ىستەۋ جاعدايى جامان ەمەس، مەن ونىڭ ءۇيىنىڭ ءوندىرىس، تۇرمىسىندا قيىنشىلىقتىڭ بار - جوعىن ۇعىسقالى كەلدىم“، - دەدى فۋ جاۋيىڭ.

  روزى وتباسى بۇرىن ارحيۆ تۇرعىزىلىپ، كارتچكالاندىرىلعان كەدەي وتباسى بولاتىن، 2018 - جىلى 2 - ايدا فۋ جاۋيىڭ قاتىناس ساقشىسى قىزمەت ورنىنان ساقشى بولىمشەسىنە اۋىسىپ كەلگەننەن كەيىن، روزىمەن تۋىس بولعان. فۋ جاۋيىڭ قارجى شىعارىپ روزىنىڭ ءۇيىنىڭ اۋلا داۋالىن جيعىزىپ بەرگەن، ۇنەمى تۇرمىستىق كەرەك - جاراقتاردى ساتىپ الىپ جەتكىزىپ بەرىپ تۇرادى.

  بۇل وتباسىنىڭ كەدەي بەت - بەينەسىن وزگەرتۋ ءۇشىن، فۋ جاۋيىڭ روزىنى جۇمىستانۋعا كوندىردى. ”اعامنىڭ دەنساۋلىعى تىم جاقسى ەمەس، اۋرۋ - سىرقاۋ بولعاندىقتان كەدەيلەسكەن، الايدا جەڭىل - جەلپى قىزمەتتىڭ ۇدەسىنەن ابدەن شىعا الادى. مەن وعان ىستەيتىن قىزمەت بولعاندا عانا تۇراقتى كىرىس بولاتىندىعىن، تۇرمىسىنىڭ، ءسوزسىز، جاقساراتىندىعىن ايتىپ كوندىردىم“، - دەيدى فۋ جاۋيىڭ.

  ول روزىعا كومەكتەسىپ تاۋىپ بەرگەن ءبىرىنشى قىزمەتى قۇرىلىس ورنىنىڭ اماندىعىن قورعاۋ بولاتىن، قىزمەت ونداي جاپالى بولماعانىمەن، مۇقيات بولۋدى، جاۋاپكەرشىلىك ارقالاۋدى قاجەت ەتەتىن. روزى 1 - رەت 2500 يۋان ەڭبەكاقى العان كەزدە ايرىقشا قۋاندى. قۇرىلىس 3 ايدا اقىرلاسقان سوڭ، فۋ جاۋيىڭ روزىعا تاعى دا كومەكتەسىپ جاڭا قىزمەت تاۋىپ بەردى.

  وسىدان سوڭ، روزى ۇنەمى قىزمەت الماستىراتىن بولىپ قالدى، قىزمەتتى كەيدە الىس كورسە، كەيدە زەرىگەدى ەكەنمىن دەپ، از ۋاقىت ىستەپ تاستاپ كەتەتىن. بۇل كەزدە فۋ جاۋيىڭ تاعى دا جاڭا قىزمەت ورنىن قاراستىراتىن، مىنە وسىلاي ول ىلگەرىندى - كەيىندى بولىپ روزىعا 7 رەت قىزمەت تاۋىپ بەردى.

  فۋ جاۋيىڭنىڭ قايتا - قايتا جىگەرلەندىرۋى ارقىلى روزى تالاي رەت سىناپ كوردى، 2 جىلدان استام ۋاقىتتان بەرى ەكەۋى تەرەڭ دوستىق سۇيىسپەنشىلىك ورناتتى. قازىر روزى اماندىق قورعاۋشى، وسى رەتكى قىزمەتىن تاباندىلىقپەن ىستەپ ءجۇر، بۇل فۋ جاۋيىڭدى قاباعات قۋانىتتى.

  روزىنىڭ ءۇيى تازا دا رەتتى، ءۇي جيھازدارىنىڭ بارلىعى جاڭا ەكەن، اۋلاسىنا كوپ گۇل ەگىپتى. ونىڭ جۇبايى ايشامگۇل وسمان بىلاي دەدى: روزى قىزمەتىن جاقسى ىستەپ جاتىر، مەن دە الاڭسىز ەگىنشىلىكپەن اينالىسىپ ءجۇرمىن، ونىڭ سىرتىندا 30 قوي، 60 كەپتەر باعامىز، جىل سوڭىندا ساتساق ايتارلىقتاي كىرىس كىرگەلى تۇر، ”بارلىعىمىز قۇلشىنىس جاساپ، تۇرمىسىمىزدى بارعان سايىن جاقسارتامىز“.

بۇل قىستاق ساقشىسى وتە مەيىرىمدى

  اققويلا قىستاعىندا ءبىر كاسىپ باقشاسى بار، 2014 - جىلى سالىنعان، قاشقار جياڭتۋ قۇرىلىس ماتەريالدارى شەكتى سەرىكتەستىگى − كاسىپ باقشاسى سالىنعان سوڭ تۇڭعىش ورنالاسقان كاسىپورىن. وسى سەرىكتەستىكتىڭ باس ديرەكتورى جاڭ گوحۋا حۋبەيدەن كەلگەن، تالاي جىل ارالاسۋ ارقىلى 49 جاستاعى ول 31 جاستاعى قىستاق ساقشى ىستەر كەڭسەسىنىڭ حالىق ساقشىسى الىمجان نۇرمامەتپەن ايىرىلماس دوسقا اينالدى.

  ”باقشا رايونىندا قازىر 300 نەشە ادام بار، قوجايىن مەن ءبىر ءبولىم جۇمىسشىلار سىچۋان، حىنان، حۋبەي، جىجياڭ سياقتى جەرلەردەن كەلگەن، قالعان تەڭ جارىمعا تاياۋ جۇمىسشىلار جەرگىلىكتى ورىنداعى قىستاق تۇرعىندارى، ءبىز وتە جاقسى ءوتىپ جاتىرمىز“. جاڭ گوحۋا: كوپ جىلدان بەرى الىمجان ۇنەمى باقشا رايونى قۇرىلىسىنىڭ دامۋىنا كومەكتەسىپ كەلەدى، قىزمەت وتەۋى وتە تىڭعىلىقتى، - دەدى.

  الىمجان 2017 - جىلى وسى قىستاقتىڭ ساقشى ىستەر كەڭسەسىنىڭ حالىق ساقشىسى مىندەتىن ارقالاعان، باقشا رايونىنىڭ تازالىق ورتاسى ايتارلىقتاي ەمەس ەكەندىگىن كورگەن الىمجان كوپشىلىكتى اتتانىسقا كەلتىرىپ، قوقىر - قوقسىق ساندىعىن قويدىرادى، ول تاعى ءسات سايىن كاسىپورىندارعا ورتتەن ساقتانۋ، ءورت ءسوندىرۋ حاۋىپسىزدىگىنە جانە ءوندىرىس حاۋىپسىزدىگىنە كوڭىل ءبولۋدى ەسكەرتىپ، سىرتتان كەلگەن جۇمىسشىلاردىڭ قونىستانۋ كۋالىگى مەن ازاماتتىق كۋالىك بىتىرۋىنە كومەكتەسەدى، ءسويتىپ، ول شىن نيەتىمەن قىزمەت وتەۋ ارقىلى كوپشىلىكتىڭ القاۋىنا بولەندى.

  بيىل 2 - ايدا ىندەتتەن ساقتانۋ - تىزگىندەۋ كەزىندە، كاسىپورىنىڭ ءبىر ءبولىم ادامى باقشا رايونىندا تۇرىپ، تاعى ءبىر ءبولىم ادام ىشكى وڭىرلەرگە كوكتەم مەرەكەسىن وتكىزۋگە كەتىپ ءالى كەلە قويماعان بولاتىن. الىمجان زاتتىق ماتەريالداردى ساتىپ الۋ، جەتكىزىپ بەرۋ مىندەتىن ارقالاپ، استىق، ماي، كوكونىس، ەت، تۇرمىستىق بۇيىمداردى جەتكىزىپ، كوپشىلىكتىڭ قاجەتىن بار كۇشىمەن قاناعاتتاندىردى.

  جاڭ گوحۋا تىلشىگە باقشا رايونىندا اندا - ساندا ءىشىنارا ەكونوميكالىق داۋ - شارلار تۋىلىپ قالاتىندىعىن، ونىڭ نەگىزىنەن ەڭبەكاقى داۋ - شارى ەكەندىگىن، كەلىسپەستىك بولعان ەكى جاقتىڭ دەر كەزىندە الىمجانعا تەلەفون بەرىپ، جاراستىرۋعا شاقىراتىندىعىن ايتتى. ”مۇنداي جايت جىلىنا 10 نەشە رەت تۋىلادى، ول قاشاندا ەكى جاق تا قابىلداي الاتىن ۇيلەسىمدى شەشۋ امالىن تاۋىپ شىعادى، ءبىز وعان ەرەكشە سەنەمىز“، - دەدى جاڭ گوحۋا.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • جۇڭگو - ەۆروپا كەزەكشى پويەزى ”عىلىم - تەحنيكانىڭ ۇلگىسىن“ كورسەتتى
  • باياندى تىنىشتىققا ارشىندى قادام تاستادى
  • حوتان - چارقىلىق تەمىر جولىنىڭ چەرچەن اۋدانىنداعى بولىگىنە رەليس توسەلدى
  • كۇزگى جيىن - تەرىن قاربالاستىعى
  • جەمىس - جيدەكتەر تۇتاس سۋىق تىزبەكتى تەمىر جول ارقىلى شينجياڭنان سىرتقا تاسىمالداندى