تيانشان تورى   ›   جاڭالىقتار   ›   كەدەيلىكتەن ارىلتۋدان قامال الۋ

قاشقار قالاسى: جۇمىستاندىرۋ ارقىلى كومەكتەسىپ، سۇيەمەلدەپ، كەدەيلىكتەن ارىلتۋ نەگىزىن بەكەمدەدى

شينجياڭ گازەتىنىڭ جالپىلىق اقپارات قۇرالدارى ءتىلشىسى ياڭ شۋحان

  ”بۇگىنگى كۇندە مەن قولونەرىمە سۇيەنىپ ءۇيىمنىڭ ماڭايىندا اقشا تابا الاتىن بولدىم، كەدەيلىكتەن دە ارىلدىم“، - دەدى 9 - ايدىڭ 16 - كۇنى قاشقار قالاسى اۋات اۋىلى جار باسى قىستاعى ەدەن جۋعىش زاۆودىندا 28 جاستاعى بۇحالچام تۇردى تىلشىگە.

  بۇحالچام قىستاقتاعى كەدەي وتباسى بولاتىن. بۇرىن ۇيىندەگى قارتتار مەن جاس بالاعا قاراۋ قاجەت بولعاندىقتان، سىرتقا شىعىپ جۇمىس ىستەپ اقشا تابا المايتىن، ال ءۇيىنىڭ ماڭىنان دا تۇراقتى كىرىسى بار قىزمەت تابا المادى.

  جاقىنعى جىلداردان بەرى قاشقار قالاسى جەرگىلىكتى جاعدايعا قاراي ىستەپ، جۇمىستاندىرۋ ارقىلى سۇيەمەلدەۋ ساياساتىن تياناقتاندىرۋدى ۇزدىكسىز كۇشەيتتى، بۇقارانىڭ قىستاقتاعى كەدەيلەردى سۇيەمەلدەۋ زاۆودتارىندا، بالاباقشادا، باقىت اۋلاسىندا، سەلبەستىك كووپەراتيۆتەرىندە جۇمىستانۋىنا دا، ءوزى شارۋاشىلىق قۇرىپ جۇمىستانۋىنا دا مۇمكىندىك بەردى. قازىر قاشقار سولتۇستىك كاسىپ باقشاسىنداعى ەڭبەك شوعىرلانعان 46 كاسىپورىن مەن قالا، اۋىلداعى ءۇش كاسىپ سالاسى قىزمەت وتەۋ كاسىبىن سۇيەنىش ەتىپ، بۇكىل قالاداعى 22 مىڭ كەدەي وتباسى جاقىن جەردە، ءوز جەرىندە جۇمىستانۋدى جۇزەگە اسىردى، كەدەيلەردى سۇيەمەلدەۋ قىزمەتى ”قان بەرۋ ۇلگىسىنەن“ ”قان جاساۋ ۇلگىسىنە“ قاراي بۇرىلىس جاسادى.

  9 - ايدىڭ 16 - كۇنى قاشقار سولتۇستىك كاسىپ باقشاسىنداعى ءبىر كيىم - كەشەك فابريكاسىندا انيپاگۇل ءومار جۇمىسشىلاردىڭ كيىم تىگۋ ناتيجەلەرىن تەكسەرۋدە.

  ”مەنىڭ نىسانام سەح مەڭگەرۋشىسى بولۋ!“، - 9 - ايدىڭ 16 - كۇنى بۇرىن وتباسى ايەلى بولعان انيپاگۇل ءومار نىق سەنىممەن وسىلاي دەدى، باۋلۋ ارقىلى جۇمىسقا شىققانىنا ءبىر جىلعا جەتپەي، ول ەكى ۇلاسپالى جۇمىس جەلىسىنە جاۋاپتى گرۋپپا باستىعى بولىپ جەتىلدى، ايلىق ەڭبەكاقىسى 4000 يۋاننان استى.

  جاقىنعى جىلداردان بەرى قاشقار قالاسى 20 ميلليون يۋانعا جۋىق قارجى قوسىپ، جۇمىستاندىرۋ بويىنشا شەبەرلىككە باۋلىپ، كوپ ءتۇرلى ارنالار ارقىلى جۇمىستانۋ ورىندارىن دايىندادى. سولتۇستىك كاسىپ باقشاسىنداعى ەڭبەك شوعىرلانعان كاسىپورىندار ءبىر توبىن قابىلداۋ، اۋىل - قىستاقتارداعى كەدەيلەردى سۇيەمەلدەۋ زاۆودتارى جاقىن جەردە، ءوز جەرىندە ءبىر توبىن جۇمىستاندىرۋ، اۋىل - قىستاق كاسىپتىك سەلبەستىك كووپەراتيۆتەرى كولەمدەنگەن تيجارات جانە ەكولوگيالىق ورماندى قورعاۋشى قاتارىنا ءبىر توبىن اۋىستىرىپ الۋ، تۇتاس وڭىرلىك ساياحات ءبىر توبىن جەتەكتەۋ سياقتى ارنالارعا ارقا سۇيەپ، ەڭبەككۇشى بار كەدەي حالىقتىڭ ورنىقتى جۇمىستانۋىن جۇزەگە اسىردى.

  ”ۇيدەگى قوي، سيىرلاردى باعىمشىلىق سەلبەستىك كووپەراتيۆىنە اماناتتاپ باعۋعا بەردىك، ازىراق جەرىمىزدى دە اينالىمعا سالدىق، بالاباقشاعا ءالى كىرمەگەن بالالاردى قىستاقتا ارناۋلى ادام قارايدى، ۋايىم بولماعاندىقتان، جۇمىس ىستەگەندە كۇش - قايراتىمىز تاسقىنداي ءتۇستى!“، - دەدى 9 - ايدىڭ 17 - كۇنى قاشقار قالاسى پاقتاكلا اۋىلى سوعۇلىق قىستاعىنداعى كەدەيلەردى سۇيەمەلدەۋ سەحىندا ەلەكتر جىلىتقىشتى جاتىق قۇراستىرىپ جاتقان قىستاق تۇرعىنى گۇلباھرام ءماتسايدى.

  جاقىنعى جىلداردان بەرى قاشقار قالاسى دالمە - ءدال ”تاپسىرىسپەن باعۋ“، ”اينالىمعا سالۋ“ شاراسىن قولدانۋ ارقىلى بەرىك تە پارمەندى ”ارتقى جاق قامتاماسىزدىعىن“ ازىرلەۋمەن بىرگە، قىستاق تۇرعىندارىنىڭ جۇمىستانۋ ارناسىن دا كەڭەيتتى.

  چيانچىڭ باعىمشىلىق كاسىپتىك سەلبەستىك كووپەراتيۆى، كايبيداشي باعىمشىلىق كاسىپتىك سەلبەستىك كووپەراتيۆى سياقتى 13 باعىمشىلىق سەلبەستىك كووپەراتيۆىن سۇيەنىش ەتە وتىرىپ، بۇكىل قالاداعى 4900دەن استام كەدەي وتباسىنىڭ 31 مىڭ قويىن 3 جىل تاپسىرىسپەن باقتى، سونداي - اق سىرتقا شىعىپ جۇمىس ىستەگەندەردىڭ جەرىن اينالىمعا سالدى؛ بالاباقشادان 141ىن، اۋىل - قىستاق باقىت قارتتار پاناجايىنان 94ىن سالىپ، قارتتار مەن بالالارعا كوڭىل ءبولىپ، قامقورلىق جاساۋدى كۇشەيتىپ، سىرتقا شىعىپ جۇمىس ىستەگەندەردى قارتتار مەن بالالارعا قارايلاسا الماۋداي ۋايىمنان ارىلتتى... قازىر قاشقار قالاسى جۇمىستاندىرۋ ارقىلى كەدەيلەردى سۇيەمەلدەۋدى كۇش سالا ىلگەرىلەتىپ، ءبىر توپ كەدەي بۇقارا ”وشاق باسىنان ماشينا تەكشەسىنە، اتىز باسىنان سەحقا، شارۋادان ونەركاسىپ جۇمىسشىسىنا“ دەيىنگى ”تاماشا بۇرىلىستى“ ىسكە اسىردى.

  قاشقار قالالىق ادام كۇشى بايلىعى جانە قوعامدىق قامتاماسىزداندىرۋ مەكەمەسى ادام كۇشى بايلىعىن اشۋ - باسقارۋ ورتالىعىنىڭ مەڭگەرۋشىسى لي لينشيۋ بىلاي دەپ تانىستىردى: سوڭعى جىلدارى قاشقار قالاسى كەدەي بۇقارانىڭ جۇمىستانۋىن قامتاماسىز ەتۋ سىندى وسى ەڭ تىكە، ەڭ ءونىمدى كومەكتەسۋ - سۇيەمەلدەۋ ءتاسىلىن مىقتاپ يگەرىپ، جۇمىستاندىرۋ ارقىلى كەدەيلەردى سۇيەمەلدەۋ قىزمەت مەحانيزمىن كەمەلدەندىرىپ، جۇمىستاندىرۋ ارقىلى كەدەيلەردى سۇيەمەلدەۋ شاراسىن جاڭالاپ، كەدەي ەڭبەككۇشتەردىڭ جۇمىستانۋىنا، شارۋاشىلىق قۇرۋىنا بار كۇشپەن كومەكتەستى، كوپتەگەن كەدەي وتباسى كوپ ارنامەن، كوپ ساتىمەن، كوپ جۇمىس تۇرىمەن جۇمىستاندى. قازىرگە دەيىن تۇتاس قالادا ارحيۆ تۇرعىزىلىپ، كارتچكالاندىرىلعان كەدەي وتباسىلارىنان، كەدەيلىك جيەگىندە تۇرعان وتباسىلاردان 31 مىڭ ادام ورنىقتى جۇمىستانىپ، كىرىستى ارتتىرىپ، بايۋ جولى بارعان سايىن كەڭەيە ءتۇستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.

  • اۋىل دارىندىلارىنىڭ شەبەرلىك جارىسى
  • ماقتا جيناۋ ماشيناسى جاسالىپ ءبىتتى
  • دۇمبە ءبيدايدى كەشەۋىلسىز ەكتى
  • كوشەت ساۋداسى كۇسەت بولدى
  • جاڭا ماقتا ساتتى