جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، جاڭا داۋىردەگى شينجياڭ قىزمەتىن تاباندىلىقپەن تىڭعىلىقتى ىلگەرىلەتەيىك
شينجياڭ گازەتىنىڭ جالپىلىق اقپارات قۇرالدارى ءتىلشىسى يۋان لەي 10 - ايدىڭ 21 - كۇنى ۇرىمجىدەن حابارلايدى. 10 - ايدىڭ 21 - كۇنى تۇستەن كەيىن اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ ءتوراعاسى شوكىرات زاكىر اۆتونوميالى رايوندىق حالىق ۇكىمەتى ورگانىندا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى تۋرالى ۇگىت - لەكسيا جاسادى.
ۇگىت - لەكسيا ماجىلىسىندە شوكىرات زاكىر ءوزىنىڭ ۇيرەنۋ اسەرىنە جانە تۇسىنىگىنە بىرلەستىرىپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ كەلەلى رەال ماڭىزى جانە تەرەڭ تاريحي ماڭىزى جونىندە جاندى، ەگجەي - تەگجەيلى، تەرەڭدەي ۇگىت - لەكسيا جاسادى. ول بىلاي دەپ اتاپ كورسەتتى: 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى، شينجياڭنىڭ ەكونوميكالىق، قوعامدىق دامۋىندا جانە حالىق تۇرمىسىن جاقسارتۋ جاعىندا بۇرىن بولماعان جەتىستىكتەرگە قول جەتكىزىپ، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ۇزبەي كۇشەيىپ، قوعام ورنىقتى، حالىق تىنىش ءومىر، شات - شادىمان تىرشىلىك كەشىرگەن تاماشا جاعداي جارىققا شىقتى. باس شۋجي شي جينپيڭنىڭ ماڭىزدى ءسوزىنىڭ رۋحاني ءمانىن جانە باي مازمۇنىن تەرەڭ ءتۇسىنىپ، دايەكتىلەندىرۋدى، تياناقتاندىرۋدى تاباندىلىقپەن جاقسى يگەرىپ، شينجياڭ قىزمەتىندە باستان - اياق دۇرىس ساياسي بەتالىستى ساقتاۋعا شىنايى كەپىلدىك ەتۋ كەرەك.
شوكىرات زاكىر بىلاي دەپ باسا دارىپتەدى: ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتاپ يگەرىپ، جاڭا داۋىردەگى شينجياڭ قىزمەتىن تاعى دا تىڭ ساتىعا كوتەرۋدى قۇلشىنا ىلگەرىلەتۋ كەرەك. شينجياڭدى زاڭمەن جونگە سالۋعا تاباندى بولىپ، لاڭكەستىككە قارسى تۇرىپ، ورنىقتىلىقتى قورعاۋدى ۇدايىلاندىرۋدى، زاڭمەن جونگە سالۋدى ىلگەرىلەتىپ، شينجياڭنىڭ قوعامدىق كەلەلى جاعدايىنىڭ باياندى ورنىقتىلىعىن، ۇزاق ۋاقىت ورنىقتىلىعىن ساقتاۋ؛ شينجياڭدى ىنتىماقتاسا ورنىقتىرۋعا تاباندى بولىپ، ۇلتتاردىڭ ۇلى ىنتىماعىن ۇزدىكسىز بەكەمدەپ، جۇڭحۋا ۇلتى ورتاق تۇلعا تانىمىن سومداۋ؛ شينجياڭدى مادەنيەتپەن نارلەندىرۋگە تاباندى بولىپ، ونەگە كورسەتىپ ادام تاربيەلەۋدى تىڭعىلىقتى ىلگەرىلەتىپ، ”بەستى شىنايى مويىنداۋدى“ ۇزدىكسىز كۇشەيتىپ، باياندى تىنىشتىقتىڭ يدەيالىق نەگىزىن بەكەمدەۋ؛ حالىقتى بايىتىپ شينجياڭدى گۇلدەندىرۋگە تاباندى بولىپ، جاڭا دامۋ ۇستانىمىن دايەكتىلەندىرىپ، حالىقتى وزەك ەتە وتىرىپ ەكونوميكانىڭ جوعارى ساپالى دامۋىن ىلگەرىلەتىپ، حالىقتىڭ تاماشا تۇرمىسقا دەگەن قاجەتىن ۇزدىكسىز قاناعاتتاندىرۋ؛ شينجياڭدى باياندى كوركەيتۋگە تاباندى بولىپ، ءتۇبىرلى، نەگىزگى، بولاشاقتىق ىستەرگە ساياتىن ماسەلەلەردە ۇزدىكسىز كۇش شىعارىپ، جالىقپاي كۇش سالىپ، باياندى تىنىشتىققا قادام تاستاۋعا بەرىك نەگىز قالاۋ كەرەك.
شوكىرات زاكىر مىنالاردى تالاپ ەتتى: ۇكىمەت ورگانىنداعى ءارقايسى تاراۋلار 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان كەيىنگى ءبىر مەزگىلدەگى كەلەلى ساياسي مىندەت ەتىپ، وسكەلەڭ يدەيالىق سانالىلىقپەن، ساياسي سانالىلىقپەن، ارەكەت سانالىلىعىمەن رۋحاني ءمانىن جەتە ءتۇسىنىپ، وزەكتى ءمانىن يگەرىپ، جوعارى ولشەمگە، قاتاڭ تالاپقا تاباندى بولىپ، الدىڭعى لەكتە ءجۇرىپ، ونەگە كورسەتىپ، قالىڭ پارتيالى كادرلاردىڭ يدەياسى مەن ارەكەتىن باس شۋجي شي جينپيڭنىڭ ماڭىزدى ءسوزىنىڭ رۋحىمەن جانە پارتيا ورتالىق كوميتەتىنىڭ شەشىمدەرىمەن، ورنالاستىرۋلارىمەن شىن مانىندە بىرلىككە كەلتىرىپ، اۆتونوميالى رايوندىق پارتكومنىڭ قىزمەت تالابىنا ساي، ىندەتتەن ساقتانۋ - تىزگىندەۋدى جانە ەكونوميكالىق، قوعامدىق دامۋدى ءبىر تۇتاس جوسپارلاپ، ”التىنى ورنىقتىرۋ“، ”التىنى قامتاماسىز ەتۋ“ مىندەتتەرىن اناعۇرلىم جاقسى تياناقتاندىرىپ، ورنىقتىلىق، دامۋ قىزمەتتەرىن تىڭعىلىقتى ويداعىداي ىستەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنۋ كەرەك.
ەركىن تۇنياز، جاروللا يسامدين، جاۋ چيڭ، قادىلبەك قامزا، سۇن حۇڭمەي، ليۋ سۋشى قاتارلىلار ماجىلىسكە قاتىناستى.
