− اۆتونوميالى رايوننىڭ ۇگىت - لەكسيا ۇيىرمەسى جەر - جەرگە، مەكەمە - ورىندارعا بارىپ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى جونىندە ۇگىت - لەكسيا جاسادى
شينجياڭ گازەتىنىڭ جالپىلىق اقپارات قۇرالدارى تىلشىلەرى
ۇگىت - لەكسيا تىلەك توعىستىرىپ، بىلەك بىرىكتىردى، ءتۇسىندىرۋ جالپىعا ۇعىنىقتى بولدى... بىرنەشە كۇننەن بەرى، اۆتونوميالى رايوننىڭ ۇگىت - لەكسيا ۇيىرمەسى ايماقتارعا، وبلىستارعا، قالالارعا، مەڭگەرمە - مەكەمەلەرگە، جوعارى مەكتەپتەرگە بارىپ ۇگىت - لەكسيا قيمىلىن ورىستەتتى، بۇدان قالىڭ كادرلار مەن بۇقارا تەرەڭ تاربيە، شابىت الدى. كوپشىلىك بىلاي دەستى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن سۇيىسپەنشىلىكپەن، جاۋاپكەرشىلىكپەن ىشكەرىلەي ۇيرەنىپ، دايەكتىلەندىرىپ، پارتياعا العىس ايتۋ، پارتيانىڭ سوزىنە قۇلاق اسۋ، پارتياعا ىلەسۋ سەنىمىمىز بەن بەكىمىمىزدى ونان ارى نىعايتىپ، باتىلدىقپەن جاۋاپكەرشىلىك ارقالاپ، ىسكەرلىك كورسەتىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا قۇلشىنامىز.
10 - ايدىڭ 21 - كۇنى اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، شينجياڭ شىفان داشۋەسى پارتكومىنىڭ تۇراقتى مۇشەسى، ورىنباسار مەكتەپ باستىعى سۇن شيۋليڭ كۇشار قالاسىنا كەلىپ، كۇشار ورتا دارەجەلى كاسىپتىك - تەحنيكالىق مەكتەبىندە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى تۋرالى ۇگىت - لەكسيا جاسادى. ۇگىت - لەكسيا اياقتاعان سوڭ، ول وقىتۋشىلاردىڭ، وقۋشىلاردىڭ ۋاكىلدەرىمەن ءوزارا پىكىر اۋىستىرىپ، ولار ورتاعا قويعان ماسەلەلەرگە ءبىر - بىردەن جاۋاپ بەردى، قيمىل قىزۋ مەرەيدە ءوتتى.
”ۇگىت - لەكسيانى تىڭداعان سوڭ، مەنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىستىڭ رۋحى جونىندەگى تۇسىنىگىم ونان ارى تەرەڭدەي ءتۇستى“، كۇشار ورتا دارەجەلى كاسىپتىك - تەحنيكالىق مەكتەبى مەديتسينا فاكۋلتەتىنىڭ وقۋشىسى قادىريا احىمەت بىلاي دەدى: ”قازىرگى باقىتتى تۇرمىسىمىزدىڭ، جايلى وقۋ ورتامىز بەن جاتاقحانا شارت - جاعدايىمىزدىڭ بارلىعى شينجياڭنىڭ وسى جىلدارداعى وراسان زور وزگەرىسىنىڭ دالەلى، بۇلاردىڭ بارلىعىن پارتيا ورتالىق كوميتەتىنىڭ شينجياڭداعى ءار ۇلت حالقىنا جاساعان قامقورلىعىنان بولە قاراۋعا بولمايدى، ءبىز شىن جۇرەكتەن پارتياعا العىس ايتامىز، ۇلى وتانعا العىس ايتامىز. مەن العىستى، سۇيىسپەنشىلىكتى مەكەندى كوركەيتۋدىڭ، وتاننىڭ ءۇمىتىن اقتاۋدىڭ سانالى ارەكەتىنە اينالدىرىپ، كاسىپتىك بىلىمدەردى قۇلشىنا ۇيرەنىپ، وقۋ تاۋىسقان سوڭ مەكەنىمىزدىڭ ەمدەۋ، دەنساۋلىق ساقتاۋ ىستەرىنىڭ دامۋى ءۇشىن ۇلەس قوسامىن“.
10 - ايدىڭ 21 - كۇنى تۇستەن بۇرىن اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق حالىق قۇرىلتايى تۇراقتى كوميتەتى قازىنا - ەكونوميكا كوميتەتىنىڭ ورىنباسار مەڭگەرۋشىسى گاۋ جيانلۇڭ باركول قازاق اۆتونوميالى اۋدانىندا ۇگىت - لەكسيا جاسادى. تۇستەن كەيىن ول باركول قالاشىعى شينشى جولى الەۋمەتتىك اۋماعىنا كەلىپ، الەۋمەتتىك اۋماقتاعى كادر - بۇقارامەن پىكىرلەستى. كوپشىلىك ۇگىت - لەكسيا بايانداماسىن تىڭداعاننان كەيىن بىلاي دەستى: يدەيا مەن ارەكەتتى ءماجىلىس رۋحىمەن بىرلىككە كەلتىرىپ، كۇش - قۋاتتى ماجىلىستە بەلگىلەنگەن ءتۇرلى نىسانا - مىندەتتەرگە شوعىرلاندىرىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا كۇش قوسامىز.
”ۇگىت - لەكسيا وتە جاندى بولىپ، كوپشىلىكتىڭ ىقىلاسىن ايرىقشا اۋداردى، نازاريالىق جاقتان بيىكتەن شولىپ، اسا جاندى مىسالدار كەلتىرىلدى، مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى جونىندە اناعۇرلىم تەرەڭ تانىم مەن تۇسىنىككە يە بولدىم“، - دەدى وسى اۋدانداعى شىرىنزى اۋىلدىق پارتكومنىڭ مۇشەسى، ءتارتىپ تەكسەرۋ كوميتەتىنىڭ شۋجيى كۇڭ يۋەليڭ.
10 - ايدىڭ 21 - كۇنى اۆتونوميالى رايوننىڭ ۇگىت - لەكسيا ۇيىرمەسىنىڭ مۇشەسى، اۆتونوميالى رايوندىق پارتكوم پارتيا مەكتەبىنىڭ (اكىمشىلىك شۋەيۋانى) ورىنباسار باستىعى (شۋەيۋاننىڭ ورىنباسار باستىعى) دۋان لياڭ لوپنۇر اۋدانىندا ۇگىت - لەكسيا جاسادى.
لوپنۇر اۋداندىق پارتكوم ۇگىت ءبولىمىنىڭ ورىنباسار باستىعى، وركەنيەت كەڭسەسىنىڭ مەڭگەرۋشىسى سۇن حۇي بىلاي دەدى: ”بۇل رەتكى ۇگىت - لەكسيا ءبىزدىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ونان ارى تەرەڭدەي تۇسىنۋىمىزگە ۇلكەن كومەگىن تيگىزدى. بۇدان كەيىن اۋداندىق پارتكوم ۇگىت ءبولىمى بۇقارا ۇناتاتىن فورمالار قولدانىپ، ءماجىلىس رۋحىن ويداعىداي ۇگىتتەپ، 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن بارشا وتباسىلارعا جەتكىزەدى، بارلىق ادامنىڭ جۇرەگىنە ۇيالاتادى“.
(ءتىلشى لياڭ ليحۋا، قاتىناسقان تىلشىلەر شيا چيڭ، بايىنعولين موڭعۇل اۆتونوميالى وبلىسى تىلشىلەر پۋنكتىنەن لي ليڭ، ەرىكتى تىلشىلەر فان تيڭ، تيان تىڭشان، جوۋ فىڭ، جاڭ شينلۇڭ، نۇربولات، چاڭ شۋەحۇي)
