شينجياڭ گازەتىنىڭ جالپىلىق اقپارات قۇرالدارى ءتىلشىسى حي حۇڭۋي 10 - ايدىڭ 22 - كۇنى شاۋەشەكتەن حابارلايدى. 10 - ايدىڭ 22 - كۇنى اۆتونوميالى رايوننىڭ مال شارۋاشىلىعىنىڭ جوعارى ساپالى دامۋىن جەبەۋدى جۇمىس باسىندا ىلگەرىلەتۋ ءماجىلىسى شاۋەشەك قالاسىندا اشىلىپ، جەر - جەردىڭ تاجىريبەلەرى، تاسىلدەرى جونىندە اۋىس - كۇيىس جاساپ، مال شارۋاشىلىعىن جوعارى ساپالى دامىتۋ قىزمەتىن ىشكەرىلەي اقىلداسىپ جانە ورنالاستىرىپ، جايعاستىرىپ، رايونىمىزدىڭ مال شارۋاشىلىعىنداعى ءىرى رايوننان قۋاتتى رايونعا قاراي ويىسۋىن جەدەل ىلگەرىلەتتى.
اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز ماجىلىسكە قاتىناستى جانە ءسوز سويلەدى.
ءماجىلىس مىنالاردى اتاپ كورسەتتى: مال شارۋاشىلىعى − شينجياڭنىڭ ءداستۇرلى، ەرەكشەلىگى باسىم كاسىپ سالاسى، مال شارۋاشىلىعىنىڭ جوعارى ساپالى دامۋىن جەبەۋ رايونىمىزدىڭ مال شارۋاشىلىعى دەڭگەيىنىڭ جوعارىلاۋىن، دارەجەسىنىڭ ءوسۋىن جەبەۋ، اۋىل شارۋاشىلىعى قۇرىلىمىن اناعۇرلىم ساپالىلاندىرۋ، 1 -، 2 -، 3 - كاسىپ سالالارىنىڭ ءبىرىن - ءبىرى جەبەپ، توعىسا دامۋىن جەتەكتەۋ جونىنەن تەرەڭ ماڭىز الادى.
ءماجىلىس مىنالاردى تالاپ ەتتى: ماسەلەنى باعدار ەتۋگە تاباندى بولىپ، مال شارۋاشىلىعىنىڭ جوعارى ساپالى دامۋىن جەدەل ىلگەرىلەتۋدىڭ شەشۋشى بۋىندارىندا تىڭ تابىستارعا قول جەتكىزىپ، ەتتى قوي ءونىمىن ارتتىرۋ، ءسۇت شارۋاشىلىعىن گۇلدەندىرۋ سياقتى ”بەس ۇلكەن گۇلدەندىرۋ ارەكەتىن“ شىن مانىندە مىقتى يگەرىپ، ءتۇرلى ساياساتتاردىڭ ناقتاپ تياناقتانۋىن كۇش سالا ىلگەرىلەتىپ، ساپالى مال، ءۇي قۇسى تۇقىمدارىمەن قامداۋ قۋاتىن جوعارىلاتۋدى مال شارۋاشىلىعىنىڭ وزەكتى باسەكەلىك قۋاتىن ارتتىرۋدىڭ تەتىگى ەتۋ كەرەك. ءشوپ شارۋاشىلىعى مەن جەم شارۋاشىلىعىنىڭ دامۋىن ءبىر تۇتاس جوسپارلاپ ىلگەرىلەتىپ، ىندەتتەن ساقتانۋدى الدىڭعى ورىنعا قويۋعا تاباندى بولىپ، عىلىم - تەحنيكا تىرەگىمەن قامتاماسىزداندىرۋدى كۇشەيتىپ، مال شارۋاشىلىعىنىڭ كاسىپ سالالانۋ ورەسىن جوعارىلاتىپ، مال شارۋاشىلىعىنىڭ جاسىل دامۋىن جەبەۋدە تىڭ تابىسقا قول جەتكىزۋ كەرەك.
ءماجىلىس مىنالاردى باسا دارىپتەدى: جەر - جەر، قاتىستى تاراۋلار ۇيىمدىق باسشىلىقتى كۇشەيتىپ، قىزمەت جاۋاپكەرشىلىگىن ناقتىلاندىرىپ، سايكەسە سەلبەسۋدى كۇشەيتىپ، جەم - ءشوپ قورى، كۇز، قىس ماۋسىمىندا حايۋانات ىندەتىنەن ساقتانۋ، تىزگىندەۋ، مال شارۋاشىلىق ونىمدەرىن ورنىقتىرۋ، قامداۋمەن قامتاماسىز ەتۋ، مال شارۋاشىلىعىنا تەحنيكالىق جاقتان جەتەكشىلىك ەتۋ، قىزمەت وتەۋ سياقتى مال شارۋاشىلىعىنداعى ءتۇيىندى قىزمەتتەردى شىن مانىندە مىقتى يگەرىپ، مال شارۋاشىلىعىنىڭ جوعارى ساپالى دامۋىن جەدەل ىلگەرىلەتۋگە قاتىستى ساياسات - شارالاردى ناقتاپ، ەگجەي - تەگجەيلى تياناقتاندىرۋ كەرەك.
