− اۆتونوميالى رايوننىڭ جوعارى مەكتەپ ۇگىت - لەكسيا بولىمشە ۇيىرمەسى جوعارى مەكتەپتەرگە بارىپ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى تۋرالى ۇگىت - لەكسيا جاسادى
شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ چۇنحۋا، جاۋ شييا
ۇگىت - لەكسيا اسەرلى بولدى، بايانداۋى، ءتۇسىندىرۋى دالمە - ءدال، تۇسىنىك جاساۋى مۇقيات بولدى... بىرنەشە كۇننەن بەرى اۆتونوميالى رايوننىڭ جوعارى مەكتەپ ۇگىت - لەكسيا بولىمشە ۇيىرمەسى شينجياڭ اۋىل شارۋاشىلىق داشۋەسى، شينجياڭ داشۋەسى، شينجياڭ قازىنا - ەكونوميكا داشۋەسى، حوتان شىفان جوعارى تەحنيكۋمى، بۇراتالا كاسىپتىك تەحنيكا شۋەيۋانى، شينجياڭ ونەركاسىپ كاسىپتىك تەحنيكا شۋەيۋانى سياقتى جوعارى مەكتەپتەرگە بارىپ ۇگىت - لەكسيا جاساپ، قالىڭ وقىتۋشى - وقۋشىلاردى ايرىقشا جىگەرلەندىردى. كوپشىلىك مىنالاردى ءبىلدىردى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، ۇعىنىپ، مۇرات - سەنىمىمىزدى اناعۇرلىم بەكەمدەپ، جاڭا ءداۋىر جۇكتەگەن جاۋاپكەرشىلىك پەن بورىشتى شىن مانىندە ارقالاپ، ءىس جۇزىندىك ارەكەتىمىز ارقىلى جۇڭحۋا ۇلتى ورتاق تۇلعا تانىمىن بەكەمدەپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشىرگەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋعا كۇش قوسامىز.
ۇگىت - لەكسيا ۇيىرمەسىنىڭ مۇشەسى، شينجياڭ داشۋەسى پارتكومىنىڭ ورىنباسار شۋجيى مىڭ فانلي، شينجياڭ شىفان داشۋەسى پارتكومىنىڭ ورىنباسار شۋجيى، مەكتەپ باستىعى پارحات جالەل، شينجياڭ شىفان داشۋەسىنىڭ ورىنباسار باستىعى سۇن شيۋليڭ، شينجياڭ قازىنا - ەكونوميكا داشۋەسى پارتكومىنىڭ ورىنباسار شۋجيى حى پيڭ، شينجياڭ شىفان داشۋەسى ماركسيزم شۋەيۋانىنىڭ ورىنباسار باستىعى لياڭ يۇيچۇن قاتارلىلار 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلۋىنىڭ كەلەلى ءمانىن تەرەڭ ءتۇسىنۋ، 2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرى شينجياڭ قىزمەتىندە قول جەتكىزگەن كەلەلى تابىستاردى تولىق تانۋ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋ، شينجياڭنىڭ قوعام ورنىقتىلىعى مەن باياندى تىنىشتىعىنىڭ ستراتەگيالىق ورنالاستىرۋلارى مەن پارمەندى شارالارىن تىڭعىلىقتى ىلگەرىلەتۋ، پارتيانىڭ جاپپاي باسشىلىعىن كۇشەيتۋ ارقىلى قوعام ورنىقتىلىعى مەن باياندى تىنىشتىقتى بەرىك ساياسي كەپىلدىكپەن قامداۋ، وسكەلەڭ ساياسي سانالىلىقپەن، يدەيالىق سانالىلىقپەن، ارەكەت سانالىلىعىمەن ۇيرەنۋدى، دايەكتىلەندىرۋدى مىقتى يگەرۋ سىندى 6 ءتۇرلى جاقتان ۇگىت - لەكسيا جاسادى. ۇگىت - لەكسيا جۇيەلى، جان - جاقتىلى، مازمۇنى باي بولدى.
”جوعارى مەكتەپتەر’قانداي ادام تاربيەلەۋ، ادامدى قالاي تاربيەلەۋ، كىم ءۇشىن ادام تاربيەلەۋ‘ بورىشىن ارقالاپ وتىر، ءبىز مەكتەپ قۇرۋدا ’بەس تاربيە جاتاعىن‘ تۇتقا، ’ۇشكە كىرۋ، ەكىمەن بايلانىس جاساۋ، بىرمەن دوستاسۋدى‘ دانەكەر ەتىپ، جوعارى مەكتەپتەردىڭ يدەيا - ساياسي تاربيە شەبىن مىقتى يگەرىپ ءارى قىزىل، ءارى مامان، ءمورالدى دا قابىلەتتى دارىندىلاردى باۋلىپ، شينجياڭنىڭ ەكونوميكالىق قۇرىلىسىن كۇش - قۋاتى مىعىم دارىندىلارمەن قامداۋدى قامتاماسىزداندىرۋىمىز كەرەك“، - دەدى 10 - ايدىڭ 21 - كۇنى تۇستەن كەيىن شينجياڭ قازىنا - ەكونوميكا داشۋەسى وقۋشىلار قىزمەتى ءبولىمىنىڭ باستىعى ۋي شين ۇگىت - لەكسيانى تىڭداپ بولعاننان كەيىن.
10 - ايدىڭ 22 - كۇنى شينجياڭ ونەركاسىپ كاسىپتىك تەحنيكا شۋەيۋانىنىڭ بايانداما جاساۋ زالىندا، 300دەن ارتىق وقىتۋشى - وقۋشى ناق مايداندا ۇگىت - لەكسيا تىڭدادى. شينجياڭ ونەركاسىپ كاسىپتىك تەحنيكا شۋەيۋانى يدەيا - ساياسي تاربيە وقىتۋ ءبولىمىنىڭ وقىتۋشىسى ياۋ چيانيۇي ءبىر جاعىنان، تىڭداپ، ءبىر جاعىنان، ەستەلىك الىپ، ەستەلىك قاتيراسىنا جىپىرلاتىپ جازىپ جاتتى.
”جوعارى مەكتەپتىڭ يدەيا - ساياسي وقىتۋشىسى رەتىندە، مەن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىمەن وي - سانامدى قارۋلاندىرۋىم، امالياتقا جەتەكشىلىك ەتتىرۋىم كەرەك. تاربيەلەۋ، وقىتۋ بارىسىندا، ساباقحانا وقىتۋى سىندى وسى نەگىزگى ارنادان ويداعىداي پايدالانىپ، يدەيا - ساياسي تاربيەنىڭ باۋرام كۇشى مەن باعىتتامالىلىعىن ۇزدىكسىز كۇشەيتۋ ارقىلى وقۋشىلاردىڭ ءوسىپ - جەتىلۋىن، دامۋ قاجەتىن جانە ءۇمىتىن قاناعاتتاندىرامىن“، - دەدى ياۋ چيانيۇي.
”ۇگىت - لەكسيانى تىڭداپ، مەنىڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى جونىندەگى تۇسىنىگىم ءتىپتى تەرەڭدەپ، مەكەنىمىزدىڭ بولاشاقتاعى دامۋى جونىندە تولىق سەنىمگە يە بولدىم“. شينجياڭ ونەركاسىپ كاسىپتىك تەحنيكا شۋەيۋانى بۇعالترلىق كاسىبىنىڭ 2 - جىلدىعىن وقىپ جاتقان وقۋشى جاڭ زىحان مىنانى ءبىلدىردى: ”مەن ۋاقىتتى قادىرلەپ جاقسى ۇيرەنىپ، وزىندىك قابىلەتىمدى كۇشەيتۋگە قۇلشىنىپ، جاڭا داۋىردەگى جۇڭگوشا سوتسياليستىك شينجياڭ قۇرۋعا اقىل - پاراساتىمدى ارنايمىن“.
2014 - جىلدان 2019 - جىلعا دەيىن، شينجياڭ ءوڭىرىنىڭ ءوندىرىس جالپى ءونىم قۇنى 919 ميلليارد 590 ميلليون يۋاننان ءبىر تريلليون 359 ميلليارد 710 ميلليون يۋانعا ارتىپ، جىلدىق ورتاشا ارتۋى ％7.2 بولدى... سيفرلار تابىستاردى بەينەلەيدى ءارى جاس شاكىرتتەردى قۇلشىنا ۇيرەنۋگە، تالاپتى بولۋعا، كۇرەسكەر بولۋعا شابىتتاندىرادى.
شينجياڭ داشۋەسىنىڭ وقىتۋشى - وقۋشىلارى جاپا - تارماعاي مىنالاردى ءبىلدىردى: 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن ىشكەرىلەي ۇيرەنىپ، دايەكتىلەندىرىپ، جاۋاپكەرشىلىك ارقالاۋدى اناعۇرلىم كۇشەيتىپ، توراڭعى رۋحىن جانە بيڭتۋان رۋحىن قۇلشىنا امالياتتان وتكىزىپ، جاڭا داۋىردە شەكارا وڭىرگە تامىر تارتىپ، شەكارا وڭىرگە ۇلەس قوسىپ، جاڭا داۋىردە جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا تيەسەلى ۇلەسىمىزدى قوسامىز.
