− جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە تۇسىرەمىز
حالىق گازەتى باسماقالاسى
بيىل − جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعى. ”قوس 100 جىلدىق“ كۇرەس نىساناسىنىڭ تاريحي توعىسۋ تۇيىنىندە تۇرىپ، جۇڭگو حالىق ەرىكتىلەر ارمياسىنىڭ سىڭىرگەن وشپەس تاريحي ەڭبەگىن ەسكە الىپ، ايبىنى اسقاق قاھارماندىق ماداق جىرىن جازعان، ادامزاتتىڭ سوعىس تاريحىندا ءالسىزدىڭ كۇشتىنى جەڭۋىنىڭ شۇعىلالى ۇلگىسىن جاراتقان ەرىكتىلەر ارمياسىنىڭ قولباسىلارى مەن جاۋىنگەرلەرىنە قۇرمەت ءبىلدىرىپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن زور كۇشپەن اسقاقتاتۋ بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن جاڭا ءداۋىردىڭ جاڭا ساپارىندا تار جول، تايعاق كەشۋلەردەن تايسالماي وتۋگە، ەرلىكپەن العا ىلگەرىلەۋگە جىگەرلەندىرۋدە جانە جۇمىلدىرۋدا كەلەلى ماڭىزعا يە.
باس شۋجي شي جينپيڭ: ”امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ جەڭىسى − ادىلەتتىڭ جەڭىسى، بەيبىتشىلىكتىڭ جەڭىسى، حالىقتىڭ جەڭىسى“ دەپ اتاپ كورسەتتى. 70 جىلدىڭ الدىندا تۋىلعان سول سوعىستى يمپەرياليستىك شاپقىنشىلار جۇڭگو حالقىنا زورلاپ تاڭعان. امەريكانىڭ شىمىرىكپەستەن چاۋشيانعا جالپى بەتتىك سوعىس قوزعاپ ءارى جۇڭگو ۇكىمەتىنىڭ تالاي رەتكى ەسكەرتۋىن ەلەمەي، سوعىس ءورتىن جاڭا ومىرگە كەلگەن جۇڭحۋا حالىق رەسپۋبليكاسىنىڭ تەرريتورياسىنا دەيىن تۇتاتقان قىسىلتاياڭ ساتتە، جۇڭگو پارتياسى مەن ۇكىمەتى امەريكا جيھانگەرلەرىنە قارسى تۇرىپ، چاۋشيانعا كومەك بەرۋ، مەكەندى، وتاندى قورعاۋ تاريحي شەشىمىن باتىل جاساپ، بەيبىتشىلىكتى قورعاۋدىڭ تاريحي بورىشىن ەرجۇرەك قاھارماندىق جىگەرمەن ۇستىنە الدى. بۇل − دۇنيە جۇزىلىك 2 - سوعىستان كەيىنگى ءبىرىنشى زور كولەمدەگى حالىقارا سيپاتتى ءىشىنارالىق سوعىس، تىم تەڭسىز، اسا جاپا - ماشاقاتتى جاعدايدا، قاھارمان جۇڭگو حالىق ەرىكتىلەر ارمياسى ادىلەت تۋىن بيىك ۇستاپ، چاۋشيان حالقىمەن جانە ارمياسىمەن بىرگە، 2 جىل 9 اي بويى ولىمنەن قورىقپاي قاندى شايقاس جۇرگىزىپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ۇلى جەڭىسىنە قول جەتكىزدى. بۇل − بەيبىتشىلىكتى قورعاۋدىڭ، شاپقىنشىلىققا قارسىلىق كورسەتۋدىڭ ادىلەتتى سوعىسى، ول جۇڭگو كوممۋنيستىك پارتياسى مەن حالىق ارمياسىنىڭ توڭكەرىستىك رۋحىن اسقاقتاتىپ جانە ساۋلەلەندىرىپ، قيىن - قىستاۋ سوعىستىڭ سىنىنان وتكەن حالىق ارمياسىن ونان ارى شىڭداپ، جاڭا جۇڭگونىڭ ەل ايبىنىن جانە حالىق ارمياسىنىڭ ارميا ايبىنىن ايگىلەپ، دۇنيەنى ءدۇر سىلكىندىرگەن، كورگەن جاننىڭ كوزىنە جاس الدىرعان سوعىس كەرەمەتىن جاراتتى. بۇل − بۇكىل ەلدەگى ءار ۇلت حالقى بىرگە جازعان ايبىندى جەڭىس جىرى رەتىندە، جۇڭحۋا ۇلتىنىڭ زورلىق - زومبىلىقتان قورىقپاۋ، دۇنيە ءجۇزىنىڭ بەيبىتشىلىگىن قورعاۋ باتىل بەكىمى مەن قۋاتتى كۇشىن تولىق ايگىلەپ، ەلىمىزدىڭ حالىقاراداعى ورنىن بارىنشا جوعارىلاتىپ، بۇكىل دۇنيە جۇزىندەگى ەزىلگەن ۇلتتار مەن حالىقتاردىڭ ۇلت تاۋەلسىزدىگى مەن حالىقتىڭ ازاتتىعىنا قول جەتكىزۋ ادىلەتتى ىسىنە بارىنشا مەدەت بەرىپ، دۇنيە ءجۇزىنىڭ بەيبىتشىلىگى مەن ادامزاتتىڭ العاباسارلىق ىستەرىن بارىنشا ىلگەرىلەتتى.
وتكەن ىستەردى اينا ەتىپ، بولاشاقتى بىلەمىز. امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسى جەڭىسكە جەتكەننەن بەرى، جۇڭگودا جەر مەن كوكتەي وزگەرىستەر جارىققا شىقتى. پارتيامىز بۇكىل ەلدەگى ءار ۇلت حالقىن قايراتتانا ۇمتىلۋعا، قاجىرلىلىقپەن شارۋاشىلىق قۇرۋعا ىنتىماقتاستىرىپ، باستاپ، كۇللى دۇنيەنى جالت قاراتقان دامۋ جەتىستىكتەرىن جاراتىپ، جۇڭگوشا سوتسياليزم جولىن ءساتتى تۇردە اشتى، جۇڭگوشا سوتسياليزم جاڭا داۋىرگە ەندى، كەدەيلىكتەن ارىلتۋدان قامال الۋ شايقاسىنىڭ، جاپپاي دوڭگەلەك داۋلەتتى قوعام ورناتۋدىڭ جەڭىسىنە جەتۋ الدىندا تۇرمىز، جۇڭحۋا ۇلتىنىڭ ۇلى گۇلدەنۋى نۇرلى بولاشاقتى قارسى الدى. بۇگىنگى دۇنيە ءجۇزى 100 جىلدا بولماعان زور وزگەرىستەردى باستان كەشىرۋدە، ەلىمىز جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ شەشۋشى مەزگىلىندە تۇر، پارتيامىز حالىقتى ىنتىماقتاستىرىپ، باستاپ، كوپتەگەن جاڭا تاريحي ەرەكشەلىكتەرگە يە ۇلى كۇرەستەردى جۇرگىزۋدە. جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە تۇسىرۋدە، دامۋ وي جەلىسىمەن، ۇزاق بولاشاقتىق كوزقاراسپەن تاريحتى پارلاپ، رەال بولمىستى باقىلاپ، بولاشاق تۋرالى تولعانىپ، تاريحي تاجىريبەلەردى اناعۇرلىم جاقسى قابىلداپ، ودان رەال جانە ۇزاق بولاشاقتىق ونەگە الىپ، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋدىڭ قۇدىرەتتى كۇشىن ۇيىستىرۋ كەرەك.
جۇڭگو حالىق ەرىكتىلەر ارمياسىنىڭ كۇش قاينارى، سونداي - اق ونىڭ جەڭىسكە جەتۋىنىڭ ءتۇبىرلى سەبەبى − امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ادىلەتتىلىگى. بۇل ادىلەت سوعىس بۇكىل دۇنيە جۇزىندەگى بەيبىتشىلىكتى سۇيەتىن مەملەكەتتەر مەن حالىقتاردىڭ تىلەۋلەستىگىنە، قولداۋىنا جانە كومەگىنە يە بولىپ، ەڭ سوڭىندا ادىلەتشىل قوسىن سوعىس جەڭىسىنە قول جەتكىزىپ، يمپەرياليزمنىڭ ىرگە كەڭەيتۋ كولەمى ورنالاستىرۋىن بىت - شىت ەتىپ، ازيانىڭ، سونداي - اق دۇنيە ءجۇزىنىڭ بەيبىتشىلىگىن قورعادى. ”ءبىزدىڭ ءىسىمىز ادىلەتتى. ادىلەتتى ءىستى ءارقانداي جاۋ بۇلدىرە المايدى“. جۇڭگو حالقى بەيبىتشىلىكتى سۇيەدى، بەيبىتشىلىكتى قاستەرلەيدى، دۇنيە ءجۇزىنىڭ بەيبىتشىلىگىن قورعاۋدى، زورەكەرلىك پەن وكتەمدىك ساياسيعا قارسى تۇرۋدى ءوزىنىڭ قاسيەتتى بورىشى ەسەپتەپ، حالىقارالىق تالاس - تارتىستاردى قيت ەتسە بولدى قارۋلى كۇش قولدانۋ ارقىلى نەمەسە قارۋلى كۇشپەن سەس كورسەتۋ ارقىلى ءبىر جاقتى ەتۋگە باتىل قارسى تۇرادى، اتالمىش ”دەموكراتيا“، ”ەركىندىك“، ”ادامدىق ۇقىعى“ سياقتىلاردى جەلەۋ ەتىپ، باسقا ەلدەردىڭ ىشكى ىسىنە قيسىنسىز كيلىگۋگە باتىل قارسى تۇرادى. العا ىلگەرىلەۋ جولىندا، ءبىز جۇڭگو كوممۋنيستىك پارتياسىنىڭ باسشىلىعىنا تاباندى بولىپ، جۇڭگوشا سوتسياليزم جولىمەن تاباندىلىقپەن ءجۇرىپ، حالىقتى وزەك ەتكەن دامۋ يدەياسىنا تاباندى بولىپ، بەيبىت دامۋ جولىمەن بۇلجىماي ءجۇرىپ، تاريحتىڭ دۇرىس جاعىندا تۇرىپ، حالىقارالىق ءمورال جاعىندا تۇرىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىنە قول جەتكىزۋ، جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋ جولىندا تالماي كۇرەس جۇرگىزۋىمىز، دۇنيە ءجۇزىنىڭ بەيبىتشىلىگىن قورعاۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋىمىز كەرەك.
باس شۋجي شي جينپيڭ بىلاي دەپ اتاپ كورسەتتى: ”امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسى سومداعان، قالىپتاستىرعان امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحى اسا قىمباتتى رۋحاني بايلىق، ونىڭ جۇڭگو حالقى مەن جۇڭحۋا ۇلتىن بارلىق ماشاقاتتى، قيىندىقتى، قاتەردى، كەدەرگىنى جويۋعا، بارلىق كۇشتى جاۋلاردى جەڭۋگە جىگەرلەندىرەتىندىگى ءشۇباسىز“. امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحى − جۇڭگو كوممۋنيستەرى مەن حالىق ارمياسىنىڭ وسكەلەڭ قاسيەتىنىڭ جاندى بەينەسى، جۇڭحۋا ۇلتىنىڭ ءداستۇرلى كوركەم ءمورالى مەن ۇلتتىق قاسيەتىنىڭ شوعىرلى بەينەسى، وتانشىلدىقتى وزەك ەتكەن ۇلت رۋحىنىڭ جاندى ايگىسى. العا ىلگەرىلەۋ جولىندا، ءبىز ءتۇرلى - ءتۇستى حاۋىپ - قاتەرلەرگە، سىن - سايىستارعا ءالى دە جولىعامىز، ءتۇرلى - ءتۇستى قيىن - قىستاۋ جاعدايلارعا دا جولىعامىز، پارتيا تاريحىن، جاڭا جۇڭگو تاريحىن، رەفورما جاساۋ، ەسىك اشۋ تاريحىن، سوتسياليزمنىڭ دامۋ تاريحىن جاقسى ۇيرەنىپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن زور كۇشپەن اسقاقتاتىپ، اۋەلگى ماقساتتى، بورىشتى ەستە بەرىك ساقتاپ، ءسوز جوق، جەڭىسكە جەتۋ سەنىمىن بەكەمدەپ، كۇرەسكەرلىك رۋحىن ساۋلەلەندىرىپ، كۇرەس جۇرگىزۋ قابىلەتىن كۇشەيتىپ، بارلىق قيىنشىلىقتى جەڭۋ، قيىنشىلىققا دەس بەرمەۋ بەكىمىمەن جانە ەرلىك - جىگەرىمەن ەكىنشى 100 جىلدىق كۇرەس نىساناسىنا قاراي شەرۋ تارتۋىمىز كەرەك.
امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ۇلى جەڭىسى بىزگە مىناداي وي سالدى: ويانعان، وتاننىڭ داڭقى، تاۋەلسىزدىگى جانە حاۋىپسىزدىگى ءۇشىن باتىلدىقپەن شايقاسا الاتىن ۇلت جەڭىلمەيدى. ءارقانداي ادامنىڭ، ءارقانداي كۇشتىڭ زورەكەرلىك تاسىلمەن ولاردىڭ ەركىن جۇڭگوعا زورلاپ تاڭۋعا، جۇڭگونىڭ العا باسۋ بەتالىسىن وزگەرتۋگە، جۇڭگو حالقىنىڭ ءوزىنىڭ تاماشا تۇرمىسىن جاراتۋ قۇلشىنىسىنا كەدەرگىلىك جاساۋعا ۇرىنۋىنا جۇڭگو حالقى استە جول بەرمەيدى. جاڭا داۋىردە ەكپىندەي ىلگەرىلەپ، جاڭا ساپاردى باستايىق، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، ءبىر نيەتپەن جۇمىلىپ، قيىندىقتاردان قامال الىپ، العان بەتتەن قايتپاي العا ىلگەرىلەي بەرەيىك. جۇڭحۋا ۇلتىنىڭ ۇلى گۇلدەنۋگە بەت العان تاريحي قادامىن بوگەۋگە كەلمەيتىندىگىن تاريحتىڭ دالەلدەيتىندىگى ءشۇباسىز!
(شينحۋا اگەنتتىگىنىڭ 10 - ايدىڭ 22 - كۇنى بەيجيڭنەن بەرگەن حابارى)
