جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى ءماجىلىس اشتى
”13 - بەسجىلدىق“ جوبانىڭ اتقارىلۋىن قورىتىندىلاۋ، باعالاۋ مالىمەتىن تىڭدادى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى
شينحۋا اگەنتتىگىنىڭ 10 - ايدىڭ 22 - كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ تۇراقتى كوميتەتى 10 - ايدىڭ 22 - كۇنى ءماجىلىس اشىپ، ”13 - بەسجىلدىق“ جوبانىڭ اتقارىلۋىن قورىتىندىلاۋ، باعالاۋ مالىمەتىن تىڭدادى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى شي جينپيڭ ءماجىلىستى باسقاردى ءارى ماڭىزدى ءسوز سويلەدى.
شي جينپيڭ بىلاي دەپ اتاپ كورسەتتى: ”13 - بەسجىلدىقتان“ بەرى پارتيا ورتالىق كوميتەتى بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن ىنتىماقتاستىرىپ، باستاپ، ”بەستى ءبىر تۇلعالاندىرۋ“ جالپى تۇلعالىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، ورنىقتىلىق بارىسىندا ىلگەرىلەۋ قىزمەت جالپى ارناسىنا تاباندى بولىپ، جاڭا دامۋ ۇستانىمىن مىزعىماستان دايەكتىلەندىرىپ، قامداۋ جاعىنداعى قۇرىلىمدىق رەفورمانى نەگىزگى جەلى ەتۋگە تاباندى بولىپ، جوعارى ساپالى دامۋدى ىلگەرىلەتىپ، دامۋدىڭ بىركەلكى بولماۋ، تولىق بولماۋ قايشىلىقتارىن، ماسەلەلەرىن پارمەندى، ءتارتىپتى شەشىپ، سىرتقى سىن - سايىس كورنەكتى جوعارىلاعان كۇردەلى جاعدايعا سابىرلىلىقپەن، بايسالدىلىقپەن توتەپ بەرىپ، جاڭا تيپتى ايدارشا ۆيرۋس وكپە قابىنۋ ىندەتىنىڭ اۋىر سوققىسىنا باتىل، قايسارلىقپەن قارسى اتتانىپ، بەلگىلەنگەن نىسانا مەن مىندەتكە قاراي تاباندىلىقپەن ىلگەرىلەدى، ”13 - بەسجىلدىق“ جوبا ءساتتى اتقارىلىپ، باستى كورسەتكىشتەر جالپى تۇلعالىق جاقتان ۋاعىندا ىسكە اسىپ، كەلەلى ستراتەگيالىق مىندەتتەر جانە 165 كەلەلى ينجەنەريا نىسانى جالپى بەتتىك تياناقتانىپ، ونىمدىلىك كورسەتىپ، جوبادا بەلگىلەنگەن نىسانالار مەن مىندەتتەر جەڭىسپەن ورىندالۋ الدىندا تۇر.
شي جينپيڭ بىلاي دەپ باسا دارىپتەدى: ”13 - بەسجىلدىق“ مەزگىلدەگى دامۋ ارقىلى ەلىمىزدىڭ ەكونوميكالىق ناقتى قۋاتى، عىلىم - تەحنيكالىق ناقتى قۋاتى، جالپىلىق مەملەكەت قۋاتى تىڭ ساتىعا كوتەرىلدى، ەكونوميكالىق اينالىم جالپى تۇلعالىق جاقتان ورنىقتى بولدى، ەكونوميكالىق قۇرىلىم ۇزدىكسىز ساپالىلاندى، اۋىل شارۋاشىلىعىن وسىزامانداندىرۋ ورنىقتى قاداممەن ىلگەرىلەدى، كەدەيلىكتەن ارىلتۋدان قامال الۋ جەتىستىكتەرى دۇنيە ءجۇزىن جالت قاراتتى، لاستانۋدان ساقتانۋ جانە ونى جونگە سالۋ سەرپىنى بۇرىن بولماعان دارەجەدە ارتىپ، ەكولوگيالىق ورتا كورنەكتى جاقسارىپ، رەفورمانى جالپى بەتتىك تەرەڭدەتۋ ەلەۋلى ناتيجەگە قول جەتكىزىپ، سىرتقا ەسىك اشۋ ۇزدىكسىز كەڭەيىپ، ”ءبىر بەلدەۋ، ءبىر جولدى“ بىرگە قۇرۋ مول تابىسقا قول جەتكىزىپ، حالىقتىڭ تۇرمىس ورەسى كورنەكتى جوعارىلاپ، مەملەكەتتى جونگە سالۋ جۇيەسى مەن جونگە سالۋ قابىلەتىن وسىزامانداندىرۋ جەدەل ىلگەرىلەدى. ءتىپتى دە ماڭىزدىسى، ”13 - بەسجىلدىق“ امالياتى بارىسىندا، جۇڭگو كوممۋنيستىك پارتياسىنىڭ باسشىلىعى مەن ەلىمىزدىڭ سوتسياليستىك ءتۇزىمىنىڭ ابزالدىلىعى اناعۇرلىم ايگىلەندى، جاڭا دامۋ ۇستانىمى جۇرت جۇرەگىنە ءتىپتى دە تەرەڭ ۇيالادى، قالىڭ پارتيالى كادرلاردىڭ ساياسي قاسيەتى مەن كۇرەس جاساۋ رۋحى، كۇرەس جاساۋ قابىلەتى شىڭدالدى، بۇكىل ەلدەگى ءار ۇلت حالقىنىڭ رۋحاني بەت - بەينەسى اناعۇرلىم اسقاقتاپ، جاپپاي سوتسياليستىك وسىزاماندانعان مەملەكەت قۇرۋ جاڭا ساپارىن باستاۋعا پارمەندى ساياسي كەپىلدىك جانە قۋاتتى ەكپىندەي ىلگەرىلەۋ كۇش - قۋاتىن ازىرلەدى.
ءماجىلىس مىنالاردى اتاپ كورسەتتى: ”13 - بەسجىلدىق“ جوبانى اياقتاتۋ جانە ”14 - بەسجىلدىق“ جوبانى جاساۋ قىزمەتىن بار كۇشپەن جاقسى ىستەپ، تاباندىلىقپەن، جەڭىسپەن العا ىلگەرىلەپ، كەدەيلىكتەن ارىلتۋدان قامال الۋ مىندەتىن قاداعالاۋدان بوساڭسىماي، لاستانۋدان ساقتانۋدىڭ جانە ونى جونگە سالۋدىڭ تاباندىلىعىن ساقتاۋدان مىزعىماي، ەلەۋلى حاۋىپ - قاتەرلەردەن ساقتانۋ جانە ونى جويۋ سىندى ارقاۋدى مىقتاپ شيراتۋدان بوساڭسىماي، حالىق تۇرمىسىن جاقسارتۋدى ىلگەرىلەتۋدە ەنجارلىق ىستەمەي، ”13 - بەسجىلدىق“ جوبانىڭ نىسانالارى مەن مىندەتتەرىن تولىق ورىنداپ، جاپپاي دوڭگەلەك داۋلەتتى قوعام ورناتۋ كۇرەس نىساناسىنىڭ جۇزەگە اسۋىنا شىنايى كەپىلدىك ەتۋ كەرەك.
ءماجىلىس مىنالاردى باسا دارىپتەدى: ءار جاق كۇش - قايراتتى پارتيا ورتالىق كوميتەتىنىڭ ورنالاستىرۋلارىن دايەكتىلەندىرۋگە، ”14 - بەسجىلدىق“ مەزگىلىندەگى دامۋدى جوسپارلاپ ىلگەرىلەتۋگە اناعۇرلىم شوعىرلاندىرىپ، جۇڭحۋا ۇلتى ۇلى گۇلدەنۋىنىڭ ستراتەگيالىق جالپى جاعدايىن جانە دۇنيە جۇزىندە 100 جىلدا بولماعان زور وزگەرىستى كوكەيدە ساقتاپ، ەلىمىز قوعامىنداعى باستى قايشىلىقتىڭ وزگەرىسى الا كەلگەن جاڭا ەرەكشەلىكتەردى، جاڭا تالاپتاردى جەتە تانىپ، كۇرمەۋى كوپ كۇردەلى حالىقارالىق ورتا الا كەلگەن جاڭا قايشىلىقتاردى، جاڭا سىن - سايىستاردى جەتە تانىپ، ”14 - بەسجىلدىق“ مەزگىلىندە ەلىمىز جاڭا دامۋ كەزەڭىنە كىرەدى دەيتىن كەلەلى تۇجىرىمدى جەتە تانىپ، جاڭا دامۋ ۇستانىمىن دايەكتىلەندىرىپ، تياناقتاندىرىپ، جوعارى ساپالى دامۋدى ىلگەرىلەتۋمەن تىعىز بايلانىستىرىپ، ەل ءىشى ۇلكەن اينالىمىن نەگىزگى تۇلعا ەتكەن، ەل ءىشى مەن حالىقارا قوس اينالىم ءبىرىن - ءبىرى جەبەيتىن جاڭا دامۋ ارناسىن كۇش سالا تۇلعالاۋ كەرەك. ۇتىمدى جاعدايدان پايدالانىپ ەرلىكپەن العا ۇمتىلىپ، ”قوس 100 جىلدىق“ كۇرەس نىساناسىنىڭ ورگانيكالى ۇشتاسۋىن جەبەپ، جاپپاي سوتسياليستىك وسىزاماندانعان مەملەكەت قۇرۋعا جاقسى باستاما اشىپ، جاقسى قادام تاستاۋ كەرەك.
ءماجىلىس باسقا دا ىستەردى اقىلداستى.
