تيانشان تورى   ›   جاڭالىقتار   ›   اۋىل - قىستاقتى گۇلدەندىرۋ

مەملەكەت بويىنشا كەدەيلىكتەن ارىلتۋدان قامال الۋداعى وزاتتاردىڭ ىزگى ىستەرىنەن ارالاپ بايانداما جاساۋ ءماجىلىسى ۇرىمجىدە وتكىزىلدى

  شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 10 - ايدىڭ 23 - كۇنى ۇرىمجىدەن حابارلايدى. 10 - ايدىڭ 23 - كۇنى تۇستەن بۇرىن، مەملەكەتتىك كەڭەستىڭ كەدەيلەردى سۇيەمەلدەۋ كەڭسەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرۋشى شيا گىڭشىڭ باستاعان مەملەكەت بويىنشا كەدەيلىكتەن ارىلتۋدان قامال الۋداعى وزاتتاردىڭ ىزگى ىستەرىنەن ارالاپ بايانداما جاساۋ 4 - ۇيىرمەسى ۇرىمجىدە ىزگى ىستەر جونىندە بايانداما جاسادى.

  بايانداما جاساۋ ماجىلىسىندە، شيا گىڭشىڭ باس شۋجي شي جينپيڭنىڭ 7 - رەتكى مەملەكەتتىك كەدەيلەردى سۇيەمەلدەۋ كۇنى كەلۋ قارساڭىندا كەدەيلىكتەن ارىلتۋدان قامال الۋ قىزمەتىنە جاساعان ماڭىزدى نۇسقاۋىن جانە لي كىچياڭ زۇڭليدىڭ بەكىتپەسىن جەتكىزدى. ول مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، كەدەيلىكتەن ارىلتۋدان قامال الۋ نىسانا - ولشەمىنە تۋرالانىپ، ”ءتورتتى توقتاتپاۋ“ تالابىن قاتاڭ تياناقتاندىرىپ، كوپ ءتۇرلى شارانى قاتار اتقارىپ كەدەيلىكتەن ارىلتۋ تابىستارىن بەكەمدەۋ كەرەك. ۇلگىلەردىڭ جەتەكتەۋ رولىن ساۋلەلەندىرىپ، ءار دارەجەلى، ءار ءتۇرلى كومەكتەسۋ، سۇيەمەلدەۋ تۇلعالارىنا كوڭىل ءبولىپ، قامقورلىق جاساپ، كەدەيلىكتەن ارىلتۋدان قامال الۋدىڭ وڭ ەنەرگياسىن تاسقىنداتۋ كەرەك.

  بايانداما جاساۋ ۇيىرمەسىنىڭ مۇشەلەرى زى گۇيشين، لۇڭ حۇي، ليۋ شۋاڭيان، گو شياۋرۇڭ، دانزىڭ چىڭلاي، يۋان شياڭديڭ، لىڭ جۇيجىن كەدەيلىكتەن ارىلتۋدان قامال الۋدىڭ ءبىرىنشى شەبىندەگى ءتول كەشىرمەلەرىن، تيپتىك تاجىريبەلەرىن بايانداپ، ناق مايداندا دۇركىن - دۇركىن شاپالاق ۇنىنە يە بولدى.

  بايانداما جاساۋ ءماجىلىسى بەينەەكران فورماسىندا اۋىل - قالاشىق دارەجەسىنە دەيىن اشىلدى.

  اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز بايانداما جاساۋ ءماجىلىسىن باسقاردى. اۆتونوميالى رايوننىڭ باسشىلارىنان ءمۇتالىپ قاسىم، ءمۇتالىپ وبۇل، كۇڭ شيڭلۇڭ بايانداما جاساۋ ماجىلىسىنە قاتىناستى.

جاۋاپتى رەداكتور : سايراش تۇرارجان

ەسكەرتۋ:

تورابىمىزداعى مازمۇنداردىڭ مەنشىك ۇقىعى شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسىنە ءتان، جاريالانعان مازمۇنداردى سىلتەمەسىز كوشىرۋگە بولمايدى. كوشىرىپ پايدالانۋعا تۋرا كەلگەندە، «تيانشان تورى » الىنعانى انىق ەسكەرتىلۋى ءتيىس، بولماسا زاڭدىق جاۋاپكەرلىگى قۋزاستىرىلادى.