ۇيرەنۋدىڭ، ۇگىتتەۋدىڭ، دايەكتىلەندىرۋدىڭ تەرەڭدەتىلۋىن، جۇرەككە ۇيالاۋىن، ناقتىلانۋىن ىلگەرىلەتۋ كەرەك
شينجياڭ گازەتىنىڭ جالپىلىق اقپارات قۇرالدارى تىلشىلەرى جاۋ جىيۇن، لياڭ ليحۋا 10 - ايدىڭ 23 - كۇنى ۇرىمجىدەن حابارلايدى. 10 - ايدىڭ 21 - كۇنىنەن 23 - كۇنىنە دەيىن اۆتونوميالى رايوندىق پارتكومنىڭ تۇراقتى مۇشەسى، ءۇرىمجى قالالىق پارتكومنىڭ شۋجيى شۇي حايرۇڭ، اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز، اۆتونوميالى رايوندىق پارتكومنىڭ تۇراقتى مۇشەسى، ۇگىت ءبولىمىنىڭ باستىعى تيان ۋىن جەكە - جەكە رايونىمىزداعى ءار ۇلت كادر، جۇمىسشى - قىزمەتكەرلەرىنە 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى تۋرالى ۇگىت - لەكسيا جاسادى.
10 - ايدىڭ 22 - كۇنى تۇستەن كەيىن شۇي حايرۇڭ ءۇرىمجى قالاسىنداعى كادرلارعا ۇگىت - لەكسيا جاسادى. شۇي حايرۇڭ 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىمەن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىمەن تىعىز بايلانىستىرىپ، تاريح پەن بولمىستى ۇشتاستىرۋعا، نازاريا مەن امالياتتى ۇشتاستىرۋعا تاباندى بولىپ، التى جاقتان جالپى بەتتىك جۇيەلى تۇردە، جاي سوزبەن تەرەڭ ماعىنا ۇعىندىرىپ، بايانداپ ءتۇسىندىردى. شۇي حايرۇڭ بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، شينجياڭ قىزمەتىنىڭ باس نىساناسىن مىقتى يگەرىپ، وسكەلەڭ ساياسي جاۋاپكەرشىلىك سەزىممەن جانە بورىشتىلىق سەزىممەن، ءتۇرلى مىندەتتەردىڭ تياناقتاندىرىلۋىن بار كۇشپەن ويداعىداي يگەرىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىنىڭ شينجياڭ تاراۋىن ويداعىداي جازۋعا كۇش سالۋ كەرەك. ءماجىلىس رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى كەلەلى ساياسي مىندەت رەتىندە ماڭىزدى ورىنعا قويۋ كەرەك. ىشكەرىلەي ۇيرەنىپ، باسشىلار باستاماشىلدىقپەن ۇيرەنۋگە تاباندى بولىپ، رۋحاني ءمانىن ۇعىنىپ، ۇيرەنۋدىڭ، دايەكتىلەندىرۋدىڭ تەرەڭدەتىلۋىن، جۇرەككە ۇيالاۋىن، ناقتىلانۋىن ىلگەرىلەتۋ كەرەك؛ كەڭ كولەمدە ۇگىتتەپ، ۇگىت - لەكسيا قيمىلىن جىككە، تۇرگە ءبولىپ ورىستەتىپ، جۇرت جۇرەگىنە تەرەڭ ۇيالاتىپ، قۇدىرەتتى وڭ ەنەرگيا توپتاۋ كەرەك؛ تياناقتاندىرۋدى مىقتى يگەرىپ، كەزەكتەگى ءتۇرلى قىزمەتتەردى تيتتەي بوساڭسىماستان ويداعىداي يگەرىپ، ىندەتتەن ساقتانۋ - تىزگىندەۋدى ۇدايىلاندىرۋ، ەكونوميكانىڭ جوعارى ساپالى دامۋى، كەدەيلىكتەن ارىلتۋدان قامال الۋ، ورنىقتىلىقتى قورعاۋ سياقتى قىزمەتتەردى تىڭعىلىقتى ىلگەرىلەتىپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ شينجياڭدا تياناقتانىپ، تامىر تارتۋىنا شىنايى كەپىلدىك ەتۋ كەرەك.
10 - ايدىڭ 23 - كۇنى ەركىن تۇنياز مادەنيەت، ساياحات، اۋىل شارۋاشىلىعى، توتەنشە جاعدايعا توتەپ بەرۋدى باسقارۋ، اۋا رايى قاتارلى جۇيەلەردەگى كادرلارعا ۇگىت - لەكسيا جاساعاندا بىلاي دەپ باسا دارىپتەدى: شىن مانىندە ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، ىنتىماقتى، جاراسىمدى، گۇلدەنگەن، باي، وركەنيەتتى، العا باسقان، تىنىش ءومىر، شات - شادىمان تىرشىلىك كەشكەن، ەكولوگياسى تاماشا جاڭا داۋىردەگى جۇڭگوشا سوتسياليستىك شينجياڭ قۇرۋ جولىندا تالماي كۇرەس جۇرگىزۋ كەرەك. ۇيرەنۋدى، ۇگىتتەۋدى ۇزدىكسىز ىشكەرىلەي ورىستەتىپ، باسشى كادرلار الدىمەن ونەگە كورسەتىپ، پارتيالى كادرلاردىڭ بارلىعى سويلەپ، بارشا جۇرتقا تەگىس جەتكىزۋ كەرەك. ۇيرەنۋ، ۇگىتتەۋ قىزمەتىمەن ۇشتاستىرىپ، اۋىل شارۋاشىلىعى تاراۋلارى كەدەيلىكتەن جاپپاي ارىلتۋ مەن اۋىل - قىستاقتى گۇلدەندىرۋدىڭ ورگانيكالى تۇردە توعىسۋىن ۇزدىكسىز ىلگەرىلەتىپ، ”1 - كاسىپ سالاسىنىڭ دەڭگەيىن جوعارىلاتۋدى، ساپانى ءوسىرىپ، ونىمدىلىكتى ارتتىرۋدى“ تياناقتاندىرىپ، اۋىل شارۋاشىلىق ونىمدەرىن جىنتىكتەي مانەرلەۋدى ىلگەرىلەتىپ، كاسىپ سالاسى تىزبەگىن، قۇن تىزبەگىن ۇزارتۋ كەرەك. مادەنيەت - ساياحات تاراۋلارى شينجياڭدى مادەنيەتپەن نارلەندىرۋدى ىشكەرىلەي ىلگەرىلەتىپ، شينجياڭ تاريحىن دۇرىس بەينەلەيتىن، جۇڭحۋا مادەنيەتىنىڭ مايەگىنە باي، بۇقارا قۋانا قۇپ الاتىن سارا تۋىندىلار مەن تاتىمدى شىعارمالاردان ءبىر توبىن شىعارىپ، جۇڭحۋا مادەنيەتىنىڭ مەكتەپتەرگە، وتباسىلارعا كىرۋىن ىلگەرىلەتۋ كەرەك؛ ساياحات ارقىلى شينجياڭدى گۇلدەندىرۋ ستراتەگياسىن زور كۇشپەن ىلگەرىلەتىپ، ۇگىتتەۋ، تانىستىرۋ سەرپىنىن كۇشەيتىپ، ساياحات شارۋاشىلىعىنىڭ جاندانۋىن جەدەلدەتىپ، قىسقى، كوكتەمگى ساياحات ىستەرىن ويداعىداي جۇرگىزۋ كەرەك. توتەنشە جاعدايعا توتەپ بەرۋدى باسقارۋ، اۋا رايى سياقتى تاراۋلار اپاتتان ساقتانۋ، اپاتتان قۇتقارۋ جۇيەسى مەن قابىلەتى قۇرىلىسىن كۇشەيتىپ، جاراتىلىستىق اپاتتاردى قاداعالاۋ، ساقتاندىرۋ جانە ودان قورعانۋ قابىلەتىن جوعارىلاتىپ، حالىق بۇقاراسىنىڭ ءومىرى مەن مال - مۇلكىنىڭ حاۋىپسىزدىگىن قامتاماسىز ەتۋ كەرەك.
10 - ايدىڭ 21 - ، 22 - كۇندەرى تيان ۋىن جەكە - جەكە اۆتونوميالى رايوندىق پارتكوم ۇگىت بولىمىندەگى بارلىق كادرلارعا، دەمالىسقا، زەينەتكە شىققان كادرلارعا، سونداي - اق اۆتونوميالى رايوننىڭ ۇگىت، مادەنيەت جۇيەسىندەگى ورىنباسار باسقارما دارەجەلىدەن جوعارى كادرلارعا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحى تۋرالى ۇگىت - لەكسيا جاسادى. تيان ۋىن 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ كەلەلى ماڭىزىن تەرەڭ ۇعىنۋ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرۋ، شينجياڭنىڭ قوعام ورنىقتىلىعى مەن باياندى تىنىشتىق ستراتەگيالىق ورنالاستىرۋىن تىڭعىلىقتى ىلگەرىلەتۋدىڭ كەلەلى شارالارى، پارتيانىڭ باسشىلىعىن كۇشەيتىپ، قوعام ورنىقتىلىعى مەن باياندى تىنىشتىققا پارمەندى ساياسي كەپىلدىك ازىرلەۋ، وسكەلەڭ ساياسي سانالىلىق، يدەيالىق سانالىلىق، ارەكەت سانالىلىعى ارقىلى ۇيرەنۋدى، ۇگىتتەۋدى، دايەكتىلەندىرۋدى ويداعىداي يگەرۋ سياقتى جاقتاردان ءماجىلىس رۋحىن ەگجەي - تەگجەيلى باياندادى جانە ءتۇسىندىردى. تيان ۋىن بىلاي دەپ اتاپ كورسەتتى: ءماجىلىس رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە مۇنان بىلايعى ءبىر مەزگىلدەگى كەلەلى ساياسي مىندەت رەتىندە ماڭىزدى ورىنعا قويىپ، دايەكتىلەندىرۋدى، تياناقتاندىرۋدى ويداعىداي يگەرۋ كەرەك. قاز - قالپىندا، ءسوز - سويلەمىن قۋالاي ۇيرەنىپ، ۇيرەنۋدىڭ تەرەڭدەتىلۋىن، جۇرەككە ۇيالاۋىن، ناقتىلانۋىن ىلگەرىلەتۋ كەرەك. اقپارات قۇرالدارى دەن قويا جوبالاپ، ماڭىزدى ورىنداردا، ۋاقىت بولىكتەرىندە ارناۋلى ايدار، ارناۋلى تاقىرىپ اشىپ، ءماجىلىس رۋحىن ىشكەرىلەي كەڭ كولەمدە ءتۇسىندىرۋ كەرەك. ءار دارەجەلى ۇگىت تاراۋلارى باي مازمۇندى، الۋان فورمالى ۇگىت - لەكسيا ۇيىمداستىرىپ، ءماجىلىس رۋحىنىڭ جۇرت جۇرەگىنە تەرەڭ ۇيالاۋىن ىلگەرىلەتىپ، ءوز جەرىنىڭ ءىس جۇزىندىك جاعدايىمەن ۇشتاستىرىپ، قىزمەت جوباسىن جاساپ، مىندەتتەردى اشالاپ، جىكتەپ، پارتيا ورتالىق كوميتەتىنىڭ شەشىمدەرىنىڭ، ورنالاستىرۋلارىنىڭ شينجياڭدا تياناقتانىپ، تامىر تارتۋىنا شىنايى كەپىلدىك ەتۋ كەرەك.
