− باس شۋجي شي جينپيڭنىڭ جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ جەڭىسى − ادىلەتتىڭ جەڭىسى، بەيبىتشىلىكتىڭ جەڭىسى، حالىقتىڭ جەڭىسى. وسى ۇلى جەڭىس جۇڭگو حالقىنىڭ ورنىنان تۇرىپ دۇنيەنىڭ شىعىسىندا ەڭسە كوتەرگەندىگىنىڭ جارناماسى، جۇڭحۋا ۇلتىنىڭ ۇلى گۇلدەنۋگە بەت الۋىنىڭ ماڭىزدى بەلەسى ساناتىندا جۇڭگو مەن دۇنيە ءجۇزى ءۇشىن كەلەلى دە تەرەڭ ماڭىزعا يە.
10 - ايدىڭ 23 - كۇنى جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسى بەيجيڭدە سالتاناتپەن وتكىزىلدى. باس شۋجي شي جينپيڭ جينالىستا ماڭىزدى ءسوز سويلەپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ۇلى جەڭىسى مەن وراسان زور ۇلەسىن جاپپاي ەسكە الىپ، قورىتىندىلاپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ رۋحىنىڭ تاريحي ماڭىزى مەن داۋىرلىك قۇنىن تەرەڭدەي بايىمدادى، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسى سالعان تاريحي ويدى جىنتىكتەي ءتۇسىندىرىپ، مەملەكەت تەرريتورياسىنىڭ يەلىك ۇقىعى مەن ءبىر تۇتاستىعىن قورعاۋ، ءوڭىردىڭ جانە دۇنيە ءجۇزىنىڭ بەيبىتشىلىگىن، ورنىقتىلىعىن قورعاۋ، ادامزاتتىڭ تاعدىرلاس ورتاق تۇلعاسىن ورناتۋدى ىلگەرىلەتۋ بەرىك تۇرعىسى مەن بەكىمىن سالتاناتپەن جاريالاپ، بۇكىل پارتيانى، بۇكىل ارميانى، بۇكىل ەلدەگى ءار ۇلت حالقىن جاڭا داۋىردە امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن جالعاستىرىپ جانە اسقاقتاتىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە جەتۋ، جاڭا داۋىردەگى جۇڭگوشا سوتسياليزمنىڭ ۇلى جەڭىسىن قولعا كەلتىرۋ، جۇڭگو ارمانىن، ارميانى قۇدىرەتتەندىرۋ ارمانىن جۇزەگە اسىرۋ جولىندا قاجىماي - تالماي كۇرەس جاساپ، دۇنيە ءجۇزىنىڭ بەيبىتشىلىگىن قورعاۋعا، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋگە اناعۇرلىم زور ۇلەس قوسۋعا شابىتتاندىردى جانە ىنتالاندىردى.
جاڭا جۇڭگو قۇرىلعان العاشقى كەزدە، بارلىق ءىس گۇلدەندىرۋدى، بارلىق سالا كوركەيتۋدى كۇتىپ تۇردى، جۇڭگو حالقى بەيبىتشىلىك پەن تىنىشتىقتى شەكسىز كوكسەدى. الايدا جۇڭگو حالقىنىڭ بۇل ءۇمىت - تىلەگى ورەسكەل سىن - سايىسقا تاپ بولدى، يمپەرياليستىك شاپقىنشىلار سوعىستى جۇڭگو حالقىنا زورلاپ تاڭدى. قىسىلتاياڭ ساتتە، چاۋشيان پارتياسى مەن ۇكىمەتىنىڭ وتىنىشىنە ساي، جۇڭگو پارتياسى مەن ۇكىمەتى ەرەسەن ارىنمەن جانە باتىل پاراساتتىلىقپەن امەريكا جيھانگەرلەرىنە قارسى تۇرىپ، چاۋشيانعا كومەك بەرۋ، وتاندى قورعاۋ سىندى تاريحي شەشىم جاسادى. جۇڭحۋانىڭ تاڭداۋلى ۇلاندارىنان ۇيىمداسقان جۇڭگو حالىق ەرىكتىلەر ارمياسى حالىقتىڭ كەلەلى تاپسىرماسىن، ۇلتتىڭ ءۇمىتىن ارقالاپ، بەيبىتشىلىكتى قورعاۋ، شاپقىنشىلىققا قارسى تۇرۋ ادىلەت تۋىن بيىك ۇستاپ، چاۋشيان حالقىمەن جانە ارمياسىمەن بىرگە، 2 جىل 9 اي اسا ماشاقاتتى قان كەشكەن سوعىستى باستان وتكىزىپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ۇلى جەڭىسىنە قول جەتكىزدى. امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى سوعىسى يمپەرياليزمنىڭ شاپقىنشىلىعىنا، ىرگە كەڭەيتۋىنە توتەپ بەرىپ، جاڭا جۇڭگونىڭ حاۋىپسىزدىگىن قورعادى، جۇڭگو حالقىنىڭ بەيبىت تۇرمىسىن قورعادى، چاۋشيان تۇبەگىنىڭ جاعدايىن ورنىقتىردى، ازيانىڭ جانە دۇنيە ءجۇزىنىڭ بەيبىتشىلىگىن قورعادى. امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ۇلى جەڭىسى جۇڭحۋا ۇلتىنىڭ تاريحىنا ماڭگى كەستەلەنەدى! ادامزاتتىڭ بەيبىتشىلىك، دامۋ، العا باسۋ تاريحىنا ماڭگى كەستەلەنەدى!
امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسى − سوعىسۋشى ەكى جاقتىڭ كۇشىندە وراسان زور پارىق بولعان جاعدايدا جۇرىلگەن وسىزاماندانعان سوعىس. وسىنداي تىم تەڭسىز، اسا جاپا - ماشاقاتتى جاعدايدا جۇڭگو حالىق ەرىكتىلەر ارمياسى چاۋشياننىڭ ارميا - حالقىمەن تىعىز سايكەسىپ، ايباتتى دا اسقاق سوعىس ۇلى كەرەمەتىن جاراتتى. امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسى كەزىندە، پارتيا ورتالىق كوميتەتى جالپى جاعدايدى تەگىس مەڭگەرىپ، بۇكىل ەلدەگى ءار ۇلت حالقىمەن بۇكىل ەل بويىنشا ءبىر نيەتتە بولىپ، وسى رەتكى مەملەكەت پەن ۇلتتىڭ كەلەشەك تاعدىرىنا ساياتىن ۇلى قارسى كۇرەسكە تىرەك بولىپ، اقىرىندا ۇلى جەڭىسىمەن دۇنيە جۇزىنە ”باتىس شاپقىنشىلارىنىڭ نەشە ءجۇز جىلداردان بەرگى شىعىستا ءبىر تەڭىز جاعالاۋىنا بىرنەشە زەڭبىرەك قۇرسا بولعانى ءبىر مەملەكەتتى باسىپ الاتىن زامانى كەلمەسكە كەتكەنىن“ جاريالادى! بۇل سوعىستىڭ ناتيجەسىندە جەر مەن سۋدى، وتان مەن وتباسىن امان ساقتاپ، جۇڭگو حالقىنىڭ زورلىق - زومبىلىقتان قورىقپايتىن قۇرىش جىگەرىن تولىق كورسەتتى. بۇل سوعىس جۇڭگو حالقىنىڭ رۋحىن اسقاقتاتىپ، جۇڭگو حالقىنىڭ ءبىر نيەتپەن جۇمىلعان قايىسپاس قاسيەتىن تولىق كورسەتتى. بۇل سوعىس دۇنيە ءجۇزىن جۇڭگوعا شىت جاڭا كوزبەن قاراتىپ، جۇڭگو حالقىنىڭ دۇنيە ءجۇزىنىڭ بەيبىتشىلىگىن قورعاۋ باتىل بەكىمىن تولىق كورسەتتى. بۇل سوعىس حالىق ارمياسىنىڭ جاۋىنگەرلىك قۋاتىنىڭ دۇنيە ءجۇزىن ءدۇر سىلكىندىرگەندىگىن، باتىل سوعىس جۇرگىزىپ، ءسوزسىز، جەڭۋدەي مويىماس قايسارلىعىن تولىق كورسەتتى. بۇل سوعىس ادىلەتتىڭ وكتەمدىكتى، ءسوزسىز، جەڭەتىندىگىن، بەيبىتشىلىك پەن دامۋدىڭ بوگەۋ بەرمەيتىن تاريح اعىنى ەكەنىن تاعى دا دالەلدەدى.
باس شۋجي شي جينپيڭ بىلاي دەپ اتاپ كورسەتتى: ”امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحى ۋاقىت پەن كەڭىستىكتەن اسىپ ءوتىپ، ۋاقىت وتكەن سايىن جاڭاردى، ءسوز جوق، ماڭگى جالعاستىرۋ، ۇرپاقتار بويى اسقاقتاتۋ كەرەك“. امەريكا جيھانگەرلەرىنە قارسى تۇرىپ، چاۋشيانعا كومەك بەرۋدىڭ ايبىنى اسقاق سوعىسىندا، ەرجۇرەك جۇڭگو حالىق ەرىكتىلەر ارمياسى وتان مەن حالىقتىڭ مۇددەسىن بارىنەن جوعارى قوياتىن، وتان مەن ۇلت نامىسى ءۇشىن جانقيارلىق وتانشىلدىق رۋحتى، ەرجۇرەك تە قايىسپاس، ءولىمدى ەلەڭ قۇرلى كورمەيتىن توڭكەرىستىك قاھارماندىق رۋحتى، جاپا - ماشاقاتتان، قيىنشىلىقتان قورىقپايتىن، قاي - قاشان دا اسقاقتاعان جاۋىنگەرلىك جىگەردى ساقتايتىن توڭكەرىستىك ءۇمىتشىل رۋحتى، وتان مەن حالىق جۇكتەگەن تاپسىرمانى ورىنداۋ جولىندا وزىندەگىنىڭ بارلىعىن جومارتتىقپەن اتايتىن توڭكەرىستىك ادال رۋحتى، ادامزاتتىڭ بەيبىتشىلىگى مەن ادىلەت ىستەرى ءۇشىن كۇرەس جاسايتىن ينتەرناتسيوناليزمدىك رۋحتى باستان - اياق اسقاقتاتىپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن سومدادى. وسى ۇلى رۋح، اسا باعالى رۋحاني بايلىق، ءسوز جوق، جۇڭگو حالقى مەن جۇڭحۋا ۇلتىن جاپا - ماشاقات، كەدەرگى اتاۋلىنى جەڭۋگە، كۇشتى جاۋدى جەڭۋگە شابىتتاندىرادى. مەيلى زامان قالاي دامىسىن، ءبىز قاشاندا زورەكەرلەردەن قورىقپايتىن، وكتەمدىككە قارسى تۇراتىن ۇلت جىگەرىن شىڭداۋىمىز، قاشاندا جالپى جۇرت ءبىر نيەتپەن بىلەك بىرىكتىرىپ، تىلەك توعىستىراتىن ۇلت كۇشىن ۇيىستىرۋىمىز، قاشاندا ءولىمدى ەلەڭ قۇرلى كورمەيتىن، اجال الشىسىنان كەلمەيتىن ۇلت جىگەرىن سومداۋىمىز، قاشاندا تۋراشىلدىقتى ساقتاپ، جاڭالىق اشاتىن، ەرلىكپەن العا ۇمتىلاتىن ۇلت پاراساتىن قاۋلاتۋىمىز كەرەك.
70 جىلدىڭ الدىنداعى امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى سوعسىنا قايىرىلا قاراپ، كوپتەگەن جاڭا تاريحي ەرەكشەلىكتەرگە يە ۇلى كۇرەستەر جاساپ، جۇڭحۋا ۇلتىنىڭ ۇلى گۇلدەنۋىنىڭ جارقىن كەلەشەگىنە كوز تاستاساق، ءبىز شەكسىز مىعىم كۇشكە، شەكسىز سەنىمگە يە بولامىز. سونىمەن بىرگە ءبىز مىنانى دا تەرەڭ اڭعارۋىمىز ءتيىس: العا ىلگەرىلەۋ جولى قاي - قاشان دا ءساتتى بولا بەرمەيدى، ءالى دە ءتۇرلى حاۋىپ - قاتەرلەر مەن سىن - سايىستارعا ءدوپ كەلەمىز، ءتۇرلى قيىنشلىقتار مەن ساتسىزدىكتەرگە ۇشىراسامىز. ءبىز شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن اسقاقتاتىپ، ايبارلى ەرلىكپەن، اسقاق رۋحپەن كۇرەس جاساۋعا باتىل بولىپ، كۇرەس جاساۋعا شەبەر بولىپ، قيىندىققا قارسى اتتانىپ، قايسارلىقپەن العا ىلگەرىلەپ، سوتسياليستىك وسىزاماندانعان مەملەكەتتى جاپپاي قۇرۋدىڭ تىڭ ساپارىن بەتكە الىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋدى بەتكە الىپ، ۇزدىكسىز ەرلىكپەن ىلگەرىلەۋىمىز كەرەك!
(شينحۋا اگەنتتىگىنىڭ 10 - ايدىڭ 23 - كۇنى بەيجيڭنەن بەرگەن حابارى)
