وسكەلەڭ ساياسي سانالىلىق، يدەيالىق سانالىلىق، ارەكەت سانالىلىعى ارقىلى ۇيرەنۋدى، ۇگىتتەۋدى، دايەكتىلەندىرۋدى، تياناقتاندىرۋدى ويداعىداي يگەرۋ كەرەك
شينجياڭ گازەتىنىڭ جالپىلىق اقپارات قۇرالدارى ءتىلشىسى لي ياڭ 10 - ايدىڭ 23 - كۇنى ۇرىمجىدەن حابارلايدى. 10 - ايدىڭ 20 - كۇنى تۇستەن بۇرىن، اۆتونوميالى رايوندىق پارتكومنىڭ ورىنباسار شۋجيى، وقۋ - اعارتۋ قىزمەت كوميتەتىنىڭ شۋجيى لي پىڭشين اۆتونوميالى رايوننىڭ وقۋ - اعارتۋ جۇيەسىندە 3 - رەتكى ورتالىقتىڭ شينجياڭ قىزمەتى اڭگىمە ءماجىلىسىنىڭ رۋحى جونىندە ۇگىت - لەكسيا جاسادى.
ۇگىت - لەكسيا جاساۋ بايانداما ماجىلىسىندە لي پىڭشين 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، دايەكتىلەندىرۋدى مىقتاپ ارقاۋ ەتىپ، ”3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسى اشىلۋىنىڭ ماڭىزدى ءمانىن تەرەڭ ۇعىنايىق“، ”2 - رەتكى ورتالىقتىڭ شينجياڭ قىزمەتى جونىندەگى اڭگىمە ماجىلىسىنەن بەرگى شينجياڭ قىزمەتىندە قول جەتكىزگەن ماڭىزدى جەتىستىكتەردى تولىق تانيىق“، ”جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرەيىك“، ”ءتۇيىندى قىزمەتتەردى جالپى بەتتىك يگەرەيىك“، ”ءماجىلىس رۋحىن دايەكتىلەندىرۋدى، تياناقتاندىرۋدى شىنايى، ويداعىداي يگەرەيىك“ سياقتى جاقتاردان ۇگىت - لەكسيا جاسادى.
لي پىڭشين مىنالاردى باسا دارىپتەدى: اۆتونوميالى رايوننىڭ وقۋ - اعارتۋ جۇيەسى اۆتونوميالى رايوندىق 9 - كەزەكتى پارتكومى ونىنشى جالپى ءماجىلىسىنىڭ ورنالاستىرۋلارى، تالاپتارى بويىنشا 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ۇيرەنۋدى، ۇگىتتەۋدى، دايەكتىلەندىرۋدى كەزەكتەگى جانە بۇدان كەيىنگى ءبىر مەزگىلدەگى كەلەلى ساياسي مىندەت ەتىپ، وسكەلەڭ ساياسي سانالىلىق، يدەيالىق سانالىلىق، ارەكەت سانالىلىعى ارقىلى دايەكتىلەندىرۋدى، تياناقتاندىرۋدى ويداعىداي يگەرۋ كەرەك. ءماجىلىس رۋحىن جالپى بەتتىك، جۇيەلى ۇيرەنىپ، تولىق، دالمە - ءدال ۇعىنىپ، وقۋ - اعارتۋ جۇيەسىنىڭ تاربيەلەۋ بايلىعى باسىمدىعىن تولىق ساۋلەلەندىرىپ، ۇيرەنۋدىڭ، دايەكتىلەندىرۋدىڭ تەرەڭدەي ءتۇسۋىن، جۇرەككە ۇيالاۋىن، ناقتىلانۋىن ىلگەرىلەتۋ كەرەك. ءماجىلىس رۋحىن جان - جاقتى، كوپ جىكتى ويداعىداي ۇگىتتەپ، ويداعىداي ءتۇسىندىرىپ، وقۋ - اعارتۋ اكىمشىلىگى تاراۋلارىنداعى جانە جوعارى مەكتەپتەردەگى مامان - وقىمىستىلاردى، ت. ب ۇيىمداستىرىپ، جەر - جەردەگى جوعارى مەكتەپتەرگە ىشكەرىلەي كىرىپ، بەتپە - بەت ۇگىت - لەكسيا ورىستەتىپ، ءماجىلىس رۋحىن جۇرت جۇرەگىنە تەرەڭ ۇيالاتۋ كەرەك. 3 - رەتكى ورتالىقتىڭ شينجياڭ قىزمەتى جونىندەگى اڭگىمە ءماجىلىسىنىڭ رۋحىن، اسىرەسە، باس شۋجي شي جينپيڭنىڭ ماڭىزدى ءسوزىنىڭ رۋحىن ءار دارەجەلى، ءار ءتۇرلى مەكتەپتەردىڭ يدەيالىق ساياسي ساباعىنا ەنگىزىپ، مادەنيەت ارقىلى شينجياڭدى نارلەندىرۋ ينجەنەرياسىن اتقارۋمەن ۇشتاستىرىپ، ءماجىلىس رۋحىن وقىتۋ ماتەريالدارىنا ەنگىزۋدى، ساباقحاناعا ەنگىزۋدى، وقىتۋشى - وقۋشىلاردىڭ وي - ساناسىنا ۇيالاتۋدى ىلگەرىلەتىپ، جاڭا داۋىردەگى جۇڭگوشا سوتسياليستىك شينجياڭ قۇرۋدىڭ تەلەگەي كۇشىن ۇيىستىرۋ كەرەك.
لي پىڭشين مىنالاردى باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىمەن رۋح سومداپ، ادام تاربيەلەۋگە تاباندى بولىپ، پارتيانىڭ وقۋ - اعارتۋ قىزمەتىنە جالپى بەتتىك باسشىلىعىن شىن مانىندە كۇشەيتىپ، پارتيانىڭ وقۋ - اعارتۋ باعىتىنىڭ جانە پارتيا ورتالىق كوميتەتىنىڭ وقۋ - اعارتۋ قىزمەتى جونىندەگى شەشىمدەرىنىڭ، ورنالاستىرۋلارىنىڭ قاز - قالپىندا تياناقتانىپ، تامىر تارتۋىنا شىنايى كەپىلدىك ەتۋ كەرەك. مادەنيەت ارقىلى شينجياڭدى نارلەندىرۋ ينجەنەرياسىن ىشكەرىلەي اتقارىپ، ءار ۇلت وقىتۋشى - وقۋشىلار اراسىندا جۇڭحۋا ۇلتى ورتاق تۇلعا تانىمىن بەرىك ورناتۋ كەرەك. مەملەكەتتە ءبىر تۇتاس قولدانىلاتىن ءتىلدى جاپپاي قامتىعان وقۋ - اعارتۋ، وقىتۋ جۇيەسىن كەمەلدەندىرىپ، ىندەتتەن ساقتانۋ - تىزگىندەۋدى ۇدايىلاندىرۋمەن ءوزارا ۇشتاسقان وقۋ - اعارتۋ، وقىتۋ ءتارتىبىن ورناتىپ، شينجياڭ وقۋ - اعارتۋىنىڭ جوعارى ساپالى دامۋىن ىلگەرىلەتۋ كەرەك.
اۆتونوميالى رايوننىڭ ورىنباسار ءتوراعاسى جاۋ چيڭ ءماجىلىستى باسقاردى، اۆتونوميالى رايوننىڭ ورىنباسار ءتوراعاسى سۇن حۇڭمەي ماجىلىسكە قاتىناستى.
بايانداما ءماجىلىسى بەينە ەكران ءماجىلىسى فورماسىندا اشىلدى. اۆتونوميالى رايوندىق پارتكوم وقۋ - اعارتۋ قىزمەتى كوميتەتىندەگى، اۆتونوميالى رايوندىق وقۋ - اعارتۋ مەڭگەرمەسىندەگى قاتىستى جاۋاپتى جولداستار، اۆتونوميالى رايونعا قاراستى ورتا، جوعارى كاسىپتىك مەكتەپتەردىڭ باسقارۋ تاراۋلارىنداعى قاتىستى جاۋاپتى جولداستار، اۆتونوميالى رايونعا قاراستى ءىشىنارا جوعارى مەكتەپتەردەگى، ورتا، جوعارى كاسىپتىك مەكتەپتەردەگى، حالىق باسقارۋىنداعى جوعارى مەكتەپتەردەگى جاۋاپتى جولداستار نەگىزگى ءماجىلىس الاڭىندا ماجىلىسكە قاتىناستى. ءارقايسى ايماق، وبلىس، قالالاردا، اۋدان، قالا، رايونداردا بولىمشە ءماجىلىس الاڭى ورنالاستىرىلدى.
