انار بۇلت حابارى. 10 - ايدىڭ 25 - كۇنى، شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسى قاشقاردىڭ ىندەتتەن ساقتانۋ - تىزگىندەۋ قىزمەتى جونىندە اقپار جاريالاۋ ءماجىلىسىن اشتى ءارى تىلشىلەردىڭ سۇراۋىنا جاۋاپ بەردى.
اقپار جاريالاۋ ماجىلىسىندە، شينجياڭ ۇيعۇر اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى گۋ يڭسۋ بىلاي دەپ تانىستىردى: قازىر، قاشقار ايماعىنىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابى ءبىرىنشى دارەجەلى اتتانىسقا كەلۋ دابىلىن قاقتى.
ىندەت تۋىلعاننان كەيىن، قاشقار كونەءشار اۋدانىنىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابى شۇعىل جاعدايعا توتەپ بەرۋ مەحانيزمىن دەرەۋ ىسكە قوستى. اۆتونوميالى رايوندىق پارتكوم جۇقپالى اۋرۋلاردى ۇيلەسىمدى ٴبىر جاقتى ەتۋ، ٴار ۇلت بۇقاراسىنىڭ دەنساۋلىعى مەن باس اماندىعىنا كەپىلدىك ەتۋ جونىندە دەر كەزىندە ورنالاستىرۋ، جايعاستىرۋلار جاسادى، ءارى قىزمەت گرۋپپاسىن، ماماندار گرۋپپاسىن قاشقارعا جىبەرىپ ساقتانۋ - تىزگىندەۋ قىزمەتىنە جەتەكشىلىك ەتتى؛ قاشقار ايماعىنىڭ ىندەتتەن ساقتانۋ - تىزگىندەۋ قىزمەتى قولباسشىلىق شتابى ءبىرىنشى دارەجەلى اتتانىسقا كەلۋ دابىلىن دەرەۋ ىسكە قوستى، اۆتونوميالى رايوننىڭ، ايماقتىڭ بىرلەسكەن ماماندار گرۋپپاسى دەرەۋ قاشقار كونەءشار اۋدانىنا بارىپ قىزمەتتى ورىستەتتى، قاتىستى تاراۋلار ىندەت جاعدايىنا دەرەۋ تۇجىرىم جاساۋ، ەپيدەميولوگيالىق اۋرۋ تاريحىن تەكسەرۋ، ءتۇيىندى ادامداردى تەكسەرۋ، نۋكلەين قىشقىلىن تەكسەرۋ قاتارلى قىزمەتتەردى ورىستەتتى. عىلمي شارا قولدانۋعا، دالمە - ءدال ساقتانۋ - تىزگىندەۋگە باتىل تاباندى بولىپ، ىندەتتىڭ ءورشۋىنىڭ، تارالۋىنىڭ الدىن الۋعا شىنايى كەپىلدىك ەتتى. (ءتىلشى ۋاڭ نا)
