تيانشان تورى
تيانشان تورى   ›   جاڭالىقتار   ›   ماڭىزدى حابارلار

جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ بايلانىسىمەن قۇرمەتپەن گۇل شارباق قويۋ سالتى سالتاناتپەن وتكىزىلدى

  شينحۋا اگەنتتىگىنىڭ 10 - ايدىڭ 23 - كۇنى بەيجيڭنەن بەرگەن حابارى. 10 - ايدىڭ 23 - كۇنى جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسى اشىلۋ الدىندا، جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اتىنان قۇرمەتپەن گۇل شارباق قويۋ سالتى لياۋنيڭ شىنياڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ قۇرباندار قابىرستانى، داندۇڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ەسكەرتكىش مۇناراسى جانە چاۋشيان پيڭراڭ جۇڭگو - چاۋشيان دوستىق مۇناراسى، حۇيساڭ جۇڭگو حالىق ەرىكتىلەر ارمياسى قۇرباندار قابىرستانى سياقتى 4 جەردە سالتاناتپەن وتكىزىلدى.

  10 - ايدىڭ 23 - كۇنى تۇستەن بۇرىن ساعات 8دەن 45 مينۋت وتكەندە لياۋنيڭ شىنياڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ قۇرباندار قابىرستانىنا گۇل شارباق قويۋ سالتى رەسمي باستالدى. جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اتىنان قۇرمەتپەن ۇسىنىلعان گۇل شارباق قۇرباندار ەسكەرتكىشىنىڭ ءدال الدىنا قويىلدى. گۇل شارباقتىڭ قىزىل لەنتاسىنا ”جۇڭگو حالىق ەرىكتىلەر ارمياسى قۇرباندارى ماڭگى جاسايدى!“ دەگەن جازۋ جازىلعان.

  جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتىنىڭ ورىنباسار ءتوراعاسى جاڭ يوۋشيا، ورتالىقتاعى پارتيا، ۇكىمەت، ارميا ورىندارىنىڭ قاتىستى تاراۋلارى، لياۋنيڭ ولكەلىك پارتكوم مەن ولكەلىك ۇكىمەت، شىنياڭدا تۇراتىن ازاتتىق ارميا جانە قارۋلى ساقشى بولىمدەرىندەگى جاۋاپتى جولداستار، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنا قاتىناسقان ەرىكتىلەر ارمياسىنىڭ ساقا جاۋىنگەرلەرىنىڭ، ساقا جولداستاردىڭ ۋاكىلدەرى جانە قۇربانداردىڭ تۋىس - تۋعاندارىنىڭ ۋاكىلدەرى، ازاتتىق ارميا جانە قارۋلى ساقشى بولىمدەرىنىڭ كوماندير - جاۋىنگەرلەرىنىڭ ۋاكىلدەرى، مەملەكەت ورگاندارىنىڭ قىزمەتكەرلەرى، ءار سالا بۇقارانىڭ ۋاكىلدەرى، ت. ب قۇرباندار ەسكەرتكىشىنە قاراپ ءۇنسىز قۇرمەت ءبىلدىرىپ، جۇڭگو حالىق ەرىكتىلەر ارمياسى قۇرباندارىنا دەگەن تەرەڭ ساعىنىشى مەن وسكەلەڭ قۇرمەتىن ءبىلدىردى. سوڭىندا بۇكىل الاڭداعى بارلىق ادام قۇرباندار ەسكەرتكىشىن قۇرمەتپەن كوردى ءارى 5 ۇلكەن قۇرباندار قابىرىنا قۇرمەتپەن گۇل قويدى.

  سول كۇنى ساعات 9دا جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اتىنان داندۇڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ەسكەرتكىش مۇناراسىنا قۇرمەتپەن گۇل شارباق قويۋ سالتى سالتاناتپەن وتكىزىلدى، جۇڭگو كوممۋنيستىك پارتياسى لياۋنيڭ ولكەلىك كوميتەتىنىڭ شۋجيى جاڭ گوچيڭ، سونداي - اق ورتالىقتاعى پارتيا، ۇكىمەت، ارميا ورىندارىنىڭ قاتىستى تاراۋلارىنداعى، لياۋنيڭ ولكەلىك پارتكوم مەن ولكەلىك ۇكىمەتتەگى، لياۋنيڭ ولكەلىك اسكەري رايونداعى جانە داندۇڭدا تۇراتىن اسكەري بولىمدەردەگى، ت . ب قاتىستى جولداستار قاتىناستى.

  10 - ايدىڭ 21 - كۇنى جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ اتىنان چاۋشيان پيڭراڭ جۇڭگو - چاۋشيان دوستىق مۇناراسىنا، حۇيساڭ جۇڭگو حالىق ەرىكتىلەر ارمياسى قۇرباندار قابىرستانىنا قۇرمەتپەن گۇل شارباق قويۋ سالتى ىركەس - تىركەس وتكىزىلدى، ەلىمىزدىڭ چاۋشياندا تۇراتىن باس ەلشىسى لي جينجۇن ەلشىلىكتەگى بارلىق قىزمەتكەرلەردى جانە چاۋشيانداعى جۇڭگو جاقتىڭ قىزمەتكەرلەرىنىڭ ۋاكىلدەرىن باستاپ سالتقا قاتىناستى.

  تاياۋدا چاۋشيان كوپ ءتۇرلى فورمالارمەن جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن سالتاناتپەن ەسكە ءتۇسىردى. 10 - ايدىڭ 21 - كۇنى چاۋشيان ەڭبەك پارتياسىنىڭ كوميتەت باستىعى، مەملەكەت ىستەرى كوميتەتىنىڭ باستىعى جين جىڭىن حۇيساڭ جۇڭگو حالىق ەرىكتىلەر ارمياسى قۇرباندار قابىرستانىنا بارىپ قۇرمەتپەن گۇل شارباق قويدى. سول كۇنى چاۋشيان جاق جين جىڭىن اتىنان پيڭراڭ جۇڭگو - چاۋشيان دوستىق مۇناراسىنا قۇرمەتپەن گۇل شارباق قويدى ءارى 10 - ايدىڭ 22 - كۇنى جەكە - جەكە لياۋنيڭ شىنياڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ قۇرباندار قابىرستانىنا، داندۇڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ەسكەرتكىش مۇناراسىنا قۇرمەتپەن گۇل شارباق قويدى. چاۋشياننىڭ پارتيا، ۇكىمەت، ارميا ورىندارىنىڭ قاتىستى قۇرىلىمدارى دا پيڭراڭداعى، حۇيساڭداعى ەسكەرتكىش قۇرىلعىلارىنا قۇرمەتپەن گۇل شارباق قويدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.