− باس شۋجي شي جينپيڭنىڭ جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسىندا سويلەگەن ماڭىزدى ءسوزى رايونىمىزدا قىزۋ اڭىس قوزعادى
شينجياڭ گازەتىنىڭ جالپىلىق اقپارات قۇرالدارى تىلشىلەرى
جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭنىڭ جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسىندا سويلەگەن ماڭىزدى ءسوزى رايونىمىزداعى ءار ۇلت كادر - بۇقاراسىنىڭ قىزۋ اڭىسىن قوزعادى. كوپشىلىك مىنالاردى ءبىلدىردى: امەريكا جيھانگەرلەرىنە قارسى تۇرىپ، چاۋشيانعا كومەك بەرۋ بەيبىتشىلىكتى قورعاپ، شاپقىنشىلىققا قارسى تۇرعان ادىلەتتى شايقاس، ءبىز امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن جالعاستىرىپ جانە اسقاقتاتىپ، جاڭا داۋىردەگى جاڭا ساپاردا توسقاۋىلداردى تالقانداپ، بوگەتتەردى جارىپ ءوتىپ، ەرلىكپەن العا ىلگەرىلەۋىمىز كەرەك.
”باس شۋجيدىڭ ماڭىزدى ءسوزى ادامدى جىگەرلەندىرىپ، العا ۇمتىلۋعا دەم بەرەدى. بەيبىتشىلىكتى قورعاپ، شاپقىنشىلىققا قارسى تۇرۋدىڭ ادىلەت تۋىن بيىك ۇستاعان جۇڭگو حالىق ەرىكتىلەر ارمياسى يالۋجياڭ دارياسىن كەشىپ ءوتىپ، چاۋشيان حالقىمەن جانە ارمياسىمەن بىرگە قان كەشىپ شايقاس جۇرگىزىپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ۇلى جەڭىسىنە قول جەتكىزدى“. امەريكا جيھانگەرلەرىنە قارسى تۇرىپ، چاۋشيانعا كومەك بەرگەن 90 جاستاعى ساقا جاۋىنگەر مۋ حۇڭچيان بىلاي دەدى: ”پارتيا ورتالىق كوميتەتى مەن باس شۋجيدىڭ بىزگە جاساعان قامقورلىعىنا العىس ايتامىن، ءوزىمنىڭ ءتول كەشىرمەلەرىممەن ءتىپتى دە كوپ ادامدارعا ەرىكتىلەر ارمياسىنىڭ قاھارماندىق ىزگى ىستەرىن باياندايمىن، كوپشىلىككە امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسى ۇلى جەڭىسىنىڭ ماڭگى جۇڭحۋا ۇلتى تاريح پاراعىنان ويىپ ورىن الاتىندىعىن، ماڭگى ادامزات بەيبىتشىلىگىنىڭ، دامۋىنىڭ، العا باسۋىنىڭ تاريح پاراعىنان ويىپ ورىن الاتىندىعىن ۇعىندىرامىن“.
قۇتىبي اۋدانى دافىڭ قالاشىعى پارتكومىنىڭ شۋجيى لين چياڭ بىلاي دەدى: باس شۋجي امەريكا جيھانگەرلەرىنە قارسى تۇرىپ، چاۋشيانعا كومەك بەرۋ رۋحىن، ءسوز جوق، ماڭگى جالعاستىرىپ، ۇرپاقتار بويى ساۋلەلەندىرۋ كەرەكتىگىن باسا دارىپتەدى. ءبىز بۇكىل قالاشىقتا ”قوسىننان شەگىنگەن اسكەريلەردىڭ توڭكەرىستىك تاريحي اڭگىمەلەردى ايتۋى“ سياقتى قيمىلداردى مۇقيات ورىستەتىپ، ەرىكتىلەر ارمياسىنداعى قولباسىلار مەن جاۋىنگەرلەردىڭ قاھارماندىق ىزگى ىستەرىن كوكەيگە تەرەڭ ۇيالاتىپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن اسقاقتاتامىز. قوسىننان شەگىنگەن اسكەر، نەگىزگى ساتى اۋىل - قالاشىق پارتكومىنىڭ شۋجيى رەتىندە، مەن ءار ۇلت بۇقاراسىن باستاپ، اناردىڭ دانىندەي تىعىز ىنتىماقتاسىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن تولىق، دالمە - ءدال دايەكتىلەندىرىپ، كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتۋدىڭ شەشۋشى جەڭىسىنە قول جەتكىزىپ، جۇڭحۋا ۇلتىنىڭ ۇلى گۇلدەنۋى سىندى جۇڭگو ارمانىن جۇزەگە اسىرۋ ءۇشىن قاجىماي - تالماي كۇرەس جۇرگىزەمىن.
شينجياڭ سالىق ىستەرى مەكەمەسىنىڭ كادرى لي ياڭنيڭ بىلاي دەدى: ”قوسىننان شەگىنسەك تە رۋحىمىز سونبەيدى، اسكەري كيىمدى شەشسەك تە جۇرەگىمىز اينىمايدى. پارتيا مۇشەسى، قوسىننان شەگىنگەن اسكەر رەتىندە، مەن باس شۋجيدىڭ تالابى بويىنشا، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ رۋحىنىڭ اسەرىندە جانە جىگەرلەندىرۋىندە سالىق جيناۋ قىزمەتىنىڭ مايتالمانى بولۋعا قۇلشىنىپ، سالىق جيناۋداعى ءتۇرلى تيىمدىلىك جاساۋ ساياساتتارىن جالپى بەتتىك تياناقتاندىرىپ، ءىس جۇزىندىك ارەكەتىم ارقىلى سالىق جيناۋ ىستەرىنە ۇلەس قوسامىن“.
10 - ايدىڭ 23 - كۇنى كۇشار قالاسى الاقارعا قالاشىعى باعۋان قىستاعىندا اۆتونوميالى رايوندىق ادام كۇشى بايلىعى جانە قوعامدىق قامتاماسىز ەتۋ مەڭگەرمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەت باستىعى، ءبىرىنشى شۋجيى لي جۇن بىلاي دەدى: امەريكا جيھانگەرلەرىنە قارسى تۇرىپ، چاۋشيانعا كومەك بەرۋ رۋحىندا قامتىلعان وتانشىلدىق رۋح، توڭكەرىستىك قاھارماندىق رۋح، توڭكەرىستىك ۇمىتكەرلىك رۋح، توڭكەرىستىك ادال رۋح، ت. ب، ەڭ باعالى رۋحاني بايلىق. ”ءبىز امەريكا جيھانگەرلەرىنە قارسى تۇرىپ، چاۋشيانعا كومەك بەرۋ رۋحىن، ءسوزسىز، جالعاستىرىپ، ساۋلەلەندىرىپ، ءبىر نيەتپەن سەلبەسىپ، قامال الىپ قيىندىقتاردى جەڭىپ، قىستاق تۇرعىندارىنىڭ تۇرمىسىنىڭ بارعان سايىن جاقسارۋىنا مۇمكىندىك جاسايمىز“.
”مادەنيەت قىزمەتكەرى رەتىندە، ءبىز جۇڭحۋانىڭ تاڭداۋلى ۇلاندارىنىڭ ومىرىمەن جانە ىستىق قانىمەن سومدالعان امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحىن ءتۇرلى ادەبيەت - كوركەمونەر جاسامپازدىعى فورماسىمەن ەستەلىككە الىپ، تاراتىپ، ءاربىرىمىزدىڭ وتان ءۇمىتىن اقتايتىن، حالىققا باقىت جاراتاتىن تەلەگەي قوزعاۋشى كۇشكە اينالدىرامىز“، - دەدى اقىن دۇي شۋە.
شينجياڭ ونەركاسىپ كاسىپتىك تەحنيكا شۋەيۋانى مەحانيكا ينجەنەريا فاكۋلتەتىنىڭ وقىتۋشىسى شۇي يالي بىلاي دەدى: ”باس شۋجيدىڭ ’ۇلى جەڭىستى ەستە بەرىك ساقتاپ، ۇلى ءىستى ىلگەرىلەتۋدى‘ تالاپ ەتۋى العا باسۋ بەتالىسىمىزعا ايقىن نۇسقاۋ كورسەتتى. امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ۇلى جەڭىسى سومداعان، قالىپتاستىرعان امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ۇلى رۋحى باعالى بايلىق. ءبىز توڭكەرىستىك اعا بۋىنداردىڭ حاۋىپ - قاتەردەن جاسقانبايتىن، قامال الىپ، قيىندىقتاردى جەڭەتىن رۋحىنا تاباندى بولىپ جانە ونى جالعاستىرىپ، باس شۋجي شي جينپيڭنىڭ تاپسىرماسىن ەستە بەرىك ساقتاپ، ءۇش كەز مىنبەدەن تاپجىلماي، جاڭا ءداۋىر زيالىلارىنىڭ ’كوكەيدە كوپتى ويلاۋ، ادال نيەتپەن وتان ءۇمىتىن اقتاۋ‘ سىندى وتانشىلدىق سۇيىسپەنشىلىگىن كۇش سالا امالياتتا ايگىلەپ، تولىمدى سوتسياليزم قۇرىلىسشىلارى مەن ءىزباسارلارىن باۋلىپ جەتىلدىرۋگە قۇلشىنىپ، قىزىل ءتۇستى ءداستۇردى ويداعىداي ساۋلەلەندىرىپ، قىزىل ءتۇستى گەندى ويداعىداي جالعاستىرامىز“.
(ءتىلشى جيا چۇنشيا، جازۋعا قاتىسقان تىلشىلەر گى يوۋجۇن، ميھىرگۇل ناسىر، جاڭ جىلي، لي لي، جاۋ چۇنحۋا، ەرىكتى ءتىلشى سۇن فۋچۋان، ۋاڭ ليڭفاڭ)
