اۆتونوميالى رايوندىق پارتكوم تۇتاس رايون بويىنشا بەينە ەكران ءماجىلىسىن اشىپ، ىندەتتەن ساقتانۋ - تىزگىندەۋ قىزمەتىن ورنالاستىردى، جايعاستىردى
عىلمي ساقتانۋ - تىزگىندەۋگە، دالمە - ءدال ساقتانۋ - تىزگىندەۋگە تاباندى بولىپ، ءار ۇلت بۇقاراسىنىڭ ءومىرىن باتىل قورعاۋ كەرەك
چىن چۋانگو ءماجىلىستى باسقاردى جانە ءسوز سويلەدى
شوكىرات زاكىر، شاۋكەت يمىن، نۇرلان ءابىلماجىن، لي پىڭشين ماجىلىسكە قاتىناستى
شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ شيڭرۇي 10 - ايدىڭ 24 - كۇنى ۇرىمجىدەن حابارلايدى. 10 - ايدىڭ 24 - كۇنى كەشتە اۆتونوميالى رايوندىق پارتكوم تۇتاس رايون بويىنشا بەينە ەكران ءماجىلىسىن اشىپ، قاشقار ايماعى كونەءشار اۋدانىنداعى جاڭا تيپتى ايدارشا ۆيرۋس وكپە قابىنۋ ىندەتى جاعدايىن حابارلاپ، ىندەتتەن ساقتانۋ - تىزگىندەۋ قىزمەتىن ورنالاستىردى، جايعاستىردى. اۆتونوميالى رايوندىق پارتكومنىڭ شۋجيى، اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ باستىعى چىن چۋانگو ءماجىلىستى باسقاردى جانە ءسوز سويلەدى.
اۆتونوميالى رايون باسشىلارىنان شوكىرات زاكىر، شاۋكەت يمىن، نۇرلان ءابىلماجىن، لي پىڭشين، شۇي حايرۇڭ، ەركىن تۇنياز، تيان ۋىن، لي يفي، سارقىت اقان، ياڭ شين، جاڭ چۇنلين، ۋاڭ ميڭشان قاتارلىلار ماجىلىسكە قاتىناستى.
چىن چۋانگو بىلاي دەپ باسا دارىپتەدى: باس شۋجي شي جينپيڭنىڭ ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋ قىزمەتىن ءبىر تۇتاس جوسپارلاۋ جونىندەگى ماڭىزدى ءسوزى مەن ماڭىزدى نۇسقاۋىنىڭ رۋحىن مۇقيات دايەكتىلەندىرىپ، سىرتتان كىرۋدەن ساقتانۋ، ىشتە قايتا بەلەڭ بەرۋدەن ساقتانۋ قىزمەتىن جان - جاقتى جاقسى ىستەپ، ىندەتتەن ساقتانۋ - تىزگىندەۋدى ۇدايىلاندىرۋ قىزمەتىن تيتتەي دە بوساڭسىتپاي مىقتى يگەرۋ كەرەك. قاشقار ايماعى كونەءشار اۋدانىنىڭ ىندەتتەن ساقتانۋ - تىزگىندەۋ قىزمەتىنە باسا ءمان بەرىپ، ءار ۇلت حالىق بۇقاراسىنىڭ ءومىرى مەن دەنساۋلىعىن باتىل قورعاۋ كەرەك.
ءبىرىنشى، ىندەتتەن ساقتانۋ - تىزگىندەۋ سىندى ارقاۋدى شىن مانىندە مىقتاپ شيراتۋ كەرەك. سالعىرتتىق يدەيا مەن باق سىناۋ يدەياسىن باتىل جەڭىپ، ىندەتتەن ساقتانۋ - تىزگىندەۋ قىزمەتىن ماڭىزدى ساياسي مىندەت ساناۋعا تاباندى بولىپ، قىزمەتتىڭ باعىتتامالىلىعىن، دالمە - دالدىگىن، عىلميلىعىن شىن مانىندە جوعارىلاتىپ، ساقتانۋ - تىزگىندەۋ شارالارىن تاباندىلىقپەن ناقتاپ تياناقتاندىرۋ كەرەك.
ەكىنشى، ءىشىنارالىق ىندەت جاعدايىن بارىنشا تىزگىندەۋ كەرەك. تيتتەي ۋاقىتتى دا زايا وتكىزبەي، بار قايراتتى سالىپ، ەپيدەميولوگيالىق تەكسەرۋ تەبىنىن ارتتىرىپ، تارالۋ جولدارىن بار كۇشپەن ءۇزىپ، ورشىمەۋىنە، تارالماۋىنا شىنايى كەپىلدىك ەتۋ؛ كۇشتەردى ءبىر تۇتاس جوسپارلاپ ورنالاستىرۋدى كۇشەيتىپ، قىزمەت تەبىنىن ارتتىرىپ، ونىمدىلىك ساپاسىن جوعارىلاتىپ، قاشقار ايماعىندا بارلىق ادامداردىڭ نۋكلەيىن قىشقىلىن تەكسەرۋ قىزمەتىن تىڭعىلىقتى ويداعىداي ىستەۋ؛ اۋرۋ بەلگىسى جوق جۇعىمدالۋشىلارمەن جاقىن جۋىسقانداردى جاپپاي اۋاشالاپ مەديتسينالىق باقىلاۋعا الىپ، ساقتانۋ - تىزگىندەۋ شارالارىن قاتايتىپ، دەن قويا جان - جاقتى قىزمەت ەتۋ كەرەك.
ءۇشىنشى، ساقتانۋ - تىزگىندەۋ شارالارىن ۇدايىلاندىرۋدى قاتاڭ تياناقتاندىرۋ كەرەك. وتكەلدى الدىعا جىلجىتۋعا تاباندى بولىپ، قىزۋ امبولاتورياسىنىڭ ”قاراۋىلحانالىق“ رولىن ءونىمدى ساۋلەلەندىرۋ؛ ”ءتورت ەرتە بولۋ“ تالابىن تياناقتاندىرىپ، ەرتە بايقاۋدى، ەرتە مالىمدەۋدى، ەرتە اۋاشالاۋدى، ەرتە ەمدەۋدى باتىل ورىنداۋ؛ قاداعالاۋ، ساقتاندىرۋ مەحانيزمىن اقاۋسىزداندىرىپ، شەشۋشى بۋىنداردا، ماڭىزدى ورىنداردا جانە ءتۇيىندى قاۋىم اراسىندا دالمە - ءدال ساقتانۋ - تىزگىندەۋدى اناعۇرلىم كۇشەيتىپ، شەكارا وتكەلدەرىندەگى دەنساۋلىق ساقتاۋ بويىنشا كارەنتيندەۋدى، سۋىق تىزبەكتەگى ازىق - تۇلىكتەردى باقىلاۋ - باسقارۋدى جانە زات اينالىمى بۋىنىن زارارسىزداندىرۋدى كۇشەيتىپ، بەرىك قورعانىس شەبىن بەكەمدەۋ كەرەك.
ءتورتىنشى، قىزمەت جاۋاپكەرشىلىگىن ونان ارى ناقتىلاندىرۋ كەرەك. تۇتاس شينجياڭ ءبىر تۇتاس جۇيە، بيڭتۋان مەن جەرگىلىكتى ورىن ءبىر تۇتاس جۇيە دەگەننەن جازباي، پارتيا، ۇكىمەت، ارميا، ساقشى، بيڭتۋان، حالىق سايكەستى تۇردە بىرلەسىپ قيمىلداپ، بىرلەسىپ ساقتانىپ، بىرلەسىپ تىزگىندەپ، بۇقارالىق ساقتانىپ، بۇقارالىق تىزگىندەپ، ”ءتورت جاقتىڭ جاۋاپكەرشىلىگىن“ تياناقتاندىرىپ، اركىم ءوز مىندەتىن اتقارىپ، اركىم ءوز جاۋاپكەرشىلىگىن ارقالاپ، سەلبەسە شايقاس جۇرگىزىپ، فورماشىلدىقتى، تورەشىلدىكتى باتىل جەڭىپ، اقتاڭداق، قالتارىس قالدىرماۋ كەرەك.
بەسىنشى، ۇگىت جۇرگىزۋدى، جەتەكشىلىك ەتۋدى كۇش سالا نىعايتۋ كەرەك. قوعامدىق پىكىر ارقىلى جەتەكشىلىك ەتۋدى بەلسەندى، ىرىقتى تۇردە جاقسى ىستەپ، ىندەت جاعدايى مەن ساقتانۋ - تىزگىندەۋ قىزمەتى ينفورماتسيالارىن دەر كەزىندە جاريالاپ، قوعام ءجىتى قاداعالاپ وتىرعان ماسەلەلەرگە دەر كەزىندە جاۋاپ بەرىپ، ساياسات - شارالاردى ۇگىتتەۋدى، ءتۇسىندىرۋدى كۇشەيتىپ، جۇقپالى اۋرۋدان ساقتانۋ - تىزگىندەۋ بىلىمدەرىن بارىنشا ۇگىتتەپ، بۇقاراعا ىندەتتى دۇرىس تانۋ، عىلمي ساقتانۋدى، ساقتانۋ تانىمىن جوعارىلاتۋدى ويداعىداي ىستەۋ جونىندە تاربيە جۇرگىزىپ، جەتەكشىلىك ەتۋ كەرەك.
التىنشى، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاۋ كەرەك. قوعام ورنىقتىلىعى مەن باياندى تىنىشتىق باس نىساناسىن مىقتى يگەرىپ، ىندەتتەن ساقتانۋ - تىزگىندەۋدى ۇدايىلاندىرۋدى تيتتەي بوساڭسىتپاي مىقتى يگەرۋ العى شارتىندا، قالىپتى ەكونوميكالىق، قوعامدىق ءتارتىپتى ساقتاپ، جاۋاپكەرشىلىكتى باتىلدىقپەن ارقالاۋ ەرىك - جىگەرىمەن، عىلمي ساقتانۋ - تىزگىندەۋ پاراساتىمەن، ءبىر تۇتاس جوسپارلاۋ، تەگىس ءمان بەرۋ تاسىلىمەن، ۇيىمداستىرىپ اتقارۋ قابىلەتىمەن ”التىنى ورنىقتىرۋ“ قىزمەتىن تىڭعىلىقتى ويداعىداي ىستەپ، ”التىنى قامتاماسىز ەتۋ“ مىندەتىن جاپپاي تياناقتاندىرىپ، ەكونوميكانىڭ جوعارى ساپالى دامۋىن ىلگەرىلەتىپ، كەدەيلىكتەن ارىلتۋدان قامال الۋ شەشۋشى شايقاسىنىڭ شەشۋشى جەڭىسىنە قول جەتكىزىپ، جاپپاي دوڭگەلەك داۋلەتتى قوعام ورناتۋ كەرەك.
