− باس شۋجي شي جينپيڭنىڭ جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسىندا سويلەگەن ماڭىزدى ءسوزىن ۇيرەنۋ، دايەكتىلەندىرۋ جونىندە
حالىق گازەتىنىڭ شولۋشىسى
امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسى جەڭىسكە جەتكەن 60 نەشە جىلدان بەرى، جۇڭگو كوممۋنيستىك پارتياسىنىڭ پارمەندى باسشىلىعىندا جۇڭگودا بۇرىن بولىپ كورمەگەن تاريحي وراسان وزگەرىستەر تۋىلىپ، جۇڭگوشا سوتسياليزم جاڭا داۋىرگە ءوتىپ، جۇڭحۋا ۇلتى ەڭسە كوتەرۋدەن، بايۋدان قۇدىرەتتەنۋگە دەيىنگى ۇلى شارىقتاۋدى قارسى الدى.
”بۇگىنگى تاڭدا ءبىز ’قوس 100 جىلدىق‘ كۇرەس نىساناسىنىڭ تاريحي توعىسۋ تۇيىنىندە تۇرمىز، جاپپاي دوڭگەلەك داۋلەتتى قوعام ورناتۋدىڭ جەڭىسىنە قول جەتكىزۋ الدىندا تۇرمىز، جاپپاي سوتسياليستىك وسىزاماندانعان مەملەكەت قۇرۋدىڭ كەلەشەگى جارقىن. العا باسۋ جولى توتەنشە ءساتتى بولا بەرمەيدى“. جۇڭگو حالىق ەرىكتىلەر ارمياسىنىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ ءۇشىن مەملەكەتتەن شىعىپ سوعىس جۇرگىزگەندىگىنىڭ 70 جىلدىعىن ەسكە ءتۇسىرۋ جينالىسىندا، باس شۋجي شي جينپيڭ ءبىزدىڭ امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ماشاقاتتى بارىسى مەن ۇلى جەڭىسىن ەستە بەرىك ساقتاپ، كۇرەس جاساۋعا باتىل بولىپ، كۇرەس جاساۋعا شەبەر بولىپ، قيىندىققا قارسى شاۋىپ، قايسارلىقپەن العا تارتىپ، جاڭا داۋىردەگى جۇڭگوشا سوتسياليزم ۇلى ىستەرىن ۇزدىكسىز العا ىلگەرىلەتۋىمىز كەرەكتىگىن باسا دارىپتەدى.
ادىلەتتى قوسىن ارقىلى ادىلەتتى ءىستى جۇرگىزدى. 70 جىلدىڭ الدىندا قاھارمان جۇڭگو حالىق ەرىكتىلەر ارمياسى بەيبىتشىلىكتى قورعاۋدىڭ، شاپقىنشىلىققا قارسى تۇرۋدىڭ ادىلەت تۋىن بيىك ۇستاپ، چاۋشيان حالقىمەن جانە ارمياسىمەن بىرگە، ءولىمدى ەلەڭ قۇرلى كورمەي، قاندى سوعىس جۇرگىزىپ، امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ۇلى جەڭىسىنە قول جەتكىزدى. وسى سوعىس ارقىلى جۇڭگو حالقى شاپقىنشىلاردىڭ مەملەكەت قاقپاسىنا اسكەر توپتاپ، ودان ارى قاراي جاڭا جۇڭگونى جورگەگىندە تۇنشىقتىرماقشى بولعان قاسكۇنەمدىگىن تالقاندادى، تاياۋ زاماننان بەرگى كىم كورىنگەن اڭگىرتاياق ويناتقان، وزگەنىڭ قاباعىنا قاراعان 100 جىلدىق قورلىقتى ءۇزىلدى - كەسىلدى جويىپ، جاڭا جۇڭگونىڭ ازيا مەن حالىقارالىق ىستەردەگى ماڭىزدى ورنىنىڭ نەگىزىن قالادى، حالىق ارمياسى سوعىس بارىسىندا سوعىس جۇرگىزۋدى ۇيرەنىپ، ماڭىزدى اسكەري تاجىريبەگە قول جەتكىزدى، جالاڭ ءبىر ارميا تۇرىنەن كوپ اسكەر تۇرىنەن قۇرالعان ارمياعا قاراي ويىسۋدى جۇزەگە اسىردى. وسى سوعىس جۇرتقا ءارقانداي ءبىر ەل، ءارقانداي ءبىر ارميا، مەيلى قانشالىق قۇدىرەتتى بولسادا، ەگەر دۇنيە ءجۇزىنىڭ دامۋ اعىسىنىڭ قاراما - قارسى جاعىندا تۇرسا، الدىگە سۇيەنىپ ءالسىزدى جەلكەلەپ، تەرىس ازۋلىققا باسىپ، شاپقىنشىلىقپەن ىرگە كەڭەيتسە، ءسوزسىز، قانعا بوگىپ قالا بەرەتىندىگىن تەمىردەي فاكت ارقىلى ءتۇسىندىردى. ”وتكەن ىستەردى اينا ەتىپ، بولاشاقتى بىلەمىز“. ۇلى جەڭىستى ەستە بەرىك ساقتاپ، ۇلى ىستەردى ىلگەرىلەتۋدە، ءسوز جوق، جۇڭگو كوممۋنيستىك پارتياسىنىڭ باسشىلىعىنا تاباندى بولىپ، پارتيانى ءتىپتى دە پارمەندى دە قۋاتتى ەتىپ سومداۋ؛ ءسوز جوق، حالىقتى وزەك ەتۋگە تاباندى بولىپ، بارلىعىن حالىق ءۇشىن ىستەپ، بارلىعىندا حالىققا سۇيەنۋ؛ ءسوز جوق، ەكونوميكالىق، قوعامدىق دامۋدى ىلگەرىلەتۋگە تاباندى بولىپ، ەلىمىزدىڭ جالپىلىق مەملەكەت قۋاتىن ۇزدىكسىز ۇلعايتۋ؛ ءسوز جوق، مەملەكەت قورعانىسىن جانە ارميانى وسىزامانداندىرۋدى جەدەل ىلگەرىلەتىپ، حالىق ارمياسىن دۇنيە جۇزىندەگى بىرەگەي ارميا ەتىپ جالپى بەتتىك قۇرىپ شىعۋ؛ ءسوز جوق، دۇنيە ءجۇزىنىڭ بەيبىتشىلىگى مەن ادىلەتتىلىگىن قورعاپ، ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتۋ كەرەك. باس شۋجي شي جينپيڭنىڭ وسى ”بەس ءسوز جوقتى“ بارىنشا جيناقتاۋى − امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسى بىزگە سالعان تەرەڭ تاريحي وي، جاڭا داۋىردەگى جاڭا ساپاردا توسقاۋىلداردى تالقانداپ، ەرلىكپەن العا تارتۋىمىزدا كەلەلى جەتەكشىلىك ماڭىزعا يە.
امەريكا جيھانگەرلەرىنە قارسى تۇرىپ، چاۋشيانعا كومەك بەرۋ سوعىسىنىڭ ۇلى جەڭىسى مىنانى تاعى ءبىر رەت دالەلدەدى: ەشقانداي ءبىر ساياسي كۇش جۇڭگو كوممۋنيستىك پارتياسى سياقتى ۇلتتىڭ گۇلدەنۋى، حالىقتىڭ باقىتى ءۇشىن قان توگىپ، قۇربان بولۋدان تايىنباي، قاجىماي قۇلشىنا كۇرەس جاساپ، سان ميلليون بۇقارانى ىنتىماقتاستىرىپ، ۇيىستىرىپ ۇزدىكسىز جەڭىسكە بەت العان جوق. العا باسۋ جولىندا، تەك اۋەلگى ماقساتتى ۇمىتپاي، بورىشتى ەستە بەرىك ساقتاپ، ءوز - وزىنە توڭكەرىس جاساۋ رۋحى ارقىلى پارتيا قۇرىلىسىنىڭ جاڭا ۇلى ينجەنەرياسىن جاپپاي ىلگەرىلەتىپ، پارتيانىڭ ساياسي باسشىلىق قابىلەتىن، يدەيالىق جەتەكتەۋ قابىلەتىن، بۇقارانى ۇيىمداستىرۋ قابىلەتىن، قوعامدىق ۇندەۋ قابىلەتىن ۇزدىكسىز كۇشەيتسەك عانا، ءسوزسىز، پارتيانى باستان - اياق جۇڭگو حالقىنىڭ ەڭ سەنىمدى، ەڭ قۇدىرەتتى تىرەگىنە اينالدىرا الامىز. تەك باستان - اياق حالىق تۇرعىسىنا، حالىقتى بارىنەن جوعارى قويۋعا تاباندى بولساق عانا، ءسوزسىز، جەڭىمپاز قۇدىرەتتى كۇشتى قاۋلاتىپ، جۇڭحۋا ۇلتىنىڭ ۇلى گۇلدەنۋىنىڭ تارتىمدى داستانىن ۇزدىكسىز جازا الامىز. ”مەشەۋلىك تاياق جەگىزەدى، دامىعاندا عانا ءوزىن الۋەتتەندىرۋگە بولادى“. كەزەكتە ەلىمىز جاڭا دامۋ كەزەڭىنە ءوتىپ، جاڭا ورايعا، جاڭا سىن - سايىسقا ءدوپ كەلەدى، تەك ”بەستى ءبىر تۇلعالاندىرۋ“ جالپىلىق ورنالاستىرۋىن ءبىر تۇتاس جوسپارلاپ ىلگەرىلەتىپ، ”ءتورتتى جاپپاي ورىنداۋ“ ستراتەگيالىق ورنالاستىرۋىن سايكەستى ىلگەرىلەتىپ، جاڭا دامۋ ۇستانىمىن بۇلجىماستان دايەكتىلەندىرىپ، جاڭا دامۋ ارناسىن قالىپتاستىرساق عانا، ءسوزسىز، اناعۇرلىم جوعارى ساپالى، اناعۇرلىم ءونىمدى، اناعۇرلىم ءادىل، اناعۇرلىم باياندى، اناعۇرلىم حاۋىپسىز دامۋدى جۇزەگە اسىرىپ، دۇنيە ءجۇزىن تاڭ قالدىراتىن اناعۇرلىم زور كەرەمەتتەردى ۇزدىكسىز جاراتا الامىز. قۇدىرەتتى ارميا بولماسا قۇدىرەتتى وتاننىڭ بولۋى مۇمكىن ەمەس. تەك داۋىرمەن بىرگە العا ىلگەرىلەپ، مەملەكەت قورعانىسى مەن ارميا قۇرىلىسىن كۇشەيتىپ، پارتيانىڭ جاڭا داۋىردەگى ارميانى قۇدىرەتتەندىرۋ نىساناسىنا قاراي ارشىندى قاداممەن العا تارتساق عانا، ءسوزسىز، جۇڭحۋا ۇلتىنىڭ ۇلى گۇلدەنۋىن جۇزەگە اسىرۋعا اناعۇرلىم پارمەندى ستراتەگيالىق تىرەك ازىرلەي الامىز. جۇڭحۋا ۇلتى ەجەلدەن ”جاقىنىنا جان اشىر، كورشىسىمەن تاتۋ بولۋ“ ۇستانىمىنان جازباي كەلەدى، تەك بەيبىت دامۋ جولىمەن جۇرۋگە تاباندى بولىپ، ءار ەل حالقىمەن بىرگە ادامزاتتىڭ تاعدىرلاس ورتاق تۇلعاسىن قۇرۋدى ىلگەرىلەتسەك عانا، ءسوزسىز، ادامزاتتىڭ بەيبىتشىلىگى مەن دامۋىنىڭ تاماشا بولاشاعىن قارسى الاتىن بولامىز.
العا باسۋ جولىنداعى ورايلار مەن سىن - سايىستار الدىندا، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ توڭىرەگىنە اناعۇرلىم تىعىز ىنتىماقتاسىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، اۋەلگى ماقساتتى، بورىشتى ەستە بەرىك ساقتاپ، ءسوزسىز، جەڭۋ سەنىمىن بەكەمدەپ، كۇرەس رۋحىن اسقاقتاتىپ، كۇرەس قابىلەتىن كۇشەيتىپ، جاپا - ماشاقات، قيىنشىلىق، حاۋىپ - قاتەر، توسقاۋىل - بوگەت بىتكەندى جەڭىپ، ەكىنشى 100 جىلدىق كۇرەس نىساناسىنا قاراي شەرۋ تارتۋىمىز كەرەك!
(شينحۋا اگەنتتىگىنىڭ 10 - ايدىڭ 24 - كۇنى بەيجيڭنەن بەرگەن حابارى)
