تيانشان تورى حابارى (حابارى جازعان ءتىلشى ۋاڭ نا). 10 - ايدىڭ 25 - كۇنى كەشتە، شينجياڭ ۇيعۇر اۆتونوميالى رايوندىق حالىق ۇكىمەتى اقپارات كەڭسەسى قاشقاردىڭ ىندەتتەن ساقتانۋ - تىزگىندەۋ قىزمەتى جونىندە اقپار جاريالاۋ ءماجىلىسىن اشتى ءارى تىلشىلەردىڭ سۇراۋىنا جاۋاپ بەردى.
اقپار جاريالاۋ ماجىلىسىندە، شينجياڭ ۇيعۇر اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى گۋ يىڭسۋ بىلاي دەپ تانىستىردى: 2020 - جىلى 10 - ايدىڭ 24 - كۇنى، قاشقار ايماعى كونەءشار اۋدانى ”تەكسەرۋگە تيىستىلەرىن تۇگەل تەكسەرۋ“ بويىنشا بەلگىلەنگەن مەرزىمدە تەكسەرۋ جۇرگىزگەندە، جاڭا تيپتى ايدارشا ۆيرۋس وكپە قابىنۋىنىڭ ءبىر اۋرۋ بەلگىسى جوق جۇعىمدالۋشىسىن بايقاعان. بۇل اۋرۋ بەلگىسى جوق جۇعىمدالۋشى، ايەل، 17 جاس، قاشقار ايماعى كونەءشار اۋدانى زەمىن اۋىلى ەكىنشى قىستاعىنىڭ تۇرعىنى، 10 - ايدىڭ 24 - كۇنى، بەلگىلەنگەن مەرزىمدەگى نۋكلەين قىشقىلىن تەكسەرۋدە ناتيجەسى بولىمدى بولىپ، مامانداردىڭ دياگنوز قويىپ، تۇجىرىمداۋىنان كەيىن اۋرۋ بەلگىسى جوق جۇعىمدالۋشى ەكەنى انىقتالىپ، قاشقارداعى بەلگىلەنگەن شيپاحاناعا اپارىپ اۋاشالانىپ، مەديتسينالىق باقىلاۋعا الىندى. قازىر، قىزۋ، جوتەلۋ سياقتى اۋرۋ بەلگىلەرى جوق.
اۋرۋ بەلگىسى جوق جۇعىمدالۋشىنى بايقاعاننان كەيىن، ونىمەن تىعىز جاناسقانداردىڭ، تىعىز جاناسقاندارمەن تىعىز جاناسقانداردىڭ نۋكلەين قىشقىلىن تەكسەردى، 10 - ايدىڭ 25 - كۇنى ساعات 14 كە دەيىن، 137 ادامنىڭ تەكسەرۋ ناتيجەسى بولىمدى بولىپ، بارلىعى جۇعىمدالۋشىنىڭ اتا - اناسى تۇرعان ءۇشىنشى قىستاقتىڭ زاۆودىمەن قاتىستى بولعان. مامانداردىڭ دياگنوز قويىپ، تۇجىرىمداۋىنان كەيىن، بارلىعى اۋرۋ بەلگىسى جوق جۇعىمدالۋشى بولىپ تۇراقتاندىرىلدى.
