انار بۇلت حابارى. 10-ايدىڭ 25-كۇنى كەشتە، شينجياڭ ۇيعۇر اۆتونوميالى رايوندىق حالىق ۇكىمەتتىڭ اقپارات كەڭسەسى قاشقار ايماعىنداعى ىندەتتەن ساقتانۋ-تىزگىندەۋ جونىندەگى اقپار جاريالاۋ ٴماجىلىسىن اشتى ٴارى تىلشىلەردىڭ سۇراۋىنا جاۋاپ بەردى.
اقپار جاريالاۋ ماجىلىسىندە شينجياڭ ۇيعۇر اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى گۋ يىڭسۋ بىلاي دە تانىستىردى: اۆتونوميالى رايون دەرەۋ اۆتونوميالى رايوننىڭ نۋكلەين قىشقىلىن تەكسەرۋ ورتالىعى جانە اقسۋ، حوتان، بايىنعولىن، سانجى قاتارلى جەرلەردەن 600دەن استام نۋكلەين قىشقىلىن تەكسەرۋ قىزمەتكەرىن شىعارىپ، قاشقار ايماعىندا نۋكلەين قىشقىلىن تەكسەرۋ قىزمەتىن ورىستەتۋگە شۇعىل كومەكتەسۋگە ۇيىمداستىردى.
جەرگىلىكتى ورىنداعى ٴار ۇلت بۇقاراسىنىڭ دەنساۋلىعىنا كەپىلدىك ەتۋ ٴۇشىن، حالىق بۇقاراسىنىڭ ومىرىنە وسكەلەڭ جاۋاپتى بولۋ پوزيتسياسىمەن، قاشقار كونەءشار اۋدانىن ٴتۇيىن ەتكەن، قاشقار ايماعىندا جاپپاي نۋكلەين قىشقىلىن تەگىن تەكسەرۋ دەرەۋ جۇرگىزىلەدى(جۇرگىزىلدى). اۆتونوميالى رايون دەرەۋ اۆتونوميالى رايوننىڭ نۋكلەين قىشقىلىن تەكسەرۋ ورتالىعى جانە اقسۋ، حوتان، بايىنعولىن، سانجى قاتارلى جەرلەردەن 600دەن استام نۋكلەين قىشقىلىن تەكسەرۋ قىزمەتكەرىن شىعارىپ، قاشقار ايماعىندا نۋكلەين قىشقىلىن تەكسەرۋ قىزمەتىن جۇرگىزۋگە شۇعىل كومەكتەسۋگە ۇيىمداستىردى. قاشقار ايماعى دا ٴوز رايونىنداعى 2500دەن ارتىق كاسىپتىك قىزمەتكەردەن تەكسەرۋ ۇجىمىن قۇرىپ، كونەءشار اۋدانىنىڭ بۇكىل اۋدان بويىنشا جاپپاي نۋكلەين قىشقىلىن تەكسەرۋىنە كومەك بەردى، ٴارقايسى اۋدان، قالالار جاپپاي نۋكلەين قىشقىلىن تەكسەرۋدى ٴبىر ۋاقىتتا ورىستەتىپ، كونەءشار اۋدانى مەجەمەن 10-ايدىڭ 25- كۇنى جاپپاي تەكسەرۋدى ورىنداپ بولادى(بولدى)، باسقا اۋدان، قالالار 10-ايدىڭ 27 – كۇنىنە دەيىن تەكسەرۋدى ورىنداپ بولادى.
قاشقار ايماعىندا تەكسەرۋگە ٴتيىستى جالپى ادام سانى 4 ميلليون 746 مىڭ 500 ادام، 10-ايدىڭ 25-كۇنى ساعات 14كە دەيىن، 2 ميلليون 835 مىڭ 300 ادامنان نۋكلەين قىشقىلى ۇلگىسى الىندى، 334مىڭ 800 ادامنىڭ ناتيجەسى شىقتى، قازىرشە قالىپسىزدىق بايقالمادى. مۇنىڭ ىشىندە كونەشار اۋدانىندا تەكسەرۋگە ٴتيىستى جالپى ادام سانى 245 مىڭ ادام، نۋكلەين قىشقىلىنان ۇلگى الىنعان 245 مىڭ ادام ، 86 مىڭ ادامنىڭ ناتيجەسى شىقتى. ( ٴتىلشى ۋاڭ نا)
اۋدارعان: قادىر ماقان
