تيانشان تورى حابارى. 10-ايدىڭ 25-كۇنى كەشتە شينجياڭ ۇيعۇر اۆتونوميالى رايوندىق ۇكىمەت اقپارات كەڭسەسى قاشقاردىڭ ىندەت جاعدايىنان ساقتانۋ-تىزگىندەۋ قىزمەتى جونىندە اقپار جاريالاۋ ءماجىلىسىن اشتى جانە تىلشىلەر سۇراۋىنا جاۋاپ بەردى.
اقپار جاريالاۋ ماجىلىسىندە، شينجياڭ ۇيعۇر اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى گۋ يىڭسۋ جاعدايدى تانىستىرىپ بىلاي دەدى: كەزەكتە، قاشقار ايماعىننىڭ اۋياتسيا، تەمىر جول، تاس جول سياقتى قاتىناس جولدارى تۇگەلدەي قالىپتى، ىركىلىسسىز. قاشقارعا كەلەتىن سىرت جەردىڭ ادامدارى جونىنەن اۋاشالاۋ جۇرگىزىلمەيدى، نۋكلەين قىشقىلى تەكسەرۋ مالىمەتىن الىپ ءجۇرۋى قاجەتسىز، تەك قانا، ماسكى تاعۋ، دەنە تەمپەراتۋراسىن ولشەۋ، اقاۋسىزدىق كودىن سكانەرلەۋ سياقتى شارالار اتقارىلادى. قاشقاردان كەتپەكشى بولعان وزگە جەردىڭ ساياحاتشىلارى 7 كۇن ىشىندەگى نۋكلەيىن قىشقىلىن تەكسەرۋ ناتيجەسىنىڭ بولىمسىز بولعاندىعى جونىندەگى مالىمەتتى دايىنداسا بولعانى، قاشقاردان كەتۋىنە بولادى.
كەلەسى قادامدا، قاشقار ايماعى اۆتونوميالى رايوندىق پارتكوم مەن ۇكىمەتتىڭ ورنالاستىرۋلارىن قاتاڭ تياناقتاندىرىپ، ادام ءومىرىن، حالىقتى باستى ورىنعا قويۋ، ۋاقىتتى ۇتا ءبىلىپ ىندەت قاينارىن قۇرساۋلاۋ، ءتۇيىندى وڭىرلەردى، ءتۇيىندى ادامداردى عىلمي باسقارۋ، مەڭگەرۋ جانە ولارعا نۋكلەين قىشقىلىن تەكسەرۋ سياقتى قىزمەتتەردى تياناقتاندىرۋ، ەرتە بايقاۋدى، ەرتە مالىمدەۋدى، ەرتە اۋاشالاۋدى، ەرتە ەمدەۋدى باتىل ورىنداپ، شەشۋشى بۋىنداردا، ماڭىزدى ورىنداردا جانە ءتۇيىندى قاۋىم اراسىندا دالمە - ءدال ساقتانۋ - تىزگىندەۋدى اناعۇرلىم كۇشەيتىپ، شەكارا وتكەلدەرىندەگى دەنساۋلىق ساقتاۋ بويىنشا كارەنتيندەۋدى، سۋىق تىزبەكتەگى ازىق - تۇلىكتەردى باقىلاۋ - باسقارۋدى جانە زات اينالىمى بۋىنىن زارارسىزداندىرۋدى كۇشەيتۋ، كۇز، قىس ماۋسىمدارىنداعى داعدىلى ساقتانۋ، تىزگىندەۋ مەن شۇعىل جاعدايلارعا توتەپ بەرۋ قىزمەتتەرىن ءوزارا سايكەستىرىپ، ىندەت جاعدايى حاۋپىن قاتاڭ باقىلاپ مەڭگەرىپ، وسى رەتكى ىندەتتەن ساقتانۋ -تىزگىندەۋ شايقاسىن بار كۇشپەن ويداعىداي جاقسى ىستەۋ كەرەك. (ءتىلشى ۋاڭ نا)
اۋدارعان: نۇربولات قابىل
