تيانشان تورى
تيانشان تورى   ›   بىلگەنگە مارجان   ›   وتباسى جانە تۇرمىس

2021-جىلدىق ەمدەۋ قامسىزداندىرۋىن تاپسىرۋ باستالدى، مىنا جاي-جاپساردى ٴبىلىڭىز!

  كوڭىل بولىڭىزدەر! كوڭىل بولىڭىزدەر!

كەزەكتە، ٴۇرىمجى قالاسىنىڭ 2021-جىلدىق قالا-اۋىل تۇرعىندارى ەمدەۋ قامسىزداندىرۋىنا قالىپتى اقى تاپسىرۋعا، قامسىزداندىرۋعا قاتىناسۋعا بولادى، ۋاقىتى 2020 ـ جىلى 12-ايدىڭ 31 ـ كۇنىنە دەيىن، 2021 ـ جىلى 1-ايدىڭ 1 ـ كۇنىنەن باستاپ ەمدەۋ قامسىزداندىرۋ مامىلەسىنەن يگىلىكتەنەدى

ەگەر وسى ۋاقىتتان اسىپ كەتسە، كەلەر جىلى اقى تاپسىرعان ايدىڭ كەلەسى ايىنان باستاپ مامىلەدەن يگىلىكتەنەدى

ماتەريال سۋرەت

   ەسكەرتە كەتۋگە ٴتيىستىسى،

  اقى تاپسىرۋ مەرزىمى ۇزاق بولعاندىقتان، كوپتەگەن قامسىزداندىرۋعا قاتىناسقان تۇرعىندار مەن قالا تۇرعىندارى اقى تاپسىرۋعا اسىقپايدى، الايدا بۇل تۇردەگى قاراجات ەمدەۋ قامتاماسىزداندىرۋىنا قاتىستى،

  سوندىقتان ەرتەرەك تاپسىرۋدى ۇسىنىس ەتەمىز.

  كوپشىلىك كوڭىل ٴبولىپ وتىرعان

  اقى تاپسىرۋ ولشەمى، اقى تاپسىرۋ ارناسى، اقى تاپسىرۋ تاسىلدەرىنە قاراتا ٴۇرىمجى قالالىق ەمدەۋ قامتاماسىزداندىرۋ مەكەمەسى دە ايقىن جاۋاپ بەردى.

  1

  ءۇرىمجى قالاسىنىڭ2021-جىلدىق قالا - اۋىل تۇرعىندارىنىڭ ەمدەۋ قامسىزداندىرۋىنا قالىپتى قاتىناسۋ، اقى تاپسىرۋ شەكتى مەرزىمى 2020 – جىلى 9-ايدىڭ 1-كۇنىنەن 2020 – جىلى 12-ايدىڭ 31-كۇنىنە دەيىن بولىپ، 2021 – جىلى 1-ايدىڭ 1-كۇنىنەن باستاپ ەمدەۋ قامسىزداندىرۋىنان يگىلىكتەنەدى. ەگەر قالا - اۋىل تۇرعىندارى 2021 - جىلدىق قالا - اۋىل تۇرعىندارىنىڭ ەمدەۋ قامسىزداندىرۋ اقىسىن 2020-جىلى 12-ايدىڭ 31-كۇنىنەن كەيىن تاپسىرسا، اقى تاپسىرعان ايدىڭ كەلەسى ايىنان باستاپ ەمدەۋ قامسىزداندىرۋ مامىلەسىنەن يگىلىكتەنەدى، ۋاقىتى 2021-جىلى 12-ايدىڭ 31 – كۇنىنە دەيىن بولادى .

  2

  ٴۇرىمجى قالاسىنىڭ 2021 ـ جىلدىق قالا ـ اۋىل تۇرعىندارىنىڭ ەمدەۋ قامسىزداندىرۋ اقىسىنىڭ جەكەلەر الدىن الا تاپسىراتىن ولشەمى: ەرەسەك ادامدار كىسى باس سايىن جىلىنا 380 يۋان قاراجات تاپسىرادى؛ ەرەسەك مۇگەدەكتەر، ازامات جاسىنا تولماعاندار (جوعارى، ورتا تەحنيكۋم مەكتەپتەرىندەگى وقۋشىلارىن قامتيدى) جىلىنا 260 يۋان قاراجات تاپسىرادى؛ ازامات جاسىنا تولماعان مۇگەدەكتەر جىلىنا 170 يۋان قاراجات تاپسىرادى.

  3

  قالا-اۋىلداعى قيىنشىلىعى بار تۇرعىنداردىڭ 2021 - جىلدىق جەكەلەر الدىن الا تاپسىراتىن ولشەمى: ەرەكشە قيىنشىلىعى بار باعىپ–قاعۋداعى ەرەسەك ادامدار 260 يۋان قاراجات تاپسىرادى، جەتىم بالالار، ازامات جاسىنا تولماعان ەرەكشە قيىنشىلىعى بار باعىپ–قاعۋداعىلار 170 يۋان قاراجات تاپسىرادى، جەكەلەر تاپسىراتىن قاراجاتتاعى ەمدەۋ – قۇتقارۋ قاراجاتىن ۋاكىلاتان تولىق تاپسىرۋ كەرەك.

  4

  ەرەسەك ەڭ تومەنگى تۇرمىسى قامتاماسىزداندىرىلاتىن وبيەكتىلەر، ەڭ تومەنگى تۇرمىسى قامتاماسىزداندىرىلاتىن ارالىق وتباسىلارى، ” ساقا كادر، ساقا پارتيا مۇشەسى، ساقا ۇلگى “ ادامداردىڭ جەكەلەر تاپسىراتىن اقىسى 52 يۋان، ەمدەۋ -قۇتقارۋ قاراجاتىنىڭ ۋاكىلاتان تاپسىراتىنى 208 يۋان؛ ازامات جاسىنا تولماعانداردىڭ تاپسىراتىن قاراجاتى 34 يۋان، ەمدەۋ - قۇتقارۋ قاراجاتى ٴۇشىن ۋاكىلاتان تاپسىراتىنى 136 يۋان. ەرەسەكتەردەن ارحيۆ تۇرعىزىلىپ، كارتچكا بەرىلگەن كەدەي ادامداردىڭ جەكەلەر تاپسىراتىن اقىسى 130 يۋان، ەمدەۋ-قۇتقارۋ قاراجاتى ٴۇشىن ۋاكىلاتان تاپسىراتىنى 130 يۋان؛ ازامات جاسىنا تولماعانداردىڭ جەكەلەر تاپسىراتىن اقىسى 85 يۋان، ەمدەۋ - قۇتقارۋ قاراجاتى ٴۇشىن ۋاكىلەتتىكپەن تاپسىراتىنى 85 يۋان.

  ەسكەرتە كەتۋگە ٴتيىستىسى، ەگەر قالا - اۋىل تۇرعىندارى2021 - جىلدىق قالا - اۋىل تۇرعىندارىنىڭ ەمدەۋ قامسىزداندىرۋ قاراجاتىن 2021 - جىلى 6-ايدىڭ 30-كۇنىنەن كەيىن تاپسىرسا،

  ەرەسەكتەر، ازامات جاسىنا تولماعاندار جانە ەرەسەك مۇگەدەكتەر، ازامات جاسىنا تولماعان مۇگەدەكتەر قارجى جيناۋ ولشەمى بويىنشا تولىق تاپسىرادى.

   ەرەكشە قيىنشىلىعى بار باعىپ - قاعىلعاندار، ەڭ تومەنگى تۇرمىسى قامتاماسىزداندىرىلاتىن جەتىم بالالار، ارحيۆ تۇرعىزىلىپ، كارتچكا بەرىلگەندەر، ەڭ تومەنگى تۇرمىسى قامتاماسىزداندىرىلاتىن ارالىق وبيەكتىلەر، ” ساقا كادر، ساقا پارتيا مۇشەسى، ساقا ۇلگىلەردىڭ “ جەكەلەر تاپسىراتىن ولشەمى وزگەرمەيدى.

  بۇدان سىرت، جاڭا تۋعان نارەستە ٴبىر جاسقا تولعانعا دەيىن قالا - اۋىل تۇرعىندارىنىڭ ەمدەۋ قامسىزداندىرۋعا قاي – قاشان بولسىن قاتىناسۋىنا بولادى، قامسىزداندىرۋعا قاتىناسىپ، اقى تاپسىرعاننان كەيىن، تۋىلعان كۇننەن باستاپ تۋىنداعان ەمدەلۋ قاراجاتىن بەلگىلەمە بويىنشا تۇگەلدەي ەسەپتەن كوتەرتۋگە بولادى.

  ۇعىسۋعا قاراعاندا، 2019-جىلى ءۇرىمجى قالالىق ەمدەۋ قامتاماسىزداندىرۋ مەكەمەسى مەملەكەتتىڭ، اۆتونوميالى رايوننىڭ ەمدەۋ قامتاماسىزداندىرۋ رەفورماسى قىزمەت مىندەتىن بەلسەنە دايەكتىلەندىرىپ، ەمدەۋ قامتاماسىزداندىرۋى بويىنشا كەدەيلىكتەن ارىلتۋدان قامال الۋدى بەلسەندى ىلگەرىلەتىپ، اۋىل-قىستاقتاعى كەدەيلەردىڭ سالماقتى ناۋقاستارىن قامسىزداندىرۋعا بەيىمدەۋ ساياساتىن تياناقتاندىردى، ساياسات كولەمىندە جەكەلەردىڭ بالنيساعا جاتىپ ەمدەلۋ قاراجاتىنىڭ ٴوزى تولەيتىن قۇتقارۋ سالىستىرماسى %70تەن تومەن بولماۋ؛ قالا - اۋىل تۇرعىندارىنىڭ نەگىزگى ەمدەۋ قامسىزداندىرۋىنىڭ قامتىلىمىن %96.6كە جەتكىزىپ، ەمدەۋ قامتاماسىزداندىرۋ مامىلەسىنىڭ ورەسى ۇزدىكسىز جوعارىلادى. سونىمەن بىرگە، ۇزاق ۋاقىتتىق كۇتىمدەۋ قامسىزداندىرۋىن ورنىقتى ىلگەرىلەتىپ، قابىلەتىنەن ايىرىلعانداردىڭ وتباسى اۋىرتپالىعىن جەڭىلدەتكەن.

  بيىل ٴۇرىمجى قالاسى قامسىزداندىرۋعا قاتىناسقانداردىڭ جاعدايىن جاپپاي انىقتاپ، دالمە-ٴدال شارا قولدانىپ، قامسىزداندىرۋعا قاتىناسپاعان ادامداردىڭ دەر كەزىندە قامسىزداندىرۋعا قاتىناسۋىن نىسانالى تۇردە قۋزاستىرىپ، قامسىزداندىرۋعا قاتىناسپاۋ سەبەبىن ٴبىر-بىرلەپ تىزىمگە الىپ، ٴبىر وتباسىنىڭ، ٴبىر ادامنىڭ قاعىس قالماۋىنا كەپىلدىك ەتەدى.

ماتەريال سۋرەت

   ٴۇرىمجى قالاسى يىنتەرنەت جەلىسىندە جانە جەلىدەن تىس 5 ٴتۇرلى اقى تاپسىرۋ ارناسىن اشتى

   ٴبىرىنشى، جىلجىمالى جەلىدە اقى تاپسىرۋ. اقى تاپسىرۋشىلار ”شينجياڭ باجى ىستەرى“ (新疆税务) APP ى، ”بۇلتتا جىلدام تاپسىرۋ “ (云闪付) APP ى، ءۇنحات شاعىن جۇيەسى (” شينجياڭ باجى ىستەرى قوعامدىق قامسىزداندىرۋ قاراجاتىن تاپسىرۋ(新疆税务社保缴费) “، ” شاعىن تاسىلمەن قوعامدىق قامسىزداندىرۋ قاراجاتىن ٴبىتىرۋ (小招办社保)“، جىفۋباۋ شاعىن جۇيەسى (” شينجياڭ باجى ىستەرى قوعامدىق قامسىزداندىرۋ قاراجاتىن تاپسىرۋ “(新疆税务社保缴费))، سونداي ـ اق اقى تاپسىرۋعا قولداۋ كورسەتەتىن ٴىشىنارا ساۋدا بانكەلەرىنىڭ قول تەلەفونAPP ى ارقىلى جەلىدە اقى تاپسىرۋدى بىتىرۋىنە بولادى.

  ەكىنشى، تەرەزەدە مالىمدەپ اقى تاپسىرۋ. اقى تاپسىرۋشىلار جاقىن ماڭداعى باجى مەكەمەسىنىڭ باجى ىستەرىن ٴبىتىرۋ قىزمەت وتەۋ زالىنا نەمەسە قوعامدىق قامسىزداندىرۋدى باسقارۋ بولىمشە مەكەمەسىنىڭ باجى الۋ تەرەزەسىنە بارىپ، كارتچكا ارقىلى اقى تاپسىرۋىنا بولادى .

  ٴۇشىنشى، الەۋمەتتىك اۋماق، اۋىل - قالاشىقتاردىڭ جاقىن ماڭىنان ٴبىتىرۋ. اقى تاپسىرۋشىلار نوپوسى تۇرعان جەردەگى ٴمالى اۋماعىنا نەمەسە الەۋمەتتىك اۋماقتارعا، اۋىل - قالاشىق ەڭبەك قامتاماسىزداندىرۋ پۋنكتتەرىنە (ورىندارىنا) بارىپ، كارتچكا ارقىلى نەمەسە سيفردى جايمالاپ اقى تاپسىرۋىنا بولادى.

  ٴتورتىنشى، اۆتوماتتى تەرمينال ارقىلى اقى تاپسىرۋ. اقى تاپسىرۋشىلار قاراجات تاپسىرۋعا قولداۋ كورسەتكەن ٴىشىنارا ساۋدا بانكەلەرىنىڭ تەكشەسى جانە اۆتوماتتى تەرمينال سياقتى تاسىلدەر ارقىلى اقى تاپسىرۋىنا بولادى. بەسىنشى، باجى تاراۋلارى قاراجاتتى توپتىق تارتىپ قالۋ. اقى تاپسىرۋشىلاردىڭ قوعامدىق قامسىزداندىرۋ اقىسىن تارتىپ قالۋ اماناتتاۋ كەلىسىمىنە قول قويعاندارىنا قاراتا، باجى تاراۋلارى بەلگىلەنگەن ەسەپ تۇرىنەن قاراجاتتى توپتىق تارتىپ قالادى.

اۋدارعان: قادىر ماقان

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.