تيانشان تورى   ›   بىلگەنگە مارجان   ›   وتباسى جانە تۇرمىس

رايونىمىزداعى 65 جاس جانە ودان جوعارى قارتتاردىڭ دەنساۋلىعىن باسقارۋ سالىستىرماسى %73.5

  شينجياڭ گازەتىنىڭ 10-ايدىڭ 26-كۇنى ۇرىمجىدەن بەرگەن حابارى جالپىلىق اقپارات قۇرالدارى ءتىلشىسى چاۋ جيننىڭ اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ قارتتار سالاماتتىق باسقارماسىنان ۇعىسۋىنشا، 2019-جىلدىڭ سوڭىنا دەيىن، رايونىمىزدا 60 جاس جانە ودان جوعارى نوپوستاعى قارتتاردىڭ جالپى جان سانى 2 ميلليون 690 مىڭ 600گە جەتىپ، تۇتاس رايونىمىز جالپى جان سانىنىڭ %11.7ىن يەلەيدى. جۋىق جىلداردان بەرى، رايونىمىز قارتتاردىڭ قوعامدىق قامتاماسىزداندىرۋ ورەسىن ۇزدىكسىز جوعارىلاتىپ، الەۋمەتتىك اۋماقتاعى قارتتارعا قىزمەت وتەۋ قۇرىلعىلارىن كەمەلدەندىرىپ، قارتتاردىڭ سالاماتتىعىنا قىزمەت وتەۋ جۇيەسى قۇرىلىسى سياقتى شارالاردى جەدەلدەتىپ ، قارتتار سالاماتتىعى ىستەرىنىڭ دامۋىن ىلگەرىلەتتى.

  ۇعىسۋعا قاراعاندا، 2016-جىلدان بەرى، رايونىمىز قازىنادان 80 جاستان اسقان قارتتاردىڭ نەگىزگى تۇرمىستىق قاراجاتى جانە دەنساۋلىعىن اقىسىز تەكسەرۋ قاراجاتىنا جالپى 435 ميلليون يۋان ورنالاستىرىپ، ءارقايسى جەردەگى قارتتاردىڭ نەگىزگى تۇرمىستىق قاراجاتى مەن دەنساۋلىعىن اقىسىز تەكسەرۋ قىزمەتىن قولداۋعا ىستەتىپ، ءار ۇلت قارتتارىنىڭ باقىت سەزىمى مەن تابىس سەزىمى جوعارىلادى. سونىمەن قاتار، قارتتاردىڭ سالاماتتىعىن باسقارۋدى كۇشەيتىپ، وتباسى شيپاگەرلەرىنىڭ كەلىسىمدى قىزمەت وتەۋىن ينفورماتسيالاندىرۋ قۇرىلىسىن بەلسەنە ىلگەرىلەتىپ، كەلىسكەن تۇرعىنداردى ينفورماتسيامەن قامداۋ، ءوزارا ىقپالداسۋ، سالاماتتىعىن باسقارۋ قاتارلى قولايلى قىزمەت وتەيدى. قازىر 65 جاستان اسقان جانە ودان جوعارى قارتتاردىڭ دەنساۋلىعىن باسقاراتىن ادام سانى 1 ميلليون 58 مىڭ 500 ادام ، دەنساۋلىق باسقارۋ مولشەرى % 73.5 بولدى.

  بيىل 4-ايدا، رايونىمىز قارتتاردىڭ دەنساۋلىعىن باسقارۋ قىزمەت وتەۋ جۇيەسى قۇرىلىسىن اتقارۋ جوباسىن بەلگىلەپ، دەنساۋلىق ساقتاۋ تاربيەسى ، الدىن الۋ ، دەنساۋلىق قورعاۋ ، اۋرۋدى ەمدەۋ ، ساۋىقتىرۋ ، كۇتىمدەۋ ، ۇزاق ۋاقىت كۇتىمدەۋ ، تىنىش ەمدەۋ سىندى 6 جاقتان 28 ٴتۇرلى قىزمەت مىندەتىن ورتاعا قويدى.

  رايونىمىز حالىق تۇرمىسىن قامتاماسىزداندىرۋ جانە قارتتاردى كۇتىمدەۋگە قىزمەت وتەۋدى بىرىكتىرەدى. 2016-جىلى — 2020-جىلى، رايونىمىز قازىناسى قارتتار يگىلىك ىستەرىن دامىتۋعا جيىنى 3 ميلليارد 428 ميلليون يۋان قوسىمشا قاراجات ورنالاستىرىپ، قارتتاردى كۇتىمدەۋگە قىزمەت وتەۋ جۇيەسى قۇرىلىسى قاتارلى نەگىزگى قۇرىلعى قۇرىلىسىن قولداپ، 5 ايماق، وبلىستىڭ ءۇي جانە الەۋمەتتىك اۋماقتا قارتتاردى كۇتىمگە الۋ سىناق ٴتۇيىنى قىزمەتىن ورىستەتۋىن قولدادى. بيىل، رايونىمىز ىلگەرىندى-كەيىندى ەكى رەت كەدەيلىكتەن ارىلتۋدان قامال الۋ قارجىسى ٴبىر ميلليارد 508 ميلليون يۋان تياناقتاندىرىلىپ، 22 اۋداننىڭ اۋىل-قىستاق باقىت اۋلاسىنىڭ 195ىنىڭ جاڭادان سالىنۋىنا، 12 سىنىڭ كەڭەيتىپ سالىنۋىنا قولداۋ كورسەتتى. سونىمەن قاتار، وڭتۇستىك شينجياڭداعى 3 ايماق ، ٴبىر وبلىستا باقىت اۋلاسىنىڭ اينالىمىنا 5 ميلليون 175 مىڭ يۋان كومەك قاراجات ورنالاستىرىلدى.

جاۋاپتى رەداكتور : سايراش تۇرارجان قىزى

ەسكەرتۋ:

تورابىمىزداعى مازمۇنداردى پايدالانۋعا تۋرا كەلگەندە، ءسوزسىز جازباشا رۇقساتقا يە بولۋ كەرەك. مازمۇنداردى رۇقساتسىز جالعاپ تاراتۋعا، كەسىپ رەداكسيالاۋعا، وزگەرتۋگە، قىسقارتىپ قۇراستىرۋعا، باسقا ورىنعا كوشىرۋگە نەمەسە باسقا تاسىلدەرمەن كوبەيتۋگە ءارى تاراتۋعا بولمايدى، قايشى كەلگەندەردىڭ زاڭدىق جاۋاپكەرشىلىگى زاڭ بويىنشا قۋزاستىرىلادى.

  • وسى كەزەكتى جۇڭگو − ازيا - ەۆروپا كورمەسى تۇڭعىش رەت نەگىزگى قوناق ولكەلەردى بەلگىلەدى
  • تاپسىرىس ونىمدەردى جەدەل ءوندىرىپ، قامداۋدى قامتاماسىز ەتتى
  • جىلدىق مىندەتتى ءساتتى ورىنداۋعا شىنايى كەپىلدىك ەتتى
  • شينجياڭ جۇڭتاي توبى دۇنيە جۇزىندەگى 500 قۋاتتى كاسىپورىن قاتارىنا ءوتتى
  • جەل - جارىق ەنەرگياسى ءوزارا تولىقتىردى