تيانشان تورىنىڭ حابارى (سۋرەتىن ءتۇسىرىپ حابارىن جازعان تىلشىلەر گو ليڭ، لۇي يحان، جۇڭ جاۋفىڭ) 10 - ايدىڭ 23 - كۇنى شينجياڭ حوتان ايماعى گۇما اۋدانى حىجيا جاڭا قىستاعى ولشەمدەندىرىلگەن ەسەك باعىمشىلىق ورتالىعىندا، سالامات تۇرۇپ جاڭا عانا ءسۇت ساۋۋ قىزمەتىن اقىرلاستىرىپ، ءشوپ تەرىپ، قوراداعى ەسەكتەرگە اپاردى، تاقايلار ونىڭ الدىنا جۇگىرىپ كەلدى. سالامات كۇلىپ تۇرىپ تىلشىگە: ءوزىنىڭ قازىر باعىمشىلىق ورتالىعى ٴسۇت ساۋۋ اترەتىنىڭ باستىعى ەكەنىن، تۇراقتى كىرىسى ونىڭ كەدەيلىكتەن قۇتىلۋىنا كومەكتەسكەنىن ايتتى.
حىجيا جاڭا قىستاعىنىڭ باتىس سولتۇستىگىندەگى ولشەمدەندىرىلگەن ەسەك باعىمشىلىعى ورتالىعىنىڭ اۋەدەن تۇسىرىلگەن سۋرەتى.
23 - كۇنى، ٴتىلشى حىجيا جاڭا قىستاعىنىڭ باتىس سولتۇستىگىندەگى ولشەمدەندىرىلگەن ەسەك باعىمشىلىق ورتالىعىنا كەلدى. بۇل ارا باعىمشىلىق، ٴسۇت ساۋۋ، تۇقىم جەتىلدىرۋ، عىلمي زەرتتەۋ، جوتكەۋ ٴبىر تۇلعالانعان كولەمدەنگەن باعىمشىلىق بازاسى، جيىنى 34 ميلليون 140 مىڭ يۋان قارجى قوسىلىپ، 36 ولشەمدى قورا - قالتقى جاڭادان سالىندى. ءبىر وتىرعىنىڭ اۋماعى 1117 شارشى مەتر، مال دارىگەرلىك ٴبولىمى، زارارسىزداندىرۋ ٴبولىمى، جەم -ءشوپ قويماسى، ۇرىقتاندىرۋ پۋنكتى، ساۋىنحانا قاتارلى قوسالقى قۇرىلعىلارى تولىق.
باعىمشىلىق بازاسى.
باعىمشىلىق ورتالىعى زاۆودىنىڭ باستىعى حى لينتۇڭ تانىستىرىپ بىلاي دەدى: بۇل ورتالىق ساۋىن ەسەكتى شوعىرلى باعۋ، ءبىر تۇتاس باسقارۋ سىندى باعىۋ ۇلگىسىن قولدانىپ، ءبىر ەسەكتىڭ جىلدىق كىرىسىن 5000 يۋاننان 6000 يۋانعا دەيىن جەتكىزىپ، 5000 كەدەي وتباسىن كەدەيلىكتەن ارىلتۋعا جەتەكتەدى.
تاياۋ جىلداردان بەرى، گۇما اۋدانى ەرەكشە شارۋاشىلىقتى دامىتۋدى نەگىز ەتىپ، ەسەك شارۋاشىلىعىن زور كۇشپەن دامىتىپ، كەدەي بۇقارانىڭ كەدەيلىكتەن ارىلىپ، كىرىسىن ارتتىرۋىنا ٴونىمدى جەتەكشىلىك ەتۋمەن بىرگە، بۇكىل اۋداننىڭ اۋىل ـ قىستاقتى گۇلدەندىرۋ ستراتەگياسىن ىلگەرىلەتۋىنە، جاراسىمدى، باياشاتتى جاڭا اۋىل ـ قىستاق قۇرۋعا دا تىڭ جول اشتى.
ٴتىلشى گۇما اۋدانى كاسىپتىك باقشا رايونىنداعى ەسەك ٴسۇت پاراشوگى زاۆودىنا كەلدى، ەسەك ٴسۇت پاراشوگى، ەسەك ءسۇتى ايرانى سياقتى ونىمدەر زالدىڭ كورمە تەكشەسىنە قويىلعان. بۇل زاۆودتىڭ جاۋاپتىسى ۋاڭ زىشي تانىستىرىپ بىلاي دەدى: مانەرلەۋ زاۆودى ايىنا 1200 توننا جاڭا ەسەك ٴسۇتىن، 25 توننا توڭازىتىپ قۇرعاتىلعان ەسەك ٴسۇتىن، 100 توننا ايراندى ٴبىر جايلى ەتەدى، قازىرگە دەيىن كەدەي وتباسىنان 120 ادامدى جۇمىسقا ورنالاستىردى.
باعىمشىلىق بازاسىنداعى ەسەك.
سول جەردەگى سەرىكتەستىكتىڭ باستاۋىندا، ەسەك ٴسۇتى تالقانى، ەسەك ەتى، سەيىل ـ سەرۋەن ازىق ـ تۇلىگى سياقتى مانەرلەنگەن ونىمدەر مەن جاڭا ەسەك ٴسۇتى شينجياڭنىڭ ٴىشى ـ سىرتىنداعى بازارلارعا ساتىلىپ، ونىمدەردىڭ ۇستەمە قۇنى مەن تانىمالىلىعىن جوعارىلاتتى.
”ٴبىر قۇمىرا 300 گرام ەسەك ٴسۇت پاراشوگىنىڭ بازارداعى باعاسى 1200 يۋاننان اسادى“، ـ دەدى گۇما اۋداندىق اۋىل شارۋاشىلىعى، اۋىل ـ قىستاق مەكەمەسى پارتيا باسشىلىق گرۋپپاسىنىڭ شۋجيى يۋان جين تانىستىرىپ، ”ازىقتىق قۇرامى جوعارى بولۋ مەن ءونىمنىڭ از بولۋداي ەرەكشەلىگىمەن ەسەك ٴسۇتى سياقتى قاتىستى مانەرلەنگەن ونىمدەردىڭ ٴونىمى وتە جاقسى بولدى“.
باعىمشىلىق بازاسى.
