قاشقار ايماعى 2 ميلليون 835 مىڭ 300 ادامعا نۋكلەين قىشقىلىن ۇلگى الىپ تەكسەرۋ جۇرگىزدى، جاڭا تيپتى ايدارشا ۆيرۋس وكپە قابىنۋ اۋرۋ بەلگىسى جوق 137 جۇعىمدالۋشى جاڭادان ارتتى
شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 10 - ايدىڭ 25 - كۇنى ۇرىمجىدەن حابارلايدى. 10 - ايدىڭ 25 - كۇنى شينجياڭ وتكىزگەن قاشقار ايماعى كونەءشار اۋدانىنداعى جاڭا تيپتى ايدارشا ۆيرۋس وكپە قابىنۋ ىندەتى جانە ىندەتتەن ساقتانۋ - تىزگىندەۋ قىزمەتى جونىندەگى اقپار جاريالاۋ ءماجىلىسىنىڭ تانىستىرۋىنا قاراعاندا، كونەءشار اۋدانىندا جاڭا تيپتى ايدارشا ۆيرۋس وكپە قابىنۋ اۋرۋ بەلگىسى جوق جۇعىمدالۋشى بايقالعاننان كەيىن، رايونىمىز تىزگىن ۇشىمەن كونەءشار اۋدانىن ءتۇيىن ەتىپ، قاشقار ايماعىنداعى بارلىق ادامنىڭ نۋكلەين قىشقىلىن تەگىن تەكسەرۋدى ورىستەتتى. 10 - ايدىڭ 25 - كۇنى ساعات 14كە دەيىن، قاشقار ايماعى 2 ميلليون 835 مىڭ 300 ادامعا نۋكلەين قىشقىلىن ۇلگى الىپ تەكسەرۋ جۇرگىزدى.
اۆتونوميالى رايوندىق دەنساۋلىق ساقتاۋ، سالاماتتىق كوميتەتىنىڭ ورىنباسار مەڭگەرۋشىسى گۋ يىڭسۋدىڭ تانىستىرۋىنا قاراعاندا، 10 - ايدىڭ 24 - كۇنى كونەءشار اۋدانى ”تەكسەرۋگە تيىستىلەرىن مۇمكىندىگىنشە تەكسەرۋ“ بويىنشا ادامدارعا بەلگىلى مەرزىم بويىنشا تەكسەرۋ جۇرگىزگەندە، جاڭا تيپتى ايدارشا ۆيرۋس وكپە قابىنۋ اۋرۋ بەلگىسى جوق ءبىر جۇعىمدالۋشىنى بايقاعان، ونىمەن تىعىز جاناسقانداردىڭ، تىعىز جاناسقاندارعا تىعىز جاناسقانداردىڭ نۋكلەين قىشقىلىن تەكسەرۋ جۇرگىزۋ ارقىلى 10 - ايدىڭ 25 - كۇنى ساعات 14كە دەيىن 137 ادامنىڭ تەكسەرۋ ناتيجەسى بولىمدى بولىپ، مامانداردىڭ دياگنوز قويۋى ارقىلى بارلىعى اۋرۋ بەلگىسى جوق جۇعىمدالۋشى دەپ تۇراقتاندىرىلدى.
ىندەت تۋىلعاننان كەيىن، اۆتونوميالى رايوندىق پارتكوم دەرەۋ ىندەت جاعدايىن لايىقتى ورنالاستىرۋ، ءار ۇلت بۇقاراسىنىڭ دەنساۋلىعى مەن ءومىرىنىڭ حاۋىپسىزدىگىنە شىنايى كەپىلدىك ەتۋ جونىندە ورنالاستىرۋ، شەشىم جاسادى ءارى قىزمەت گرۋپپاسىن، ماماندار گرۋپپاسىن قاشقارعا بارىپ ساقتانۋ - تىزگىندەۋ قىزمەتىنە جەتەكشىلىك ەتۋگە جىبەردى. كونەءشار اۋداندىق ىندەتتەن ساقتانۋ - تىزگىندەۋ قولباسشىلىق شتابى شۇعىل جاعدايعا توتەپ بەرۋ ساقتىق دابىلى مەحانيزمىن دەرەۋ ىسكە قوستى، قاشقار ايماقتىق ىندەتتەن ساقتانۋ - تىزگىندەۋ قىزمەتى قولباسشىلىق شتابى 1 - دارەجەلى ساقتىق دابىلىن دەرەۋ ىسكە قوسىپ، اۆتونوميالى رايوننىڭ، قاشقار ايماعىنىڭ بىرلەسكەن ماماندار گرۋپپاسى دەرەۋ كونەءشار اۋدانىنا بارىپ قىزمەت ورىستەتتى، قاتىستى تاراۋلار ىندەت جاعدايىن تۇجىرىمداۋ، ەپيدەميولوگيا تەكسەرۋ، ءتۇيىندى ادامدار شوعىرىن اداقتاۋ، نۋكلەين قىشقىلىن تەكسەرۋ سياقتى قىزمەتتەردى جاپپاي ورىستەتتى. عىلمي شارالاردى باتىلدىقپەن اتقارۋعا، دالمە - ءدال ساقتانۋ - تىزگىندەۋگە باتىل تاباندى بولىپ، ىندەتتىڭ تارالماۋىنا، ورشىمەۋىنە شىنايى كەپىلدىك ەتتى.
اۆتونوميالى رايون اۆتونوميالى رايوندىق نۋكلەين قىشقىلىن تەكسەرۋ ورتالىعىنان جانە اقسۋ، حوتان، بايىنعولين، سانجى سياقتى ايماق، وبلىستاردان 600دەن استام نۋكلەين قىشقىلىن تەكسەرەتىن ادامداردى دەرەۋ ۇيىمداستىرىپ، قاشقاردا نۋكلەين قىشقىلىن تەكسەرۋ قىزمەتىنە جەدەل كومەك بەردى، قاشقار ايماعى ايماقتىڭ وزىنەن 2500دەن استام كاسىپتىك قىزمەتكەرلەردى شىعارىپ، تەكسەرۋ اترەتىن ۇيىمداستىرىپ - قۇرىپ، كونەءشار اۋدانىن ءتۇيىن ەتىپ، قاشقار ايماعىنداعى بارلىق ادامنىڭ نۋكلەين قىشقىلىن تەگىن تەكسەرۋدى دەرەۋ ورىستەتتى.
گۋ يىڭسۋ بىلاي دەپ تانىستىردى: قازىر قاشقار ايماعىنداعى اۆياتسيا، تەمىر جول، تاس جول سياقتى قاتىناس جولدارىنىڭ بارلىعىندا قالىپتى قاتىناس جۇرىلۋدە. سىرت جەرلەردەن قاشقارعا كەلگەن ادامدار اۋاشالانبايدى، نۋكلەين قىشقىلىن تەكسەرۋ مالىمەتىن الا ءجۇرۋدىڭ قاجەتى جوق، ماسكى تاعۋ، دەنە تەمپەراتۋراسىن ولشەۋ، سالاماتتىق كود شارالارىن تياناقتاندىرسا بولعانى. قاشقاردان كەتەتىن سىرت جەرلەردەن كەلگەن ساياحاتشىلاردا نۋكلەين قىشقىلىن تەكسەرۋدىڭ 7 كۇن ىشىندەگى كۇشىنە يە بولىمسىز مالىمەتى بولسا قاشقاردان قالىپتى كەتۋىنە بولادى.
