شينجياڭ گازەتىنىڭ جالپىلىق اقپارات قۇرالدارى تىلشىلەرى جىڭ جو، ليۋ - ي، زوۋ - ي، جۇڭ جاۋفىڭ
اماننيسا ءابدۇقادىر جالقاۋ جان ەمەس - تى، ءبىراق بۇرىن قانشا قۇلشىنسا دا ءبىر وتباسىنداعىلاردىڭ تاپقانى ىشەر اسىنا ارەڭ جەتۋشى ەدى. ”ەندىگارى مۇنداي كەتە بەرۋىمىزگە بولمايدى“، - دەدى 2 ءسابي بالاسىنا قاراپ تۇرىپ اماننيسا قايراتتانا.
بۇرىلىس 2019 - جىلى تۋىلدى. قىستاق ءبىر ساڭىراۋقۇلاق ەگىمشىلىگى كاسىپورنىن اشقالى جاتقانىن ەستىپ، قازىرگى جاعدايىن وزگەرتۋگە اسىققان اماننيسا تىزگىن ۇشىمەن بارىپ تىزىمگە الىنىپ قابىلدانادى دا جۇمىسشىعا اينالادى.
”مەن جۇمىس تاپتىم، كەيىن اي سايىن تۇراقتى كىرىسىم بولاتىن بولدى“، - دەدى اماننيسا نىق سەنىممەن. بۇل كۇندەرى قاراقاش اۋدانى سايباق اۋىلى گۋاڭميڭ قىستاعىنان كەلگەن وسى جاس الدەقاشان كاسىپورىننىڭ ساپا تەكسەرۋشىسىنە جانە باۋلۋشىسىنا اينالىپ، ايلىق كىرىسى 3000 يۋانعا مولايدى. كۇيەۋى قۇرىلىس ورنىندا ۋاقىتتىق جۇمىس ىستەيدى، ايلىق كىرىسى 5000 يۋان. ءبىر ءۇيلى جان كەدەيلىك قالپاعىن لاقتىرىپ تاستاۋمەن بىرگە، ارمانداعان باقۋاتتى كۇندەرىن وتكىزىپ جاتىر.
اماننيسانىڭ اۋىلى قاراقاش اۋدانى تاكلاماكان شولىمەن ىرگەلەس جاتادى، ادام باسىنا تۋرا كەلەتىن ەگىستىك جەر اۋدانى 0.8 مۋعا جەتپەيدى. كەدەيلىكتەن ارىلتۋدان قامال الۋ شايقاسىنىڭ جەڭىسىنە قول جەتكىزۋ ءۇشىن، سوڭعى جىلدارى قاراقاش اۋدانى كاسىپ سالاسىن دامىتۋ ارقىلى جۇمىستاندىرۋدى جەتەكتەدى، كەدەيلەردى سۇيەمەلدەۋ نىسانى ارقىلى كىرىستى ارتتىرۋعا جەتەكتەدى، ەڭ تومەنگى شەكتەن تۇسىرمەي قامتاماسىز ەتۋ ارقىلى قايتا كەدەيلەسۋدىڭ الدىن الدى، ءبىر - بىرلەگەن تىڭعىلىقتى شارالار كەدەيلىكتەن ارىلتۋدان قامال الۋدىڭ نەگىزىن بەكەمدەپ، كەدەيلىكتەن ارىلتۋدان قامال الۋدىڭ تابىسىنا قول جەتكىزدى، تۇتاس اۋداندا كەدەيلىكتىڭ تۋىلۋ سالىستىرماسى 2014 - جىلعى ％35.22تەن 2019 - جىلى ％7.1كە تومەندەدى. بۇل كۇندەرى وسى سان نولگە ءتۇستى.
كاسىپ سالاسى ارقىلى كەدەيلەردى سۇيەمەلدەۋدە تۇبىرىنە دەيىن سۇيەمەلدەدى
5 اي عانا قىزمەت ىستەگەنىمەن، مامەتابدوللا اسەن بۇل كۇندەرى شينجياڭ مەيبيتى توبى شەكتى سەرىكتەستىگىنىڭ رەتتەۋ 2 - ءبولىمى سەحىنىڭ مەڭگەرۋشىسىنە اينالىپ، ايلىق كىرىسى 3000 يۋانعا جەتتى.
مامەتابدوللا قاراقاش اۋدانى زاۋا قالاشىعى لاڭگار قىستاعىنىڭ ادامى. 4 جىلدىڭ الدىندا اقشا تابۋ ءۇشىن ول ىشكى وڭىرلەرگە بارىپ كاۋاپ ساتىپ، تاپقان اقشاسىن وتباسىنا بەرەتىن. ءبىراق اكە - شەشەسىنىڭ جاسى بارعان سايىن ۇلعايىپ، باعىپ - قاعۋعا تۋرا كەلەدى، بيىل 5 - ايدا ول اۋىلىنا قايتۋعا بەكىنەدى ءارى تەز ارادا شينجياڭ مەيبيتى سەرىكتەستىگىنەن جۇمىس تاۋىپ الادى.
مامەتابدوللا زاۆودتاعى قىزمەتتەستەرىنىڭ كوبىنىڭ توڭىرەكتەگى اۋىل - قالاشىقتاردان كەلگەندىگىن، جارتىسىنان كوبىنىڭ كەدەي وتباسى ەكەندىگىن، بۇل كۇندەرى ادام باسىنا شاققانداعى ايلىق كىرىستەرىنىڭ 2600 يۋانعا جەتەتىندىگىن، وتباسى تۇرمىستارىنىڭ دەرلىكتەي جاقسارعاندىعىن بايقادى.
”قازىر قىستاقتا بوس جۇرەتىن ادام جوق دەرلىك. قىستاققا جاقىن ماڭداعى زاۆودتاردا جۇمىس ىستەۋگە بولادى، كوپشىلىكتىڭ بارلىعى قۇلشىنا قىزمەت ىستەپ، اقشا تاۋىپ جاتىر. مەنىڭ كورشىم ابىلەت الىمجان بۇرىن ەلەكتروسيكلدى دە ساتىپ الا المايتىن، قازىر ءبىر ءدارى - دارمەك جاساۋ زاۆودىنا بارىپ جۇمىس ىستەگەننەن كەيىن شاعىن اۆتوكولىك ساتىپ الدى، تاعى ءبىر ءدارى - دارمەك دۇكەنىن اشۋعا دايىندالۋدا“. مامەتابدوللا ماڭايىنداعى ادامداردا بولعان وزگەرىستەردى ءبىر - بىرلەپ اۋىزعا الدى.
قۇلشىنۋ ارقىلى جاعدايىن وزگەرتكەن تەك مامەتابدوللا عانا ەمەس. ابىلەز ءماتتۇرسىن 21 جاستا، بۇرىن كەدەي وتباسى بولاتىن، قاراقاش اۋدانى ۋانفىڭ مال شارۋاشىلىعىن دامىتۋ شەكتى سەرىكتەستىگىنە بارىپ جۇمىس ىستەگەننەن كەيىن، قاجىماي قۇلشىنىپ، مال شيپاگەرىنە اينالىپ، ايلىق ەڭبەكاقىسى 4000 يۋانعا مولايدى، ال قازىر ءوندىرىس فەرماسىنىڭ ورىنباسار باستىعى بولعان ونىڭ ايلىق كىرىسى 6000 يۋانعا جەتتى.
حوتان شىڭگويۋان اۋىل شارۋاشىلىعى عىلىم - تەحنيكاسىن اشۋ شەكتى سەرىكتەستىگى جەرگىلىكتى ورىننىڭ ەرەكشە باعىمشىلىق كاسىبىنە سۇيەنىپ، 1000نان استام كەدەي وتباسىن كىرىستەرىن ارتتىرۋعا جەتەكتەدى؛ شامولۇيگويۋان اۋىل شارۋاشىلىق ونىمدەرى سەلبەستىك كووپەراتيۆى ەلەكتروندى ساۋدا تۇعىرى ارقىلى ءوندىرۋ - قامداۋ - ساتۋ ءبىر جەلىلەنگەن تيجارات تىزبەگىن قۇرىپ، توڭىرەكتەگى 1700 شارۋانى جۇمىسقا قابىلدادى، مۇنىڭ ىشىندە كەدەي وتباسىلارىنان 950 ادام بار؛ حوتان باليمۋ ساۋدا شەكتى جاۋاپكەرشىلىك سەرىكتەستىگى قىستاقتا 11 زاۆود قۇرىپ، كەدەي وتباسىلارىنان 950 نەشە ادامدى جۇمىسقا قابىلدادى، ادام باسىندىق كىرىس 2200 يۋان بولدى...
سوڭعى جىلدارى قاراقاش اۋدانى كاسىپ سالاسى ارقىلى جۇمىستانۋدى دەمەپ، جۇمىستانۋ ارقىلى كەدەيلىكتەن ارىلتۋدى جەبەپ، بايلىق قاينارى قابىلەتىن تەرەڭ اشىپ، كاسىپ سالاسىن دامىتۋ مەن جۇمىستاندىرۋ ارقىلى كەدەيلەردى سۇيەمەلدەۋدى ۇشتاستىرىپ، كاسىپ سالاسىنىڭ ورنالاسۋىن اناعۇرلىم ساپالىلاندىردى، سانجۋلياڭ، يۇيشىڭيۋان كەپتەر شارۋاشىلىعى، ۋانفىڭ مال شارۋاشىلىعى، شۋشاڭلاۋجۇن، شينجياڭ مەيبيتى سياقتى كاسىپورىنداردى ەنگىزىپ، قويان، كەپتەر، قوي، تاۋىق، ۇيرەك، قاز، سيىر باعىمشىلىعى، مانەرلەۋ سياقتى ەگىن، مال شارۋاشىلىعى تىرەكتى كاسىپ سالالارىن دامىتتى، قازىر تۇتاس اۋداندا ونەركاسىپ كاسىپورنىنان 108ى، اۋىل شارۋاشىلىعى كاسىپورنىنان 28ى بار، 7 شاعىن، ۇساق كاسىپ سالاسى باقشاسى، 15 اۋىل - قالاشىق اۋىل شارۋاشىلىق ساۋدا بازارى، 43 سەنترلى قىستاق شارۋاشىلىق قۇرۋ بازارى قۇرىلىپ، كەدەي وتباسىلارىنىڭ جۇمىستانىپ كىرىستەرىن ارتتىرۋىنا پارمەندى جەتەكشىلىك ەتتى.
نىسان ارقىلى كەدەيلەردى سۇيەمەلدەۋدى سۇيەنىش ەتتى
جاستاردىڭ زاۆودتاردا جۇمىستانىپ، كىرىستەرىن ارتتىرۋىنا بولادى، قىستاقتا قالعان كەدەي وتباسىلارىنىڭ كەدەيلىكتەن ارىلۋى قارجى جانە نىساننىڭ سۇيەمەلدەۋىن ءتىپتى دە قاجەت ەتەدى.
”بىرنەشە كۇن ىلگەرى مەن 90 تاۋىق ساتتىم، شوجەلەردىڭ اقشاسىن تاپسىرعاننان كەيىن 4500 يۋان تازا پايدا تاپتىم“. قاراقاش اۋدانى اقساراي اۋىلى قۇمدان قىستاعىنىڭ تۇرعىنى مامەتالي تۇرسىنباقىنىڭ تاۋىق قوراسى بوساپ، قالتاسى قامپايدى.
ءبىر رەتكى قاتىناس شىرعالاڭىنان كەيىن، مامەتالي مۇگەدەككە اينالىپ كەدەي بولىپ قالادى. 2018 - جىلى ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇراتىن قىزمەت اترەتى مەن قىستاق ”ەكى كوميتەتى“ 509 مىڭ يۋان قارجى قۇراپ، 103 كەدەي وتباسىنا قارا تاۋىق باعاتىن 103 دوعاشا لاپاستى شوعىرلاندىرا سالىپ بەردى. قارا تاۋىق ءبىر جىلدا 2 توپتا ساتىلادى، ءاربىرىن 65 يۋانعا ساتۋعا بولادى، شوجەنىڭ جانە باعۋدىڭ وزىندىك قۇنىن شىعارىپ تاستاعاندا، ءار وتباسى جىلىنا 9000 يۋان كىرىس كىرگىزەدى. مامەتاليدىڭ ايەلى قىستاقتاعى سەلبەستىك كووپەراتيۆىندە ۋاقىتتىق جۇمىس ىستەيدى، اي سايىن ونىڭ دا تۇراقتى كىرىسى بار. كەدەيلەردى سۇيەمەلدەۋ نىسانىنىڭ قولداۋىنا سۇيەنگەن مامەتاليدىڭ وتباسىنداعىلار كەدەيلىكتەن ارىلدى.
”باعىمشىلىق ىستەۋدىڭ اقشاسى شينجياڭعا كومەكتەسۋ قارجىسىنان جانە كەدەيلەرگە كومەكتەسۋ، سۇيەمەلدەۋ قارجىسىنان كەلەدى، بۇل اقشانى تەك جۇمساۋدى عانا ءبىلىپ، كىرىس كىرگىزبەۋگە بولمايدى“، - دەدى اۆتونوميالى رايوندىق ارىز - ارمان مەكەمەسىنەن قۇمدان قىستاعىندا تۇراتىن ءبىرىنشى شۋجي لي يۇيگاڭ، شوجە تاراتقان كەزدە شارۋا وتباسى اقشا تاپسىرمايدى، ءبىراق تاۋىق ساتىپ پايدا تاپقاننان كەيىن، شارۋالار وتباسى شوجەنىڭ اقشاسىن تاپسىرۋى كەرەك، بۇل اقشا قايتا اينالىپ كەلىپ ”قارجى قويماسىنا“ قۇيىلىپ، قايتالامالى پايدالانىلىپ، ەڭ ۇلكەن دەڭگەيدە قارجىنىڭ سۇيەمەلدەۋ رولىن ساۋلەلەندىرەدى.
نىسان قارجىسىنىڭ قولداۋىندا وسى قىستاق ىلگەرىندى - كەيىندى سيىر، قوي، تاۋىق، كەپتەر باعىمشىلىعى، تاقتايشا ماتەريالدار مانەرلەۋ سياقتى 8 سەلبەستىك كووپەراتيۆىن جانە كەدەيلەردى سۇيەمەلدەۋ سەحىنان بىرەۋىن قۇردى، تۇتاس قىستاقتاعى ％40تەن استام كەدەي وتباسى سەلبەستىك كووپەراتيۆىنە جارنا قوسىپ، ％90تەن استام ەڭبەككۇش سەلبەستىك كووپەراتيۆىندە جۇمىستاندى.
قاراساي قالاشىعى شارۋالار وتباسىنىڭ اماناتتاپ باقتىرۋ جانە ءوزى باعۋ ءادىسىن بىرلەستىرىپ، اسىل تۇقىم، جەتىلدىرۋ، باعۋ، ساتۋ ءبىر تۇلعالانعان مال شارۋاشىلىعى باعىمشىلىعى كاسىپ سالاسى تىزبەگىن قۇرىپ، ىستەۋدى قالايتىن 2005 كەدەي وتباسىن شاعىن سومالى امانات - قارىز اقشادان پايدالانىپ باعىمشىلىقپەن شۇعىلدانۋعا باستاپ، كەدەيلىكتەن ارىلىپ، كىرىستەرىن ارتتىرۋعا ءونىمدى جەتەكتەدى.
كەدەيلىكتەن ارىلتۋدىڭ باياندىلىعىن جوعارىلاتۋ ءۇشىن، سوڭعى جىلدارى قاراقاش اۋدانى اۋىل شارۋاشىلىعىنىڭ كاسىپ سالالانىپ دامۋىن بار كۇشپەن ىلگەرىلەتىپ، ەرەكشە ەگىمشىلىكتى (باعىمشىلىق) جايعاستىرۋدى توڭىرەكتەي وتىرىپ، ”كاسىپورىن + بازا + سەلبەستىك كووپەراتيۆى + كەدەي وتباسى“ دامۋ ۇلگىسىن قولدانىپ، كاسىپ سالاسىنىڭ شوعىرلانا، كولەمدەنە جۇرگىزىلۋىن ۇزدىكسىز ىلگەرىلەتتى، سونىمەن بىرگە كەدەي وتباسىلارىنىڭ ىشكى قوزعاۋشى كۇشىن قاۋلاتۋعا باسا ءمان بەرىپ، بيىل الدىڭعى جارتى جىلدا 22 مىڭ 3 ارحيۆ تۇرعىزىلىپ، كارتچكالاندىرىلعان كەدەي وتباسى كاسىپ سالاسىنىڭ جانە نىساننىڭ جەتەكتەۋىندە كىرىستەرىن ارتتىردى.
ەڭ تومەنگى شەكتەن تۇسىرمەي قامتاماسىز ەتىپ، قايتا كەدەيلەسۋدەن ساقتاندى
”جاقسى ساياساتتىڭ ارقاسى عوي، ايتپەگەندە كەدەيلىك قالپاعىن قالاي لاقتىرا الار ەدىك“، - دەدى اقساراي اۋىلى قۇمدان قىستاعىنىڭ تۇرعىنى تۇرنيسا روزىمامەت تىلشىگە، بىلتىر كۇيەۋى اياق استىنان قايتىس بولىپ، وتباسىنىڭ تىرەگىنەن ايىرىلىپتى. ”كەدەيلىكتەن ەندى عانا ارىلدىق، قايتا كەدەيلەسىپ قالامىز با؟“ دەپ تۇرنيسا ىشتەي قاتتى ابىرجيدى...
جاعدايدى ۇعىسقاننان كەيىن، قىستاق كادرلارى دەرەۋ تەكسەرۋ جۇرگىزىپ، جۇمىستاندىرۋ، كومەكتەسۋ - سۇيەمەلدەۋ سياقتى ءبىر قىدىرۋ شارالاردى دەرەۋ ىسكە قوستى. قىستاق ونىڭ دۇكەن اشۋىنا، سونداي - اق ءبىر قورا قارا تاۋىق باعۋىنا كومەكتەستى جانە ونىڭ قىستاقتاعى پوچتا جەدەل جولداما جۇمىستارىن وكىلەتتى ىستەۋىنە مۇمكىندىك جاساپ، ينتەرنەت ارقىلى ساتقان جاڭعاق سياقتى ونىمدەردەن وعان پايدا ۇلەسىن بەردى. دارەجەگە ءبولىپ باقىلاۋ - تەكسەرۋ، ساقتاندىرۋ مەحانيزمىنىڭ رولىمەن بۇل وتباسىنىڭ حال - جايى وڭالا باستادى.
كەدەيلىكتەن ارىلتۋدان قامال الۋ ىلگەرىلەتىلىپ بۇگىنگى كۇنگە جەتكەندە، قايتا كەدەيلەسۋدەن ساقتانۋ مەن ۇزدىكسىز قامال الۋ بىردەي ماڭىزدى. سوندىقتان قاراقاش اۋدانى ”قىزىل، قىزعىلت سارى، سارى، جاسىل“ سىندى ءتورت ءتۇستى دارەجەگە ءبولىپ باقىلاۋ - تەكسەرۋ، ساقتاندىرۋ مەحانيزمىن اتقارىپ، ايىنا ءبىر رەت باقىلاپ - تەكسەرىپ، كەدەي وتباسىلاردىڭ جارىققا شىعۋ احۋالىنا دەر كەزىندە تالداۋ جۇرگىزىپ، تۇجىرىم جاساپ، يكەمدى قاداعالاپ، تۇرلەرگە ءبولىپ كومەكتەسىپ سۇيەمەلدەدى، قازىر كەدەيلىكتەن ارىلۋى ورنىقتى بولماعان وتباسىلار كەدەيلەسۋگە تاياپ تۇرعان وڭاي كەدەيلەسەتىن وتباسىلار تۇگەلدەي كەدەيلىكتەن ارىلۋ ولشەمىنە جەتتى. كەدەيلىك تىزىمىنەن شەگىندىرىلگەن كەدەي قىستاقتارعا قاراتا اۋدان دارەجەلى باسشىلاردىڭ كەدەي قىستاقتارمەن بايلانىس جاساۋ، كادرلاردىڭ كەدەي وتباسىلاردى كوتەرمەگە الىپ بايلانىس جاساۋ مەحانيزمى وزگەرمەدى، قازىرگى كەدەيلەردى سۇيەمەلدەۋ ساياساتتارىنىڭ جالپى تۇلعالىق ورنىقتىلىعى ساقتالدى.
مەملەكەتتىڭ ”ءۇش رايون، ءۇش وبلىس“ كەدەيلىكتەن ارىلتۋدان قامال الۋ ءتۇيىندى ءوڭىرى رەتىندە، قاراقاش اۋدانى ”ەكىدەن تارىقتىرماۋ، ءۇشتى قامتاماسىز ەتۋدى“ ارقاۋ ەتىپ، بارلىق قىستاقتاردى، بارلىق شارۋا وتباسىلارىن جالپى بەتتىك تەكسەرىپ، اداقتاپ، بايقالعان ماسەلەلەردى دەر كەزىندە شەشتى.
سالاماتتىق بويىنشا كەدەيلەردى سۇيەمەلدەۋ ساياساتىن تياناقتاندىرىپ، ”الدىمەن ەمدەپ، سوڭىنان اقى تولەۋ“، ”ءبىر تالوندىق“ ەسەپ جابۋ قىزمەت وتەۋىن ورىستەتتى؛ تۋبەركۋلەز اۋرۋىن ”جاپپاي تەكسەرۋ، جاپپاي ەمدەۋ، ەمدەۋگە تيىستىلەرىن تۇگەل ەمدەۋ، شوعىرلى جيناپ ەمدەۋ“ قىزمەتىن جالپى بەتتىك ورىستەتىپ، ”تىعىز بايلانىسقان“ ەمدەۋ ورتاق تۇلعاسى قۇرىلىسىن ىلگەرىلەتىپ، نەگىزگى ساتىدا الدىمەن دياگنوز قويۋ، شۇعىل، سوزىلمالى ناۋقاستاردى ءبولىپ ەمدەۋ، قوس باعىتتا باسقا جەرگە اپارىپ دياگنوز قويۋ، جوعارى - تومەن بىرگە ارەكەتتەنۋ سىندى دياگنوز قويۋ، ەمدەۋ ۇلگىسىن ورناتتى، اۋدان، اۋىل الىس ارالىقتان دياگنوز قويۋ جۇيەسى بۇقارانىڭ ەمدەلۋىنە قولايلىلىق جاراتتى؛ وقۋ - اعارتۋ ارقىلى كەدەيلەردى سۇيەمەلدەۋ ساياساتىن جاپپاي تياناقتاندىرىپ، وقۋدان قول ءۇزۋدى تەجەۋدى، وقۋعا كەپىلدىك ەتۋدى كۇشەيتىپ، مىندەتتى وقۋ - اعارتۋ كەزەڭىندە مەملەكەتتە ءبىر تۇتاس قولدانىلاتىن ءتىل - جازۋ وقىتۋىنىڭ جاپپاي قامتۋىن، وتباسىندا قيىنشىلىعى بار داشۋە وقۋشىلارىنا قارجىلاي كومەك بەرۋدىڭ جاپپاي قامتۋىن كۇشەيتتى؛ بۇكىل اۋدانداعى شارۋا وتباسىلارىنىڭ تۇرعىن ءۇي حاۋىپسىزدىگىن قامتاماسىز ەتۋ نىساناسى تۇگەلدەي ورىندالدى؛ اۋىز سۋ حاۋىپسىزدىگىن بەكەمدەۋ، جوعارىلاتۋ ينجەنەرياسى جۇرگىزىلىپ، كەدەي قىستاقتاردى، كەدەي وتباسىلاردى حاۋىپسىز اۋىز سۋمەن جاپپاي قامتۋ جۇزەگە اسىرىلدى.
سونىمەن بىرگە، قاراقاش اۋدانى قاتىناس ارقىلى كەدەيلەردى سۇيەمەلدەۋدىڭ كوپ ءتۇرلى ينجەنەرياسىن جۇرگىزۋ ارقىلى كەدەي قىستاقتاردىڭ ءجۇرىپ - تۇرۋ شارت - جاعدايىن ىركىلىسسىزدەندىرىپ، 3 جىلدا 1775.3 كيلومەتر اۋىل - قىستاق تاس جولىن سالدى. قازىرگە دەيىن بۇكىل اۋداندا تاس جولدىڭ جالپى ۇزىندىعى 5918 كيلومەترگە جەتىپ، بۇكىل اۋدانداعى بۇقارانىڭ كەدەيلىكتەن ارىلىپ بايۋىنا داڭعىل جول اشتى.
كەدەيلىكتەن ارىلتۋدان قامال الۋدىڭ اياقتالۋ كەزەڭى − اۋىل - قىستاقتى گۇلدەندىرۋدىڭ باستالۋ كەزەڭى. قاراقاش اۋدانى الدىن الا جوبالاۋعا تاباندى بولىپ، كەدەيلىكتەن ارىلتۋدان قامال الۋ جەتىستىكتەرى مەن كەدەيلىكتى ازايتۋدىڭ جاڭا ستراتەگياسىن ”14 - بەسجىلدىق“ جوباعا جانە اۋىل - قىستاقتى گۇلدەندىرۋ ستراتەگياسى جوباسىنا ەنگىزىپ، كاسىپ سالالارىنىڭ ۇلاسۋىن، دارىندىلاردىڭ ۇلاسۋىن، جوبالاردىڭ ۇلاسۋىن، ۇيىمدىق ۇلاسۋدى، ساياساتتىق ۇلاسۋدى مىقتاپ يگەرىپ، اۋىل - قىستاقتى گۇلدەندىرۋگە بەرىك نەگىز قالادى.
