چىن چۋانگو قاشقار ايماعىندا ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزگەندە بىلاي دەپ باسا دارىپتەدى
عىلمي، دالمە - ءدال ساقتانۋ - تىزگىندەۋ شارالارىن ناقتى، ەگجەي - تەگجەيلى تياناقتاندىرىپ، ساقتانۋ - تىزگىندەۋ قىزمەتتەرىن تيتتەي دە بوساڭسىتپاي مىقتى يگەرۋ كەرەك
10 - ايدىڭ 25 - كۇنى اۆتونوميالى رايوندىق پارتكومنىڭ شۋجيى چىن چۋانگو قاشقار ايماعىنا بارىپ، ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزدى. سۋرەتتە: چىن چۋانگو قاشقار قالاسىنىڭ ءبىر مۇيىسىندەگى تۇرعىنداردىڭ نۋكلەين قىشقىلىن تەگىن تەكسەرۋ تۇيىنىندە ەمدەۋ قىزمەتكەرلەرىمەن ىستىق ىقىلاسپەن اڭگىمەلەسىپ، ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاسىپ جاتقان ەمدەۋ قىزمەتكەرلەرىنە جانە الەۋمەتتىك اۋماق قىزمەتكەرلەرىنە شىن جۇرەكتەن العىس ايتتى جانە ولاردان شىنايى حال سۇرادى. سۋرەتتى شينجياڭ گازەتىنىڭ جالپىلىق اقپارات قۇرالدارى ءتىلشىسى سۇي جىجيان تۇسىرگەن
شينجياڭ گازەتىنىڭ جالپىلىق اقپارات قۇرالدارى ءتىلشىسى ۋاڭ شيڭرۇي 10 - ايدىڭ 25 - كۇنى قاشقاردان حابارلايدى. 10 - ايدىڭ 25 - كۇنى تۇستەن كەيىن اۆتونوميالى رايوندىق پارتكومنىڭ شۋجيى چىن چۋانگو قاشقار ايماعىنىڭ كونەءشار اۋدانىنا، قاشقار قالاسىنا كەلىپ، ىندەتتەن ساقتانۋ - تىزگىندەۋ قىزمەتىنە تەكسەرۋ - زەرتتەۋ جۇرگىزدى.
اۆتونوميالى رايوننىڭ جاڭا تيپتى ايدارشا ۆيرۋس وكپە قابىنۋ ىندەتىنەن ساقتانۋ - تىزگىندەۋ قىزمەتى باسشىلىق گرۋپپاسىنىڭ ورنالاستىرۋىنا، جايعاستىرۋىنا ساي، كونەءشار اۋدانى جانە قاشقار ايماعىنىڭ باسقا اۋدان، قالالارى بارلىق ادامعا نۋكلەين قىشقىلى تەكسەرۋىن جۇرگىزۋدى قاۋىرت، تارتىپپەن ورىستەتۋدە. نۋكلەين قىشقىلىن تەكسەرۋ تۇيىنىندە چىن چۋانگو الەۋمەتتىك اۋماق قىزمەتكەرلەرىمەن، ەمدەۋ قىزمەتكەرلەرىمەن جانە ءار ۇلت تۇرعىندارىمەن ىقىلاستى اڭگىمەلەسىپ، ىندەتتەن ساقتانۋ - تىزگىندەۋدىڭ ءبىرىنشى شەبىندە ەرلىكپەن شايقاسىپ جاتقان ەمدەۋ قىزمەتكەرلەرىنە جانە الەۋمەتتىك اۋماق قىزمەتكەرلەرىنە شىن جۇرەكتەن العىس ايتتى جانە ولاردان شىنايى حال سۇرادى ءارى كوپشىلىككە، ءسوز جوق، جۇمىس ولشەمىن قاتايتىپ، وزدەرىن ويداعىداي قورعاۋدى تاپسىردى. ول بىلاي دەپ اتاپ كورسەتتى: ءار ۇلت بۇقاراسىن ويداعىداي ۇيىمداستىرىپ، تەكسەرۋ ورىندارىنىڭ ءتارتىبىن ويداعىداي قورعاپ، دەنە تەمپەراتۋراسىن ولشەۋ، ماسكى تاعۋ، ”ءبىر مەتر ارالىق ساقتاۋ“ سياقتى شارالاردى قاتاڭ تياناقتاندىرىپ، ۇلگى الۋ قىزمەتىن حاۋىپسىز، ءساتتى، جوعارى ونىمدىلىكپەن ورىنداۋعا شىنايى كەپىلدىك ەتۋ كەرەك؛ ۇيدەن شىقپاعان بۇقاراعا كوكىرەك تولى قىزۋ ىنتامەن، ىشكەرىلەي، ەگجەي - تەگجەيلى ويداعىداي قىزمەت وتەپ، قامتاماسىز ەتىپ، ءىس جۇزىندىك قيىنشىلىقتارى مەن ماسەلەلەرىن شىن مانىندە ويداعىداي شەشۋ كەرەك.
قاشقار ايماقتىق 1 - حالىق شيپاحاناسىنىڭ كونەءشار گۋاڭجوۋ شينچىڭ شيپاحانا اۋماعى بۇل جولعى ىندەتتە بەلگىلەنگەن قابىلداپ ەمدەيتىن شيپاحانا بولدى. چىن چۋانگو قۇتقارۋ - ەمدەۋ كۇشتەرى، ەمدەۋ جابدىقتارى، ءدارى - دارمەكپەن قامداۋ، ەپيدەميولوگيالىق تەكسەرۋ سياقتى جاعدايلاردى تاپتەشتەي ۇعىستى ءارى بەينە ەكران جۇيەسى ارقىلى اۋرۋ بەلگىسى جوق جۇعىمدالۋشىلارمەن ىقىلاستى تۇردە اڭگىمەلەسىپ، ولاردى سەنىمدى كۇشەيتىپ، ۇمىتكەرلىك كوڭىل كۇيدى ساقتاپ، ەمدەۋ قىزمەتكەرلەرىنە بەلسەنە سايكەسىپ، ەرتەرەك شيپاحانادان شىعۋعا ۇمتىلۋعا شابىتتاندىردى.
چىن چۋانگو تەكسەرۋ - زەرتتەۋ بارىسىندا بىلاي دەپ باسا دارىپتەدى: سەنىمدى بەكەمدەۋ، قيىندىقتى بىلەك بىرىكتىرە جەڭۋ، عىلمي ساقتانۋ - ەمدەۋ، دالمە - ءدال شارا قولدانۋ باس تالابىن باتىل دايەكتىلەندىرىپ، حالىقتى بارىنەن جوعارى قويۋعا، ءومىردى بارىنەن جوعارى قويۋعا تاباندى بولىپ، اناعۇرلىم پارمەندى، ءونىمدى شارالار ارقىلى ىندەتتەن ساقتانۋ - تىزگىندەۋ سىندى وسى قيان - كەسكى شايقاستى كۇش سالا ويداعىداي جۇرگىزىپ، ءار ۇلت بۇقاراسىنىڭ ءومىرىنىڭ حاۋىپسىزدىگى مەن دەنساۋلىعىن باتىل قورعاۋ كەرەك. تەكسەرۋ ونىمدىلىگىن جوعارىلاتىپ، نۋكلەين قىشقىلىن تەكسەرۋدىڭ ءاربىر بۋىنىنىڭ ءونىمدى ۇشتاسۋىن، قاپسىز ءتۇيىلىسۋىن كۇشەيتىپ، حاۋىپسىز، جوعارى ءونىمدى بولۋدى، ساندى مالىمەتتىڭ دۇرىس بولۋىن ورىنداۋ قاجەت. تارالۋ جولدارىن ءۇزىپ، ەپيدەميولوگيالىق تەكسەرۋدى ۋاقىتتى ۇتا ورىستەتىپ، تىعىز جاناسۋشىلارعا، 2 - تىعىز جاناسۋشىلارعا جاپپاي، دالمە - ءدال سوڭىنا ءتۇسىپ ءبىر - بىرلەي تەكسەرۋ جۇرگىزىپ، تۇتاس قامتۋعا، قاعىس قالدىرماۋعا شىنايى كەپىلدىك ەتۋ ءتيىس. ساقتانۋ - تىزگىندەۋ شارالارىن ەگجەي - تەگجەيلى تياناقتاندىرىپ، ەرتە بايقاۋعا، ەرتە مالىمدەۋگە، ەرتە اۋاشالاۋعا، ەرتە ەمدەۋگە تاباندى بولىپ، اۋماققا، دارەجەگە ءبولىپ دالمە - ءدال ساقتانۋ - تىزگىندەۋ شارالارىن ناقتى، ەگجەي - تەگجەيلى تياناقتاندىرىپ، بىرلەسىپ ساقتانۋ، بىرلەسىپ تىزگىندەۋ جۇيەسىن كەمەلدەندىرىپ، ءتۇيىندى بۋىنداردى قاتاڭ مىقتى يگەرىپ، ادامدار شوعىرلى ورىندار مەن ءتۇيىندى ورىنداردى باسقارۋ - مەڭگەرۋدى كۇشەيتىپ، سىرتقا شىعىپ كەتۋدەن، ىشتە تارالۋدان ساقتانۋ قورعانىس شەبىن باتىل قورعاۋ كەرەك. عىلمي قۇتقارۋ - ەمدەۋدى ورىستەتىپ، ”ءتورتتى شوعىرلاندىرۋ“ پرينسيبىن قاتاڭ تياناقتاندىرىپ، مەملەكەتتىك دەنساۋلىق ساقتاۋ، سالاماتتىق كوميتەتى جاريالاعان ەڭ جاڭا ەمدەۋ جوباسىنا ساي، جۇڭگوشا - باتىسشا شيپاگەرلىكتى ۇشتاستىرۋعا، وتكەلدى الدىعا جىلجىتۋعا، عىلمي ەمدەۋگە تاباندى بولۋ قاجەت. قىزمەت وتەۋدى، قامتاماسىز ەتۋدى ويداعىداي ىستەپ، بۇقارانىڭ ءجىتى قاداعالاپ وتىرعان ماسەلەلەرىنە بەلسەنە جاۋاپ قايتارىپ، دەر كەزىندە كۇدىك - كۇماننان ارىلتىپ، قيىنشىلىقتارىن، تالاپتارىن كۇش سالا شەشۋ ءتيىس؛ عىلمي ساقتانۋ، قورعانۋ بىلىمدەرىن كەڭىنەن جالپىلاستىرىپ، ءار ۇلت حالىق بۇقاراسىنىڭ مادەنيەت ساپاسى مەن ءوزىن قورعاۋ قابىلەتىن جوعارىلاتۋىنا جەتەكشىلىك ەتۋ جانە كومەكتەسۋ كەرەك؛ كوپ ءتۇرلى شارانى قاتار قولدانىپ، تۇرعىنداردى تۇرمىستىق قاجەتتى بۇيىمدارمەن جانە سۋمەن، ەلەكترمەن، گازبەن، جىلۋمەن قامتاماسىز ەتۋدى، قامداۋدى كۇشەيتۋ قاجەت. قىزمەت جاۋاپكەرشىلىگىن قاتايتىپ، قالىڭ پارتيا مۇشەلەرى بۇقارانىڭ جان اشىرى جانە قورمالى بولىپ، ناقتاپ كىرىسىپ، ىجداعاتتىلىقپەن ىستەپ، ءتۇرلى دالمە - ءدال ساقتانۋ - تىزگىندەۋ شاراسىن ناقتى، ەگجەي - تەگجەيلى، تىڭعىلىقتى يگەرىپ، ىندەتتەن ساقتانۋدىڭ، ىندەتكە قارسى اتتانۋدىڭ قۇرىش قورعانىن بەكەمدەۋ كەرەك.
اۆتونوميالى رايوننىڭ باسشىلارىنان لي پىڭشين، لي يفي، ليۋ سۋشى، ياڭ يۇڭ قاتارلىلار بىرگە تەكسەرۋ - زەرتتەۋ جۇرگىزدى.
