شينجياڭ گازەتىنىڭ 10-ايدىڭ 26-كۇنى ۇرىمجىدەن بەرگەن حابارى. شينجياڭ گازەتىنىڭ جالپىلىق اقپارات قۇرالدارى ءتىلشىسى جاۋ شيشيا حابارلايدى. ”مەكتەپتىڭ تاماعى ءدامدى بولىپ قالماستان، ءتۇرى دە مول“،-دەدى 10-ايدىڭ 19-كۇنى، ءپايزاۋات اۋدانى جامباز اۋىلدىق 1-باستاۋىش مەكتەپ 4-جىلدىعىنىڭ وقۋشىسى ءرايلا مامەتيمين جاڭا پىسقان كارتوپ قوسىپ قۋىرىلعان سيىر ەتى قۋىرماشىن جەي وتىرىپ.
جامباز اۋىلدىق 1-باستاۋىش مەكتەبىندە 1700دەن استام وقۋشى بار، توڭىرەگىندەگى 6 قىستاقتى قامتيدى. ”بالالار مەكتەپتە ىستىق تاماق جەي الاتىن بولدى، تاماقتىڭ قورەكتىگى مول بولىپ قالماستان، اقىسىز بەرىلەدى ەكەن، اتا-انالاردىڭ قۋانىشى قوينىنا سيماي، پارتيانىڭ جاقسى ساياساتىنا العىس ايتتى“،-دەدى جامباز اۋىلدىق 1-باستاۋىش مەكتەبى پارتيا ياچەيكاسىنىڭ شۋجيى ابليكىم تۇرسىن تانىستىرىپ، مەكتەپ مەملەكەتتىڭ ءنارلى تاعامداردى جاقسارتۋ جوسپارىنداعى ءار وقۋشىعا كۇنىنە 4 يۋاندىق تاماق بەرۋ ولشەممەن مەكتەپتەگى وقۋشىلاردىڭ تاماعىن جاقسارتىپ، اۋىل-قىستاق وقۋشىلارىنىڭ، اسىرەسە وتباسىندا قيىنشىلىعى بار وقۋشىلاردىڭ قورەكتىك جاعدايىن بارىنشا كەمەلدەندىرىپ، بالالاردىڭ ءتىپتى دە اقاۋسىز، كوڭىلدى ەسەيىپ-ەرجەتۋىنە مۇمكىندىك جاسادى. ابليكىم تىلشىگە تاعى ءبىر قۋانىشىن جەتكىزدى: كەلەر جىلى مەكتەپ 700 شارشى مەترلىك جاڭادان سالىنعان اسحانا قۇرىلىسىن پايدالانۋعا بەرگەننەن كەيىن، بالالار ءتىپتى دە مەيىرگە تولى، جايلى ورتادا تاماقتانادى ەكەن.
قورەكتىگى مول ءارى حاۋىپسىز ءنارلى تاماقتار اۋىل-قىستاق وقۋشىلارىنىڭ باقىت تاعامىنا اينالدى. رايونىمىز 2012-جىلى اۋىل-قىستاق مىندەتتى وقۋ-اعارتۋى ساتىسىنداعى وقۋشىلاردىڭ قورەكتىگىن جاقسارتۋ جوسپارىن اتقارعاننان بەرى، جۋىقتاعى 5 جىلدا مەملەكەت ورتا ەسەپپەن جىلىنا 1 ميلليارد يۋاننان ارتىق قارجى شىعارىپ، ءبىر ميلليون 540 مىڭنان استام وقۋشىعا تيىمدىلىك جاسادى.
ءنارلى تاعامداردى جاقسارتۋ جوسپارى پارتيا مەن ۇكىمەتتىڭ قورەكتىكتى جاقسارتۋعا ارالاسۋ ارقىلى اۋىل-قىستاق وقۋشىلارىنىڭ دەنە ساپاسىن، سالاماتتىعىن جوعارىلاتۋدى كوزدەگەن حالىقتىق ينجەنەرياسى، ءار ۇلت وقۋشىلارىن پارتيا مەن ۇكىمەتتىڭ جىلۋلىعىن سەزىندىردى. رايونىمىز ءنارلى تاعامداردى جاقسارتۋدان ۇلگى كورسەتۋ اۋماعىن ۇزدىكسىز كەڭەيتتى، قازىرگە دەيىن، العاشقى 7 سىناق ءتۇيىن اۋدانىنان 42گە ارتتى.
اتقارۋ بارىسىندا، رايونىمىزداعى ءارقايسى اۋداندار مەكتەپ اسحاناسى ارقىلى تاماقپەن قامداۋ ۇلگىسىن قولدانىپ، ءار دارەجەلى ۇكىمەت، تاراۋ، مەكتەپتەردىڭ جانە تاماقپەن قامدايتىن ورىنداردىڭ مىندەتىن تياناقتاندىرىپ، ۇكىمەتتىڭ قورەكتىكتى جاقسارتۋ جوسپارىن اتقارۋ بارىسىنداعى ءبىر تۇتاس سايكەستىرۋ فۋنكتسياسىن كۇشەيتىپ، ازىق-تۇلىك حاۋىپسىزدىگىن تۋ باستان جانە ارالىق باسقىشتان ويداعىداي باقىلاپ-باسقارىپ، اۋىل-قىستاق وقۋشىلارىنىڭ ءنارلى تاعامداردان تويا تاماقتانۋىنا مۇمكىندىك جاسادى.
جۋىقتاعى ەكى جىلدا، مەملەكەت پەن اۆتونوميالى رايوننىڭ تۇيىندە سىناق ەتۋ ساياساتى نەگىزىندە، التاي ايماعى، قۇمىل قالاسى قاتارلى جەرلەر جەرگىلىكتى سىناق تۇيىندەرىن بەلسەنە كەڭەيتىپ، ءتىپتى دە كوپ بالالاردىڭ قورەكتىكتى جاقسارتۋ جوسپارىنان يگىلىكتەنۋىنە مۇمكىندىك جاسادى. ”بالالار مەكتەپتە كوڭىلدى تاماقتانعاننان كەيىن، بويى وسۋمەن بىرگە، تازالىق ادەتى مەن تۇرمىس ادەتى دە كورنەكتى وزگەردى“،-دەدى قابا اۋداندىق بايحۋا ورتا مەكتەبىنىڭ ورىنباسار باستىعى جاڭ يۇڭچاۋ.
