اۋرۋ بەلگىسى جوق 26 جۇعىمدالۋشى تىڭنان ارتتى، بارلىعى كونەءشار اۋدانىندا
شينجياڭ گازەتىنىڭ جالپىلىق اقپارات قۇرالدارى ءتىلشىسى چاۋ جين 10 - ايدىڭ 26 - كۇنى ۇرىمجىدەن حابارلايدى. اۆتونوميالى رايوندىق ۇكىمەت اقپارات كەڭسەسىنىڭ 10 - ايدىڭ 26 - كۇنى اشقان قاشقار ايماعى كونەءشار اۋدانىنداعى جاڭا تيپتى ايدارشا ۆيرۋس وكپە قابىنۋ ىندەتى جانە ىندەتتەن ساقتانۋ - تىزگىندەۋ قىزمەتى جونىندەگى اقپار جاريالاۋ ماجىلىسىنەن ۇعىسۋىمىزعا قاراعاندا، 10 - ايدىڭ 25 - كۇنى ساعات 16دان 26 - كۇنى ساعات 16عا دەيىن، قاشقار ايماعىندا دياگنوزى تۇراقتاندىرىلعان جاڭادان ارتقان ناۋقاس بايقالماعان، اۋرۋ بەلگىسى جوق 26 جۇعىمدالۋشى جاڭادان ارتقان، تۇگەلدەي كونەءشار اۋدانىندا، بارلىعى 10 - ايدىڭ 25 - كۇنگى اۋرۋ بەلگىسى جوق جۇعىمدالۋشىلارعا تىعىز جاناسقاندار ەكەن.
قاشقار ايماقتىق اۋرۋدىڭ الدىن الۋ - تىزگىندەۋ ورتالىعىنىڭ ورىنباسار مەڭگەرۋشىسى ۋاڭ شيجياڭ بىلاي دەپ تانىستىردى: اۆتونوميالى رايوننان جانە قاتىستى ايماق، وبلىس، قالالاردان كومەككە كەلگەن تەكسەرۋ اترەتىنىڭ زور كۇشپەن قولداۋىندا قاشقار ايماعى ءبىر كۇندە 122 مىڭ تۇتىكشە كوبەيتىپ، 610 مىڭ ادامنىڭ نۋكلەين قشىقىلىن تەكسەرۋ قۋاتىنا يە بولدى. 10 - ايدىڭ 26 - كۇنى ساعات 16عا دەيىن قاشقار ايماعىندا جيىنى 4 ميلليون 471 مىڭ 700 ادامنان ۇلگى الىنىپ، 2 ميلليون 133 مىڭ 600 ادامنىڭ تەكسەرۋ ناتيجەسى شىقتى، كونەءشار اۋدانىنان اۋرۋ بەلگىسى جوق جۇعىمدالۋشىلار تەكسەرىلىپ انىقتالۋدان سىرت، باسقا اۋدان، قالالاردىڭ ناتيجەسى تۇگەلدەي بولىمسىز بولدى.
ۋاڭ شيجياڭ بىلاي دەپ تانىستىردى: نۋكلەين قىشقىلىن تەكسەرۋ ساقتىق دابىلى مەحانيزمىنەن جانە نۋكلەين قىشقىلىن تەكسەرۋى بولىمدى بولعان ادام بايقالعاننان كەيىن دەر كەزىندە نۋكلەين قىشقىلىن تەكسەرۋ سىندى وسى 2 ءتۇرلى قىزمەتتى ورىستەتۋ كونەءشار اۋدانىنىڭ ىندەتتەن ساقتانۋ - تىزگىندەۋ قىزمەتى جونىنەن وتە ماڭىزدى رول اتقاردى. وسى رەت كونەءشار اۋدانىنداعى اۋرۋ بەلگىسى جوق تۇڭعىش جۇعىمدالۋشى داعدىلى نۋكلەين قىشقىلىن تەكسەرۋ كەزىندە ىرىقتى تۇردەگى اداقتاۋدان بايقالعان. اۋرۋ بەلگىسى جوق تۇڭعىش جۇعىمدالۋشى بايقالعاننان كەيىن، دەر كەزىندە نۋكلەين قىشقىلىن تەكسەرۋ ارقىلى اۋرۋ بەلگىسى جوق جۇعىمدالۋشىلاردى تەز ارادا اداقتاپ شىقتىق، ىندەتتەن ساقتانۋ - تىزگىندەۋ جاعىنان قاراعاندا، بۇل ىندەتتەن ساقتانۋ - تىزگىندەۋگە توتەنشە پايدالى بولدى. ويتكەنى اۋرۋ بەلگىسى جوق جۇعىمدالۋشىلار دەر كەزىندە بايقالعاندىقتان، ولارمەن قاتىسى بار تىعىز جاناسقان ادامدار دا دەر كەزىندە مەديتسينالىق باقىلاۋعا الىنىپ، وسى وڭىردەگى تارالۋ تىزبەگىن دالمە - ءدال مەڭگەرۋگە، ساقتانۋ - تىزگىندەۋ شارالارىن جۇرگىزۋگە، تارالۋ جولىن دەرەۋ ءۇزىپ تاستاۋعا مۇمكىندىك بولدى. نۋكلەين قىشقىلىن تەكسەرۋ جەدەل، دەر كەزىندە جۇرگىزىلگەندىكتەن، ەرتە بايقالدى، ناۋقاستاردىڭ بارلىعى جۇعىمدالۋدىڭ العاشقى مەزگىلىندە بولىپ، بارلىعى اۋرۋ بەلگىسى جوق جۇعىمدالۋشى كۇيىندە تۇردى. جاپپاي تەكسەرۋ جۇرگىزۋ، تالداۋ جاساۋ ارقىلى كەزەكتە 164 اۋرۋ بەلگىسى جوق جۇعىمدالۋشىنىڭ كونەءشار اۋدانى زەمىن اۋىلى 3 - قىستاعىنداعى زاۆودپەن قاتىسى زور ەكەنى، ەپيدەميولوگيالىق بەلگىسى ەرەكشە بىردەي ەكەنى انىقتالدى. بارلىق ناۋقاس ىرىقتى تۇردەگى اداقتاۋدا بايقالدى. بارلىق اۋرۋ بەلگىسى جوق جۇعىمدالۋشىلاردا كۇماندى ناۋقاستارمەن، دياگنوزى تۇراقتانعان ناۋقاستارمەن، دەنە تەمپەراتۋراسى ورلەگەن ناۋقاستارمەن جاناسقان تاريحى جانە مۇزداتىلعان زاتتارمەن، جابايى حايۋاناتتارمەن جاناسۋ تاريحى بولماعان.
قاشقار ايماقتىق اكىمشىلىك مەكەمەسىنىڭ ورىنباسار باس حاتشىسى اسەت ۇرايىم قاشقار ايماعىنىڭ زاتتىق ماتەريالدارمەن قامتاماسىز ەتۋ جاعدايىن تانىستىردى. قاشقار ايماعى شۇعىل جاعدايعا توتەپ بەرۋ، قامتاماسىز ەتۋ مەحانيزمىن دەر كەزىندە ىسكە قوسىپ، ارناۋلى ادام شىعارىپ، ەت، كوكونىس، استىق - ماي قوسىمشا ازىق - تۇلىكتەردى قامداۋ جانە زات اينالىمى، جەتكىزىپ بەرۋ سياقتى ءتۇرلى قىزمەتتەرگە جاۋاپتى ەتىپ، قامداۋ ءتۇيىنى سياقتى ادام توپتاسقان ورىنداردا ىندەتتەن ساقتانۋ - تىزگىندەۋدى جانە قامداۋمەن قامتاماسىز ەتۋ جاعدايىن باقىلاۋدى، تەكسەرۋدى كۇشەيتىپ، ءبولىنىپ زات ساتىپ الۋ، دەنە تەمپەراتۋراسىن ولشەۋ، اۋا الماستىرىپ زارارسىزداندىرۋ سياقتى ىندەتتەن ساقتانۋ - تىزگىندەۋ قىزمەتتەرىن ويداعىداي ىستەدى. قيىنشىلعى بار بۇقارانىڭ تۇرمىسىن قامتاماسىز ەتۋ قىزمەتتەرىن كورنەكتى تۇردە ويداعىداي ىستەپ، ەڭ تومەنگى تۇرمىسى قامتاماسىزداندىرىلاتىندارعا، قيىنشىلىعى بار وتباسىلارىنا دەر كەزىندە تۇرمىستىق كەرەك - جاراقتاردى تەگىن تاراتىپ بەرىپ، ناقتى قيىنشىلىقتارى مەن ماسەلەلەرىن شىنايى، ويداعىداي شەشتى. ساقتانۋ - قورعانۋ، زارارسىزداندىرۋ بۇيىمدارى، ەمدەۋ ءدارى - دارمەكتەرى، اسپاپتارى سياقتى ىندەتتەن ساقتانۋ - تىزگىندەۋ زاتتىق ماتەريالدارىن ءوندىرۋ، تاسۋ، ساقتاۋ، قامداۋ قىزمەتىن بار كۇشپەن ويداعىداي ىستەپ، ەمدەۋ اسپاپتارى مەن شۇعىل جاعدايلارعا توتەپ بەرۋ زاتتىق ماتەريالدارىمەن قامتاماسىز ەتۋدىڭ جەتكىلىكتى بولۋىنا شىنايى كەپىلدىك ەتتى.
